زي م عرفنا انو العربات بدت حريق وحريق بدائي كدة
كانت العربية بتاعت ناس ايهم ومنهد وجيمي ورشا بتحت
والعربية الفوق عربية امجد وسهى واماني ومحمد كانت كان حادث مرعب وفجائي كدة سبحان الله دايما الاقدار بتحص كدة
حاولوا يفتحوا الباب بس مافي اي طريقة
كسر محمد الشباك بايدوا وبعد مجازفات قدر يكسر الباب والشبابيك بتاعت العربية ويطلع اماني وسهى وامجد
وكل دقيقة النار بتولع ذيادة من ورا في العربية السايقها ايهم
وقدروا هم الاربعة (محمد واماني وسهى وامجد )يرفعوا عربيتهم من العربية التحت بعدوها عنهم وكسروا الشباك وقدروا يطلعوا مهند وجيمي بالجلالة من ورا لانو النار شبه وصلتهم
وهنا ذاد الحريق
كسروا القزاز القدام وحاولوا يطلعوا رشا بس النار ذادت ومحمد وامجد بيجروا في رشا
ورشا بتجر في ايهم عشان العربية ح تنفجر ورشا بتجر في ايهم لسه لانو كان معوق شديد في راسو والدم منساب في هدوموا ورجلو مسكت في باب العربية والباب كابس لانو النار لامن تولع بتكبس الابوا وبيبقى صعب تفتح
وبيحاولوا يطلعوا في رشا عشان بعديها يطلعوا ايهم ورشا بتجر في ايهم
ايهم :رشا اطلعي ح تنفجر العربية
رشا ايهم اانا مستحيل اطلع بدونك فاهم ي نطلع سوا ي نموت سوا وكل الناس في لحظات توتر
ايهم وهو بيصرخ في رشا قلت ليك اطلعي دا م وقتوا العربية ح تنفجر
رشا :لا مستحيل
ايهم :رشا عشاني انا بحبك
رشا :اه كان وين الكلمة دي من زمان ي مغرور
ايهم :رشا عشاني انتي لازم تعيشي وتنزل الدموع من وشوا
محمد يلا ي رشا بسرعة وامجد بيجر فيها وهي ماسكة في ايهم
رشا :عارف ي ايهم كان نفسي تقول لي الكلمة دي من زمان
بس م مشكلة ع الاقل سمعتها قبل امون
ايهم :رشا ابوس ايدك ابوسها اطلعي
رشا :والله مرات كنت بتخيلك عايز تقولها لي لاكن في شيء بمنعك وهو غرورك
ي ريتك لو كسرتو غرورك دا
ايهم :رشا انا بطلع بس انتي اطلعي
رشا:قلت ليك ي نطلع سوا ي نموت سوا وم خايفة طالما ح اموت شهيدة معاك نتلاقى في الجنة
وهنا بيزيد الحريق بصورة مخيفة
وكلهم بيصرخوا ويبكوا وفي حالة هستيرية مخيفة
وخلاص وصل الحريق المنطقة الكانت فيها رشا
وامجد بخطوات يائسة ودموع غزيرة بيتراجع
ومحمد لسه عايز يحاول م فقد الامل
بالرغم من انو النار حرقت يدو ووصلت قميصو بس طلعوا
وجيمي بس قلبها شغال دق دق دق ودموعها ديل عشرة عشرة
وقعدت في الارض لا عارفة تبكي لا عارفة تصرخ لا عارفة تعمل حاجة تساعد بيها اصحابها
وقلبها بيقول ليها م ح ينجو
ويبعدوا امجد ومحمد من العربية
ويزيد الحريق
وتقع رشا في حضن ايهم من الخوف
وهنا
بوووووم تنفجر العربية
ويبدو الصراخ كلهم انهاروا خلاص وجيمي دخلت في حالة هستيرية مرة تصرخ ومرة تضحك ومرة تتكلم مع روحها ومرة تتدرق في الارض
ومهند يبكي شوية وشوية يضحك واماني ومحمد وامجد وسهى ديل في حالة تانية وم عارفين يتصرفوا يعملوا شنو
وفجاءة بيمر عليهم شريط الزكريات زي طير راحل في السماء
لا تقدر تلمسوا لا تقدر ترجعوا بعد ينتهي
ويتزكروا في ايام جامعتهم وايام طلعاتهم
ويتزكروا يوم عيد ميلاد جيمي
ويتزكروا كل المواقف الحلوة الحصلت ليهم في الجامعة
وم مصدقين وحاسين انهم بيحلموا
شوية كدة وقف الحرق وبقت العربية شبه رماد ولسه هم م قادرين يستوعبوا انو رشا وايهم كانوا جواها
جا باص سياحي مسافر للمكان الهم كانوا عايزين يسافروا ليه ونزلوا الناس وشافوا الحالة الهم فيها وطلبوا الاسعاف وصل الاسعاف
وبعض من الشرطة
ورفعوهم كلهم
جيمي كانت م واعية خلاص شبه جنت ومهند نفس الشيء
وسهى معوقة في راسها ونزفت شديد وامجد كسر ايدوا ومحمد انحرقت ايدوا لانو كان بيحاول يطلع في رشا وايهم واتحمل كل الالم دا واماني اتعوقت في ضهرها وكانت برضو بتنزف
وجات المطافي طلعت الجثث كانت عبارة عن دمى سوداء ابدا م تصدق انو ديل قبل ساعة بس كانوا بني ادمييين
وطلعوا الجثث
وع المستشفى عشان الاطباء سكتبوا التقارير وجوا اهل الجثث عشان يستلموا ذويهم
واستلموا الجثث فعلا وكانوا ابدا م متصبرين وم صدقين وربنا يصبرهم
واصحابنا دخلوهم عنبر الطوارئ عشان يسعفوهم ويعالجوهم بس ابدا م عندهم نيه للعلاج والحياة بعد الحصل
واكرموه الجثث وطبعا م بيغسلوا الجثث المحروقة بس بيعملوا ليها تيمم ويكفنوها (لانو الجسم م بيتحمل الموية )
وهم اساسا ماتوا شهداء
اللهم ارزقنا بحسن الخاتمة
وجا وقت الوداع
ودخلوا اهلهم عافوهم
وامهاتهم ديل في حالة تانية وم مستوعبين الصل وام رشا دي قربت تجن تشيل وتفتح في راس الجثة وتحلف والله ي جماعة دي م رشا بتي ي جماعة والله انا بعرف بتيوالله م هي والله قلبي اتقطع ي جماعة قولوا لي دي م هي
وام ايهم نفس الحالة
تشيل وتبوس في رجلين ولدها وتقع في راسو وتضموا عليهت
موقف بالجد يبكي الكافر تاني اصحابهم اصروا انهم يدخلوا يعافوهم وكانوا اللحظة ديك شوية وعوا وقوا خلاص
وفعلا مع الاصرار دخلوهم وجزء يبكي وجزء بس يعاين بخلعة وقلبوا مقبوض وجزء بيتزكر في احلى زكريات الجامعة وجيمي رررررب خبطت الارض
سريع اسعفوها المستشفى
هبوط حاااااد
وارتفاع في ضغط الدم
دربات سريعة وحقن شوية اتحسنت وكان معاها امها ووائل
هناك مكان البكاء
وودعوهم وخلاص شالوا الجثث وللمقابر
وصلوا عليهم وكان سبحان الله الناس كتااار واندفنوا جمب بعض ي سبحان الله
وهم اساسا م ميتين عارين ليه
لانو ربنا سبحانه وتعالى قال ( ولا تحسبن الذين قتلوا في سبيل الله امواتا بل احياء عند ربهم يرزقون ) وبعض العلماء قال الميتين في سبيل الله تشمل كل انواع الشهادة
دفنوا الجثث خلاص وكل زول رجع ع بيتو وانطوت صفحتهم خلاص
وربنا يجعلهم من نصيب بعض في الجنة
يتبع...
