تائهة في قلب رجل

4

- بس بس انت متعرفش حاجة عن الحب و بعدين الشرع محلل اربعة و انا هتجوز الاربعة .

شهق صديقه :

- نعم يا اخويا هتعرف تجوز اربعة ازاي و هتعرف توفق ما بينهم ..

- ملكش دعوة ياض انت .

تنهد باسم و لوي شفتيه بضيق ليضحك رامي و يمسك هاتفه مراسلاً احدهن...

**

داليا بخوف :

- ياسر يعني ايه انت هتعمل العملية خلاص انا لسة مش معايا الفلوس .

ياسر بحزن محاولاً اخفاءه :

- يا حبيبتي انا مش عاوز اعمل العملية .

بكت قائلة :

- الدكتور قال لازم تتعمل في اسرع وقت..متخفش هعرف اجيبلك الفلوس .

- تعالي .

جذبها من ذراعها لتنام في احضان شقيقها الذي يعشقها بصدق..

ظلت تنزف دموع راكضة علي قميصه فقبل رأسها و احتضن يدها بين يديه...

***

- هدييير..اللحقيني اللحقيني .

صاحتها بنت خالتها المقربة لتقول هدير بضيق :

- صدعتي اهلي في ايه .

- انا حولت اداب انجليزي .

هدير بسخرية :

- و ايه الفظيع في كدة .

رندا بسعادة :

- بابا وافق عليها بعد شهرين عذاب .

- مبروك ياختي مبروك .

ثم صمتت قليلاًً مفكرة لتقول ببتسامة :

- رودي .

- ايه ؟

- انتي عارفة ان ريميو في اداب انجيلزي .

رندا بتعجب :

- عاوزة ايه مش فاهمة .

هدير بحرج :

- يعني تشوفيه بيعمل ايه و بيكلم مين .

رندا بضحك :

- ااااه ماشي يا ختي عنيا بس ليها حلاوة .

- عنيا يا حبي .

***

سالي بضيق :

- رامي .

رامي بتعجب :

- ايه مالك .

- انا عاوزة اقابلك بكرة .

- اممم بس بكرة ميـ..

قاطعته بحزم :

- بكرة الساعة 9 في مطعم *** .

تنهد بضيق و قال :

- ماشي يا حبي .