احببت محتالة

8

ﺍﻟﻐﺪ ﻟﻴﻪ ﻓﻘﻨﺎ ﺑﺪﻟﻨﺎ ﻟﺒﺴﺖ ﻛﺴﻮﺓ ﺍﺧﺮﻯ ﻓﻲ ﺍﻟﺒﻴﺾ ﻣﻊ ﺷﺎﻝ ﺑﻴﺾ ﺻﻠﻴﻨﺎ ﺍﻧﺎ ﻭ ﺍﻟﺤﺎﺟﺔ ﺟﺎ ﻳﺎﺳﺮ ﻗﺎﻟﻚ ﻳﺼﻠﻲ ﻣﻌﺎﻧﺎ ﻧﺰﻟﻨﺎ ﻓﻄﺮﻧﺎ ﻭ ﺷﺪﻳﻨﺎ ﺍﻟﻄﺮﻳﻖ ﺍﻧﺎ ﻗﻠﺒﻲ ﺗﻘﺒﺾ ﻋﻠﻴﺎ ﻣﻤﺮﺗﺎﺣﺎﺵ ﻭﻟﻜﻦ ﺍﺵ ﻋﻨﺪﻱ ﻣﻨﺪﻳﺮ ﻫﺎﺩﻱ ﻫﻮ ﺣﻠﻲ ﺍﻻﺧﻴﺮ ﻭ ﺯﻳﺪﻭﻥ ﺭﺑﻲ ﻣﻌﺎﻳﺎ ﺍﻟﺤﻤﺪﺍﻟﻠﻪ ﻳﻮﻗﻊ ﻟﻲ ﺑﻐﺎ ﻳﻮﻗﻊ ﻳﺎﺭﺑﻲ ﻳﺤﻤﻲ ﻟﻴﺎ ﻏﻴﺮ ﻭﻟﺪﻱ .... ﻭﺻﻠﻨﺎ ﻟﻮﺣﺪ ﺍﻟﺤﻲ ﺭﺍﻗﻲ ﻛﻠﺔ ﻓﻴﻼﺕ ﻭﻭﻗﻔﻨﺎ ﻗﺪﺍﻡ ﻭﺍﺣﺪ ﺍﻟﻔﻴﻼ ﻏﻴﺮ ﻣﻦ ﺑﺮﺍ ﻛﻴﻒ ﺩﺍﻳﺮﺓ ﺗﺒﺮﻛﺎﻟﻠﻪ ﻛﺒﻴﺮﺓ ﻭ ﻋﺎﻃﻴﺔ ﺍﻟﻌﻴﻦ ﺩﻗﻴﻨﺎ ﺣﻼﺕ ﻟﻴﻨﺎ ﻭﺍﺣﺪ ﺍﻟﻤﺮﺓ ﻛﺒﻴﺮﺓ ﺷﻮﻳﺔ ﻓﻲ ﺍﻟﻌﻤﺮ ﻏﻴﺮ ﺷﺎﻓﺖ ﺍﻟﺤﺎﺟﺔ ﻭ ﻫﻲ ﻃﻴﺮ ﻋﻠﻴﻬﺎ ﻭ ﺑﺪﺍﺕ ﺗﺘﺒﻜﻲ ﻭ ﺗﻌﻨﻖ ﻭ ﺗﺒﻮﺱ ﺻﺎﻓﻲ ﺩﺧﻠﻨﺎ <br>
ﺍﻟﺤﺎﺟﺔ : ﺍﻳﻮﺍ ﻛﻴﻒ ﺩﺍﻳﺮﺓ ﻭ ﻛﻴﻒ ﺩﺍﻳﺮ ﺭﺍﺟﻠﻚ ﻛﻠﺸﻲ ﻻﺑﺎﺱ <br>
ﺩﻳﻚ ﺍﻟﻤﺮﺓ : ﻻﺑﺎﺱ ﺍﻟﺤﻤﺪﺍﻟﻠﻪ ﺍﻟﻠﻪ ﻳﻜﺘﺮ ﺧﻴﺮﻙ ﺍﻟﺤﺎﺟﺔ <br>
ﺍﻧﺎ ﻫﻤﺴﺖ ﻏﻲ ﻭﺩﻥ ﺍﺑﺘﺴﺎﻡ : ﻳﺎﻙ ﻗﻠﺘﻲ ﻟﻴﺎ ﺑﻠﻲ ﻣﻴﺖ ﻟﻴﻬﺎ ﺍﻟﺮﺍﺟﻞ ﻭ ﻣﺸﻠﺔ <br>
ﺍﺑﺘﺴﺎﻡ : ﻫﻬﻬﻪ ﻫﺎﺩﻱ ﺭﺍﻩ ﺍﻟﺨﺪﺍﻣﺔ ﺍﻟﺤﻤﻘﺔ ﻣﺎﻣﺎ ﻟﻲ ﺯﻭﺟﺘﻬﺎ ﻫﻨﺎ ﻭ ﺧﺪﻣﺎﺗﻬﺎ ﻫﻨﺎ <br>
ﺍﻧﺎ : ﺍﺍﺍﺍﻩ ﻫﻜﺎﻙ <br>
ﺍﺑﺘﺴﺎﻡ : ﻓﻴﻦ ﻫﻲ ﺧﺎﻟﺘﻲ <br>
ﺍﻟﺨﺪﺍﻣﺔ : ﺍﻧﺎ ﻏﺪﻱ ﻧﺠﻴﺒﻬﺎ ﻏﻴﺮ ﺑﻼﺗﻲ ... ﻣﺸﺎﺕ ﺗﺠﻴﺒﻬﺎ ﻭﺣﻨﺎ ﺑﻘﻴﻨﺎﺓﻏﻲ ﺻﺎﻟﻮﻥ ﻛﻴﺪﺍﻳﺮ ﺩﻛﺸﻲ ﺗﻘﻠﻴﺪﻱ ﺯﻭﻳﻦ ﻭ ﺛﺮﻳﺔ ﺑﺎﻟﻜﺮﻳﺴﻄﺎﻝ ﻭ ﺍﻻﺛﺎﺙ ﺩﻛﺸﻲ ﺯﻭﻳﻴﻦ <br>
ﻳﺎﺳﺮ : ﻣﺎﻣﺎ ﻣﺰﻳﺮ ﺑﻐﻴﺖ ﻧﺪﻳﺮ ﺑﻴﺒﻲ ... ﺍﻭﻳﻠﻲ ﺍﻟﻔﺮﺍﺵ ﻏﺎﻟﻲ ﻭﻭﻟﺪﻱ ﻏﺎﺩﻱ ﻳﺪﺭﺏ ﻟﻴﻬﻢ ﻛﻠﺸﻲ ﻓﻲ ﺯﻳﺮﻭ ﻭ ﻏﻴﺠﺮﻳﻮ ﻋﻠﻴﻨﺎ ﺗﺎﻣﻦ ﻫﺪﻳﻚ ﺍﻟﻤﺮﺓ ﺍﻟﻤﺸﻠﺔ ﻏﺎﺗﻨﻮﺩ ﺑﻨﻔﺴﻬﺎ ﺗﺨﺮﺟﻨﺎ <br>
ﺍﻧﺎ : ﺧﺘﻲ ﺍﺑﺘﺴﺎﻡ ﻓﻲ ﻧﻠﻘﺎ ﻃﻮﻟﻴﻂ <br>
ﺍﺑﺘﺴﺎﻡ : ﺭﺍﻩ ﻓﻲ ﺩﻭﺭﺓ ﻏﻴﺮ ﺧﺮﺟﻲ ﺍﺗﻠﻘﺎﻳﻬﺎ <br>
ﺩﺍﻛﺸﻲ ﻧﻴﺖ ﻟﻲ ﺩﺭﺕ ﺩﺧﻠﺖ ﺍﻣﻴﻤﺘﻲ ﺍﻟﻄﻮﻟﻴﻂ ﻛﻴﻒ ﺩﺍﻳﺮﺓ ﺗﻤﻦ ﻭﻟﺪﻱ ﺣﺸﻢ ﻳﺒﻮﻝ ﻓﻴﻬﺎ ﻗﺎﻝ ﻟﻴﺎ ﻭﺍﺵ ﺣﻨﺎ ﻏﺎﻟﻄﻴﻦ ﺍﻣﺎﻣﺎ ﻋﺎﺩ ﺩﺧﻠﺘﻮ ﻭ ﺑﻘﻴﺖ ﺗﻨﺘﻤﻨﻀﺮ ﻓﻲ ﺍﻟﻤﺮﺍﻳﺔ ﻳﻴﺎﺍﺍﻩ ﺷﺤﺎﻝ ﻣﺸﻔﺖ ﺭﺍﺳﻲ ﻓﻲ ﺍﻟﻤﺮﺍﻳﺔ ﺷﺤﺎﻝ ﻣﺎ ﺗﻘﺪﻳﺖ .. ﺗﺎﻧﺎ ﻟﻤﻦ ﻏﻨﺘﻘﺎﺩ ﻧﺮﺑﻲ ﻭﻟﺪﻱ ﻭ ﻧﻤﺸﻲ ﻧﺘﻜﻤﺶ ﺻﺎﻓﻲ ﻭﻟﺪﻱ ﻗﺪﺍ ﺷﻐﻠﻲ ﻏﺎﺩﻳﺔ ﻋﻨﺪﻫﻢ ﻭ ﻛﻨﺴﻤﻊ ﻣﻲ ﺍﻟﺤﺎﺟﺔ ﻛﺘﻮﺳﻲ ﻓﻴﺪﻳﻚ ﺳﻴﺪﺓ ﻋﻠﻴﺎ ﻛﻨﻘﺮﺏ ﻛﺘﺒﺎﻥ ﻟﻴﺎ ﻋﻠﻰ ﻛﺮﺳﻲ ﻣﺘﺤﺮﻙ ﻭ ﻏﻴﺮ ﻛﺘﻬﺰ ﺑﺮﺍﺳﻬﺎ <br>
ﺍﻟﺤﺎﺟﺔ : ﻫﺎﻫﻲ ﺩﺭﻳﺔ ﻟﻲ ﻗﺎﻟﺖ ﻟﻴﻚ ﻋﻠﻴﻬﺎ ﺟﺎﺕ .. ﻭﺩﻭﺭﻭﻫﺎ ﻋﻨﺪﻱ

ﺍﻧﺎ : ﺳﻼﻡ ﺍ ﻻﻻ .... ﻟﺴﺎﻧﻲ ﺗﻌﻘﺪ ﻣﺎﺑﻘﻴﺘﺶ ﻗﺎﺩﺭﺓ ﻧﺰﻳﺪ ﻛﻠﻤﺔ ﺑﻘﻴﺖ ﺟﺎﻣﺪﺓ ﻓﻲ ﺑﻼﺳﺘﻲ ﻭ ﺩﻣﺰﻋﻲ ﻛﻴﻬﺒﻄﻮ ﻣﺘﻴﻘﺘﺶ ﺑﻠﻲ ﻏﺎﺩﻱ ﻧﻌﺎﻭﺩ ﻧﺸﻮﻓﻬﺎ ﻭ ﺧﺎﺻﺔ ﺑﻬﺎﺩ ﺍﻟﺤﺎﻟﺔ ﻫﺎﺩﻱ ﻻﻟﺔ ﻋﻴﺸﺔ ﻣﺎﻣﺎﺕ ﻳﺎﺳﻴﻦ ﻛﻨﺸﻮﻓﻬﺎ ﺟﺎﻟﺴﺎ ﻋﻠﻰ ﻛﺮﺳﻲ ﻣﺘﺤﺮﻙ ﻭ ﻳﺪﻳﻬﺎ ﻋﻮﺟﻴﻦ ﻭ ﻓﻤﻬﺎ ﻋﻮﺝ ﺷﺎﻓﺘﻨﻲ ﺑﻘﺎﺕ ﻛﺘﻄﻨﻖ ﺑﻜﻠﻤﺎﺕ ﻏﻴﺮ ﻣﻔﻬﻮﻣﺔ ﻭ ﺑﻘﺎﺕ ﺗﺎﺗﺰﻋﺰ ﺗﺎﻭﺍﺣﺪ ﻣﺎ ﻓﻬﻢ ﺷﻲ ﺣﺎﺟﺔ ﺳﻴﺪﺓ ﺑﺪﺍﺕ ﻛﺘﻜﻔﻜﻒ ﻭ ﺍﻧﺎ ﻧﻘﻮﻝ ﺍﻟﺨﺪﺍﻣﺔ ﺗﺠﻴﺐ ﻟﻴﺎ ﺑﺮﺓ ﻣﻬﺪﺀﺓ ‏( ﺣﻴﺖ ﺍﻧﺎ ﻋﺎﺭﻓﺔ ﺑﺤﺎﻝ ﻫﺎﺩ ﺍﻟﺤﻼﺕ ﺩﻳﻤﺎ ﺍﻟﻄﺒﻴﺐ ﻛﻴﻌﻄﻴﻬﻢ ﻣﻬﺪﺀﺍﺕ ﺣﻴﺖ ﻛﺘﺒﻘﻰ ﺗﺠﻴﻬﻢ ﻧﻮﺑﺔ ﻋﺼﺒﻴﺔ ﻣﺮﺓ ﻣﺮﺓ ﺧﺎﺻﺔ ﻻ ﺷﺎﻓﻮ ﺷﻲ ﺣﺎﺟﺔ ﻛﺘﻌﺼﺐ ﻭ ﺍﻧﺎ ﻟﻲ ﻛﻨﻌﺼﺐ ﻓﻲ ﻫﺎﺩ ﺍﻟﺤﺎﻟﺔ ‏) ﻣﻬﻴﻢ ﻃﺎﺑﺘﻬﺎ ﻝ ﺩﻳﻚ ﺍﻟﺨﺪﺍﻣﺔ ﺍﻧﺎ ﺷﺪﻳﺖ ﻟﺒﺮﺍ ﻭ ﺑﻐﻴﺖ ﻧﻀﺮﺑﻬﺎ ﻟﻴﻬﺎ ﻓﻲ ﺩﺭﺍﻋﻬﺎ ﻣﺨﻼﺗﻨﻴﺶ ﺣﺘﻰ ﺷﺪﺍﺕ ﻣﻌﺎﻳﺎ ﺍﻟﺨﺪﺍﻣﺔ ﻭ ﺍﺑﺘﺴﺎﻡ..ﻋﺎﺩ ﻋﻄﻴﺘﻬﺎ ﻟﻴﻬﺎ ﻧﻌﺴﺎﺕ ﻓﻲ ﺍﻟﺒﻼﺳﺔ
ﺗﻌﺎﻭﻧﺎ ﻋﻠﻴﻬﺎ ﺣﺘﻰ ﻃﻠﻌﻨﻬﺎ ﻟﺒﻴﺘﻬﺎ ﻭ ﻣﺸﻴﻨﺎ ﻟﺠﺮﺩﺓ <br>
ﺍﻟﺤﺎﺟﺔ : ﻋﻼﺵ ﻋﻴﺸﺔ ﻓﺎﺵ ﺷﺎﻓﺖ ﺍﻳﻤﺎﻥ ﻭﻻﺕ ﻓﺪﻳﻚ ﺍﻟﺤﺎﻟﺔ ‏( ﺍﻧﺎ ﺗﺰﻳﺮﺕ ﻣﻴﻤﺘﻲ ﻏﺎﺩﻱ ﻧﺘﻔﺮﺵ )<br>
ﺍﻧﺎ : ﻫﺎﺩ ﺍﻟﺤﺎﻟﺔ ﻋﺎﺩﻳﺔ ﺩﻳﻤﺎ ﻛﺘﺠﻲ ﻟﻤﺮﻳﺾ ﻓﺤﺎﻝ ﺍﻟﺤﺎﻟﺔ ﺩﻳﺎﻟﻬﺎ <br>
ﺍﻟﺨﺪﺍﻣﺔ : ﺍﻩ ﺍﻩ ﺍﻩ ﺩﻳﻤﺎ ﻛﺘﺠﻴﻬﺎ ﻫﺎﺩ ﺍﻟﻨﻮﺑﺔ ﻭ ﺩﻳﻤﺎ ﺍﻧﺎ ﻫﺰﺍﻫﺎ ﻟﻄﺒﻴﺐ ﻣﻜﺎﻧﺘﺶ ﻓﻲ ﺧﺒﺎﺭﻱ ﻫﺎﺩ ﺍﻟﺒﺮﺍ ﻛﺘﻬﺪﻥ <br>
ﺍﺑﺘﺴﺎﻡ : ﺩﺑﺎ ﻣﺰﻳﺎﻥ ﻧﺘﻲ ﻓﻬﻤﺘﻲ ﺍﻟﺤﺎﻟﺔ ﺩﻳﺎﻟﻬﺎ ﻭ ﻏﺘﻘﺪﺭﻱ ﺗﻌﺎﻟﺠﻴﻬﺎ ﻭ ﻫﻲ ﺭﺍﻩ ﻣﺮﺓ ﺍﻟﻠﻪ ﻳﻌﻤﺮﻫﺎ ﺩﺍﺭ ﻣﻐﺘﻨﺴﺎﻛﺶ <br>
ﺍﻧﺎ : ﻻ ﻻ ﻣﻨﻘﺪﺭﺵ ﻧﺒﻘﻰ ﻣﻌﺎﻫﺎ ‏( ﺣﺸﻤﺖ ﻧﻘﻮﻝ ﻟﻴﻬﻢ ﻏﻴﺮ ﺩﻳﻮﻧﻲ ﻣﻌﺎﻛﻢ )<br>
ﺍﻟﺤﺎﺟﺔ : ﻋﻼﺵ ﺍﺑﻨﺘﻲ ؟؟ <br>
ﺍﻧﺎ : ﻏﻴﺮ ﻫﻜﺎﻙ ﻧﻘﺪﺭ ﻧﺪﺑﺮ ﺭﺍﺳﻲ <br>
ﺍﺑﺘﺴﺎﻡ : ﻻ ﺍﺍﻳﻤﺎﻥ ﻭ ﻫﺎﺩ ﺍﻟﻤﺮﺓ ﻋﺎﺭﻫﺎ ﻋﻠﻰ ﻣﻦ ﺍﻭﻝ ﻣﺮﺓ ﻛﺘﻘﺒﻞ ﻣﻤﺮﺿﺔ ﺗﺠﻲ ﻋﻨﺪﻫﺎ ﻟﺪﺍﺭ ﻭ ﺩﺑﺎ ﺗﺨﻮﻱ ﺑﻴﻬﺎ <br>
ﺍﻟﺤﺎﺟﺔ : ﺍﻳﻴﻪ ﺍﺑﻨﺘﻲ ﻭ ﺩﺑﺎ ﻫﻲ ﻣﺤﺘﺎﺟﻚ ﻭ ﻧﺘﻲ ﻣﺤﺘﺠﺎﻫﺎ ‏( ﻳﺎﻭﺩﻱ ﺭﺍﻛﻢ ﻣﺎﻓﻬﻤﻴﻦ ﻭﺍﻟﻮ ﻻ ﺟﺎ ﻭﻟﺪﻫﺎ ﻟﻴﻐﺎﺩﻱ ﺗﻜﻤﻞ ‏) ﺻﺎﻓﻲ ﺑﻘﺎﻭ ﻋﻠﻴﺎ ﺣﺘﻰ ﻗﻨﻌﻮﻧﻲ ﺯﻋﻤﺔ ﻭ ﺍﻧﺎ ﺩﺭﺕ ﻟﻴﻬﻢ ﺩﻳﻚ ﻭﺍﺧﺔ ﺩﻳﺎﻝ ﺑﻠﻌﺎﻧﻲ ﺑﺎﺵ ﺍﻟﺤﺎﺟﺔ ﺗﻤﺸﻲ ﻣﻬﻨﻴﺔ ﻣﻦ ﺟﻴﻬﺘﻲ ﺣﻴﺖ ﻋﺎﺭﻓﺔ ﻫﺎﺩﺷﻲ ﻣﺎ ﻏﻴﻜﻤﻠﺶ ﻋﻠﻰ ﺧﻴﺮ ﻭ ﻛﻨﻄﻠﺒﻮ ﻣﻦ ﺭﺑﻲ ﺍﻟﺨﻴﺮ .... ﺻﺎﻓﻲ ﺗﻮﺍﺩﻋﻨﺎ ﺑﺎﻟﺒﻜﻮﺍﺕ ﻭ ﺍﻟﺤﺎﺟﺔ ﺑﻘﺎﺕ ﺗﻌﻨﻖ ﻭ ﺗﺒﻮﺱ ﻓﻲ ﻳﺎﺳﺮ ﻭ ﺗﺒﻜﻲ ﻭ ﺗﺎ ﻳﺎﺳﺮ ﺣﺲ ﺑﻴﻬﺎ ﻣﺒﻐﺎﺵ ﻳﻄﻠﻖ ﻣﻨﻬﺎ ﺻﺎﻓﻲ ﻭﻣﺸﺎﻭ ﻣﻦ ﺣﻴﺎﺗﻲ ﻓﺤﺎﻟﺔ ﻋﻤﺮﻫﻢ ﻛﺎﻧﻮ ﻓﻴﻬﺎ ... ﻭﺩﺧﻠﺖ ﺍﻧﺎ ﻧﺸﻮﻑ ﺣﺮﻳﺮﺗﻲ ﻛﻴﻔﺎﺵ ﻏﺎﺩﻱ ﻧﻄﻴﺒﻬﺎ ... ﻭﺭﺍﺗﻨﻲ ﺍﻟﺨﺪﺍﻣﺔ ﻟﺒﻴﺖ ﻟﻲ ﻏﺎﺩﻱ ﻧﺴﻜﻦ ﻓﻴﻪ ﺑﺎﻣﺮ ﻣﻦ ﻻﻟﺔ ﻋﻴﺸﺔ <br>
ﺍﻧﺎ : ﻛﻴﻔﺎﺵ ﻛﺘﻔﻬﻤﻲ ﻋﻠﻰ ﻻﻟﺔ ﻋﻴﺸﺔ ﺍﺵ ﺑﺎﻏﺎ <br>ﺍﻟﺨﺪﺍﻣﺔ : ﺍﻭﺩﻳﻲ ﻭﻟﻔﺖ ﻋﻠﻴﻬﺎ ﻭﻟﻴﺖ ﻧﻔﻬﻤﻬﺎ ﺍﺵ ﻛﺘﻘﻮﻝ ﻭﻟﻴﺖ ﻋﻴﺸﺔ ﻣﻌﻬﺎ ﻛﺘﺮ ﻣﻦ ﻭﻻﺩﻱ ﻭﺭﺍﺟﻠﻲ ﺣﻘﺎ ﻧﺘﻲ ﺳﻤﻴﺘﻚ ﺍﻳﻤﺎﻥ ﺍﻧﺎ ﺭﻗﻴﺔ <br>
ﺍﻧﺎ : ﺍﻩ ﺭﻗﻴﺔ ﻣﺸﺮﻓﻴﻦ ﺗﻨﺘﻲ ﻛﺘﺒﺎﺗﻲ ﻫﻨﺎ <br>
ﺭﻗﻴﺔ : ﻣﺮﺓ ﻣﺮﺓ ﺣﻴﺖ ﺧﺎﺻﻨﻲ ﻧﻘﺎﺑﻞ ﻭﻟﻴﺪﺍﺗﻲ <br>
ﺍﻧﺎ : ﻭ ﻛﺘﺨﻠﻴﻬﺎ ﺑﻮﺣﺪﻫﺎ <br>
ﺭﻗﻴﺔ : ﺍﻻ ﻭﻳﻠﻲ ﻛﻨﺠﻴﺐ ﺑﻨﺘﻲ ﻟﻌﻨﺪﻫﺎ ﺗﺒﺎﺕ ﻣﻌﺎﻫﺎ ﺍﻣﺎ ﺩﺑﺎ ﺻﺎﻓﻲ ﺟﻴﺘﻲ ﻧﺘﻲ ﻏﺘﻬﻨﻴﻨﻲ <br>
ﺍﻧﺎ : ﻭ ﻋﻼﺵ ﻭﻟﺪﻫﺎ ﺍﺵ ﻛﻴﺪﻳﺮ ﻟﻲ ﻣﺎ ﻳﻘﺒﻠﺶ ﻣﻮﻭ ‏( ﺍﻧﺎ ﻏﻴﺮ ﺑﺎﻏﺎ ﻧﺘﺴﻮﻕ ﺧﺒﺎﺭﻭ )<br>
ﺭﻗﻴﺔ : ﺍﻳﻮﺍ ﺍﻟﻠﻪ ﺍﻟﻠﻪ ﻋﻠﻰ ﻭﻟﺪﻫﺎ ﻛﻴﺠﻲ ﻣﺮﺓ ﻓﻲ ﺍﻟﻌﺎﻡ ﻛﻴﺘﺴﻮﻕ ﺧﺒﺎﺭﻫﺎ ﻏﻴﺮ ﻓﻲ ﺗﻴﻠﻴﻔﻮﻥ ﺑﻐﺎ ﻳﻌﺎﻟﺠﻬﺎ ﻫﻲ ﻣﺎﺑﻐﺎﺗﺶ ﻟﻴﻪ ﻭ ﺍﻟﻤﻤﺮﺿﺔ ﻟﻲ ﻛﻴﺠﻴﺒﻬﺎ ﻟﻴﻬﺎ ﻛﺘﺠﺮﻱ ﻋﻠﻴﻬﺎ <br>
ﺍﻧﺎ : ﺍﺍﻩ ﻭ ﻫﻮ ﻓﺎﺵ ﺧﺪﺍﻡ <br>
ﺭﻗﻴﺔ : ﻫﻮ ﻃﺒﻴﺐ ﻓﺘﺢ ﺳﺒﻴﻄﺎﺭ ﻫﻨﺎ ﻓﻲ ﻛﺎﺯﺍ ﻭﻭﺍﺣﺪ ﻓﻲ ﺭﺑﺎﻁ ﻭ ﺩﺍﺭ ﺍﻛﺒﺮ ﻣﺸﻔﻰ ﺳﺮﻃﺎﻥ ﻓﻲ ﻃﻨﺠﺔ ﻭ ﺩﺍﺭ ﻭﺍﺣﺪ ﺍﺧﺮ ﻓﻲ ﻓﺮﻧﺴﺎ ﺩﺍﻛﺸﻲ ﻻﺵ ﻣﻼﻗﻴﺶ ﺍﻟﻮﻗﺖ ﻓﻴﻦ ﻳﺤﻚ ﺭﺍﺳﻮ ﻋﺎﺩ ﺯﺍﻳﺪﻫﺎ ﺑﺎﻩ ﺧﻼ ﻟﻴﻪ ﺍﻻﻣﻼﻙ ﺍﺵ ﻣﻦ ﻙ ﻳﺎ ﺍﺭﺍﺿﻲ ﻭ ﻓﻴﺮﻣﺎﺕ ﻭ ﺩﻳﻮﺭ ‏( ﻫﺎﻱ ﻫﺎﻱ ﻋﻠﻰ ﻳﺎﺳﻴﻦ ﻭﻻ ﺑﻮﻛﻮ ﻓﻠﻮﺱ ﻧﻴﺖ ﺑﺎﻳﻨﺎ ﻏﻴﺮ ﻣﻦ ﻫﺎﺩ ﺍﻟﻔﻴﻼ ﻭﻟﻜﻦ ﺍﻟﺤﻤﺪﺍﻟﻠﻪ ﻣﻐﻨﺘﻼﻗﺶ ﺑﻴﻪ ﻭ ﺧﺎﻟﺘﻲ ﻋﻴﺸﺔ ﺍﻧﺎ ﻋﺎﺭﻓﺔ ﻛﻴﻒ ﻏﻨﺨﻠﻴﻬﺎ ﺗﻘﻨﻊ ﺗﺨﻠﻴﻨﻲ ﻋﻨﺪﻫﺎ ﻓﻲ ﺩﺍﺭ ) <br>
ﺍﻧﺎ : ﻭﻫﺎﺩ ﻭﻟﺪﻫﺎ ﻣﺰﻭﺝ <br>
ﺭﻗﻴﺔ : ﻋﻼﻣﺎ ﺳﻤﻌﺖ ﻛﺎﻥ ﻣﺰﻭﺝ ﻭﺍﺣﺪ ﺍﻟﻤﻤﺮﺿﺔ ﻭﻫﺮﺑﺖ ﻣﻊ ﺷﻲ ﺣﺪ ﺩﺍﻛﺸﻲ ﻻﺵ ﻣﻮ ﻣﻜﺘﺤﻤﻞ ﺣﺘﻰ ﻣﻤﺮﺿﺔ ﺩﺧﻞ ﻋﻨﺪﻫﺎ ﻟﻠﺪﺍﺭ <br>
ﺍﻧﺎ : ﺍﺍﺍﻩ ﺩﺍﻛﺸﻲ ﻻﺵ ﺍﻳﻮﺍ ﺍﺭﻱ ﻟﻴﺎ ﺩﻳﻚ ﺻﻮﺑﺔ ﻧﻄﻠﻌﻬﺎ ﻟﻤﺎﺩﺍﻡ ﻏﺎﺩﻱ ﺗﻜﻮﻥ ﻓﺎﻗﺖ ﺩﺑﺎ ... ﻃﻠﻌﺎ ﻭ ﻗﻠﺒﻲ ﻛﻴﻀﺮﺏ ﻭ ﻋﻴﻄﺖ ﻋﻠﻰ ﻳﺎﺳﺮ ﻳﺘﺒﻌﻨﻲ ﻋﻨﺪﻱ ﺧﻄﺔ ﻋﻠﻰ ﺍﻟﻠﻪ ﺍﻧﺠﺦ ﻟﻴﺎ .. ﻃﻠﻌﺖ ﻟﻘﻴﺘﻌﺎ ﻓﺎﻗﺖ ﻭ ﺟﺎﻟﺴﺔ ﻏﻴﺮ ﺣﺎﻟﻴﺖ ﺍﻟﺒﺎﺏ ﺑﻘﺎﺕ ﻛﺘﺰﻏﻌﺰﻉ ﻭ ﻛﺘﺤﺎﻭﻝ ﺗﻘﻮﻝ ﺷﻲ ﺣﺎﺟﺔ <br>
ﺍﻧﺎ : ﺧﺎﻟﺘﻲ ﺗﻬﺪﻧﻲ ... ﻭ ﺍﻧﺎ ﻧﺤﻂ ﻳﺪﻱ ﻋﻠﻰ ﻛﺘﻔﻬﺎ ﻫﻲ ﻋﺎﺩ ﻣﺎﺯﺩﺕ ﻓﻴﻪ ﻛﺘﺤﺎﻭﻝ ﺗﺤﺮﻙ ﻳﺪﻳﻬﺎ ﺑﺎﺵ ﺗﺤﻴﺪ ﻟﻴﺎ ﻳﺪﻱ ﻭ ﺑﺪﺍﺕ ﺳﻴﺪﺓ ﻛﺘﺰﻳﺮﺓ ﻭ ﻛﻠﻬﺎ ﻭﻻﺕ ﺣﻤﺮﺓ ‏( ﺍﻧﺎ ﻛﻨﻌﺮﻑ ﻣﺰﻳﺎﻥ ﻫﺎﺩ ﺍﻟﺤﻼﺕ ﺧﺘﻜﻢ ﺳﺒﻴﺴﻴﺎﻝ )<br>
ﺍﻧﺎ ﺣﻴﺪﺕ ﻳﺪﻱ ﻭ ﻫﻲ ﺑﻘﺎﺕ ﻛﺘﺰﻋﺰﻉ <br>
ﺍﻧﺎ ﻋﻴﻄﺖ ﻟﻴﺎﺳﺮ ﻟﻲ ﻏﻴﺮ ﺳﻤﻌﻨﻲ ﻭ ﺟﺎ ﻋﻨﺪﻱ ﺗﻴﺠﺮﻱ .. ﻭ ﺷﺪﻳﺖ ﻣﻦ ﻭﺟﻪ ﺧﺎﻟﺘﻲ ﻭﻫﻲ ﻛﺘﺤﺎﻭﻝ ﺗﺒﻌﺪﻧﻲ ﻋﻠﻴﻬﺎ <br>
ﺍﻧﺎ : ﺧﺎﻟﺘﻲ ﺳﻤﻌﻴﻨﻲ ﻫﺎﺩﺍ ﻳﺎﺳﺮ ﻭﻟﺪ ﻳﺎﺳﻴﻦ ﺗﻬﺪﻧﻲ ﺷﻮﻓﻲ ﻫﺎﺩﺍ ﻭﻟﺪ ﻳﺎﺳﻴﻦ ... ﻭﺟﺮﻳﺖ ﻋﻨﺪﻫﺎ ﻳﺎﺳﺮ ﻫﻲ ﺧﺮﺟﺖ ﻓﻴﺎ ﻋﻴﻨﻴﻬﺎ ﻭ ﺩﺍﺭﺕ ﺗﺸﻮﻑ ﻓﻲ ﻳﺎﺳﺮ ﻭ ﺧﺮﺟﺖ ﻓﻴﻪ ﻋﻴﻨﻴﻬﺎ ﻫﻮ ﺧﺎﻑ ﻣﻨﻬﺎ ﻭ ﺗﺨﺸﺎ ﻣﻦ ﻣﻮﺭﻳﺔ ﻭ ﻫﻲ ﺩﻭﺭ ﺭﺍﺳﻬﺎ ﻟﻮﺍﺣﺪ ﺗﺼﻮﺭﻳﺔ ﻣﻌﻠﻘﺔ ﻓﻲ ﺍﻟﺤﻴﻂ ﻛﺎﻧﺖ ﻣﺼﻮﺭﺓ ﻓﻴﻬﺎ ﻫﻲ ﻭ ﺭﺍﺟﻠﻬﺎ ﻭﻭﺍﺣﺪ ﺩﺭﻱ ﺻﻐﻴﻮﺭ ﻓﻄﻮﻛﻮﺑﻲ ﻭﻟﺪﻱ ﻳﺎﺳﺮ ﻭ ﻫﻲ ﺗﺮﺟﻊ ﺗﺸﻮﻑ ﻓﻴﺎ ﻭ ﺷﺎﻓﺖ ﻓﻲ ﻳﺎﺳﺮ ﻟﻲ ﻣﺨﻠﻮﻉ ﻣﻨﻬﺎ ﺟﺎﺗﻮ ﻓﺸﻲ ﺷﻜﻞ ‏( ﺑﻌﺪﺍ ﺍﻟﺤﻤﺪﺍﻟﻠﻪ ﻣﻨﻴﻦ ﺗﻬﺪﻧﺎﺕ ﺧﻄﺘﻲ ﻧﺠﺤﺎﺕ ﺑﻼ ﻣﻨﺴﺘﻌﻤﻞ ﺩﻭﻙ ﺍﻟﻤﻬﺪﺋﺎﺕ ‏) ﻫﻲ ﺑﻘﺎﺕ ﻛﺘﺸﻮﻑ ﻓﻴﺎ ﻭﻋﺮﻓﺘﻬﺎ ﻛﺘﺴﻨﺎ ﻣﻨﻲ ﺗﻔﺴﻴﺮ <br>
ﺍﻧﺎ : ﺍﻳﺎﻩ ﻫﺎﺩﺍ ﻭﻟﺪ ﻳﺎﺳﻴﻦ ﻭ ﻋﻨﺪﻭ ﻋﻤﺎﻳﻦ ﻭ ﻟﺒﻐﻴﺘﻲ ﺗﺰﻳﺪﻱ ﺗﺄﻛﺪﻱ ﻓﺎﺵ ﺍﻧﺸﺎﺀﺍﻟﻠﻪ ﺗﺼﺤﻲ ﺩﻳﺮﻱ ﻟﻴﻪ ﺗﺤﺎﻟﻴﻞ ﺍﻝ DNA( ﻣﻌﺮﻓﺘﺶ ﻭ ﺗﻴﻘﺎﺗﻨﻲ ﻭﻻﻻ ‏)..ﺑﺪﺍﻭ ﻛﻴﻬﺒﻄﻮ ﻟﻴﻬﺎ ﺩﻣﻴﻌﺎﺕ ﻭ ﻛﺘﺸﻮﻑ ﻓﻲ ﻳﺎﺳﺮ ﻭﺍﻧﺎ ﻛﻨﺪﻓﻊ ﻳﺎﺳﺮ ﺍﺗﺠﺎﻫﻬﺎ ﻫﻮ ﺧﺎﻳﻒ ﻣﻨﻬﺎ ﻣﺎﺑﻐﻴﺶ ﻳﻤﺸﻲ <br>
ﺍﻧﺎ : ﺳﻴﺮ ﺑﻮﺱ ﺟﺪﺍﻙ ﺣﺸﻮﻣﺔ ... ﻋﺎﺩ ﺟﻠﺴﺘﻮ ﻓﻲ ﺣﺰﺗﻬﺎ ﻭ ﺑﺎﺳﺘﻮ ﻭ ﻋﻨﻘﻬﺎ ﻫﻲ ﻏﻤﻀﺖ ﻋﻴﻨﻴﻬﺎ ﻭ ﺑﻘﺎﺕ ﻛﺘﺒﻜﻲ .. ﺻﺎﻓﻲ ﺧﺮﺟﺖ ﻳﺎﺳﺮ ﻭ ﺟﻠﺴﺖ ﻗﺪﺍﻣﻬﺎ ﻭ ﻳﺎﻻﻩ ﺑﻐﻴﺖ ﻧﻮﻛﻠﻬﺎ ﻻ ﺳﻮﺏ ﻭ ﻫﻲ ﺩﻭﺭ ﻭﺟﻬﻬﺎ ﻟﻬﻴﻪ <br>
ﺍﻧﺎ ﺷﺪﺍﺗﻨﻲ ﺍﻟﺒﻜﻴﺔ : ﺍﻧﺎ ﻋﺮﻓﺎﻙ ﻣﻘﻠﻘﺎ ﻣﻨﻲ ﻋﻠﻰ ﻭﺩ ﺩﻳﻚ ﺍﻟﻔﻌﻠﺔ ﺩﺍﻛﺸﻲ ﻻﺵ ﺧﺎﻟﻴﻨﻲ ﻏﻴﺮ ﻧﺪﻳﺮ ﺷﻮﻳﺔ ﺑﺎﺵ ﻧﺮﻳﺢ ﺿﻤﻴﺮﻱ ﻳﻜﻔﻲ ﻏﻴﺮ ﺍﻥ ﻋﻤﻲ ﻋﺘﻤﺎﻥ ﻣﺎﺕ ﺑﻼﻣﺎ ﻳﺴﺎﻣﺤﻨﻲ ﻋﻔﺎﻙ ﻟﻤﺎ ﻛﻠﻲ ﻣﺎﺷﻲ ﻋﻠﻰ ﻗﺒﻠﻲ ﻏﻴﺮ ﻋﻠﻰ ﻗﺒﻞ ﻳﺎﺳﺮ ﻭﻭﻟﺪﻙ ﻳﺎﺳﻴﻦ .... ﻏﻴﺮ ﺩﻛﺮﺕ ﻳﺎﺳﻴﻦ ﻭ ﻫﻲ ﺍﻟﺪﻭﺭ ﺗﺨﻨﺰﺭ ﻓﻴﺎ ﺍﻧﺎ ﺣﻨﻴﺖ ﺭﺍﺳﻲ ﻭ ﻣﺴﺤﺖ ﺩﻣﻮﻋﻲ ﻭ ﻋﺎﻭﺩﺕ ﻣﺪﻳﺖ ﻟﻴﻬﺎ ﺍﻟﻤﻌﻠﻘﺔ ﺑﺎﺵ ﻧﻮﻛﻠﻬﺎ ﻭ ﻫﺎﺩ ﺍﻟﻤﺮﺓ ﻛﻼﺕ ﻣﻦ ﻳﺪﻱ ﻭﻟﻜﻦ ﺑﺎﻗﺎ ﻣﺨﻨﺰﺭﺍ ﻓﻴﺎ ﺻﺎﻓﻲ ﺷﺮﺑﺘﻬﺎ ﺍﻟﺪﻭﺍ ﻭ ﻧﻌﺴﺘﻬﺎ ﻭ ﺧﺮﺟﺖ .. ﻭ ﻣﺸﻴﺖ ﻟﺒﻴﺘﻲ ﻣﻠﻘﻴﺘﺶ ﻳﺎﺳﺮ ﺧﺮﺟﺖ ﻛﻨﻘﻠﺐ ﻋﻠﻴﻪ ﺑﻘﻴﺖ ﻛﻨﻄﻠﻊ ﻓﺪﻳﻚ ﺍﻟﺪﺍﺭ ﻓﻴﻬﺎ ﺑﺰﺍﻑ ﺩﻳﺎﻝ ﺍﻟﻐﺮﻑ ﻋﺎﺩ ﻟﻘﻴﺖ ﻳﺎﺳﺮ ﺗﺎﻟﻒ <br>
ﺍﻧﺎ : ﻳﺎﺳﺮ ﺍﺵ ﻛﺘﺪﻳﺮ ﺗﻤﺎ <br>
ﻳﺎﺳﺮ : ﺭﺍﻩ ﺧﺮﺟﺖ ﻭ ﺑﻐﻴﺖ ﻧﻤﺸﻲ ﻋﻨﺪ ﺧﺎﻟﺘﻲ ﺭﻗﻴﺔ ﻭ ﻣﻌﺮﻓﺘﺶ ﺍﻟﻄﺮﻳﻖ ﺍﻟﺒﻴﺒﺎﻥ ﻛﻠﻬﻢ ﻛﻴﺘﺸﺎﺑﻬﻮ <br>ﺍﻧﺎ : ﺍﻩ ﻭﻟﻴﺪﻱ ﺑﺼﺢ ﺍﻧﺎ ﻗﻠﺖ ﻟﻴﻚ ﻓﺎﺵ ﺗﻠﻒ ﻭﻗﻒ ﻣﺘﺒﻘﺎﺵ ﺗﺰﻳﺪ ... ﺷﻮﻳﺔ ﺑﻘﻴﺖ ﻏﺎﺩﻳﺔ ﺑﻐﻴﺖ ﻧﺮﺟﻊ ﺯﺩﻗﺖ ﺗﺎﻧﺎ ﺗﺎﻟﻔﺎ ﻭﺍﻭ ﺩﻳﻚ ﺍﻟﺪﺍﺭ ﺷﺤﺎﻝ ﻛﺒﻴﺮﺓ ﻭ ﺍﻻﺑﻮﺍﺏ ﺩﺍﻟﻐﺮﻑ ﻓﺤﺎﻝ ﻓﺤﺎﻝ ﺗﻘﻮﻝ ﻏﻴﺮ ﺷﻲ ﻭﻃﻴﻞ ﺷﻴﺸﻮﻳﺔ ﻛﻴﺒﺎﻥ ﻟﻴﺎ ﻭﺍﺣﺪ ﺍﻟﺒﺎﺏ ﻣﺨﺘﺎﻟﻒ ﻋﻠﻰ ﺍﻟﺒﻴﺒﺎﻥ ﻳﺎﻻﻩ ﻛﻨﺖ ﺑﺎﻏﺎ ﻧﻤﺸﻲ ﻟﻴﻪ ﻭ ﻫﻲ ﺗﺠﻲ ﺭﻗﻴﺔ <br>
ﺭﻗﻴﺔ : ﺍﺵ ﻛﺪﻳﺮﻱ ﻫﻨﺎ <br>
ﺍﻧﺎ : ﻻ ﻭﺍﻟﻮ ﻏﻴﺮ ﻛﻨﺴﺘﻜﺸﻒ ﺍﻟﻤﻜﺎﻥ <br>
ﻳﺎﺳﺮ : ﻋﺎﺩﻛﻲ ﺍﺧﺎﻟﺘﻲ ﻏﻴﺮ ﺗﺘﻜﺪﺏ ﻋﻠﻴﻚ ﺭﺍﻩ ﺗﻠﻔﻨﺎ ... ﺍﻧﺎ ﺯﻳﺮﺕ ﻋﻠﻰ ﻳﺪ ﻳﺎﺳﺮ ﻭ ﺧﺮﺟﺖ ﻓﻴﻪ ﻋﻴﻨﻲ ﻫﻮ ﻳﺨﺮﺝ ﻓﻴﺎ ﻋﻴﻨﻮ : ﻭ ﻣﺎﻟﻜﻲ ﺗﻜﺪﺑﻲ ... ﺷﻮﻑ ﺍﻟﺒﻌﻠﻮﻙ ﺍﻟﺼﺮﺍﺣﺔ ﻣﻜﻴﺤﺸﻤﺶ <br>
ﺭﻗﻴﺔ : ﻫﻨﻬﻬﻪ ﻣﺎﺷﻲ ﻣﺸﻜﻴﻞ ﺗﻌﺎﻟﻮ ﻧﺪﻳﻜﻢ ﺍﻟﻜﻮﺯﻳﻨﺔ ﺗﺎﻛﻠﻮ ﺷﻲ ﺣﺎﺟﺔ ﺩﺧﻠﻨﺎ ﻟﻴﻬﺎ ﺩﺍﻛﺸﻲ ﻣﻘﺎﺩﺩ ﻭ ﻣﺴﺘﻒ ﻋﻠﻰ ﺣﻘﻮ ﻭ ﻃﺮﻳﻘﻮ ﺩﺑﺎ ﻫﺎﺩﻱ ﺳﻤﻴﺘﻬﺎ ﻛﻮﺯﻳﻨﺔ .. ﺻﺎﻓﻲ ﺣﻄﺎﺕ ﻟﻴﻨﺎ ﺩﺟﺎﺝ ﻛﻠﻴﻨﺎ ﻃﺤﻨﺎ ﻓﻴﻪ ﻋﻤﻴﻴﻦ ﺍﻧﺎ ﻭﻳﺎﺳﺮ ﺻﺎﻓﻲ ﻧﻀﺖ ﺩﻳﺖ ﻳﺎﺳﺮ ﺍﻟﺒﻴﺖ ﻳﻨﻌﺲ ﻭ ﺭﺟﻌﺖ ﻧﻌﺎﻭﻥ ﺭﻗﻴﺔ ﻓﻲ ﺍﻟﻤﺎﻋﻦ ﻭ ﻣﻨﻬﺎ ﻧﻴﺖ ﻧﺘﺴﻮﻕ ﺧﺒﻴﺮﺍﺕ <br>
ﺍﻧﺎ : ﺩﺍﻳﻠﻤﻦ ﺩﺍﻙ ﺍﻟﺒﻴﺖ ﻟﻴﻠﻔﻮﻕ ﻟﻲ ﺑﺎﺑﻮ ﻓﺸﻲ ﺷﻜﻞ <br>
ﺭﻗﻴﺔ : ﻫﺪﺍﻙ ﺩﻳﺎﻝ ﺳﻲ ﻳﺎﺳﻴﻦ <br>
ﺍﻧﺎ : ﺍﺍﺍﻩ ﻭ ﺍﻣﺘﺎ ﻛﻴﺠﻲ ﻫﻮ ﻟﻬﻨﺎ ﻭ ﺷﺤﺎﻝ ﻛﻴﺒﺮﻙ <br>
ﺭﻗﻴﺔ : ﻋﻠﻰ ﺣﺴﺎﺏ ﻛﻞ ﻣﺮﺓ ﻭ ﺍﻣﺘﺎ ﻭ ﻛﻴﺠﻠﺲ ﺷﻲ ﺳﻴﻤﺎﻧﺔ ﻫﻮ ﻟﻲ ﻛﻴﻘﺎﺑﻞ ﻣﻮ ﻭ ﻛﻞ ﺳﻴﻤﺎﻧﺔ ﻛﻴﺼﻮﻧﻲ ﻟﻴﺎ ﺑﺎﺵ ﻃﻤﺄﻧﻮ ﻋﻠﻰ ﺍﺧﺒﺎﺭﻫﺎ <br>
ﺍﻧﺎ : ﺍﺍﺍﻩ ﺩﺑﺎ ﻫﻮ ﻣﻤﺨﻄﻮﺏ ﻣﻤﺰﻭﺝ ﻣﺎﻭﺍﻟﻮ <br>
ﺭﻗﻴﺔ : ﻭﻫﺪﺍﻱ ﻋﻠﻴﺎ ﻓﻲ ﻫﺪﺷﻲ ﻣﻌﺎﺭﻓﺎ ﻋﻠﻴﻪ ﻭﺍﻟﻮ .... ﺻﺎﻓﻲ ﻛﻤﻠﻨﺎ ﺷﻐﺎﻟﻨﺎ ﻣﺸﻴﺖ ﻧﻌﺴﺖ ﻣﻊ ﻭﻟﺪﻱ ﻭ ﺭﻗﻴﺔ ﻣﺸﺎﺕ ﻟﺪﺍﺭﻫﺎ ﺷﺪﺍﺕ ﻃﺎﻛﺴﻲ ﻭ ﻣﺸﺎﺕ .. ﺻﺎﻓﻲ ﺻﺒﺢ ﺍﻟﺼﺒﺎﺡ ﺍﺗﺎ ﺳﺎﻋﺔ ﻟﻲ ﻓﻘﺖ ﻃﻠﻌﺖ ﻋﻨﺪ ﺧﺎﻟﺘﻲ ﻋﻴﺸﺔ ﻟﻘﻴﺘﻬﺎ ﻛﺘﺤﺎﻭﻝ ﺗﻨﻮﺽ ﻭ ﺟﻠﺲ ﻓﻲ ﻛﺮﺳﻲ ﺍﻟﻤﺘﺤﺮﻙ ﺷﺎﻓﺘﻨﻲ ﻭ ﻫﻲ ﺗﻜﺤﻞ ﺑﺎﻟﻌﻤﻰ ﻣﺸﻴﺖ ﻋﻮﻧﺘﻬﺎ ﻭ ﻫﻲ ﻏﻴﺮ ﻣﺨﻨﺰﺭﺓ ﻓﻴﺎ ﻫﺒﻄﺘﻬﺎ ﻟﻠﺠﺮﺩﺓ ﺗﻔﻄﺮ ﺑﺎﺵ ﻧﺒﺪﺍ ﻟﻴﻬﺎ ﺗﻤﺎﺭﻳﻦ ﻭ ﻣﻊ ﻣﺎﻛﻴﻦ ﺣﺘﻰ ﺭﺍﺟﻞ ﻓﻲ ﺩﺍﺭ ﻟﺒﺴﺖ ﺷﻮﺭﻁ ﻭ ﺗﻴﺸﻮﺭﻃﺎ ﻭ ﺗﺤﺰﻣﺖ ﻟﻴﻚ ﻟﻴﻬﺎ ﺑﺎﺵ ﻧﺒﺪﺍ ﻟﻴﻬﺎ ﺗﺮﻭﻳﺾ ﺻﺎﻓﻲ ﻓﻄﺮﻧﺎ ﺷﺮﺑﺘﻬﺎ ﺍﻟﺪﻭﺍ ﺟﺎ ﻳﺎﺳﺮ ﺑﺎﺳﻨﻲ ﻭ ﺑﻘﺎ ﻣﺘﺮﺩﺩ ﻭﺍﺵ ﻳﺴﻠﻢ ﻋﻠﻴﻬﺎ ﻭﻻﻻ <br>
ﺍﻧﺎ : ﺳﻠﻢ ﻋﻠﻰ ﺟﺪﺍﻙ <br>
ﻳﺎﺳﺮ : ﺭﺍﻩ ﻛﺘﺨﻠﻌﻨﻲ <br>
ﺍﻧﺎ : ﺣﺸﻮﻣﺔ ﺳﻠﻢ ﻋﻠﻰ ﺟﺪﺍﻙ ... ﻫﻲ ﻛﺘﺪﻳﺮ ﻟﻴﺎ ﺑﻌﻴﻨﻴﻬﺎ ﻏﻴﺮ ﺧﻠﻴﻪ ﻋﺎﺩ ﺳﻠﻢ ﻋﻠﻴﻬﺎ ﻭ ﺑﺪﻳﺖ ﺍﻧﺎ ﻭﻳﺎﻫﺎ ﺑﺪﻳﻨﺎ ﺑﺘﻤﺎﺭﻳﻦ ﺑﺪﻳﺖ ﻛﻨﺤﺎﻭﻝ ﻧﺨﻠﻴﻬﺎ ﺗﺤﺮﻙ ﻓﻤﻬﺎ ﺑﺎﺵ ﻣﺎ ﻳﺒﻘﺎﺵ ﻋﻮﺝ ﻟﻴﻬﺎ ﻛﺘﺤﺮﻛﻮ ﻳﻤﻴﻦ ﻭ ﻳﺴﺎﺭ ﻭﺧﺎ ﻛﺘﺠﻴﻬﺎ ﺻﻌﻴﺒﺔ..ﻭﺩﺍﺯﺕ ﺷﻲ ﺳﺎﻋﺔ ﻭ ﺑﺎﻧﺖ ﻟﻴﺎ ﻋﻴﺎﺕ ﺧﻠﻴﺘﻬﺎ ﺗﺮﺗﺎﺡ ﻭ ﺟﺒﺖ ﻟﻴﻬﺎ ﻣﺎ ﺗﺎﻛﻞ ﻭ ﺟﺎ ﻳﺎﺳﺮ ﺗﻴﺠﺮﻱ ﻗﺎﻟﻚ ﺍﺳﻴﺪﻱ ﻏﺎﺭ ﻣﻦ ﻻﻟﺔ ﻋﻴﺸﺔ ﺣﻴﺖ ﻛﻨﻠﻌﺐ ﻣﻌﺎﻫﺎ ﻋﻠﻰ ﺗﻤﺎﺭﻳﻦ ﺯﻋﻤﺔ ﺑﻘﻴﺖ ﻛﻨﻀﺤﻚ ﻛﻨﺪﻭﺭ ﻛﻨﻠﻘﺔ ﺧﺎﻟﺘﻲ ﺗﺎﻫﻴﺎ ﻛﻀﺤﻚ ﻣﺎﺑﻴﻨﺎ ﻏﻴﺮ ﻣﻦ ﻋﻴﻨﻴﻬﺎ .. ﺻﺎﻓﻲ ﻛﻤﻠﻨﺎ ﺗﻤﺎﺭﻳﻦ ﻭ ﺣﺘﻰ ﻳﺎﺳﺮ ﺩﺍﺭ ﻣﻌﺎﻫﺎ ﺗﻤﺎﺭﻳﻦ ﺑﻄﻠﺐ ﻣﻦ ﺧﺎﻟﺘﻲ ﺻﺎﻓﻲ ﺳﺎﻟﻴﻨﺎ ﺗﻐﺪﻳﻨﺎ ﻭﺩﺍﺯ ﻧﻬﺎﺭ ﻋﺎﺩﻱ ﺑﻘﻴﻨﺎ ﻋﺎﻭﺩ ﺗﺎﻧﻲ ﺍﻟﻐﺪ ﻟﻴﻪ ﻧﻔﺲ ﺍﻟﺤﺎﻟﺔ ﺗﻐﺪﻳﻨﺎ ﻃﻠﻌﺖ ﺧﻠﺘﻲ ﺗﺮﺗﺎﺡ ﺗﻜﻴﺘﻬﺎ ﻭ ﺧﺮﺟﺖ ﻭ ﺍﻧﺎ ﻧﺸﻮﻑ ﻓﻲ ﺍﻟﺒﻴﺖ ﺩﻳﺎﻝ ﻳﺎﺳﻴﻦ ﺟﺎﻧﻲ ﺍﻟﻔﻀﻮﻝ ﻧﻌﺮﻑ ﺍﺵ ﻓﻴﻪ ﺷﻮﻳﺔ ﻗﻠﺖ ﻻ ﺣﺸﻮﻣﺔ ﻭﺻﻠﺖ ﺗﺎﻝ ﻧﺺ ﻃﺮﻳﻖ ﻭ ﺭﺟﻌﺖ ﺣﻠﻴﺖ ﺍﻟﺒﺎﺏ ﻟﻘﻴﺘﻮ ﻣﺤﻠﻮﻝ ﻭﺍﻭ ﺑﻴﺘﻮ ﺯﻭﻳﻦ ﻭ ﻛﺒﻴﻴﻴﺮ ﻭ ﻭﺍﺳﻊ ﻭ ﻛﻠﻮ ﺑﺎلگرﻱ ﻭ ﻧﺎﻣﻮﺳﻴﺔ ﺍﻟﻮﺳﻂ ﻭﻓﻴﻪ ﺑﺰﺍﻑ ﺩﻳﺎﻝ ﺍﻻﻻﺕ ﻋﺮﻓﺖ ﻣﻨﻬﻢ ﻏﻴﺮ ﺍﻻﺓ ﺍﻟﺤﻼﻗﺔ ﺷﻔﺖ ﻭﺍﺣﺪ ﺗﺼﻮﻳﺮﺓﻳﺎﻟﻮ ﻣﺼﻮﺭ ﻣﻊ ﺷﻲ ﺣﺪ ﻭﺍﻗﻴﻼ ﺷﻲ ﺷﺨﺼﻴﺔ ﻣﻬﻤﺔ ﺣﻴﺖ ﺷﻔﺖ ﻋﻨﺪﻭ ﺍﻟﻜﺮﺵ ﻭ ﺻﻠﻊ ﺍﻣﺎ ﺳﻲ ﻳﺎﺳﻴﻦ ﻓﺤﺒﺪ ﺍﻟﻨﻀﺎﺿﺮ ﻭ ﻻ ﻛﻴﺮﺟﻊ ﺷﻌﺮﻭ ﻟﻮﺭ ﻭﻻﺑﺲ ﺍﻟﻜﻼﺱ ﻓﺪﻳﻚ ﺗﺼﻮﻳﺮﺓ ﻭ ﻻ ﻓﺤﺎﻝ ﺭﺟﺎﻝ ﺍﻻﻋﻤﺎﻝ ﻣﻊ ﻻﺑﻲ ﻗﻤﻴﺠﺔ ﻣﺰﻳﺮﺓ ﻋﻠﻴﻪ ﻭ ﻧﺺ ﻛﻮﻡ ﺑﻴﻨﺎﺕ ﻟﻴﻪ ﺍﻟﻌﻀﻼﺕ ﺩﻳﺪﻭ ﻭ ﺣﻞ ﺻﺪﻳﻔﺔ ﻫﺎﻱ ﻫﺎﻱ ﻫﺎﺩﺍ ﻛﻮﻟﻮ ﻛﺎﻥ ﺭﺍﺟﻠﻲ ﻭ ﺍﻧﺎ ﻛﻨﺖ ﺗﺎﺑﻌﺎ ﺍﻟﻌﻘﻮﺑﺔ ﺩﻳﺎﻝ ﺳﻴﻤﻮ ... ﻓﺎﺵ ﻛﻨﺘﻔﻜﺮ ﺑﻠﻲ ﻫﺪﺍ ﻏﺘﺼﺒﻨﻲ ﻣﻜﻴﺒﻘﺎﺵ ﻓﻴﺎ ﺍﻟﺤﺎﻝ ﺍﻟﻤﻬﻴﻢ ﺑﻘﻴﺖ ﻛﻨﺒﻘﺸﺶ ﻣﺸﻴﺖ ﺍﻟﺤﻮﻳﺠﻮ ﻭﺍﺣﺪ ﺻﻒ ﻃﻮﻳﻴﻴﻞ ﻓﻴﻪ ﺑﺰﺍﻑ ﺩﻳﺎﻝ ﺍﻻﻟﻮﺍﻥ ﺩﻳﺎﻝ ﺍﻟﻘﻮﺍﻣﺞ ﻭ ﺗﺴﺘﻴﻔﺔ ﺩﻳﺎﻝ ﺻﺒﺎﺑﻂ ﺣﻠﻴﺖ ﺍﻟﺒﻼﻛﺎﺭ ﻻﺧﻮﺭ ﻟﻘﻴﺖ ﻓﻴﻪ ﺗﺴﺘﻴﻔﺔ ﺩﻳﺎﻝ ﺳﺮﺍﻭﺍ ‏( ﺻﺮﺍﺣﺔ ﻏﻴﺮ ﺍﻧﺎ ﺳﻤﻴﺘﻮ ﺑﻼﻛﺎﺭ ﺍﻣﺎ ﻫﻮ ﺷﻲ ﺣﺎﺟﺔ ﺧﻄﺮ ‏) ﻭ ﻓﻴﻬﻢ ﻭﺍﺣﺪ ﺍﻟﺮﻳﺤﺔ ﺯﻭﻳﻨﺔ ﻛﺘﺎﺗﻴﺮﻱ ﻟﻘﻴﺖ ﻋﺎﻭﺩ ﺗﺎﻧﻲ ﺑﺰﺍﻑ ﺩﻳﺎﻝ ﺍلمگاﻧﺎﺕ ﺷﻜﻴﺖ ﻭﺍﺵ ﻛﻴﺒﺪﻝ ﻓﻴﻬﻢ ﺍﻟﺒﻴﻊ ﺍﻟﻤﻬﻴﻢ ﻣﺸﻴﺖ ﻟﻮﺍﺣﺪ ﺍﻟﻤﺠﺮ ﺣﺪﺍ ﺍﻟﻨﻤﻮﺳﻴﺔ ﻟﻘﻴﺖ ﻭﺍﺣﺪ ﺻﻨﻴﺪﻳﻘﺔ ﻳﺎﻻﻩ ﻫﺰﻳﺘﻬﺎ ﻧﺸﻮﻑ ... ﻭﺍﻧﺎ ﻧﺴﻤﻊ ﺷﻲ ﺣﺎﺟﺔ ﻃﺎﺣﺖ ﻟﺘﺤﺖ ﻭﻭﻟﺪﻱ ﻛﻴﺒﻜﻲ ﺣﻄﻴﺖ ﺻﻨﺪﻭﻕ ﻭ ﻣﺸﻴﺖ ﻛﻨﺠﺮﻱ ﻧﺰﻟﺖ ﻟﻘﻴﺖ ﺭﻗﻴﺔ ﻓﻲ ﺍﻻﺭﺽ ﻭ ﺍﻟﻜﺮﺳﻲ ﻣﻬﺮﺱ ﻭ ﻳﺎﺳﺮ ﻛﻴﺒﻜﻲ ﺣﻴﺖ ﻃﺎﺣﺖ ﻟﻴﻪ ﻋﻠﻰ ﺍﻟﻄﻴﺎﺭﺓ ﺩﻳﺎﻟﻮ ﻭ ﻫﺮﺳﺘﻬﺎ ﺻﺎﻓﻲ ﺧﻠﻴﺖ ﻳﺎﺳﺮ ﻋﻨﺪ ﺧﺎﻟﺘﻲ ﻋﻴﺸﺔ ﻭ ﺩﻳﺘﻬﺎ ﺩﻏﻴﺎ ﺍﻟﻤﺴﺘﺸﻔﻰ ﻋﺎﻭﻧﻲ ﺍﻟﻌﺴﺎﺱ ﺩﻳﺎﻝ ﺍﻟﺒﺎﺏ ﺍﻭ ﺍﻟﺒﻼﺣﺮﻯ ﺍﻟﺒﻮﺩيگاﺭﺩ ﺗﻨﺸﺪﻭ ﻃﺎﻛﺴﻲ‏( ﻭﺍﺣﺪ ﺍﻟﻀﺨﺎﻣﺔ ﻭﻝ ﺑﺎﺭﺡ ﻓﺎﺵ ﺟﻴﻨﺎ گاعما ﻛﺎﻥ ‏) ﻟﻘﺎﻭ ﺭﺟﻠﻴﻬﺎ ﻣﻬﺮﺳﺔ ﻭ ﺩﺍﺭﻭ ﺍﻟﺠﺒﺲ ﻭ ﺩﻳﺘﻬﺎ ﻟﺪﺍﺭﻫﺎ ﻭ ﺭﺟﻌﺖ ﺍﻧﺎ ﻟﻠﺪﺍﺭ ﺧﺎﻟﺘﻲ .. ﺳﻮﻟﻨﻲ ﺍﻟﻌﺴﺎﺱ ﻛﻴﻒ ﺑﻘﺎﺕ ﻗﺎﻟﺖ ﺑﻠﻲ ﺭﺍﻩ ﺗﻬﺮﺳﺎﺕ ﺑﻘﻰ ﻓﻴﻪ ﺍﻟﺤﺎﻝ ﺳﺎﻋﺔ ﻟﻲ ﺩﺧﻠﺖ ﻟﺪﺍﺭ ﻟﻘﻴﺖ ﺧﺎﻟﺘﻲ ﻣﺠﻠﺴﺎ ﻳﺎﺳﺮ ﻓﻲ ﺣﺰﺗﻬﺎ ﻭ ﻧﺎﻋﺲ ﺳﻮﻟﺘﻨﻲ ﺑﻌﻴﻨﻴﻬﺎ ﻋﻠﻰ ﺭﻗﻴﺔ ﻗﺎﻟﺖ ﻟﻴﻬﺎ ﺑﻠﻲ ﺗﻬﺮﺳﺖ ﻭ ﺩﻳﺘﻬﺎ ﻟﺪﺍﺭﻫﺎ ﺑﻐﻴﺖ ﻧﻬﺎﺯ ﻭﻟﺪﻱ ﻣﺒﻐﺎﺗﺶ ﺗﺨﻠﻴﻨﻲ ﺻﺎﻓﻲ ﺧﻠﻴﺘﻮ ﻧﺎﻋﺲ ﻋﻠﻴﻬﺎ ﻭ ﻣﺸﻴﺖ ﻧﺼﺎﻳﺐ ﺍﻟﻌﺸﺎ ﺻﺎﻓﻲ ﻫﺰﻳﺖ ﻳﺎﺳﺮ ﺩﺧﻠﺘﻮ ﻟﺒﻴﺖ ﻭ ﺗﻌﺸﻴﻨﺎ ﻭ ﻧﻀﻨﺎ ﻧﻌﺴﻨﺎ..ﺍﻟﻐﺪ ﻟﻴﻪ ﺍﻧﺎ ﻟﻲ ﻧﻀﺖ ﺳﺎﻳﺒﺖ ﺍﻟﻔﻄﻮﺭ ﻭ ﻫﺒﻄﺖ ﺧﺎﻟﺘﻲ ﻭ ﺩﻭﺷﺖ ﻭ ﺑﺪﻟﺖ ﻟﻴﻬﺎ ﻭ ﻣﺸﻴﺖ ﻋﺎﻭﺩ ﺗﺎﻧﻲ ﺑﺪﻟﺖ ﻟﻮﻟﺪﻱ ﻭ ﺩﻭﺷﺖ ﻟﻴﻪ ﻓﻄﺮﺗﻬﻢ ﻭ ﻣﺸﻴﺖ ﺭﺩﻳﺖ ﻟﻐﺪﺍ ﺩﺭﺕ ﻟﺘﺮﻭﻳﺾ ﻟﺨﺎﻟﺘﻲ ﻣﺸﻴﺖ ﺣﻄﻴﺖ ﺍﻟﻐﺪﺍ ﺗﻐﺪﻳﻨﺎ ﻏﺴﻠﺖ ﺍﻟﻤﺎﻋﻦ ﻭ ﺭﺟﻌﺖ ﺩﺍﺭﺕ ﻟﻴﻬﺎ ﺍﻟﺘﺮﻭﻳﺾ ﻭﻭﻳﺎﺳﺮ ﻛﻴﺒﻜﻲﻛﻞ ﺳﺎﻋﺔ ﺗﺨﺴﺮ ﻟﻴﻪ ﻃﻴﺎﺭﺓ ﻭ ﻧﻌﺎﻭﺩ ﻧﻠﺼﻘﻬﺎ ﻟﻴﻪ .. ﻛﻨﺤﺲ ﺑﺮﺍﺳﻲ ﻣﺪگدگة ﻭ ﻏﻨﻄﻴﺢ ﻛﺎﻭ ﺻﺎﻓﻲ ﻃﻠﻌﺖ ﺧﺎﻟﺘﻲ ﺍﻟﻔﻮﻕ ﻭ ﻃﺤﺖ ﻋﻠﻰ ﺍﻟﻔﻄﻮﻱ ﻭ ﺟﺎﻱ ﻳﺎﺳﺮ ﻗﺎﻟﻚ ﺑﻐﺎ ﻳﻌﻮﻡ ﻓﻲ ﻻﺑﻴﺴﻴﻦ ﺍﻟﻠﻪ ﻳﺎ ﻭﻟﺪﻱ ﺍﻟﻠﻪ ﻳﺎﻻﻩ ﺗﻜﻴﺖ ﺑﺎﻏﻲ ﻻﺑﺴﻴﻦ..ﻭ ﺩﺑﺎ ﺍﻟﻌﺸﻴﺔ ﻏﺘﻤﺮﺽ ﺳﻴﺮ ﺗﻠﻌﺐ ﺑﻄﻴﺎﺭﺗﻚ ﺧﻠﻴﻨﻲ ﺭﺗﺎﺡ ﺑﺎﺵ ﻧﻮﺽ ﻧﻮﺟﺪ ﺍﻟﻌﺸﺎ <br>
ﻳﺎﺳﺮ : ﻃﻴﺎﺭﺗﻲ ﺧﺴﺮﺍﺕ ... ﻧﻀﺖ ﻋﻠﻰ ﻭﻋﺪﻱ ﻭ ﺳﻌﻲ ﻧﻘﻠﺐ ﻋﻠﻰ ﺳﻜﻮﺗﺶ ﻧﻠﺼﻘﻬﺎ ﻟﻴﻪ ﺯﻋﻤﺔ ﻟﻲ ﻋﻨﺪﻭ ﺩﺭﺍﺭﻱ ﻋﻤﺮﻭ ﻳﺘﻬﻨﺎ ﺑﻘﻴﺖ ﺗﻨﻘﻠﺐ ﺗﺎ ﻟﻘﻴﺖ ﻭﺍﺣﺪ ﺻﻨﻮﻕ ﻗﺪﻳﻢ ﺟﺒﺪﺕ ﻣﻦ ﺳﻮﻛﺘﺶ ﻭ ﺑﺪﻳﺖ ﻧﻠﺴﻖ ﻓﺪﻳﻚ ﻃﻴﺎﺭﺓ ﺍﺗﺎ ﺻﻮﻧﺎ ﺗﻴﻠﻴﻔﻮﻥ ﺩﻳﺎﻝ ﺩﺍﺭ ﻣﺸﻴﺖ ﺑﻐﻴﺖ ﻧﺸﻮﻑ ﺷﻜﻮﻥ ﻭﻭﻟﻲ ﻛﻴﻐﻮﺕ : ﻟﺴﻘﻴﻬﺎ ﺩﻏﻴﺔ <br>
ﺍﻧﺎ ﻫﺰﻳﺖ ﺳﻤﺎﻋﺔ : ﻭﺍﺧﺔ ﺻﺒﺮ ﻧﺸﻮﻑ ﺷﻜﻮﻥ ﺍﻟﻮﻭ <br>
ﻳﺎﺳﺮ : ﻭﻻ ﻭﻻ ﻭ ﺩﺑﺎ <br>
ﺗﻴﻠﻴﻔﻮﻥ : ﺍﻟﻮ ﻭﺍﺵ ﺩﺍﺭ ﺳﻴﺪﺓ ﻋﻴﺸﺔ ﻫﺎﺩﻱ <br>
ﺍﻧﺎ : ﺍﻳﻴﻪ ﺍﺳﻴﺪﻱ ﺷﻜﻮﻥ ﻧﺘﺎ ؟ ﻳﺎﺳﺮ ﺭﺍﻩ ﻭﺍﻟﻠﻪ ﺗﺎ ﻏﻨﻀﺮﺑﻚ <br>
ﺳﻴﺪ : ﻏﻀﺮﺑﻴﻨﻲ ؟؟ !<br>
ﺍﻧﺎ : ﻣﺎﺷﻲ ﻣﻌﺎﻙ ﺍﺳﻴﺪﻱ ﻣﻊ ﻭﻟﺪﻱ ﻫﻲ ﻫﺎﺩﻱ ﺩﺍﺭ ﻻﻟﺔ ﻋﻴﺸﺔ ﺷﻜﻮﻥ ﻧﺘﺎ <br>
ﺳﻴﺪ : ﻭﺍﺵ ﻧﺘﻲ ﺭﻗﻴﺔ ؟؟ <br>
ﺍﻧﺎ : ﻻ ﺍﻧﺎ ﺍﻟﻤﻤﺮﺿﺔ ﺭﻗﻴﺔ ﺗﻬﺮﺳﺎﺕ ﻳﺎﺍﺍﺍﺳﺮ ﻋﻨﺪﻙ ﺗﻬﺮﺱ ﺍﻟﻔﺎﺯ <br>
ﺳﻴﺪ : ﻣﻤﺮﺿﺔ ؟؟؟ !<br>
ﺍﻧﺎ : ﺳﻴﺪﻱ ﻟﻜﺎﻥ ﻣﺎﻋﻨﺪﻙ ﻣﺎﻳﺪﺍﺭ ﻏﺘﺒﻘﺎ ﺗﺴﻮﻝ ﻓﻴﺎ ﺍﻧﺎ ﺭﺍﻩ ﻣﺸﻐﻮﻟﺔ ﻭﻟﻴﺖ ﻧﺪﻳﺮ ﺧﺪﻣﺔ ﺍﻟﺪﺍﺭ ﻭ ﻣﻤﺮﺿﺔ ﻭ ﺣﺎﺿﻨﺔ ﻳﺎﺍﺳﺴﺮ ﺭﺍﻩ ﻏﻨﻀﺮﺑﻚ <br>
ﺳﻴﺪ : ﺍﻩ ﺳﻤﺤﻠﻴﺎ ﺑﻐﻴﺖ ﻏﻴﺮ ﻧﺴﻮﻝ ﻋﻠﻰ ﺍﻟﺤﺎﻟﺔ ﺩﻳﺎﻝ ﺍﻟﻮﻟﻴﺪﺓ <br>
ﺍﻧﺎ : ﻭ ﺍﻧﺎ ﻣﺎﻟﻲ ﻭ ﻣﺎﻝ ﻣﻮﻙ ﻧﺘﺎ <br>
ﺳﻴﺪ : ﻻ ﺭﺍﻩ ﺍﻧﺎ ﻭﻟﺪ ﻋﻴﺸﺔ ‏( ﺍﻧﺎ ﺗﺴﻤﺮﺕ ﻓﻲ ﺑﻼﺳﺘﻲ ﻭﺍﺵ ﻟﻲ ﻛﻴﻬﺪﺭ ﻣﻌﺎﻳﺎ ﻫﻮ ﻳﺎﺳﻴﻦ ﺑﻘﺎ ﻗﻠﺒﻲ ﻛﻴﻀﺮﺏ )<br>
ﺳﻴﺪ : ﺍﻟﻮ ﺍﻟﻮ <br>
ﺍﻧﺎ : ﺍﻩ ﺍﻩ ﺱ ﺱ ﺱ ﻣﺤﻠﻴﺎ ﺍﺱ ﺱ ﺳﻴﺪﻱ ﺭﺍﻧﻲ ﻣﻊ ﻣﻊ ﻣﻊ ﻋﺮﻓﺘﻜﺶ ‏( ﺣﻮﻟﻲ ‏) ﻻﻟﺔ ﻋﻴﺸﺔ ﺑﻴﺨﻴﺮ ﺍﻟﺤﻤﺎﻟﻠﻪ ﻭ ﻛﺘﻠﻘﺎ ﺍﻟﻌﻼﺝ ﺑﺎﻧﺘﻀﺎﻡ <br>
ﺳﻴﺪ : ﺍﻩ ﺷﻜﺮﺍ ﺑﺰﺍﻑ ﻧﺨﻠﻴﻚ ﺩﺑﺎ <br>
ﻋﻤﺎﺩ : ﻣﻌﺎﻣﻦ ﻛﻨﺘﻲ ﺩﺍﻭﻱ ﻭ ﻛﻴﻔﺎﺵ ﻣﻤﺮﺿﺔ <br>
ﻳﺎﺳﻴﻦ : ﻣﻌﺮﻓﺘﺶ ﻣﺎﻣﺎ ﻛﻴﻔﺎﺵ ﻭﻭﻗﺘﺎﺵ ﺣﺘﻰ ﺟﺎﺑﺖ ﻣﻤﺮﺿﺔ ﻭ ﺣﺘﻰ ﻭﺣﺪ ﻣﺎ ﻗﺎﻟﻴﺎ ﻭﺍﻟﻮ ﻭ ﻋﺎﺩ ﻛﻨﺴﻤﻊ ﺻﻮﺕ ﺩﺭﺍﺭﻱ ﺍﻟﺼﻐﺎﺭ <br>
ﻋﻤﺎﺩ : ﻭ ﺧﺎﺻﻚ ﺗﻤﺸﻲ ﺗﺸﻮﻑ ﺩﺍﻙ ﺍﻟﻔﻴﻠﻢ ﻟﻲ ﻓﻲ ﺩﺍﺭﻙ <br>
ﻳﺎﺳﻴﻦ : ﻭﺍﻳﻴﻪ ﻏﻨﺴﺎﻟﻲ ﺷﻐﻠﻲ ﻫﻨﺎ ﻭ ﻧﻤﺸﻲ <br>
ﻋﻤﺎﺩ : ﻏﺎﺩﻱ ﻱ ﻣﻌﺎﻙ ﺳﻮﺳﻦ <br>
ﻳﺎﺳﻴﻦ : ﻧﺘﺎ ﻋﺎﺭﻓﻨﻲ ﻣﻌﻘﺪ ﺗﺠﺎﻩ ﻟﺒﻨﺎﺕ ﻭ ﻫﺎﺩ ﺧﻴﺘﻲ ﻏﻴﺮ ﻛﻀﻴﻊ ﻭﻗﺘﻬﺎ ﻣﻐﺘﺠﻲ ﻻ ﺳﻮﺳﻦ ﻻ ﻏﻴﺮﻫﺎ ﺍﻧﺎ ﻫﺰﻳﺖ ﻳﺪﻱ ﻋﻠﻰ ﺍﻟﺒﻨﺎﺕ ﺍﻟﻤﻬﻴﻢ ﺑﺪﻝ ﻋﻠﻴﺎ ﺍﻟﻤﻮﺿﻮﻉ ﻭ ﻳﻼﻩ ﻧﻤﺸﻴﻮ ﻋﻨﺪﻱ ﺧﺪﻣﺔ ﺑﺰﺍﻑ <br>
ﺍﻧﺎ ﺣﻄﻴﺖ ﺳﻤﺎﻋﺔ ﻭ ﺑﻘﻴﺖ ﻭﺍﻗﻔﺔ ﻣﺴﻤﺮﺓ ﺑﻌﺪ 3 ﺳﻨﻴﻦ ﺍﻭﻝ ﻣﺮﺓ ﻛﻨﻬﺪﺭ ﻣﻌﺎﻩ ﻭﺍﺍﺍﻭ ﺷﺪﻳﺖ ﻣﻦ ﻗﻠﺒﻲ ﻛﻴﻀﺮﺏ ﺑﺰﺍﻑ ﺷﺪﻳﺖ ﻣﻦ ﻗﻠﺒﻲ ﻭ ﺑﻘﻴﺖ ﻣﺴﻤﺮﺓ ﻫﻜﺎﻙ ﻭﻭﻟﺪﻱ ﻛﻴﺪﻭﺭ ﻋﻠﻴﺎ ﻭ ﻳﺰﻋﺰﻉ ﻓﻴﺎ <br>
ﻳﺎﺳﺮ : ﻣﺎﻣﺎ ﻭﺍﺍﺍ ﻣﺎﻣﺎ ﻣﺎﺍﺍﺍﺍﻣﺎﺍﺍﺍﺍﺍﺍ <br>
ﺍﻧﺎ : ﺷﻨﻮ ﺑﻐﻴﺘﻴﻴﻴﻴﻲ <br>
ﻳﺎﺳﺮ : ﻓﻴﺎ ﺟﻮﻭﻭﻭﻉ ﺑﻐﻴﺖ ﺑﻴﻤﻮ <br>
ﺍﻧﺎ : ﻗﻬﺮﺗﻴﻨﻲ ﺑﺴﻘﺎﻃﺔ ﻣﻐﻨﻌﻄﻴﻜﺶ ﺑﻴﻤﻮ ﺗﺎﺗﻜﻞ ﺍﻟﺨﺒﺰ ....ﺻﺎﻓﻲ ﺟﻠﺴﺘﻮ ﻓﻲ ﺍﻟﻜﻮﺯﻳﻨﺎ ﺭﺩﻳﺖ ﺍﻟﻌﺸﺎ ﻭ ﺧﺮﺟﺖ ﻋﻨﺪﻙ ﺍﻟﻌﺴﺎﺱ ﺳﻴﺪ ﺑﺸﺎﻧﻮ ﻭ ﻣﺮﺷﺎﻧﻮ ﻻﺑﺲ ﻛﻮﺳﺘﻴﻢ ﺳﺨﺮﺗﻮ ﻳﺠﻴﺐ ﻟﻴﺎ ﺑﻴﻤﻮ ﺍﻟﻮﻟﺪﻱ ﻣﺴﻜﻴﻦ ﺗﺎﻫﻮ ﻣﻌﺘﺎﺭﺿﺶ .. ﺟﺎﺑﻮ ﻟﻴﺎ ﻣﺴﻜﻴﻦ ﻭ ﻗﺎﻝ ﻟﻴﺎ ﻻ ﺧﺼﺎﺗﻨﻲ ﺷﻲ ﺣﺎﺟﺔ ﻧﻘﻮﻟﻬﺎ ﻟﻮ ﻳﺎﺍﻩ ﺿﺮﻳﻒ ﺑﺮﻏﻢ ﻣﻦ ﺿﺨﺎﻣﺔ ﺩﻳﺎﻟﻮ ﺻﺎﻓﻲ ﻧﺰﻟﺖ ﺧﺎﻟﺘﻲ ﺗﻌﺸﻴﻨﺎ ﻭﻧﻌﺴﻨﺎ ﻃﺤﺖ ﻛﺎﻭ ﺑﻘﺎﺕ ﻧﻔﺲ ﺍﻻﺳﻄﻮﺍﻧﺔ ﻛﺘﻌﺎﻭﺩﻟﻴﺎ ﻟﻤﺪﺓ ﺷﻌﺮ ﻭ ﻣﺮﺓ ﻣﺮﺓ ﻛﻴﺼﻮﻧﻲ ﻟﻴﺎ ﻳﺎﺳﻴﻦ ﻛﻴﺴﻮﻝ ﻋﻠﻰ ﻣﻮ ﻭﺍﺣﺪ ﺍﻟﻨﻬﺎﺭ ﻫﺪﺭ ﻣﻌﺎﻩ ﻳﺎﺳﺮ ﺍﻣﺎ ﻛﻨﺖ ﻛﻨﺪﻭﺵ ﻟﺨﺎﻟﺘﻲ <br>
ﻳﺎﺳﻴﻦ : ﺍﻟﻮﻭﻭ <br>
ﻳﺎﺳﺮ : ﺍﻟﻮﻭ ﺍﺵ ﺑﻐﻴﺘﻲ <br>
ﻳﺎﺳﻴﻦ : ﻣﻤﻢ ﺷﻜﻮﻥ ﻧﺘﺎ <br>
ﻳﺎﺳﺮ : ﺩﺑﺎ ﺷﻜﻮﻥ ﻣﻌﻴﻂ ﺍﻻﺧﻮﺭ ﺍﻧﺎ ﻭﻻ ﻧﺘﺎ <br>
ﻳﺎﺳﻴﻦ : ﻫﻬﻬﻬﻬﻬﻨﻬﻬﻨﻬﻪ ﺍﻭﺍ ﻧﺘﺎ ﻭﻟﺪ ﺩﻛﻲ ﻧﺘﺎ ﻫﻮ ﻭﻟﺪ ﺍﻟﻤﻤﺮﺿﺔ <br>
ﻳﺎﺳﺮ : ﻻ ﺍﻧﺎ ﻭﻟﺪ ﻣﺎﻣﺎ <br>
ﻳﺎﺳﻴﻦ : ﺍﺍﺍﺍﻩ ﻭ ﻓﻴﻨﻬﻴﺎ ﻣﺎﻣﺎﻙ ﺩﺑﺎ <br>
ﻳﺎﺳﺮ : ﺍﻟﻔﻮﻕ ﻛﺘﺪﻭﺵ ﻫﻲ ﻭ ﺟﺪﺍﺗﻲ <br>
ﻳﺎﺳﻴﻦ : ﻭﺍﻳﻠﻲ ﺗﺎ ﺟﺪﺍﺗﻚ ﺟﺒﺘﻮﻫﺎ ﻣﻌﺎﻛﻢ <br>
ﻳﺎﺳﺮ : ﻻ ﻟﻘﻴﻨﺎﻫﺎ ﻫﻨﺎ ﻳﺎﻻﻩ ﺑﺴﻼﻣﺎ ﺧﺼﻨﻲ ﻧﻤﺸﻲ ﻧﻌﻮﻡ ﻓﻲ ﻻﺑﺴﻴﻦ .. ﻭﻗﻄﻊ <br>
ﻳﺎﺳﻴﻦ : ﺍﻭﺍﺍﺍﺍﻩ ﺗﻤﻦ ﺟﺪﺍﺗﻬﻢ ﺟﺎﺑﻮﻫﺎ ﺗﻌﻴﺶ ﻓﻲ ﺩﺍﺭﻱ ﺡ g ﺭﻭ ﻋﻠﻰ ﻣﺎﻣﺎ ﻭ ﺟﺎﻭ ﺗﻤﺎ ﺍﻧﺎ ﺷﺎﻙ ﻓﻴﻬﻢ ﻧﺼﺎﺑﺎ <br>
ﻋﻤﺎﺩ : ﻣﻘﻠﻠﺖ ﻟﻴﻚ ﺩﺧﻼ ﺩﻳﺎﻝ ﻫﺎﺩ ﺍﻟﻤﻤﺮﺿﺔ ﻏﺮﻳﺒﺔ <br>
ﻳﺎﺳﻴﻦ : ﻣﺎﻣﺎ ﻋﻨﺪﻫﺎ ﺍﻟﺤﻖ g ﺍﻉ ﺍﻟﻤﻤﺮﺿﺎﺕ ﻧﺼﺎﺑﺎﺕ ﺗﻔﻮﻭﻭ ﺑﻨﺎﺩﻡ ﻛﻴﻒ ﺩﺍﻳﺮ ﻏﻴﺮ ﻛﻨﺘﻔﻜﺮ ﺩﻳﻚ ﺍﻳﻤﺎﻥ ﻛﻨﺒﻐﻲ ﻧﻌﺼﺮﻫﺎ <br>
ﻋﻤﺎﺩ : ﺻﺎﻓﻲ ﻧﺴﺎ ﻋﻠﻴﻚ ﺍﻟﻤﺮﺽ ﺗﻨﺘﺎ ﻓﻴﻦ ﻭﺻﻠﺘﻲ ﻣﻊ ﺳﻮﺳﻦ <br>
ﻳﺎﺳﻴﻦ : ﻣﻔﻬﻤﺘﺶ ﺍﺵ ﻋﻨﺪﻙ ﻣﻌﺎ ﻋﻼﻗﺘﻲ ﺑﺴﻮﺳﻦ ﻗﺎﺑﻞ ﻏﻴﺮ ﻣﺮﺗﻚ ﻗﺮﺑﺖ ﺗﻮﻟﺪ <br>
ﺍﻧﺎ ﻋﻮﻣﺖ ﺧﺎﻟﺘﻲ ﻭﻻﺕ ﻛﺘﺤﺮﻙ ﻳﺪﻳﻬﺎ ﻭﻭﻓﻤﻬﺎ ﻭﻟﻜﻦ ﻣﻜﺘﻬﺪﺭﺵ ﻭ ﻣﻜﺘﻮﻗﻔﺶ ﻭﻟﻜﻦ ﻏﺎﺩﻳﺎ ﺍﻟﺤﻤﺪﺍﻟﻠﻪ ﻛﺘﺎﻟﺤﺴﻦ ﺍﻣﺎ ﺭﻗﻴﺔ ﻣﻴﻦ ﺗﻬﺮﺳﺎﺕ ﻣﺒﻘﺎﺗﺶ ﻋﺎﻭﺩﺕ ﺭﺟﻌﺖ ﻭﻻ ﺳﻤﻌﺖ ﻋﻠﻴﻬﺎ ﺷﻲ ﺧﺒﺎﺭ ﻭ ﻟﻜﻦ ﺍﻟﺤﻤﺪﺍﻟﻠﻪ ﺍﻧﺎﺱ ‏( ﺍﻟﺒﻮﺩﻳﻜﺎﺭ ‏) ﻣﻌﺎﻭﻧﻲ .... ﻭﺍﺣﺪ ﺍﻟﻨﻬﺎﺭ ﻛﻨﺖ ﻛﻨﺪﻳﺮ ﺍﻟﻤﺴﺎﺝ ﻟﺨﺎﻟﺘﻲ ﻓﻲ ﺍﻟﺠﺮﺩﺓ ﻭ ﻳﺎﺳﺮ ﺑﺎﻏﻲ ﻳﻌﻮﻡ ﻓﻴﻠﺒﻴﺴﻴﻦ ﻭ ﻣﺨﻠﻴﺘﻮﺵ ﺣﻴﺖ ﻫﻮ ﺻﻐﻴﺮ ﻏﻴﻐﺮﻕ ... ﻣﺸﻴﺖ ﻧﺸﻮﻑ ﺍﻟﻐﺪﺍ ﻻ ﻳﺘﺤﺮﻕ ﻭ ﺧﻠﻴﺖ ﺧﺎﻟﺘﻲ ﻣﻘﺎﺑﻼ ﻳﺎﺳﺮ .. ﻛﺎﻥ ﻳﺎﺳﺮ ﻛﻴﻠﻌﺐ ﻭ ﻣﺸﺎﺕ ﻟﻴﻪ ﺍﻟﻜﻮﺭﺓ ﻻﺑﻴﺴﻴﻦ ﻭ ﻃﺎﺡ ﻓﻴﻪ ﻭ ﺧﺎﻟﺘﻲ ﻏﻮﺗﺎﺕ ﺍﻧﺎ ﻣﻔﻬﻤﺖ ﻭﺍﻟﻮ ﺧﻠﻴﺖ ﻛﻠﺸﻲ ﺧﺮﺟﺖ ﻛﻨﺠﺮﻱ ﻧﺸﻮﻑ ﺍﺵ ﻭﺍﻗﻊ ﻟﻘﻴﺖ ﺧﺎﻟﺘﻲ ﻃﻴﺤﺔ ﻓﻲ ﺍﻻﺭﺽ ﻭ ﻛﺘﻐﻮﺕ ﻭ ﺗﻘﻮﻝ ﻟﻴﺎ ﻳﺎﺳﻴﺮ ﻓﻲ ﺍﻟﻤﺎ ﺟﺎ ﺍﻧﺎﺱ ﻛﻴﺠﺮﻱ ﺗﻼﺡ ﻓﻲ ﻟﺒﻴﺴﻴﻦ ﺧﺮﺟﻮ ﺍﻟﺤﻤﺪﺍﻟﻠﻪ ﻣﺸﺮﺑﺶ ﺍﻟﻤﺎ ﺑﺰﺍﻑ ﺑﻘﻴﺖ ﻣﻌﻨﻘﺎﻩ ﻭ ﻛﻨﺒﻮﺱ ﻓﻴﻪ ﻭ ﺗﻨﻌﻨﻖ ﻧﻮﺿﻨﺎ ﺧﺎﻟﺘﻲ ﺗﺎ ﻫﻲ ﺑﻘﺎﺕ ﺗﺘﺒﻜﻲ ﻭ ﻋﻨﻘﺎﺗﻮ ﺻﺎﻓﻲ ﺩﺍﺯﺕ ﺩﻳﻚ ﺧﻤﺴﺔ ﺩﻗﺎﻳﻖ ﻣﺸﻴﺖ ﺑﺪﻟﺖ ﻟﻴﺎﺳﺮ ﻭ ﺗﺤﻠﻔﺖ ﻋﻠﻴﻪ ﻻ ﺑﺎﻗﻲ ﻳﺪﻭﺭ ﺑﻠﺒﻴﺴﻴﻦ ﻳﺪﺑﺮ .. ﺷﻮﻳﺔ ﻭ ﺍﻧﺎ ﻧﺘﻔﻜﺮ ﺍﻭﻳﻠﻲ ﺧﺎﻟﺘﻲ ﻫﻀﺮﺍﺕ ﻣﺸﻴﺖ ﻛﻨﺠﺮﻱ ﻭ ﻛﻨﻬﺖ <ﺍﻧﺎ : ﻭﺍﺵ ﻭﺍﺵ ﻫﺪﺭﺗﻲ <br>
ﺧﺎﻟﺘﻲ : ﻫﻬﻬﻪ ﻫﺎﻧﺘﻲ ﺗﺸﻮﻓﻲ ﺣﻔﻴﺪﻱ ﻳﺎﺳﺮ ﺩﻭﺍﻧﻲ ﻋﻠﻰ ﻏﻴﺮ ﺭﺍﺩﻱ <br>
ﺍﻧﺎ : ﺍﻳﻮﺍ ﺍﻟﺤﻤﺪﺍﻟﻠﻪ ﻭﻳﻠﻲ ﻭﻳﻠﻲ ﺍﺭﺍﺳﻲ ﻧﺴﻴﺖ ﺍﻟﻐﺪﺍ ... ﻣﺸﻴﺖ ﻛﻨﺠﺮﻱ ﻟﻘﻴﺖ ﺍﻟﻜﻮﺯﻳﻨﺔ ﻛﺎﻣﻠﺔ ﻋﺎﻣﺮﺓ ﺩﻭﺧﺎﻥ ﻣﺸﻴﺖ ﻛﻨﺸﻮﻑ ﻟﻘﻴﺖ ﺩﻭﻙ ﺍﻟﺤﻴﻤﺎﺕ ﻭﻻﻭ ﻓﺎﺧﺮ ﻃﻔﻴﺖ ﺍﻟﺒﻮﻃﺔ ﻭ ﻛﺒﻴﺖ ﻋﻠﻴﻬﻢ ﺍﻟﻤﺎ ﻭ ﺧﺮﺟﺖ ﻛﻨﻜﺤﺐ ﻣﻦ ﺍﻟﻜﻮﺯﻳﻨﺔ ﻟﻘﻴﺖ ﺧﺎﻟﺘﻲ ﺟﺎﻳﺔ ﻓﻲ ﻛﺮﺳﻲ ﻣﺘﺤﺮﻙ <br>
ﺧﺎﻟﺘﻲ : ﻏﻨﺒﻘﺎﻭ ﺑﻼ ﻏﺪﺍ ﺍﻟﻴﻮﻣﺎ ﻳﻤﻜﻦ <br>
ﺍﻧﺎ : ﻭﻗﻴﻼ ﻟﺒﻐﻴﺘﻲ ﻧﻌﺎﻭﺩ ﺍﻟﻄﻴﺎﺏ <br>
ﺧﺎﻟﺘﻲ : ﻻ ﻏﻴﺮ ﻋﻴﻄﻲ ﻻﻧﺎﺱ ﻳﺠﻴﺐ ﻟﻴﻨﺎ ﻣﻦ ﺑﺮﺍ ﺩﺍﻛﺸﻲ ﻧﻴﺖ ﻟﻲ ﺩﺭﺕ ﻭ ﺟﻠﺴﻨﺎ..