جا الصباح صباحات الرحمن
قاموا تهاني واولادها صلوا الصبح حااضر وهم اصلا م قدروا ينوموا
جيمي ووائل من نومة الساعة 5:30 م صحوا الا 10
تهاني شغلت قران كريم في البيت حتى جيمي ووائل قدروا ينوموا
قامت خالتو تهاني تعمل ليهم الشاي وتجهز الفطور
نمشي الجامعة
اتلمت الشلة الصباح قبل المحاضرات وكانوا متفقين اساسا اذا مهند وجيمي م جو يخلو الجامعة ويركبوا عرباتهم ويمشوا يشوفوا الحاصل عليهم شنو
لانهم مقلقين خالص من الحصل يوم الرحلة
وتلفوناتهم مقفلة
عاينوا لبعضيهم لقوا جيمي ومهند م جوا انتظروا شوية
قعدوا مع بعض شربوا قهوة من الصباح كدة وبرضو جيمي ومهند وم جوا وقالوا خلاص يمشوا يشوفوا اصحابهم ديل الحاصل عليهم شنو
من نومة 5:30 صحت 10 زي م قلنا
اول من صحت قامت وماشة ع الحمام شافت سراب كدة ع شكل دخان بيتحرك م اشتغلت بالموضوع لانو امها حكت ليها بموضوع الشيخ و قالت ليها تاني ماف حاجة ح تقدر تاذاك لانك محصنة بقران كريم وايات الله هدت الجبال زي م احنا عارفين بس ممكن تشوفي حاجات عادي مخيفة بس اتمالكي نفسك
اول من دخلت الحمام عاينت في المرايا وشافت وشها كدة زي الصورة المشوشة مشوشة كدة وبحركة اندفاعية كسرت المرايا بيدها لامن جرحت يدها وبقت تصرخ كفاااية ياااخ كفاية امها جات جارية من المطبخ وخايفة جميلة في شنو جميلة وهي بتصرخ ي ماما انا خلاص زهجت زهجت زهجت ياااخ
نفسي اغمض عيني واصحى وارجع طبيعية
ي ماما انا م جيمي م عارفة الحاصل علي شنو وهي بتبكي وبتصرخ ي ماما انا حاسة اني ح اموت وامها وهي بتضربها كف جميلة بعد الشر عليك حبيبتي م تقولي كدة بتبقي كويسة ان شاء الله
م تقطعوا قلبي اكتر من م هو مقطع وحضنتها عليها وساقتها تنضف ليها في الجرح
و
يضرب الجرس بتاع الباب
فتح الباب لقى اصحاب جيمي في الجامعة
السلام عليكم
وائل وعليكم السلام
دا بيت ناس جميلة
وائل اي بيت ناس جميلة
اتفضلوا
جميلة موجودة
اي موجودة اتفضلوا سلم عليهم وفضلهم لقوا جيمي وسلموا عليها وسالوها لي غايبة واخبارها مقطوعة والحاصل عليها شنو وتلفونها مقفول عايزة تحكي امها قاطعتها قالت ليهم والله كويسة بس شوية تعب كدة
جيمي م رضت الكلام لانويل اصحابها بس مشت امها وم حاولت تزعلها
وقالت ليها ي ماما سوي لينا فطور من اياديك الحلوة ديل
وقامت خالتو تهاني تسوي الفطور وعجبها الكلام
دخلت امها المطبخ وهي قبلت ع اصحابها وحكت ليهم كلللل الحصل واصحابها طبعا حاسين انو جيمي دي حضرت ليها فيلم رعب وبتحكي ليهم فيه وم مصدقين اصلواا واي واحد فاتح خشموا كدة
شوية حست بامها جاية غيرت الموضوع اها مهند كيف وليه م جا معاكم
محمد ردا ليها والله مهند دا برضو زيك من امبارح م عارفين ليه خبر واسع قلنا نمشي برضو نشوفوا
جيمي قالت ليهم خلاص نفطر وبمشي معاكم ليه
امها وهي داخلة عليهم بالفطور لا لا لا ي جيمي تطلعي وين انتي تعبانة والدكتور قال لازم ترتاحي
جيمي ي ماما انا كويسة وعايزة اطلع اغير جو شوية شوية عن نفسي خليني عشان ارتاح
خالتو تهاني طيب بس خلو بالكم منها عليكم الله
ونطت سهى في عيونا ي خالتو م تخافي
# نجي لامير
امير طبعا فاض بيه خلاص وقرر انو يقتل مهند
بس قدر الله المكتوب م بتغير
وخناس نفس الشيء قررت انها خلاص تقتل جيمي عشان ترتاح
لانو الشيخ دا اكيد م ح يخليها في حالها
ح يحرقها ح يحرقها
#نرجع لاصحابنا الحلوين ديل
فطروا وشربوا العصير (ااه اللهم اني صائمة )
وطلعوا ع بيت مهند
وصلوا وسلموا ولقوا مهند كويس جسديا بس عقلوا دا اطلاقا م معاهو
واول م شاف اصحابوا ارتاح نفسيا ورحب بيهم وضيفهم وشوية كدة بدا يحكي ليهم من الحصل معاهم يوم الرحلة يوم عيد ميلاد جيمي لقايت الحصل ليهوا امبارح
واصحابهم ديل بعضهم شبه صدق انو في حاجة غريبة
بتحصل لجيمي ولمهند وبعضهم خايف وبعضهم حسى انو جيمي ومهند ديل اكيد بيستهبلوا
وجيمي برضو حكت لمهند الحصل معاها وهنا اتضحت الامور لجيمي ومهند
جيمي :معناها ي مهند ي اما في جنية عاشقاك وعايزة تنتقم مني وينط مهند ويقول لجيمي او في جان عاشقك وعايز ينتقم مني انا
وزاد الرعب في قلوب اصحابنا ديل (وانا برضو والله)
نط ايهم لحظة انا عندي عم امي شيخ وبيعرف الحاجات دي
رايكم شنو نستغل باقي اليوم دا ونمشي ليه
مهند :
يلا نمشي ليه واكيد ح يورينا الحاصل جيمي وين دا
ايهم ع بعد اربع ساعات بس من هنا محمد طوالي م عندنا مشكلة ولا شنو ي جماعة
وكلهم لا لا معاكم معاكم
وركبوا العربات واتحركوا
والدنيا كانت نهار
وعم ام ايهم دا ع بعد اربع ساعات من العاصمة زي م قلنا
اتحركوا وقطعوا قريب نص المسافة
وفي الشارع كلهم كانوا ساكتين ويعاينوا لبعض اصلوا م اصحابنا الزمان ديلك البيطلعوا ويهيسوا ويصرخوا ويشغلوا الاغاني
ع الطريق كدة شافت رشا قمرية سودا وقالت ليهم ي جامعة شايفين القمرية السودا دي كلهم عاينوا وقالوا ليها اي مالها
قالت ليهم بيقولوا الحيوان الاسود في السفر فال شر وانو الزول لو شافوا يرجع طوالي ايهم صاح والله ي جماعة سمعت حكايات كتيرة زي دي يلا نرجع بلاهو المشوار دا مهند ي بت انتي هبلة لا يصيبنا الا م كتب الله لنا
ارح واصل
جيمي وانا كمان والله م مطمنة
ايهم بس لازم من المشوار دا
ح تعيشوا في رعب كدة لمتين
وفجاءة
و.تشوف جيمي صورة خناس بس المرة دي ع صورة شبه حقيقة ايوا في الحقيقة
المرة الفاتت شافتها في الحلم
ومرة شافتها من بعيد شكل خيال بس المرة دي حقيقية
وواقفة ليهم في نص الظلط وشايلة حاجة غريبة في يدها
وصرخت جيمي ايهم وقف العربية وقف ووووووقف
ويحك الفرامل وتتلفت العربية وتنقلب بيهم
ومن وراهم العربية السايقها امجد بتضرب عربية ناس جيمي وبتنقلب بفوق ليها
وكلهم بيصرخوا م فاهمين حاجة
وتولع مبادي حريق في العربات
يتبع....
