طبعا قلنا اي زول رجع بيته وهو في حالة نفسية متدهورة وبيدعي الله انو لو حلم ينتهي بسرعة ويقدروا يرجعوا طبيعيين نوعا ما
بس للاسف كانت حقيقة وواقع ولازم يتقبلووه ويعيشوا فيه
ولازم يرضوا يقضاء وقدر ربنا
طبعا جيمي اتهمت بالجنون وعرضت ع طبيب نفسي
واخدت كم يوم في المصحة العقلية
ومواصلة علاج مع الشيخ بس هي للاسف م متفاعلة مع العلاج لعدم رغبتها في العلاج
بس وائل اتعالج من مس خناس لانو زي م عرفنا انها ظهرت ليه واثرت كتير ع حياتو وروتينو اليومي
ومهند برضو اتعالج من مس امير
بس بقى من جواهو م مهند ايلي احنا بنعرفوا
وكل م يشوف جيمي قلبوا بيتقطع عليها
واصحابهم بقوا م شلة زمان ديك ابدا
العالم الاخر حست ام امير ياسمينة الليل انو امير م على عوايدو وعرفت انو بيعشق ادمية
لانو عندهم الام هناك بتكون متحكمة في كل مستوى تفكير اولادها وبتعرف البيحصل فيه
وهنا خناس مبسوطة انها قدرت تقلب حياة جيمي لسواد ليل
#في عالمنا
الساعة 12 منتصف الليل
جيمي في غرفتها وابدا م مرتاحة وحاسة بحر وجسمها كلو بيرجف ايوا دا نفس الحلم البيجيها تتزكروهوا
بس المرة دي مختلف شوية هو نفسوا القديم + انو اليد الكان بتشاور ليها دي اتحرقت وشوية كدة اختفت تحت الارض
صحت جيمي وفكرت كتير وعرفت انو الحلم دا بداية ظهور نور الصباح لحياتها
مشت ع النور نورت غرفتها وعاينت للمرايا
وهي مستغربة في نفسها
وفجاءة تظهر خناس من وراها وشايلة في ايدها حاجة كبيرة
عايزة كانت تقتل بيها جيمي
بس قدرة ربنا اقوى ي خناس
شافت خناس هالة كبيرة من النور حول جيمي ودي طبعا ايات الرقية الشرعية وهنا عرفت خناس انها م ح تقدر تاذى جيمي
ودي كانت اول مرة تحصل محادثة بين خناس وجيمي
اتراجعت خناس ولفت كانها عايزة تمشي
هنا اتزكرت جيمي كلام امها والشيخ انو هي ح تظهر ليك بس م ح تقدر تاذاك
وهنا حست جيمي بالقوة وصرخت فيها انتظري ☹
والتفتت خناس بحركة مخيفة وهي انو جسدها مثبت بس لفت راسها
خافت جيمي بس قاومت الخوف
انتي منو وعايزة مني شنو
م كفاية ضلمتي حياتي
م كفاية بعدتيني عن حبيبي
م كفاية اخدتي مني اعز اصحابي
م كفاية ضريتي اخوي
م كفاية حاولتي تقتلي امي
دا كلوو م كفاك عايزة شنو مني تاني
حلي عني يااخ حرام عليكي
وتضحك خناس بصوت مخيف وهستيري
جيمي م تضحكي
ي تجاوبتني ي انا اقتلك او انتي تقتليني
خناس
جيمي عايزة مني شنو
خناس بصوت مخيف
عايزة حبيبي امير
جيمي امير دا منو اوعى....خناس ايوااا جاري في دمك
هنا جيمي عرفت كل اللعبة وعرفت انو خناس دي حبيبة الجان البيعشقها عشان كدة حاولت تنتقم منها
وامير بياذى في مهند لانو بيحس بالغيرة منو
جيمي: بس ككككيف
وتاشر خناس ع المراية
وتلتفت جيمي ع المرايا وتتزكر كلام تيسير صحبتها
انو المرايا دي ممكن تدخل لينا مخلوقات العالم الاخر
وكيف كانت جيمي بتستهذا بيها ي سبحان الله وتقبل ع خناس بس وينها بسم الله اختفت
وتفكر جيمي مع نفسها كتير
وتتعب من التفكير تمشي غرفة امها وتنوم جمبها في السرير
امير كان مراقب خناس وعرف انها السبب في تعاسة وسلب حيوية حبيبتو جيمي
وقرر انو يقتلها
خناس ماشة في الشارع باقصى ما تملك من سرعة خارقة وفجاءة تحس بحاجة بتختفها وتطير بيها تعاين تلقاهو امير
فرحة شديد وحست بانو امير عايز يقضي معاها ليلة جميلة
خناس بدلع :امير
امير :ايوا هو ذاتو
خناس :واخير
امير :ايوا اخيرا
حست خناس بالنصر بس هي م عارفة انها بقت في عداد الموتى
خناس :امير ع وين ماخدني
امير :بتعرفي لامن نصل
خناس: لا وريني
امير :مفاجاءة
خناس :مدام مفاجاءة اغمض عيوني
امير :اي غمضي
وشوية تلقى نفسها في بركان الحمم النارية (بركان يعذب فيه الجان البيرتكب خطا فاادح )
وتصرخ خناس :امير امير امير
بس للاسف يوجد مشابك نارية جوة بتثبت الجان عشان يتحرق باتقان
حرقا هنئيا ي شريرة
وللاسف
وانتهت شخصيتك ي خناس بالجد كنتي شريرة ☹حريقا هنيئا
وبيرتاح امير منها
#في عالمنا اجا الصباح وطلعوا تهاني وبتها جيمي ع جلسة الرقية الشرعية
وكان امير قاعد مع اهلو في البيت
وتبدا الرقية
وبمجرد م بدت عرف الشيخ انو جيمي اتخلصت من مس وباقي واحد بس وبدا يتلو الايات القرانية وياذن بصوت عالي في راس جيمي
هنا يصل الصوت لاضان امير ويبدا يرجف بحركات هستيرية ويتعرق جسدوا وتتحرق اجنحتوا
وامو عرفت مالو
وبدا الشيخ يصرخ فيه اخرج اخرج اتقى الله في هذه الادمية اخرج منها
وتصرخ امو اطلع منها ي امير اطلع
للنو امو عارفة ي اما يطلع امير او تخرقوا الايات القرانية
ويصرخ امير لا لا لا لا مستحيل لا لا
بس بتهددوا امو ي اما لتطلع او انا اقع في بركان الحمم الخرقت فيه خناس
بسرعة حدد
وهنا يستسلم امير
لانو عندو امو اهم وهنا بيطلع امير من جسم جيمي ع شكل افعى وسبحان الله بيخرج من اصبع رجلها الصغير لانو لو طلع بعينها بتبوظ وهو طبعا بيحبها وم حابي ياذاها
وهنا جيمي اتحررت بمعنة الكلمة من العالم الاخر اخيرا
واتقيد امير من العالم الاخر بامر من القاضي الفي عالمهم
وجيمي شوية شوية كل يوم بتتحسن اكتر وتبقى كويسة اكتر
وطبعا شوية اتغيرت حلقت شعرها الطويل داك لنص ظهرها
وكسرت كل المرايات الفي بيتهم
وبقت مواظبة ع صلاتها وع التحصينات اليومية
ورجعوا هي واصحابها الجامعة وخلصوا الجامعة
وبعد اربعة سنوات
يتبع...
