كان الجووو لذيذ
ووائل كالعادة في المدرسة
وخالتو تهاني مع جارتها حليمة في الحلة وبيندهوها حلووم وبيفطروا مع بعض
حلوووم :كيف الاولاد
تهاني :تماام والله الا جيمي م بتقرا معذباني عادا الجامعة كلها طلعات ورحلات مع اصحابها
حلووم: الله يهديها زي تيسير بتي
طبعا تيسير بت حلوم عمرها 22 سنة بتقرا بنوك وتمويل
بت واحدة وم عندها غيرها عشان كدة دلووعة بعض الشيء مجنونة بحاجة اسمها العالم السفلي وبتقرا حاجات كتيرة عن العالم دا وابدا م بتخاف (like me)
وهي صحبة جيمي من مرحلة الرياض
حلووم لتهاني تهاني دايراك في موضوع والله بخصوص جيمي بتك
تهاني خير حبيبتتي
حلووم والله بصراحة بتك جيمي دي حكت لتيسير بتي حلم م ارتحت ليه
تهاني جيمي بتي وحلم حلم شنو خير وليه م حكتوا لي
حلووم ياخي براحة استني بحكي ليكي م تنخلعي
والله بصراحة قالت انها بتحلم بانها في قمة جبل وفي ايادي من تحت الارض بتشاور ليها تعالي تعالي وايادي كبيرة وقبيحة ومنظرها بيخوف خالص واضافرها طويلة شديد
وع حسب كلام بتي انو دي حاجة بتناديها للعالم السفلي
ي ريت تعرضي بتك دي لشيخ رقية شرعية
امكن تكون معيونة او في حد عامل ليها سحر والله اعلم وبتك ماشاء الله جميلة شديد
ي ريت م تهملي كلامي دا
تهاني وبوجوه متفاجئةطيب بسالها
بسم الله حلوم مالك دايرة تشغلي لي بالي
حلوم:لا والله م تخافي بيكون عين بس
طيب خليهم في ونسة النسوان دي وتعالوا نشوف جيمي في الجامعة
قاعدة بتتونس مع اصحابها وطبعا كالعادة مهند مسهي فيها وم قادر يشيل نظروا منها وبحبها لدرجة قف تامل وهو اقرب اصحابها وهي كمان عندها مشاعر تجاهوا
وقرر اخيرا انو يعترف ليها بحبو وكلم باقي الشلة وشجعوهوا كتييير ع الفكرة واتفقوا انو الكلام دا يكون يوم عيد ميلادها عشان يقدم ليها هدية عبارة عن دبلة
#نجي للعالم الاخر
خناس مصممة تعرف الشاغلة بال امير منو
وخايفة تكون من نوع الجن القوي الما بتقدر تاذاها او تعمل ليها شيء
وهي بتقول لنفسها اكيد ي انا او بلاش وبوريك ي امير
جات ماشة في الشارع وهي بتفكر تعمل شنو وطوالي جات فكرة عبقرية وقررت انها تنفذها
مشت الجبل بتاع ناس امير وكالعادة امير مسهي
وطبعا خناس من النوع البتقدر تقرا الافكار وامير عارف كدة عشان كدة من تجي بيوقف تفكير طوالي
انقلبت حشرة صغيرة وززززن في اضانو ورحلة الى مركز التفكير
امير م انتبه لانو ممكن تكون دي خناس ويشيل ويفكر ويفكر ويتزكر في جيمي وفي شكلها وفي عيونها وفي كل حركاتها وهنا خناس شافت جيمي وعرفت كل الحكاية وبقدر م انها اتغاظت شديد من جمال جيمي الخارق بقدر م انها فرحت بانها ادمية وبتقدر تاذاها وتخوفها وترجع منها امير
وطلعت خناس وامير م حاول يقبض الحشرة لانو فكروا شاارد وم قادر يستوعب البيحصل حوله
قررت خناس انها تنتقم من جيمي لاكن كيف بنشوف
لجيمي
في سرها ي ربي اصحابي عارفين الليلة عيد ميلادي ولا م متزكرين اصلا
ولا متزكرين وعايزين يعملوا لي مفاجاءة
كدي يكونوا ناسنو
عشان والله تاني لا اصحابي ولا بعرفهم من يوم الليلة
جيمي مشت اخدت ليها موية من الكوفي شوب وبتتكلم مع نفسها بنفسها وجاية ع تربيزة اصحابها كلهم سكتوا جيمي بنظرات غريبة خير مالكم سكتوا
مهند لا ابداشكلوا الكهرباء قطعت
سهى ي جماعة عايزين نطلع
كلهم وبصووت واحد ياااا جيمي ي جماعة wait تطلعوا متين والمناسبة شنو
انا بصراحة امي بقت تستاء من طلعاتي الكتيرة دي
سهى سااي بس زهجانين وبعدين الجو حلو يوم م بتعوض
جيمي طيب بالنسبة لانو احنا م جاهزين
مهند م ضروري تجهزي كيف وريني انتي في كل الحالات جميلة ماشاء الله عليك
جيمي بخجل تنزل عينها الارض (طبعا جيمي كمان بتحب مهند زي م قلنا )بس منتظرة المبادرة منو وغرورها مانعها من انها تعترف بالاول
ركبوا العربات وطلعوا
جيمي ي جماعة فهموني احنا ماشين وين
محمد بتعرفي لامن نصل
اول م وصلوا وصلوا منتزه ظريف كدة واقع ع جهة البحر وقعدوا في النجيلة والجو كان رهيييب وقعدوا يتونسوا
وطبعا امجد فجاءة اختفى وجاء بورى جيمي وخلعها ووواهجيمي قبلت عليه بخلعة امجد خلعتني يااخ
امجد شايل القاب توه ومعاهو جرسون من الكافتريا شايل البارد والحلويات
جيمي دا شنو
وكلهم بيصرخوا كل سنة وانتي طيبة ي احلى جيمي في الدنيا
جيمي انا
اماني لا انا حبيبتي
يلا نطفي الشمعة بسرعة قبل القاب توو يسيحواقوم اقلب ليكم الفرحة دي بيت بكاء
وبعد طفوا الشمعة
قدموا هداياهم
كانت هدايا حلوة وكل ثنائي جايب هدية
محمد واماني جابوا دبدوب كبير ابيض واطرافوا حمر
ورشا وايهم جابو دبدوبين باللون البني الفاتح بايسين بعض وسهى وامجد جابوا ساعة راقية
يلا الا منهد جاب هدية جميلة ومنفردة ايلي هيا خاتك ذهب مصمم خصيصا لانامل جميلة مكتوب عليه loove
فجاءة كلهم بيعانوا لمهند ومهند عارف الدور العليه وحافظوا ومسمعوا مهند اجا جمب جيمي ومسك ايدها ووطلع علبه وجواها خاتم وقال ليها جيمي انا بحبك جيمي وبوجوه متفاجئةمهند انت بتعمل في شنو
مهند هل تقبلين بي شريك حياتك وجيمي لسه مسهية وكلهم سكتوا وقطع السكوت صوت جيمي وهي بتقول موافقة طبعا ي عبيط وضمة قووووية سمعوا فيها دقات قلب بعض(ههههههههههه) وكلهم بقوا بيصرخوا ويصفروا وكانوا ي دنيا ماف اصحاب غيرنا وامجد بصووت عالي يلاااا ع البحر ي جماااعة وكلهم نزلوا البحر لاكن للاسف
كان البحر دا البداية لمعاناتنا
ونبدا الاحداث الغريبة
يتبع ...
