ندي طلة ع الجامعة ومجتمع الجامعة والروتين بتاع جيمي في الجامعة
طبعا عرفتكم ع اصحاب وصحبات جيمي في اللقاء الفات كلهم ماشاء الله ناس حلوين وهاي هاي واعمارهم قريبة لبعض وشلة راقية وانيقة وبتحب الطلعات والترفيهات وخصيصا لما يخلصوا امتحان حتى لو كان تست عادي يعملوا موضوع من عدم
كانو متواطدين شديد في علاقاتهم ببعض حتى وصلوا بيوت بعض واتعرفوا ع اهل بعض (ودي احلى حاجة في الصحبة عشان الواحد يكون مطمن لصحبة اولادوا لازم يمشي بيوت اصحابهم ويعرف اهاليهم والمجتمع العايشين كيف) وكانو قاعدين في الكافتريا كالاتي اماني ومحمد رشا وايهم سهى وامجد وجيمي ومهند (قلبي معاك ي مهند )دا طبعا بعد م انطردوا من المحاضرة واوريكم عملوا شنو
كانت المحاضرة منتهى الملل وهم طبعا منتهى عدم الجدية
وقاعدين في الااااااخر وونسة وضحك وواتساب
والدكتور ولا هاميه بيهم لانه خلاص عرف عمايلهم دي وحفظهم (شغب ياا )ولحاجة تانية انو في ناس عايزة تستفيد وتفهم م ممكن الدكتور يطلع يخلي المحاضرة
وانتي ي رشا بتاكلي في لبنان الدكتور قال ليها ي طالبة لو سمحتي طلعي اللبان دا
رشا :انا ي دكتور
الدكتور :لا انا
رشا بس انا م باكل في لبان
الدكتور :وفيها دور كزب كمان
شوية كدة وبدت شلتهم تضحك بصورة هستيرية لامن الدكتور زعل وقام انفعل زيادة عن اللزوم
وطردهم
واحلى حاجة لامن الدكتور يطرد كل شلتك معاك
ي الله احساس حلوو بجد
سهى :ي جماعة انا زهجانة ارحكم نطلع بعد الدوام
رشا اي طوالي نطلع ليه لا
اماني: لا سوري انا تعبانة وراجعة البيت انوم
سهى: انتي كالعادة لازم تبوظي لينا اي شيء
اماني: لو عايزة تمشي امشي انا م مانعة زول
ايهم الله اني اشتم رائحة طلعة
مهند ي جماعة استهدوا بالله قمتوا خلاص
امجد والله فعلا يااخ محتاجين لطلعة
اماني باستهزآ لامجد:
انت لو سهى دي قالت الشمس طلعت من الغرب مستعد تمضي وتبصم ع كلامها
طيب خليهم يتانقروا اصلهم الاصحاب كدة لاكن وقت الشدة اصحاب بمعنى الكلمة
طلة لعالمنا الاخر
امير قااعد ومسهى ويتزكر في ملامح جيمي وحركاتها قدام المرايا ولبسها المفصل كل جسمها وضحكاتها ومرحها وم قادر لحظة يوقف تفكير وم قادر يمسك روحوا وخايف يدخل عن طريق المرايا لعالمها يتحساب من المحكمة بانو يتحرم من عالم الادميييين
واثناء م هو بيفكر
جات داخلة واحدة من جيرانهم في الجبل القريب ليهم
بسم الله الرحمن الرحيم اسمها خناس من النوع البترتاح في المزابل وسخانة ومنكوشة وجنية بمعنى الكلمة (بسم الله قولوا م تقوم تجيكم )بتموت في حاجة اسمها امير
امير انت وين انا من الصباح بفتش عليك وسالت منك اميرة
امير :خير في شنو
خناس :انا ماشة بابل (بابل مدينة عراقية تقع بين نهرين مشهورة بالسحر ومشهورة بقصة الملكين هاروت وماروت )وعايزاك تمشي معاي
امير :نعم لا شكرا م بقدر
ثم ثانيا م بمشي بلد الدجل والشعوذة دي
خناس تقرب منو وبدلع ليه خير المانعك شنو انا عايزاك توصلني بس باجنحتك يعني بس عشان اصل سريع يلا نمشي وتجر يدوا
امير بزعل وهو بيبعدها عنوو لو سمحتى انا ماشي ازور عمي عيان في مملكة السحاب وم بقدر امشي معاك يلا من هنا
خناس بغضبدا طرود يعني انت الايامات دي مالك بالك مشغوول ودايما ساارح وطاير في الاعالي ومهموم شكلك عشقان ولا الحاصل شنو ☹
امير وانت دخلك بي شنو خليك في حالك احسن
خناس: امير انا بحبك وانت عارف كدة
اميرنعم نعم انا وانتي لا لا انتي اكيد بتحلمي ي ابليسة اتنيلي من حياتي وجع قلب ع الفاضي شوفي خلقتك عاملة كيف
خناس:انا امير انت قدر الكلام دا انا ممكن اقتلك واقتلها انت عارف كدة كويس
امير اعلى ماف خيلك اركبيه وح تعملي شنو يعني
خناس طيب ي امير ي انا ي هي وبسرعة خارقة تختفي من البصر
وهي في جواها ممصممة تعرف الشاغلة بال امير منو ونار الحقد حرقت شعرها
طيب
نرجع لناس خالتو تهاني
كان اليوم في البيت بيمر بروتين عاادي تقوم خالتو تهاني الصباح تعمل الشاي لجيمي ووائل جيمي ع الجامعة ووائل ع المدرسة خالتو تهاني تنضف(احي انا من النضافة دي ) وتجهز الفطور وتشيل فطورها تمشي ع واحدة من جاراتها (لانو بصراحة القعدة الوحدانية دي صعب يووخ ) تفطر وتشرب الجبنة وتجي راجعة تجهز الغدا يجي وائل من المدرسة وجيمي من الجامعة يتغدوا مع امهم ويتووونسوا قدرتهم ويحكوا كيف كان يومهم ويتصلوا ع ابوهم يطمنوا عليه ويسمعوا صوته وتقوم جيمي تساعد امها شوية وجري ي مرايتي
اما وائل ع غرفتو الجميلة ديك شوية لعب ع شوية مذاكرة ممشي حالو اما خالتو دي الله يكون في عونها تممشي تشوف ليها موضوع تعملوا
دا بالنسبة للروتين العادي في البيت قبل الاحداث الغريبة
يتبع...
