"Ano'ng nangyayari?"
Tanong na gumugulo sa isip
Sa mga sinasabi ng iyong bibig
Na nambubulabog sa aking pag-idlip
"May nagawa ba akong mali?"
Mga pagdududa sa'king sarili
Pati ang puso'y nagbabakasakali
Na ang relasyon ay maibalik sa dati
"Mahal mo pa rin ba ako?"
Tanong ng aking isip at puso
Na halos walang tigil sa pagdurugo
Hinahanap-hanap ang presensya mo
"Ayusin naman natin 'to"
Litanyang gustong ibato sa'yo
Dahil sa inaakalang masasalba pa
Ang pag-ibig na ating ipinangako
"Hindi ba sabi mo kapit lang?"
Mga salitang pinanghahawakan
Sa gitna ng mga sigawan at mga tampuhan
Ngunit ngayo'y hindi maramdaman
"Patawarin mo na ako"
Sinasabi kapag nanganganib na
Ang pag-ibig na pinakaiingatan
Hindi na iniisip ang nangyari sa nakaraan
"Bumalik ka na sa'kin"
Puso'y nagmamakaawa
Na sana sa muling pagmulat ng mga mata
Ikaw ang unang makikita
Ngunit dahil sa hindi malamang dahilan
Bumitaw ka ng hindi inaasahan
Iniwan mo sa malakas na ulan
Namamaos ang aking lalamunan
Siguro nga pinagtagpo ngunit hindi itinadhana
Pinagsalubong ngunit hindi magtutugma
Hindi masasabi kung mali o tama
Ang ika'y mahalin habang ika'y malayo na
Tanging oras na lang ang makapagsasabi
Kung kailan maghihilom ang pusong sawi
At sana sa araw na tayo'y magkita muli
Bakas ng kahapo'y mapalitan ng ngiti
BINABASA MO ANG
Bigyan Mo ng Title ang Tula
De TodoMga tulang hinugot ng isang simpleng tao sa kanyang malikot na kaisipan kung saan pinagsama-sama ang tamis ng realidad, pait ng pantasya, at sampal ng kanyang mundong ginagalawan. Samahan pa ng kanyang mga kaunting karanasan, mga hugot, mga kabaliwa...
