تائهة في قلب رجل

6

والدته بسعادة :

- عروسة .

رامي بصدمة :

- لا يا حبيبي مش انا..انا مش عاوز عرايس ونبي .

والدته بضيق :

- نكلم في البيت طيب .
رامي بحنق :

- يارب..طيب .

عاد لمنزله قبل وصولها لملم ملابسه المبعثرة هنا و هناك..

استطاع تنظيف المنزل سريعاً و توضيبه قبل وصولها و حينما انتهي وجد رنين الجرس ليقول بصوت عالٍ :

- في وقتك يا ست الحبايب .

فتح باب المنزل لتدخل سيدة في العقد الرابع من عمرها منظرها يدل انها اصغر بسبب مساحيق التجميل و الملابس الضيقة..

ابتسم و قبل يدها بصدر رحب ثم قبل جبهتها..لتضمه بقوة و اشتياق و هي تقول :

- بقي كدة يا رامي متسألش علي ماما .

- معلش بقي يا حبيبتي الجامعة .

ضربت رأسه قائلة :

- اتوكس انت مبتروحش اصلاً .

رامي بسرعة :

- والله لسة راجع من الجامعة .

- طب يا حبيبي انا جبتلك اكل معايا ..

- حبيبتي يا امي .

اخذ منها الطعام و وضعه علي الطاولة ليأكل بشراهة فقالت بتقزز :

- بطل قرف و كُل زي البني ادميين .

ضحك و قال بهمس :

- اومال لو شوفتي روان .

رن هاتفه ليرد مسرعاً و هو يضحك :

- جبنا في سيرة القط طلع ينط ايوة يا رورو .

- بقي كدة يا حيوان..دلوقتي رورو بقالك كتير مش بتكلمني ليه .

- مشغول يا روان معلش .

روان بملل :

- هنصيع علي بعض انت وراك ايه يعني ده انت صايع و فاشل .

ضحك و قال بحرج :

- ايه الاحراج ده .

- ده انا بابا يلا .

ضحك بشدة و قال :

- ماما جت هكلمك بعد شوية يا حبيبتي .

- ماشي يا زوفت سلميلي علي الحجة و قوليلها هتيجي امتي انتي و الحج .

رامي بضحك :

- ماشي يا حيلتها سلام .

اغلق معها لتقول والدته بتعجب :

- مين ديه .

- واحدة صحبتي .

- صحيح تعالي المنصورة عشان لاقيتلك بت زي القمر و اخلاق ما شاء الله .