احببت محتالة

the end😍😘

بقيت ليل كامل كندعيي و كنطلب ربي يفرجها تاداني نعاس اما ياسين و عماد حماقو بتقلاب ليل كامل و علمو البوليس مع عندهم الفلوس مكاين لا تدوز 24 ساعة لا 6 حمص دغيا بداو كيسيفطو سطافيطات يقلبو في زناقي و الاحياء شعبية ووالو اما خالتي فكتحاول تصال بجميع هادوك لي كنعرفهم و لي كتبا نماريهم في تيليفوني ووالو اما ياسين مخلا حتى بلاسة ممشاش ليها منعسش ديك ليل .....اما انا فقت على صوت شي طران داز ادن انا حدا شي سكة بديت كندور عيني في البلاسة لي انا فيها حيت البارح مع ظلام مشفتهاش لقيتها بلاسة يلاه كتبنى و كنشم ريحة خيبة ريحة ديال زبل مجهدة و يدي مربوطين بالقتبة ديال الحولي مع عمود ديال الحديد يلاه بغيت نحككو ديك القنبة مع الحديدة باش تآكل و تقطع حتى بان ليا هداك سيمو جاي و جايب معاه الفطور بغا يوكلني و انا ندور وجهي وهو ينتفني من شعري ووكلني بزز و انا كنبكي فاش سالا دار ليا لصقة على فمي و كيركب الراقم ديال ياسين قدامي و دار هوت بارل <br>
ياسين: الوو...انا: امممممم ......ياسين: ايمان فيينك ...سيمو: ههههه دغيا عرفتي صوت حبيبتك معندي ميتسالك .....ياسين: وشكون نتا و اش كدير معاك ايمان...سيمو: والو المهيم باش نجيك من الاخر هاهي عندي رهينة لا بغيتيها تبقا حية خصك تجيب 100مليون و انا غادي نخليك تسمع صوتها من بعد و نحدد انا وياك شي وقيتة نتلقاو ...وحيد ليا ديك اللصقة ...انا كنبكي: ياسين ياسين ...ياسين: متخفيش احبيبتي انا غدي نعتقك انا دغيا غنوجد الفلوس <br>
انا: لا لا متعطيهش ماديهاش فيا انا باركا غير خسرتي بزاف بسبابي ...وهو يجمعها معايا بتسميكة ....ياسين: حماااار غنقتللللك جرب تحط عليها مرة اخرى يدي <br>
سيمو: ههههه اش في جهدك مدير gاع مهيم غتعلم دوك المكيات ديال البوليس بلاما تحلم تشوف ايمان تشاااو ..وقطع عليه <br>
سيمو: ويني وني هاد دميعات كلهم على قبل هداك يلاه بقاي ضريفة بينما جاب حبيب القلب الفلوس و نشوف اش غندير فيكم بجوج .....انا بقيت كنبكي و كنغوت و كنحاول نحم في هاديك القنبة و هي لا تقطعات بقيت نص نهار كامل و انا معاها تا جا داك الحمار و كان كيهدر في تيليفون و هي تقطع هزيت عود من تما و عطيتو بيه لراس و خرجت كنجري معرفت منين ندوز نزلت في دروج شوية كنشوف من لور تابعني بقت كنجري تاتعكلت و طحت و جا شادني من شعري و انا كنغوت و لا حني على الارض و ربط ليا يدي و رجلي هاد المرة و هاد المرة بسنسلة ديال الحديد و بقى غادي وشاد من راسو دوزت داك نهار جاني لعطش بزاف و القوة ديالي مبقاتش حيت جاية ليومين مشربت ..حتى جا هو جايب معاه قرعة ديال الما في يدو <br>
سيمو: بغيتي الما مسكينة بغيت نعطيك و لكن خاصكي تعاقبي على داكشي لي درتي فيا صباح.... و بدا كيكب الما في الارض انا مبقاتش عندي القوة حتى باش نهضر هو مشا بلاما يسول جا في صباح لقاني شبه ميتة فكني و بغا ينوضني انا مقداش النوض هو يشدني من يدي و نوضني بزز و تم غادي بيا ركبني في وحد طموبيل كروسة حسن منها بقينا غاديين وصلنا لوحد الطريق خالية مكدوز فيها تطموبيل و نزل و نزلني و كنشوفو شي سيارة اخرى وقفت خرج منها ياسين انا غير شفتو بغيت نمشي عندو هو شدني وحط سيف على عنقي <br>
ياسين: غير متأديهاش انا جبت ليك الفلوش <br>
سيمو كيترعد : حلهم نشوف ....حلهم ليه وكمل : ح ححطهم هنا قدام رجلي ....بدا ياسين كيقرل بشوية بشوية و سيمو كيزير ليابسف علة عنقي تى خرج دم و ياسين باقي تيقرب حتى و صل و حط ليه الفلوس حدا رجليه و سيمو عينيه غير مع الفلوس هو يجمعها معاه بوبنية معرف منين جاتوو طلقني و طاح الارض و طيح السيف و انا طحت الارض و بقيت شادة من عنقي لي كلو دم اما ياسين فبقى كيضرب في سيمو جميع ليه جميع لحسابات و ما خلا فيه ما يتعاود الخبار حتى جاو البوليس عاد فكوه منو بزز عاد جا لعندي و هزني في طموبيل نيشان الاوبيطال هزني و خرجني من اوطو و تم غاديين بيا وانا كنسد عيني بشوية بشوية و كنشوف في ياسين لي قلقان عليا و كيقول شي حاجة انا ما كنسمع تاحجة و انا نصد عيني كنحلم براسي في دارنا مع ولدي و ياسين و خالتي و كنضحكو فحال داك نهار ديال البي و نضت من حداهم و خليتهم كيضحكو و بقيت انا غادية بوحدي تكنشوف الخاتم لي في يدي و كنسمع شي صوت : لاااا متمشييش اايمان ماشي دابا و انا نشوف في الخاتم لي عطاه ياسين طيح في الارض و شديتو و ركبتو في يدي و بقيت نشوف فيه و كنضحك شوية ولا غير ضلام و شي صوت ديال شي الة حداية كيدير بيب بيب بيب و انا نحل عيني بشوية كنلقا ياسين ناعس و لابس طابلية و شاد ليا في يدي و انا نحرك يدي <br>
ياسين: ايمان فقتي ..انا بغيت ندوي مقديتش هو يعنقني : شفتي اايمان كنتي باغا تمشي و تخليني للمرة تالتة ...صافي بقيت هكاك فحال المبنجة كنشوف غير بعيني و كنسمع اتادخل عليا ياسر كيبكي: ماما ياك مغتموتيش و تخليني ياك ياك <br>
خالتي: لا وليدي ماماك غتشفا و غترجع لينا بسلامة انشاء الله .....دازت سيمانة خرجت من اللوبيطال ناشطة اصلا مكانت عندي تا حاجة خطيرة

غير السيف كان قرب يقيس ليا القصبة الهوائية ولكن ربي حفض كان ياسين مخليني تما حداه بلعاني كل دقيقة كان كيجي لعندي و جاو عندي والديا و تسامحت معاهم و عاودت ليهم اش طرا ليا و لاموني علاش مرجعتش لعندهم ديك ساعة المهيم دباانا خرجت من سبيطار اما سيمو مشااا فيها مؤبد انا بغيتلو الاعدام شنقا المهيم خالتي غتمشي العمرة سيمانة جاية انشاءالله اما انا و حبيبي ياسين و بقوصي ياسر لي باقي مقتنعش يقول لياسين بابا باقي كيعيطلو طبيب ههه و انشاءالله غنمشيو لميامييي بلما تسولوني فين جات حيت تانا ماعرفاش هو غادي يحماق عليها ...ياسين: اش كتعاودي تما <br>
انا : لا والو اجي بغيت شي فلووس <br>
ياسين: شحال <br>
انا: 10000dh <br>
ياسين: اووو علاشش هاد الفلوس كاملة <br>
انا نبوسو فمو: نتا حبيبي و خصك تيق فيا اصلا بغيت نشري بيهم غير شي حويج على قبلك نتا و ندير ليك مفجأت بليل <br>
ياسين: هههه فعلا احببت محتالة .....النهاية😘😘 كنتمنا تكون عجباتكم

#تعليقاتكم