وبعد اربع سنوات
اتخرجوا كل ابطالنا
واتحدد عرسهم بعد شهر لحظة منو هم
منو ديل (امجد وسهى
وجميلة ومهند واماني ومحمد
وامجد وسهى)(اقعد الا انا )
وبدت التجهيزات وكل الاهل كانوا مشغولين بالترتيبات
وكل ابطالنا مشغولين بمرحلة الحب التلفوني وكسير التلج
خلاص اجا العرس وانطبعت الكرووت
واتحجزت الصالة كانت العرس مرتب بشكل رهيييب
وارح الكرفير نشوف الحاصل هناك شنو
كل البنات جميلة وسهى واماني لابسين فساتين واحدة ايلي هي من فوق استرابلس وفيه طرحة ع شكل هاف جاكيت وفيونكة كبيرة بالجمبة في النص
وعاملين تسريحة واحدة وميكب خفيف موضح ملامحهم الجميلة
وهناك كل من مهند وامجد ومحمد لابسين جزم واحدة وبدل مع بعض ووكرافات بلون واحد طالعين مزز ماشاء الله عليكم
وكل عريس سايق عربية ومعاهو مرتو
ندي طلة للصالة
وهناك الاهل في الصالة
امهات وابهات العرسان واقفين بيستقبلوا الضيوف ويفضلوهم جوة
وكان العشاء شبه خراااافي بوفيه مفتووح
وكل م تشتهي الانفس
وكل الخدمات متوفرة
وكانت الصالة عالم روعة
وبتحتوي ع مسابح اسماك زجاجية
وخلفيات جميلة وكاميرات في كل مكان
ووصلوا العرسااان
(طبعا ابو جيمي جا عمو محمد الله يديه العافية )
وكانت الزفة باغنية اجدع صحااب صحابي من صغري طبعا استحالة يكون زول م عارفها
بغتالوا
ودخلوا ع الصالة وكل عريس ماسك عروسوا ماشاء الله تبارك الله مشكلين ثنائيات روووعة �
وشوية كدة شغلو ليهم الاسلو
وكل واحد مع مرتو ثنائي خطير ماشاء الله
طيب وانا خليكم مني
انتهت اغنية الاسلو
واشتغلت اغنية خالد الشاب سلافي لا لا لا لا لا
وبقوا يرقصوا العرسان ويتبادلوا العروسات كاصحاب واحلى اصحااب فيك ي عالم
وشوية كدة مشوا قطعوا التورتة كانت تورتة كبيرة وخرافية وقطعوهوا بالسيوف
وكل واحد بيطبع كريمة ع خد التاني
وشوية اشتغلت كاميراتهم بتاعت السلفي واتضاربت السيلفي ستيك
ياخ ربنا يديم الانبساط
واتقدم العشا والبارد للضيوف
واخيرا هبطوا العرسان ع كوشهم بعد رحلة طويلة من الرقص والتعب
وطبعا كانت في اربع كووش واحدة لجيمي ومهند وواحدة لامجد وسهى وواحدة لاماني ومحمد وواحدة خاتين فيها صورة ايهم ورشا (الله يرحمهم ي رب )
وطبعا انتهت الحفلة
وعملوا الجرتق
وبرضو نفس الشيء العروسات لابسين تياب مع بعض وشباشب مع بعض
والرجال لابشين جلاليب الجرتق الرهيبة ديك ح تاكل منهم حتة
وانتهت الحفلة وكان في حفلة اوفر تايم بس العرسان م قعدوا
وطبعا كان عندهم تلاتة ايام في فندق واحد وبعديها حاجزين تزاكر لشرم الشيخ مع بعض
ومشوا الفندق واتعشوا
بتاعين شمارات كيف
ووخلوهم في حالهم
...... الـنـهـايـة ......
