متزكرين اخر موقف
جروا الاصحاب ع البحر وهم مبسوطين ودخلوا وبدوا يلعبوا ويتراششو بالموية واحلى ولا كانوا اصحاب فيك ي دنيا
وشوية كدة كل جوز جوز بيلعبوا مع بعض ويدخلوا ويطلعوا من الموية والجو رومانسي خااالص
كالعادة محمد واماني سهى وامجد رشا وايهم وجميلة ومهند
مهند شاف سمكة جميلة كدة وملونة جذبت انتباهو وبقى متابعها عشان يقبضها او يصورها
والكل مشغول
وفجاءة
جيمي بتحس بحاجة غريبة في رجلها وبعد شوية بدت بتجرها من رجلها لجوة البحر وحاولت تقاوم وتوهم نفسها بانها بتتهيا ودي ردة فعل الموجات وشوية كدة وقعت في الموية حست بانو الموضوع جد وفي حاجة فعلا بتجرها لجوة وبدت تصرخ جيمي ي مهند مهند مهند ولاكن مهند م من مجيب وكانوا منوم تنويم مغنطيسيس من السمكة وباقي الشلة بعيدة شوية وبدت تحس بالموية بتخنقها وبدت تصررخ اعلى واعلى ي جماعة الحقوني محمد سهى اماااني امجد ي جماعة الحقوني انا بغرق هنا الناس انتبهت ليها ومهند كانوا عايش في عالم تاني م ساامع ولا صرخة من صرخاتها دي المصيبة مع انو قريبيبب خااالص ليها وجو اصحابها جارين ومحمد اندفع طوالي لجوة البحر وهو الوحيد البيجيد السباحة بصورة جيدة جرى طلع جيمي وجيمي لسه مخلوعة اخدت ليها موية شربت واخدت نفسها
والكل واقف مخلوع ومبهي جيمي في شنو وقعتي كيف ؟؟بسم الله
جيمي بعد اخدت انفاسها ي جماعة في حاجة غلط انا والله حسيت بانو في حاجة بتجرني لجوة الموية ومن رجلي كمان يقاطعها ايهم كيف كيف كيفجيمي :ي جماعة اقسم بالله العظيم تلاتة انا ابتدبت اخاف انا م بتوهم في حاجة كانت بتجرني من تحت وانا متاكدة من الحكاية دي وفجاءة اتزكرت جيمي الحلم الكان بيجيها ع دوام وعرفت تفسيروا وعرفت انو فعلا في حاجة ح تحاول تضايقها وتضايقها اكتر وهنا خافت واكتر وبدت تصرخ لا لا لا مستحيل
ي جماعة انا بيجيني حلم غريب كدة وطوالي م مرة ولا مرتين
رشا: احكي حلم
حكت جيمي الحلم البيراودها
وكل اصحابها م عارفين يقولوا شنو وبوجوه غريبة بيعاينوا لبعض
جيمي انتو اكيد م مصدقني صاح ؟؟
وتضمها رشا عليها وتقول ليها استهدي بالله احنا كلنا مصدقنك وعارفين انو البحر دا مسكوون فقولي بسم الله
وفجاءة انتبهوا انو مهند ماف ولسه في البحر
وعايش في عالم تاني خااالص
وهنا مشوا الاولاد لمهند ولقوهوا في عالم تاني
مهند : في شنو
وبتعمل في شنو هنا
الحصل دا كلو م شايفوا ولا سامعوا
مهند :حصل شنو
ايهم :مهند انت بتسال بكامل قواك العقلية
مهند عرف الحاصل
وكان مستغرب جدا وفي راسوا الف سؤال محتاج جواب
والسبب شنو م عارفين نحاول نعرف لقدام
رجعوا الاصحاب في صمت وهم راكبين في عرباتهم وكل واحد بيعاين للجيمي ومهند وم عارفين الحاصل ليهم شنو وكانوا عين واصابتهم وكل واحد فيهم في عالم تاني جيمي بتفكر في الحصل ليها وممكن شنو يكون السبب ومهند بيفكر كيف م شاف جيمي ولا سمع صرخاتها كيف كيف يعني
رجعوا في صمت وودعوا بعضهم واي زول مشى لبيتوا
#ندي طلة لعالم امير
امير سافر لعمو العيان في مملكة السحاب
وقاعد يراعيه
وهنا خنااس مبسوووطة وبتغني بترانيم شيطانية تفتكروا السبب شنو (اي شغلوا مخكم شوية )
خالتو تهاني
وصلت جيمي البيت وهي ولا واعية للبيحصل ليها ولا سلمت ع امها كعادتها ولا سالت من اخوها
امها لاحظت التغير وخافت يكون من كلام حلووم الحكتو ليها (تتزكروا ) وقلبها اكلها
جات ورا بتها جميلة حبيبتي خير مالك في شنو متغيرة كدة انا بديت اخاف عليك تعالي حبيتي مالك
جمي :ماما ماف حاجة بس تعبانة شوية
امها طيب بخصوص الحلم الانتي دايما بتحلميه ليه م حكيتي لي
جيمي هنا عرفت انو امها عرفت بكلام الحلم من حلووم ام تيسير وقررت تحكي لامها امكن تساعدها
وحكت ليها كل الحصل .....الخ
وهنا خالتو تهاني حاسة كانها بتحلم بسم الله بسم الله جميلة انا لازم اعرضك لشيخ لايكون ..لا لا لا بعد الشر عليك حبيبتي وحضنت بتها عليها وفي بالها الف سؤال محتاج لجواب
وبدت تسال من شيوخ بيعالجوا فقط بالقران م بالدجل والشعوذة
#نرجع لامير
حاسس انو مشتاق لجيمي
والاشتياق قطع قلبوا خلاص
وقاعد ع اعصابو متين تجي تقيف قدامي (ايلي هو قدام المرايا )
وفجاءة قطع تفكيروا صورة جيمي قدام عيونوا وحسا كانوا قلبوا وقف وكالعادة عامل كدة بس لاحظ حاجة غريبة في جيمي ايلي هيا ال
اول مرة يشوفوا ع ايد جيمي
كيف كيف من وين جا الخاتم دا (امير مع نفسوا ) لا يكون هدا ليها ادمي
وهنا ولاول مرة قرر يدخل في عالم جيمي ويكسر كل العقبات والحدود البينهم ويعرف كل البيحصل ليها
انتظرها لامن نامت وجا طالع بالمرايا
وجيمي ناايمة وجري عليها وكل الفي بالو انو يعملوا عملوا
يعني فكرة تزاوج بين الجن والانس (وهنا ي جماعة نوقف شوية في بعض العلماء قالوا حرام وبعضهم قالوا مكروه وبعضهم قال جائز ومنهم الشافعي كيف يعني انا شخصيا م مقتنعة بالحكاية دي
لاسباب كتيرة يعني
اي ممكن ااجن يتصور ع شكل انسان ويمارس الجنس مع الادمي سوا كان ذكر ولا انثى بس كيف يعني يتزوجوا وح يعيشوا مع بعض كيف واي واحد ح يتحول لعالم التاني الجن ولا الانسان وح ينجبوا كيف والجنيني الحينجبوا ح يكون شكلوا كيف وتركيبتوا الوراثية كيف وزي م احنا عارفين انوا التركيبات الوراثية للجن والانسان بتختلغ كتتتييير عن بعض والجن عندو قوة خارقة
وربنا خلق لاي واحد فيهم عالم براهو تمام
فعشان كدة انا م مقتنعة بالحكاية دي
عايزة ارائكم في ااحتة دي) و نرجع
جرى امير في دمها لمركز المعلومات والذكريات وعرف كل الحصل في الراحلة وعرف مهند والعملوا والشعور البيحسوا تجاه جيمي
وحبوا لجيمي (م قلت ليك ي مهند قلبي معاك )
هنا امير غضب وحسا ببركان بيسير في دمو وولع نااار في اجنحتوا لامن غرفة جيمي سخنت
وهنا جيمي صحت بالحر مع انو التكيف شغال بس الحر شديد وهي ي حليلها م عارفة حاجة ةفتحت عيونها
ومع انو امير واقف بس م شافت شيء
وحست بفتر رهييب في جسمها
وشوية كدة وتاني رجعت لنومها
يتبع...
