BHO: His Secret Agent Pretend Wife (Book 1)

CHAPTER 5

CHAPTER 5

Tulala ako habang maganang kumakain sila PJ at Kuya Ethan. Parang hindi magawang ma-absorb ng naghihingalo kong utak ang mga pangyayari. Hindi ko alam na si Mr. Drunk pala ang 'alagain' ko ngayon. Hindi lang iyon, kailangan ko pang magpanggap na a-asaw...a-asawa niya.

Kahit na mukha siyang anghel at kanasa-nasa ang yummylicious niyang katawan, the idea of marriage creeps me out.

"Uy, Mishy! Tulala ka diyan?" Dahan-dahan kong nilingon si PJ. Napangiwi siya nang makita ang buhok kong mukhang dinaanan ng tornado at ang blangko kong ekspresyon.

"Kumain ka na lang diyan."

Tinatamad akong mag explain. Ang gusto kong gawin ay magkulong sa kwarto at subukang i-imitate si Sunako ng Yamato Nadeshiko. Baka pwede din akong pumasa bilang babaeng dilim.

"Strike, say 'ah'." 

Binuka ko na lang ang mga labi ko ng inumang ni PJ ang kalahati ng hot dog na kinakain niya. Ngumunguya na ibinalik ko ang atensyon ko sa pag-iisip ng paraan para hindi ako ang maging pretend wife ng anghel na yon.

Wife? Ugh! I love my freedom. Kahit na peke lang ang married role na gagampanan ko, iba parin ang dating non sa akin.

Napatingin ako kay PJ at nasalo ko ang tinidor na animong dart na ibinato niya sakin. That's how fast I am. Kaya nga 'Strike' ang tawag sakin. Isang strike lang daw ang lahat para sakin. I strike like a lightning kaya iyon ang naging code name ko.

"See? I got your attention."

"Ewan ko sayo. Mabulunan ka sana."

Since matalino si PJ, naisip niyang wag na akong guluhin at ipagpatuloy na lang ang pagkain niya. Kapag gantong buhol-buhol ang utak ko baka bigla na lang akong mangagat.

Maiba ang usapan, kaya agent Knowledge ang code name ni PJ,  kasi matalino siya, ganon din si Kat. Si Kuya naman agent Eagle. Hindi ko lang alam kung bakit iyon ang pinili niya. Male ego, maybe.

Sheesh! Kahit anong ligaw ko sa utak ko bumabalik parin ako sa sitwasyon ko ngayon. Ginulo ko ulit ang buhok ko at sumubsob ako sa lamesa. Hindi ko makalimutan!

"So, kailan mo gagawin ang next mission mo?" tanong ni PJ.

At pano ko naman malilimutan ngayong may nagpapaalala? Mukhang nananadiya talaga tong isang to.

"Monday."

"I bet matatapos mo agad yan."

"I don't think so." sabat ni kuya sa usapan. Sang-ayon ako sa kaniya. Imposible na matapos kami agad. What we're dealing with right now is different.

"Ba't ano bang mission niyo?"

Si kuya na ang nagkwento sa kaniya dahil hindi mo ako maasahang ulitin lahat iyon. Ang haba kaya. Hindi ako ganon kasipag. Actually, hindi ako masipag. Period.

"Wow! Magiging ulirang asawa ka na? Congratulations− Aray!"

Ipinapaalam ko lang po na binatukan ko siya. Yung klase ng batok na panigurado ay hihilingin na niya na hindi namatay ang kalahati ng gumagana niya pang utak. Hawak niya ang ulo niya at tinignan ako ng masama. Binelatan ko lang siya.

"Sinong mag-aayos ng wedding pictures at mga papers?"

Napangiti ako sa tanong ni kuya at ngising-aso na nilingon ko si PJ na saglit na napatigil. Nagmamadaling uminom siya at pilit na ngumiti sa amin.

"Oo nga pala. May gagawin pa ko. Batsi muna ako-"

Bago pa siya makatayo, piningot ko na siya. Agad namula ang tenga nya kasabay ng mukha niya. As usual na cute-an na naman ako sa namumula niyang mukha, kaya pinisil ko siya sa magkabilang pisngi.

"Aray!"

"At san ka pupunta? Isusumbong kita kay Boss."

"Sabi ko nga, ako na ang bahala sa KASAL mo."

"Takot ka lang kay Boss eh."

"Of course not."

"Right. Love mo lang kasi ako."

Napataas ang kilay ko ng lalo pa syang mamula. Yumukyok ako ulit sa lamesa. Kailangan ko ng peace and quiet para makaisip ako ng kapaki-pakinabang na mga bagay. Sa ngayon, ang naiisip ko lang ay magpaka-ermitanya sa unang bundok na makikita ko.

"Pano ang mga kaibigan ng Night na yon? Alam nila na si Marga ang girlfriend. Tiyak na maghihinala sila." sabi ni PJ.

"That won't be a problem. Ang story na ginawa namin ni Mishy ay isang whirlwind romance. Matagal na silang nagkakilala pero that time girlfriend niya pa si Marga kuno. Pero dahil sa nagkalabuan na sila ni Marga naging malaya si Dale. That part is true and because of destiny's mojo mojo nagkita sila ulit sa Greece. Dalawang linggo sila doon then nagpakasal sila. Parang Mr. and Mrs. Smith lang nila Angelina Jolie at Brad Pitt ang pagkakilala nila."

Ew! Mushy love story. Not that Angelina Jolie part, I love that movie. Hindi ko lang gusto yung iba pero wala naman akong magagawa.

"Pano kung ng mga time na yon nandito siya sa Pinas at may kasama?”Tanong pa ni PJ. “Buking na." Matalinong bata talaga, matanong. Ako na ang sumagot this time.

"Nope. Nasa Greece talaga siya ng dalawang linggo. Wala siyang ibang pinagsabihan na pupunta siya don maliban sa parents niya. Iniwan niya ako sa Greece dahil sa ilang mga bagay na kailangan kong ayusin doon. Sa Monday ang kunwaring pag-uwi ko. Nauna siyang umuwi at ng panahong yon, nangyari ang aksidente niya."

"Great planning."

Napangiti na lang ako. Kahit na hindi ko naman gusto ang sitwasyon ni Night ngayon, mabuti narin iyong wala siyang alam.

 Dahil oras na makaalala siya, good luck to me.