وفجاءة تصحى جيمي بصوت بينادي عليها جيمي ي جيمي
تقوم جيمي مخلوعة و تجري ع ناحية النور
وتفتح النور وطبعا النور جمب المرايا وتقع عينها في المرايا وتشوف منظر اقشعر جسدها منه بتشوف خناس بمنظرها القبيح وشعرها المنكوش داك
وتصرخ جيمي بسم الله بسم الله الرحمن الرحيم من الشيطان الرجيم وتندفع جري وهي بتصرخ لغرفة امها وتفتح الباب وجري ع امها امي وتصرخ امي امي وتنط ليها في السرير
وتضرب ع امها وتصرخ امي امييي ماما قومي قومي وهي بتصحي فيها لاكن لا حياة لمن تنادي كانها جثة خالتو تهاني بقت
وجيمي لسه في هول المنظر وتشيل وتصرخ وتقلب في امها بيجاي وبيجاي وهي بتصرخ مافي اي استجابة
وجري ع غرفة وائل
وائل قوم ي وائل عليك الله قوم وائل قوووم وانا ح اموت من الخوف حرام عليكم قوموا وبرضو لا حياة لمن تنادي
وقع من السرير بسبب دفعها ليه وبحركات غريبة يرتفع وائل كجثة للسقف ويرجع تاني للارض وتاني يرتفع ويرجع تاني وجيمي تصرخ وتصرخ
والنور يطفي ونور يطفي وينور وهي بتصرخ وعت بكف من امها وهي بتصرخ معاها جميلة جميلة بسم الله بسم الله في شنو حبيتبي مالك بسم الله قزلي بسم اللهوتبكي امها وتحضن جميلة
جميلة في شنو حبيبتي مالك
وجميلة تشيل وتخت في نفسها والدموع عشرة عشرة ع خدودها
ماما البت وتعاين للمرايا بسم الله وينها لا لا امي ح تقتلني البت دي ح تموتني لا ووائل وتجر وائل عليها وائل انت كويس وائل رد ووائل
انتو ليه م بتردوا علي انا كنت بصحي فيكم وائل ساكت م قادر يستوعب البيحصل لاختو شنو
امها هدتها وساقتها معاها غرفتها وشغلت ليها قران كريم عشان تقدر تنوم
جيمي ارتاحت شوية جمب امها ونامت
لمهند
وفي نفس الليلة مهند لسه محتار كيف حصل الحصل دا يوم عيد ميلاد جيمي
وم قادر يوقف تفكير ولا ينوم
ويقطع تفكيروا صوت صرراخ طفل من برة طلع مهند ع البلكونة بس الضلام م شايف شيء
نزل الطابق التحت وحاول يسمع الصوت من وين بس برضو ماشايف حاجة
نزل تحت ع الحديقة
واول م دخل الحديقة وبيشوف طفل غريب الشكل واقف في الضلام وعيونوا منورة
بيتهجم مهند من هول المنظر وبيردد بلسانو بسم الله بسم الله بسم الله ويرجع مهند خطوة للخلف ويتقدم عليه الطفل خطوة ويرجع مهند يتقدم الطفل مهند صرخ لامن عتر لمهند حجر ووقع وشوية شوية بقى غير الضلام مهند م شايف شيء
وبدا الضلام يزيد في عيونوا ويزيد ويزيد لغايت م اغمى عليه
لقوهوا الصباح مرمي ف الحديقة بتاعت البيت
كل الناس بتسال بس هو م مستجيب ليهم ولا هو حتى م فاهم الحصل شنو
وطبعا ولا هو ولا جيمي م مشوا الجامعة واصحابهم ديل كانوا وميت ليهم زول م قادرين يقعدوا وهم ناقصين
فقرروا لبكرة اذا برضو م جوو يمشوا يزوروهم ويطمنوا عليهم
لجيمي
وهي في المطبخ مع امها قاعدة ع الصفرة وبتتزكر في الكوابيس الكانت بتراودها
وامها قصاد المايكرويف بتسخن لجيمي في الفطار ويقطع تفكيرها صورة خناس وفي يدها سكين وماشة ع ناحية امها وتبدا جيمي تاني في نوبات الصراخ وبحركة اندفاعية شالت جيمي مزهرسة وضربتها في الهوا جات واقعة المزهرية انكسرت وحصلت ليها بعديها نوبة هستيرية من الصراخ والخبطي ع الارض حمانا الله
طبعا ام جيمي هنا م عرفت تعمل شنو وم وعت لنفسها الا وهي جارية ع بيت حلووم وبتبكي
وتخبط الباب بعنف وتجي حلووم تفتح الباب :تهاني خير في شنو بسم الله مالك بترجفي وبابكي كدة
وخالتو تهاني تقطع في الكلام
حلوم:تهاني اتكلمي سريع انا خلاص قلبي وقع وشوية تبكي وشوية تتكلم كلام م مفهوم جرت حلووم مع تهاني البيت ولقوا جيمي مرمية ع الارض
رفعوها وع اقرب شيخ رقية شرعية
#نجي لامير
امير مشغول مع مهند
وداير اي فرصة يتخلص منه بس كيف م قادر
اي جاتو فرصة بس م قدر يستغلها حسن الاستغلال �
وخناس اخخخر انبساط طبعا عارفين السبب
الشيخ اول م شاف جيمي عرف انها ممسوسة والعياذ بالهه وحمانا الله
وبدا يقرا في ايات المس الشيطاني بس الشيء الاتفاجا بيه الشيخ انو في نوعين من المس في جسم جميلة
نوع عاشقها والنوع التاني عايز ياذاها
وبقى الشيخ بيتلو في الايات البتطرد النوع الممكن ياذاها لانو دا م مضمون وممكن يعمل اي حاجة في سبيل انو ينتقم منها وبدت جيمي ترفس لانو خناس كانت اضانها قريبة شديد وتصرخ بصوت غريب طبعا م صوتها
والشيخ شابكها اطلعي اطلعي عليكي اللعنة اطلعي وام جيمي طبعا م قدرت تتحمل البيحصل في بتها طلعت برة ومن برة تعاين لبتها الماسكاها حلووم وقلبها بيتقطع
وخناس شابكة الشيخ مستحيل اطلع مستحيل وقف قراية وقف وقف والشيخ كل مرة يزيد الجرعة وجيمي تصرخ زيادة لغايت م خلاص وقفت لا صوت لا حركة
هنا جات ام جيمي ع امل انو بتها خلاص اتعالجت
الشيخ قال ليها للاسف بتك دي صعب تتعالج من رقية رقيتين ح تحتاج لكم جلسة بس عشان اقدر اطلع نوع واحد منها
امها حست بانو الدنيا ضلمت في وشها
معقولة جيمي بتي مس ونوعين كمان ي ساتر تصبرني ي رب وقعت في الارض جمب راس بتها وانفجرت بكاء شوية كدة والشيخ وحلووم هدوها
وفهموها انو الموضوع م خطير شديد
(طبعا بس بيمشوا فيها لاكن الموضوع اخطر من ااخطورة )
ورجعوا البيت
وطبعا حلوم معاهم وهي م بين اتنين م بين انها خايفة من جيمي وم بين خايفة عليها لانها قي مقام بتها وبتحبها زي بتها ❣
جيمي شوية كدة وعت وم متزكرة ابدا انهم كانوا عند شيخ بس متزكرة لامن خناس حاولت تقتل امها
جاء وائل من المدرسة وهو خايف وقلبوا مقبوض ووشوا شاحب وم فاهم اي شيء
من جا داخل وقع في حضن امو
ماما وقعد يبكي وداير يحكي مم قادر يحكي امو وائل في شنو في شنو عرفت انو برضو حاصلة عليه حاجة قريب للحاصلة لبتها
خالتو تهاني : حلوووم الحقيني انا خلاص ح اجن معاهم دا شنو الوقع علينا دا بسم الله
ي رب صبرني لو كان امتحان من امتحاناتك
وبعد وائل هدا شوية وبدا يحكي لامو واختو وحلوم
حصلت لي حاجة غريبة كنت بلعب مع اصحابي وحسيت اني متضايق مشيت الحمام
بعد قضيت حاجتي جيت اغسل ايدي وغسلت وشيء ورفعت راسي في مراية الحمام وم شفت حاجةم شفت وشيء
حسيت بقلبي وقع وقلت لازم في غلط وقربت منها(المرايا ) برضو م شفت قربت شديد وانا مصدوم في البيحصل ظهرت لي بت شينة كدة وقبيحة كانها جنية وبيحكي وكل جسموا بيرجف
نطت جميلة ايوا ايوا دي البت الانا بشوفها اكيد م بتتيهيا ي وائل دي حقيقة انا كمان شفتها كم مرة وسكتوا الجميع وهم في حالة رعب
لقايت الليل هم قاعدين جمب بعض وحاضنين امهم وابدا م جاهم نوم
للصباح
يتبع...
