احببت محتالة

بغيت نتزوج.....

ﻣﺸﻴﺖ ﺩﺧﻠﺖ ﻟﻮﺍﺣﺪ ﺍﻟﺒﻮﺗﻚ ﺑﻘﻴﺖ ﻗﻴﺲ ﻭ ﺣﻂ ﺣﺘﺎ ﻋﺠﺒﺎﺗﻨﻲ ﻭﺍﺣﺪ ﺍﻟﺘﻜﺸﻴﻄﺔ ﻓﺤﺎﻝ ﺩﻭﻙ ﺍﻟﻜﺴﻮﺍﺕ ﺣﻤﻘﺎﺗﻨﻲ ﻣﻌﻨﺪﻫﺎﺵ ﺳﻤﻴﻄﺎﺕ ﻣﻦ ﺍﻟﻔﻮﻕ ﻭ ﻣﺰﻳﺮﺓ ﻣﻦ ﺍﻟﻔﻮﻕ ﻭ ﻣﻦ ﺍﻟﺘﺤﺖ ﻣﻄﻠﻮﻗﺔ ﻭ ﻣﺤﻠﻮﻟﺔ ﻣﻦ ﻭﺍﺣﺪ ﺟﻬﺔ ﺩﻳﻚ ﺍﻟﻔﺘﺤﺔ ﺿﺎﺭﺑﺔ ﺗﺎﻟﻔﺨﺾ ﺍﻟﻤﻬﻴﻢ ﺣﻤﻘﺎﺗﻨﻲ
ﻗﺮﺭﺕ ﻫﻲ ﻟﻲ ﻏﻨﻤﺸﻲ ﺑﻴﻬﺎ ﻟﻬﺎﺩ ﺍﻟﻌﺮﺱ ﻭ ﻏﻨﻄﻴﺢ ﺑﻴﻬﺎ ﺷﻲ ﻋﺮﻳﺲ .. ﻣﺸﻴﺖ ﻛﻨﺘﺸﻄﺮ ﻣﻊ ﻣﻮﻝ ﺍﻟﻤﺤﺎﻝ ﻟﻲ ﺿﺮﺑﻨﻲ ﺣﺘﻰ ﻧﻘﺰﺕ ﺑﺘﻤﺎﻥ ﺑﻘﻴﺖ ﺍﻧﺎ ﻭﻳﺎﻩ ﺑﺎﻟﻤﻼﻏﺔ ‏( ﺷﻄﺎﺭﺓ ‏) ﺣﺘﻰ ﻣﺮﺿﺘﻮ ﻭ ﻋﺼﺒﺘﻮ ﻣﺰﻳﺎﻥ ﻭ ﺧﻼﻫﺎ ﻟﻴﺎ ﺑﺎﻟﺜﻤﺎﻥ ﻟﻲ ﺑﻐﻴﺘﻬﺎ ﺍﻧﺎ .. ﺍﻟﻤﻬﻴﻢ ﺩﺯﺕ ﻋﻨﺪ ﻣﻮﻻﺕ ﺻﺎﻟﻮﻥ ﺳﻤﻴﺘﻬﺎ ﺳﻨﺎﺀ ﺗﺎﻫﻴﺎ ﺻﺤﺒﺘﻲ ﻣﻦ ﻳﺎﻣﺎﺕ ﺍﻟﺒﺎﻙ ﻭ ﺩﺍﻛﺸﻲ ﻛﺎﻧﺖ ﺩﻳﻤﺎ ﻛﺘﻌﺎﻭﻧﻲ ﺩﺑﺎ ﻫﻲ ﺗﺰﻭﺟﺎﺕ ﻭ ﻋﻨﺪﻫﺎ ﺟﻮﺝ ﻭﻟﻴﺪﺍﺕ ... ﺍﻟﻤﻬﻴﻢ ﻣﺸﻴﺖ ﻋﻨﺪﻫﺎ ﺻﺎﻳﺒﺎﺕ ﻟﻴﺎ ﺷﻌﺮﻱ ﻭ ﻣﻌﺎ ﺷﻌﺮﻱ ﻃﻮﻳﻴﻞ ﻋﺪﺑﻬﺎ ﻣﺰﻳﺎﻥ ﺩﺍﺭﺕ ﻟﻴﻪ ﺷﺪﺓ ﺩﻳﻞ ﺍﻟﺤﺼﺎﻥ ‏( ﺑﻴﻨﻲ ﻭ ﺑﻴﻨﻜﻢ ﻣﺎﻛﻨﺤﻤﻠﺶ ﻫﺎﺩ ﺍﻟﺸﺪﺓ ‏) ﻭ ﺩﺍﺭﺕ ﻟﻴﺎ ﻣﻜﻴﺎﺝ ﺗﻘﻴﻞ ﻣﺒﻘﻘﻴﺘﺶ ﻛﻨﺘﻌﺮﻑ .. ﺻﺎﻓﻲ ﻣﺸﻴﺖ ﻟﺪﺍﺭ ﻟﺒﺴﺖ ﺷﻔﺖ ﺭﺍﺳﻲ ﻓﻲ ﺍﻟﻤﺮﺍﻳﺎ ﻭﻳﻠﻴﻴﻴﻲ ﻛﻴﻒ ﻃﻠﻌﺖ ﺍﻟﻴﻮﻣﺎ ﻣﻐﻴﺸﻮﻑ ﺗﺎ ﻭﺣﺪ ﻓﻲ ﺍﻟﻌﺮﻭﺳﺔ ﺍﻧﺎ ﻟﻲ ﻛﺎﻳﻨﺔ ﻭ ﻣﺎ ﻛﻴﻦ ﻣﺎ ﺣﺴﻦ .. ﺷﺎﻓﺘﻨﻲ ﺍﻟﻮﻟﻴﺪﺓ : ﺗﺒﺮﻙ ﺍﻟﻠﻪ ﻋﻠﻰ ﺑﻨﻴﺘﻴﻲ ﻣﺸﺎﺀ ﺍﻟﻠﻪ ﻗﺮﺍﻱ ﻋﻠﻴﻚ ﺍﻟﻘﺮﺀﺍﻥ ﻋﺼﺎﺍﺍﺍﺍﻡ ﻧﻮﺽ ﻭﺻﻞ ﺧﺘﻚ ﻻﻳﺘﻌﺮﺿﻮ ﻟﻴﻬﺎ <br>
ﻋﺼﺎﻡ ﺷﺎﺩ ﺗﻴﻠﻴﻜﻤﻮﻧﺪ : ﻭﺍﺧﺎﺍﺍﺍ .... ﻧﺎﺽ ﻫﻮ ﻳﺸﻮﻓﻨﻲ ﺑﻘﺎ ﻣﺼﺪﻭﻡ ﻓﻴﺎﺍﺍ <br>
ﺍﻧﺎ ﺑﺎﺑﺘﺴﺎﻣﺔ : ﻣﺎﻟﻚ <br>
ﻋﺼﺎﻡ : ﻧﺎﺭﻳﻴﻴﻴﻲ ﺍﺧﺘﻴﻴﻲ ﻛﻴﻒ ﻃﻠﻌﺘﻴﻲ ‏( ﺍﻧﺎ ﺣﺸﻤﺖ ‏) ﻟﻴﻮﻡ ﺗﺨﻠﻌﻲ g ﺍﻉ ﻟﻲ ﻛﻴﻨﻴﻦ ﻓﻲ ﺍﻟﻌﺮﺱ ‏( <br>(
ﺍﻟﻮﻟﻴﺪﺓ ﺷﻴﺮﺍﺕ ﻋﻠﻴﻪ ﺑﺼﻨﺪﺍﻟﺔ : ﺳﻴﺮ ﺍﻟﻠﻪ ﻳﻐﺮﻕ ﺍﻟﻤﻮﻙ ﺍﻟﺸﻘﻒ <br>...
ﺍﻧﺎ : ﻏﻴﺮ ﺧﻠﻴﻪ ﺍﻣﺎﻣﺎ ﺭﺍﻩ ﻛﻨﺠﻤﻊ ﻟﻴﻪ ﻭﺍﻟﻠﻪ ﻟﺒﻘﺎﺕ ﻓﻲ ﻣﻮ ... ﺻﺎﻓﻲ ﺧﺮﺟﻨﺎ ﻟﻠﺸﺎﺭﻉ ﻋﺼﺎﻡ ﻛﻴﺤﺎﻭﻝ ﻳﺸﺪ ﻟﻴﺎ ﻃﺎﻛﺴﻲ ... ﻭﻛﻠﺸﻲ ﻛﻴﺸﻮﻑ ﻓﻴﺎ ﻭ ﻛﻴﻘﻮﻝ ﻭﺍﺍﺍﻭ ﺻﺎﻓﻲ ﺍﻧﺎ ﻏﻨﻄﻴﺮ ﺑﺎﻟﻔﺮﺡ ﺍﻟﻴﻮﻡ ﻧﺠﻴﺐ ﻣﻮ ﻫﺎﺩ ﺍﻟﻌﺮﻳﺲ ﻧﻴﻬﺎﻫﺎﻫﺎﻫﺎ ... ﻫﻲ ﻫﺪﻳﻚ ﺷﺪﻳﺖ ﻃﺎﻛﺴﻲ ﻭ ﻋﻄﻴﺘﻮ ﺍﻟﻌﻨﻮﺍﻥ ﻭﺩﻋﺖ ﻋﺼﺎﻡ ﻭﻣﻮﻝ ﺍﻟﻄﺎﻛﺴﻲ ﻗﺎﺩ ﺍﻟﻤﺮﺍﻳﺎ ﻣﻊ ﻭﺟﻬﻲ ... ﺻﺎﻓﻲ ﺍﻟﻴﻮﻣﺔ ﻫﺎﺩ ﺍﻟﻌﺮﻳﺲ ﻧﺠﻴﺒﻮ ﻧﺠﻴﺒﻮ ... ﻧﺰﻟﺖ ﺍﺵ ﻏﻨﻘﻮﻝ ﻟﻴﻜﻢ ﺍﻟﻘﺎﻋﺔ ﺩﻳﺎﻝ ﺍﻟﻌﺮﺱ ﻛﻴﻒ ﺩﺍﻳﺮﺓ ﻏﻴﺮ ﻣﻦ ﺑﺮﺍ ﺑﺎﻗﻰ ﻣﺎ ﺩﺧﻠﺘﺶ .. ﻣﻬﻴﻢ ﺑﻘﻴﺖ ﺩﺍﺧﻠﺔ ﺍﺵ ﻏﻨﻘﻮﻟﻴﻜﻢ ﻗﺼﺮ ﺻﺎﻓﻲ ﺍﻧﺎ ﺗﺒﻬﻀﺖ ﺑﺪﻳﺖ ﻃﺎﻟﻌﺔ ﻓﻲ ﺍﻟﺪﺭﻭﺝ ﺣﻴﺖ ﺍﻟﻘﺎﻋﺔ ﺍﻟﻔﻮﻕ ... ﺑﻘﻴﺖ ﻃﺎﻟﻌﺔ ﺯﻋﻤﺔ ﻓﺤﺎﻝ ﺷﻲ ﺍﻣﻴﺮﺓ ﺑﺸﻮﻳﺔ ﻋﻠﻴﺎ ﻭ ﻻﺑﺴﺔ ﻃﺎﻟﻮﻥ ﺑﻨﻘﺮﻱ ﻭ ﺩﺍﻳﺮﺓ ﺧﻠﺨﺎﻝ ... ﺻﺎﻓﻲ ﻭ ﺻﻠﺖ ﻓﺮﺣﺎﻧﺔ ﻟﻴﻮﻣﺔ ﺑﻨﺎﺩﻡ ﻏﺎﺩﻱ ﻳﺘﺼﺪﻡ ﻓﻲ ﻫﺎﺩ ﺍﻟﺠﻤﺎﻝ ﻟﻲ ﻏﺎﺩﻱ ﻳﺪﺧﻞ ﻏﻴﺮ ﺑﻼﺗﻲ ... ﺳﺎﻋﺔ ﺍﻧﺎ ﻟﻲ ﺗﺼﺪﻣﺖ ﻟﻘﻴﺖ ﺷﻲ ﺑﻨﺎﺕ ﻓﻴﻦ ﺑﺎﻥ ﺍﻧﺎﺍﺍ ﺑﻨﺖ ﻛﻲ ﺍﻟﻘﺮﺩﺓ ﻗﺪﺍﻣﻬﻢ ﺗﻔﻮﻭ ﻋﻠﻰ ﺯﻫﺮ ﻛﻴﻒ ﺩﺍﻳﺮ ﻧﻀﺖ ﻧﺸﻄﺢ ﺣﻴﺖ ﻫﺎﺩﻱ ﻫﻲ ﻃﺮﻳﻘﺔ ﻟﻮﺣﻴﺪﺓ ﺑﺎﺵ ﻧﻠﻔﺖ ﺍﻻﻧﻀﺎﺭ ﻭ ﺗﻘﻮﻟﻲ ﺷﻲ ﺣﺪ ﺩﺍﻫﺎ ﻓﻴﺎ ﻛﻨﺪﻭﺭ ﻓﻲ ﺟﻨﺎﺑﻲ ﻛﻨﻠﻘﺎ ﻛﻞ ﻭﺣﺪﺓ ﺷﺎﺩﺓ ﻭﺍﺣﺪ ﺗﺎﻣﻦ ﺻﺎﺣﺒﺘﻲ ﻧﻬﺎ ﺩﺑﺮﺍﺕ ﻟﻴﻬﺎ ...
ﺻﺎﻓﻲ ﻋﻴﻴﺖ ﺑﻐﻴﺖ ﻧﺮﺟﻊ ﻟﺒﻼﺻﺘﻲ ﻟﻘﻴﺘﻬﺎ ﻋﻤﺮﺍﺕ ﻭﺍﻧﺎ ﻧﺒﺪﺍ ﻧﻘﻠﺐ ﻭﺍﻧﺎ ﻧﻠﻘﻰ ﻛﺮﺳﻲ ﺧﺎﻭﻱ ﻣﺸﻴﺖ ﺟﻠﺴﺖ ﻓﻴﻪ ﻣﺤﻄﻤﺔ ﺷﺪﺍﺗﻨﻲ ﺍﻟﺒﻜﻴﺔ ﻭﺍﻟﻠﻪ ﻋﻼﺵ ﺍﻧﺎ ﻣﻌﻨﺪﻱ ﺯﻫﺮ ﺯﻋﻤﺎ گاﺍﻉ ﺍﻟﺒﻨﺎﺕ ﻟﻘﺎﻭ ﻟﻴﻬﻢ ﺯﻭﺝ ﺍﻻ ﺍﻧﺎ ﺑﻘﻴﺖ ﺣﺎﺿﻴﺔ ﺍﻟﺒﻨﺎﺕ ﻛﻴﺸﻄﺤﻮ ﻭ ﻛﻨﺘﺤﺴﺮ ﻋﻠﻰ ﺯﻫﺮﻱ ﺷﻮﻳﺔ ﻛﻨﺴﻤﻊ ﺷﻲ ﺻﻮﺕ ﺭﺟﻮﻟﻲ ﻫﺪﺭ ﻣﻌﺎﻳﺎ <br>
ﻫﻮ : ﺍﻧﺴﺔ ... ﺍﻧﺎ ﻓﺮﺣﺖ ﺻﺎﻓﻲ ﻫﻮ ﻫﺪﺍ ﺻﺎﻓﻲ ﻃﻴﺤﺘﻮ ﺍﻛﻴﺪ ﺟﺎﻱ ﺍﻃﻠﺐ ﺍﻟﻨﻤﺮﺓ ﻣﺎ ﻏﺪﻳﺶ ﻧﻌﻄﻴﻬﺎ ﻟﻴﻪ ﺩﻏﻴﺎ ﻏﻨﺸﺤﻔﻮ ﻋﻠﻴﻬﺎ ... ﻻ ﻻ ﻭ ﻻ ﻫﺮﺏ ... ﻫﻮ : ﺍﻧﺴﺔ ... ﺍﻧﺎ ﺩﺭﺕ ﻋﻨﺪﻭ ﺑﺎﺑﺘﺴﺎﻣﺔ ﻭ ﻛﻨﺮﻣﺶ ﺯﻋﻤﺎ ﺷﻮﻑ ﺍﻟﻌﻮﻳﻨﺎﺕ ﺩﺭﺕ ﻋﻨﺪﻭ ﻟﻘﻴﺘﻮ ﺍﻧﺴﺎﻥ ﻃﻮﻳﻞ ﻭ ﻣﺮﺑﻲ ﺍﻟﻌﻀﻼﺕ ﻭ ﺑﻴﻨﺔ ﻛﻴﻠﻌﺐ ﺍﻟﺤﺪﻳﺪ ﺑﻴﺾ ﺷﻌﺮﻭ ﻛﺤﻞ ﻭ ﺩﺍﻳﺮ ﺍﻟﻨﻀﺎﺿﺮ ﻳﻤﻜﻦ ﻳﻜﻮﻥ ﺷﻲ ﻣﺤﺎﻣﻲ ﻭ ﻻ ﺍﺳﺘﺎﺩ ﻣﻜﺎﻳﻬﻤﺶ ﺍﻟﻤﻬﻴﻢ ﻫﻮ ﺩﺑﺮﺕ ﻓﻲ ﻋﺮﻳﺲ <br>
ﺍﻧﺎ ﺑﺎﺑﺘﺎﺳﻤﺔ : ﻧﻌﺎﻡ <br>
ﻫﻮ ﺷﻴﺮ ﻓﻲ ﺍﻟﻜﺮﺳﻲ ﻟﻲ ﺟﺎﻟﺴﺔ ﻋﻠﻴﻪ ﺍﻧﺎ ﻭ ﻛﻴﻬﺪﺭ ﺑﻼﻣﺒﻼﺓ : ﻫﺎﺩﻱ ﺑﻼﺻﺘﻲ ..... ﺍﻧﺎ ﺩﻳﻚ ﺍﻟﺴﺎﻋﺔ ﻓﺤﺎﻟﺔ ﺧﺸﻴﺘﻲ ﻓﻴﺎ ﺟﻨﻮﻳﺔ ﺧﻨﺰﺭﺕ ﻓﻴﻪ : ﺑﻼﺻﺘﻚ ﻓﻲ ﺍﻟﻘﺒﺮ ... ﺩﺭﻱ ﺗﺼﺪﻡ ﻓﻴﺎ : ﻧﻌﺎﻡ <br>
ﺍﻧﺎ : ﻛﻴﻔﻤﺎ ﺳﻤﻌﺘﻲ ﺩﺑﺎ ﻏﺘﻤﺸﻲ ﺗﻘﻠﺐ ﻋﻠﻴﺎ ﻭﻻ ﻏﻨﻮﺭﻱ ﺧﻮﻳﺎ ﺑﻼﺻﺘﻮ ﻓﻴﻦ ... ﻭﺟﺒﺖ ﻋﻠﻴﻪ ﺻﻨﺪﺍﻟﺔ .... ﻫﻮ ﺷﺎﻑ ﻓﻴﺎ ﺑﻘﺎ ﻣﺼﺪﻭﻡ : ﺻﺎﻓﻲ ﺻﺎﻓﻲ ﺍﻧﺎ ﻏﺎﺩﻱ ... ﻭ ﻣﺸﺎ ﻏﺎﺩﻱ ﻭ ﻛﻴﺸﻮﻑ ﻓﻴﺎ .... ﺍﻧﺎ : ﺗﺸﻮﻑ ﺍﻟﻌﻤﺎ ﺍﻧﺸﺎﺀﺍﻟﻠﻪ ... ﻓﺮﻳﻤﻮﻥ ﻋﺼﺒﻨﻴﻴﻴﻲ ﻧﻴﺮﻓﺎﻧﻲ ﺩﺭﺕ ﻟﻘﻴﺖ ﻭﺣﺪ ﺍﻟﻤﺮﺓ ﻣﺎﺷﻲ ﻛﺒﻴﺮﺓ ﻧﻘﻮﻟﻮ ﻗﺪ ﺍﻟﻮﻟﻴﺪﺓ ﺗﻘﺮﻳﺒﺎ ﻏﻴﺮ ﻫﻲ ﻣﻬﻠﻴﺎ ﻓﻲ ﺭﺍﺳﻬﺎ .. ﻟﻘﻴﺘﻬﺎ ﻛﺘﺸﻮﻑ ﻓﻴﺎ ﻭ ﻣﺼﺪﻭﻣﺔ ... ﻧﺎﺭﻱ ﻛﺤﻠﺘﻬﺎ ﻳﻤﻜﻦ ﺑﻐﺎﺗﻨﻲ ﻟﻮﻟﺪﻫﺎ ﻭ ﻟﻜﻦ ﺻﺪﻣﺘﻬﺎ ﺑﻬﺎﺩ ﺍﻟﺘﺼﺮﻑ ﻭ ﺍﻧﺎ ﻧﺒﺪﺍ ﻧﻄﺮﻃﺐ <br>
ﺍﻧﺎ ﺿﺤﻜﺔ ﺩﻳﺎﻝ ﺑﻠﻌﺎﻧﻲ : ﻫﻴﻬﻴﻬﻲ ﺍﻟﺼﻬﺪ ﻳﺎﻛﻲ <br>
ﻫﻲ ﺗﺎﻫﻴﺎ ﺑﻨﻔﺲ ﺍﻟﻀﺤﻜﺔ : ﺍﻩ ﻫﻴﻬﻲ ﺷﻮﻳﺔ <br>
ﺍﻧﺎ : ﻧﺠﻴﺐ ﻟﻴﻚ ﻛﺎﺱ ﺩﻳﺎﻝ ﺍﻟﻤﺎ <br>
ﻫﻲ : ﻫﻪ ﻻ ﻻ ﺳﻴﺒﺎﻻﺑﻴﻞ ﻫﺎﻫﻮ ﻣﺤﻄﻮﻁ ﻗﺪﺍﻣﻲ <br>
ﺍﻧﺎ : ﺍﺍﺍﻩ ﻫﻴﻬﻲ ﺍﻭﺍ ﺷﺮﺑﻲ ﺷﺮﺑﻲ ‏( ﺗﻔﻮ ﻋﻠﻰ ﺯﻫﺮ ﺗﺎﻣﻦ ﺍﻟﻜﺎﺱ ﻟﻲ ﺑﻐﻴﺖ ﻧﺠﻴﺒﻮ ﻟﻴﻬﺎ ﺣﺪﺍﻫﺎ ﻭ ﺍﻧﺎ ﺷﻨﻮ ﻋﺮﻓﻨﻲ ﻫﻲ ﺑﻐﺎﻧﻲ ﻟﻮﻟﺪﻫﺎ ﻳﻤﻜﻦ ﺗﻔﻮ ﺍﻧﺎ ﺑﺪﻳﺖ ﻛﻨﺤﻤﺎﻕ <br>(
.... ﻋﻤﺎﺩ : ﺷﻜﻮﻥ ﺩﻳﻚ ﺧﻴﺘﻲ ﻟﻲ ﻛﻨﺘﻲ ﺩﺍﻭﻱ ﻣﻌﺎﻫﺎ <br>
ﻫﻮ : ﻣﻨﻌﺮﻑ ﻟﻴﻬﺎ ﻭ ﻧﺎﺭﻱ ﺷﺤﺎﻝ ﻣﺴﻌﻮﺭﺓ <br>
ﻋﻤﺎﺩ : ﻫﻬﻬﻪ ﻋﻠﻰ ﻣﻠﻬﺎ ﺑﺎﻟﻌﻜﺲ ﺑﺎﻧﺖ ﻟﻴﺎ ﻣﺎﺑﻴﻬﺎﺵ <br>
ﻫﻮ : ﺍﺷﻤﻦ ﻫﺪﺭﺕ ﻣﻌﺎﻫﺎ ﻏﻴﺮ ﻋﻠﻰ ﺑﻼﺻﺔ ﺑﻐﺎﺕ ﺗﻘﺠﻨﻲ <br>
ﻋﻤﺎﺩ : ﻫﻬﻬﻪ ﺗﻨﺘﺎ ﻋﻘﻠﻚ ﺻﻐﻴﺮ ﺑﻐﻴﺘﻲ ﺩﺍﺑﺰ ﻣﻌﺎﻫﺎ ﻋﻠﻰ ﺑﻼﺻﺔ <br>ﻫﻮ : ﻻﻻ ﺍﻟﻠﻪ ﻳﻨﺠﻨﻲ ﻣﻨﻬﺎ ﻏﻴﺮ ﺍﻟﻮﻟﻴﺪﺓ ﺑﻐﺎﺗﻨﻲ ﻧﺠﻠﺲ ﺣﺪﺍﻫﺎ ﻧﻀﺖ ﺩﻗﻴﻘﺔ ﻧﻬﻀﺮ ﻓﻲ ﺍﻟﺘﻠﻴﻔﻮﻥ ﺟﻴﺖ ﻟﻘﻴﺘﻬﺎ ﺟﺎﻟﺴﺔ ﺣﺪﺍ ﺍﻟﻮﻟﻴﺪﺓ ﻭ ﺍﻟﻮﻟﻴﺪﺓ ﻛﺘﺸﻮﻑ ﻓﻴﻬﺎ ﻭ ﻛﺘﺸﻮﻑ ﻓﻴﺎ ﺯﻋﻤﺎ ﻧﻨﻮﺿﻬﺎ <br>
ﻋﻤﺎﺩ : ﺍﻩ ﻫﻬﻪ ﻭ ﺗﺎ ﻣﺎﻣﺎﻙ ﺡ g ﺭﺍﺕ ﻋﻠﻴﻚ ﻫﺎﺩ ﺍﻻﻳﺎﻡ ﺑﻐﺎﺗﻚ ﺩﻳﻤﺎ ﺗﺒﻘﻰ ﺣﺪﺍﻫﺎ <br>
ﻫﻮ : ﻭﻳﻴﻴﻪ ﻫﻬﻪ ﺑﻐﺎﺗﻨﻲ ﻧﺨﺘﺎﺭ ﻟﻌﺮﻭﺳﺔ ﻭ ﻛﺪﻳﺮ ﻟﻴﺎ ﺩﻳﻤﺎ ﺩﻳﻚ ﺗﻤﺘﻴﻠﻴﺔ ﺩﻳﺎﻝ ﺯﻋﻤﺎ ﻫﻲ ﻣﺮﻳﻀﺔ ﻭ ﻛﺘﺴﺨﻒ ﻭ ﻛﻨﺒﻐﻲ ﻧﻔﺤﺼﻬﺎ ﻣﻜﺘﺨﻠﻴﻨﻴﺶ <br>
ﻋﻤﺎﺩ : ﻫﻬﻪ ﺣﺴﻦ ﻋﻮﺍﻧﻚ ﺷﻮﻑ ﺷﻮﻑ ﺍﻧﺎ ﺩﺑﺮﺕ ﻟﻴﺎ ﻋﻠﻰ ﻭﺍﺣﺪ ﺍﻟﺒﻨﺖ ﻗﺮﻃﺎﺳﺔ <br>
ﻫﻮ : ﻭﺍﻳﻠﻲ ﺷﻜﻮﻥ ﻓﻨﺎﻫﻴﺎ <br>
ﻋﻤﺎﺩ : ﺭﺍﻩ ﻫﻲ ﺳﻤﻴﺘﻬﺎ ﻧﻬﺎ ﺧﺪﺍﻣﺔ ﻓﺮﻣﻠﻴﺔ <br>
ﻫﻮ : ﺯﻭﻳﻨﺔ <br>
ﻋﻤﺎﺩ : ﻏﻴﺮ ﺯﻭﻳﻨﺔ ﻭ ﺳﻜﺘﻲ ﺭﺍﻩ ﻗﺮﻃﺎﺳﺔ <br>
ﺣﻄﻮ ﺍﻟﻌﺸﺎ ﺗﻌﺸﻴﺖ ﻣﺰﻳﺎﻥ ﻣﻜﺎﻳﻨﺶ ﻟﻌﺮﻳﺲ ﻣﻜﺎﻳﻨﺶ ﺍﻟﻠﻬﻢ ﻧﻌﻤﺮ ﻛﺮﺷﻲ ﻛﻨﺎﻛﻞ ﺑﺎﻟﻔﻘﺴﺔ ﻭ ﻛﻨﻘﻮﻝ ﻣﺎﻛﻠﻴﺖ ﺗﺎﻫﻤﺎ ﺩﺍﺭﻭ ﻣﺎﻛﻠﺔ ﻣﻦ ﻣﻮﺭﺍ ﻣﺎﻛﻠﺔ ﺣﺘﻰ ﺳﻼﻭ ﺟﺎﺑﻮﻟﻴﻨﺎ > br>
ﺟﺎﺑﻮﻟﻴﻨﺎ ﺩﻳﺴﻴﺮ ﻭ ﺍﺷﻤﻨﻚ ﻳﺎ ﺩﻳﺴﻴﺮ ﺩﺍﻛﺸﻲ ﺯﻭﻳﻴﻴﻴﻦ ﻭ ﺑﻨﻴﻦ ﺻﺎﻓﻲ ﺷﺒﻌﺖ ﻛﻨﻬﺰ ﺭﺍﺳﻲ ﻛﻨﻠﻘﺎ ﺩﻳﻚ ﺍﻟﻤﺮﺓ ﻛﺘﺸﻮﻑ ﻓﻴﺎ .. ﻻ ﻻ ﻫﺎﺩﻱ ﻣﺎﺑﻐﻨﻴﺶ ﺍﻟﻮﻟﺪﻫﺎ ﻫﺎﺩﺍ ﻏﻴﺮ ﺍﻟﻤﻜﻴﺎﺝ ﻣﺨﺴﺮ ﻟﻴﺎ ﻭ ﺍﻧﺎ ﻣﺠﻴﺒﺎ ﻟﺪﻧﻴﺎ ﺧﺒﺎﺭ ﻧﻀﺖ ﻭ ﻗﺎﻟﺖ ﻟﺪﻳﻚ ﺳﻴﺪﺓ : ﻋﻔﺎﻙ ﺷﺪﻱ ﻟﻴﺎ ﻫﺎﺩ ﺍﻟﻜﺮﺳﻲ ﺗﻨﺠﻲ ﺩﺑﺎ ﻳﺠﻲ ﺩﺍﻙ ﺍﻟﻤﻀﺒﻊ ﻭ ﻳﺨﺪﻭ ﻟﻴﺎ ... ﺍﻟﻤﺮﺓ ﺯﺍﺩﺕ ﺗﺼﺪﻣﺎﺕ ﻓﻴﺎ ﺍﻣﺎﻟﻬﺎ ﻫﺎﺩﻱ ﺍﻧﺎﺭﻱ ﺗﻲ ﺍﻧﺎ ﺍﺵ ﻗﻠﺖ ﻟﻴﻬﺎ .. ﺍﺍﺍﺍﺍﺍﺍﻩ ﻳﻤﻜﻦ ﻫﻲ ﻣﻦ ﺳﺤﺎﺏ ﺍﻟﻨﺎﺱ ﻟﻲ ﻟﺒﺎﺱ ﻋﻠﻴﻬﻢ ﺟﻴﺘﻬﺎ ﻋﺠﺐ .... ﻫﺰﻳﺖ ﻛﺘﺎﻓﻲ ﻭ ﻣﺸﻴﺖ ﻟﻄﻮﺍﻟﻴﻂ ﺩﺧﻠﺖ ﻛﻨﺸﻮﻑ ﻭﺟﻬﻲ ﻓﻲ ﺍﻟﻤﺮﺍﻳﺔ ﺍﻭﻳﻠﻲ ﻣﻜﺎﻳﻦ ﻭﺍﻟﻮ ﺷﻮﻳﺔ ﻛﻨﺴﻤﻊ ﺍﻟﺒﻨﺎﺕ ﻛﻴﻬﺪﺭﻭ ﻣﻦ ﻣﻮﺭﻳﺔ ﻏﻴﺮ ﺑﻌﻠﻮﻛﺎﺕ ﺻﺤﺒﺎﺕ 16 ﻋﺎﻡ<br>
ﺍﻟﺒﻨﺖ ﻟﻮﻻ : ﺷﻔﺘﻲ ﻃﻴﺤﺘﻮ <br>
ﺍﻟﺒﻨﺖ ﺗﺎﻧﻴﺔ : ﻣﻌﻠﻤﺔ ﺗﺎﻧﺎ ﻃﻴﺤﺖ ﻭﺍﺣﺪ ﻟﺒﺎﺱ ﻋﻠﻴﻪ <br>
ﺍﻟﺒﻨﺖ ﻟﻮﻻ : ﻛﻮﻥ ﺗﺸﻮﻓﻲ ﻫﺪﺍ ﺭﺍﻩ ﺧﺪﺍﻡ ﻣﻬﻨﺪﻳﺲ ..... ﺍﻧﺎ ﻛﻨﺴﻤﻊ ﺩﻳﻚ ﺍﻟﻬﺪﺭﺓ ﻭ ﻏﺎﺩﻱ ﻧﻄﺮﻃﻖ ﻭ ﺍﻧﺎ ﻧﺪﻭﺭ ﻛﺒﻴﺖ ﻋﻠﻴﻬﺎ ﺷﻮﻳﺔ ﺍﻟﻤﺎ ﻋﺎﺩ ﺑﺮﺕ .... ﺍﻧﺎ : ﺳﻤﺤﻴﻠﻴﺎ ﺍﺣﺒﻴﺒﺔ ﻣﻘﺼﺪﺗﺶ <br>
ﺍﻟﺒﻨﺖ : ﻣﻜﺘﺸﻮﻓﻴﺶ ﺗﻔﻮﻭﻭ ﺩﺑﺎ ﺧﺴﺮﺗﻲ ﻟﻴﺎ ﺍﻟﺒﺮﻭﺷﻴﻦ ﺩﻳﺎﻟﻲ <br>
ﺧﺮﺟﺖ ﻭ ﺧﻠﻴﺘﻬﺎ ﻛﻲ ﺍﻟﻤﻌﺰﺓ ﺗﻤﻌﻤﻊ ..ﻋﺼﺒﺎﺗﻨﻲ ﺭﺟﻌﺖ ﻟﻘﻴﺘﻬﻢ ﻛﻴﺘﺼﻮﺭﻭ ﻣﻊ ﺍﻟﻌﺮﻭﺳﺔ ﻋﻴﻄﺖ ﻟﻴﺎ ﻧﻬﺎ ﻧﺘﺼﻮﺭﻭ ﻣﻌﺎﻫﺎ ﺗﺎﻫﻴﺎ ﺷﺎﻓﺘﻨﻲ ﻭ ﻃﻠﻌﺖ ﻟﺴﻤﺎ ﻭ ﻋﻨﻘﺖ ﻳﺪ ﺭﺍﺟﻠﻬﺎ ‏( ﺣﻤﺎﺭﺓ ﺩﻳﻤﺔ ﻛﻨﺖ ﻣﺪﺍﺑﺰﺓ ﺍﻧﺎ ﻭﻳﺎﻫﺎ ﺣﻴﺖ ﺍﻧﺎ ﺣﺴﻦ ﻣﻨﻬﺎ ﻭ ﻫﻲ ﻗﺪﻱ ﻓﻲ ﺍﻟﻌﻤﺮ ﺩﺧﻠﻨﺎ ﺍﻧﺎ ﻭﻳﺎﻫﺎ ﻓﻲ ﺩﻗﺔ ﻟﻬﺎﺩ ﺩﻭﻣﻴﻦ ﺷﻮﻑ ﺩﺑﺎ ﻫﻲ ﺗﺰﻭﺟﺎﺕ ﺑﻄﺒﻴﺐ ﻭ ﺍﻧﺎ ﻛﻨﻘﻠﺐ ﻳﺎﺭﺑﻲ ﻟﻲ ﻛﺎﻥ ﺍﻧﺎ ﻧﺼﺮﻑ ﻋﻠﻴﻪ ﻏﻴﺮ ﻓﻜﻨﻲ ﺭﺍﻧﻲ ﻭﻟﻴﺖ ﺿﺤﻜﺔ ‏) ﺗﺼﻮﺭﻧﺎ ﻭﺧﺎ ﺗﺰﻳﺮﺕ ﺷﻮﻳﺔ ﻣﺸﻴﺖ ﻟﺒﻼﺳﺘﻲ ﺑﻘﻴﺖ ﻛﻨﺸﻮﻑ ﻓﻲ ﺍﻟﻌﺮﻭﺳﺔ ﻃﺎﻟﻌﺔ ﻓﻲ ﺍﻟﻌﻤﺎﺭﻳﺔ ﺷﺪﺍﺗﻨﻲ ﺍﻟﺒﻜﻴﺔ ﻭﻳﻠﻲ ﻭﻳﻠﻲ ﻏﻨﺨﺴﺮ ﺍﻟﻤﻜﻴﺎﺝ ﻧﻮﺽ ﻧﺸﻄﺢ ﺣﺴﻦ ﻟﻴﺎ ﺑﻘﻴﺖ ﻛﻨﺸﻄﺢ ﺣﺘﻰ ﺑﺮﺩﺕ ﻏﺪﺍﻳﺪﻱ ﻣﺰﻳﺎﻥ ﺻﺎﻓﻲ ﺻﻼ ﺍﻟﻌﺮﺱ ﺧﺮﺟﻮ ﻳﻮﺩﻋﻮ ﺍﻟﻌﺮﻭﺳﺔ ﺍﻧﺎ ﻣﻊ ﺍﻟﺨﺮﺟﺔ ﺗﻘﻄﻊ ﻟﻴﺎ ﻃﺎﻟﻮﻥ ﺗﻔﻮﻭﻭ ﻋﻠﻰ ﺯﻫﺮ ﻋﻨﺪﻱ ﻭ ﺍﻧﺎ ﻧﺴﻤﻊ ﺷﻲ ﻭﺍﺣﺪ ﻃﻠﻘﻬﺎ ﺑﻀﺤﻜﺔ ﻃﻠﻌﺖ ﻋﻴﻨﻲ ﻟﻘﻴﺖ ﺩﺍﻙ ﺧﺎﻳﻨﺔ ﺩﻳﺎﻝ ﺍﻟﺒﻼﺻﺔ ﻭﺍﻗﻒ ﻣﻊ ﺩﻳﻚ ﺍﻟﻤﺮﺓ ﻟﻲ ﻛﺎﻧﺖ ﺟﺎﻟﺴﺔ ﺣﺪﺍﻳﺎ ﻭ ﻛﻴﺸﻮﻑ ﻓﻴﺎ ﻭ ﻛﻴﺘﻔﺮﺷﺦ ﻋﻠﻴﺎ ﺑﻀﺤﻚ ﻭ ﺩﻳﻚ ﻟﻲ ﻣﺮﺓ ﻛﺘﺤﺎﻭﻝ ﺗﺴﻜﺘﻮ ﺧﻨﺰﺭﺕ ﻓﻴﻪ ﻭ ﺯﺩﺕ ﻓﺤﺎﻟﻲ ﺳﻠﻤﺖ ﻋﻠﻰ ﻧﻬﺎ ﻭ ﺷﺪﻳﺖ ﻃﺎﻛﺴﻲ ﻟﻲ ﻟﻘﺎﻳﺘﻮ ﺑﺴﺘﺔ ﻭ ﺳﺘﻴﻦ ﻛﺸﻴﻔﺔ ﺣﻄﻨﻲ ﻓﻲ ﺩﺭﺏ ﻭﺗﻤﻴﺖ ﻏﺎﺩﻳﺔ ﺍﺣﺘﻰ ﻭﻗﻒ ﻋﻠﻴﺎ ﻋﻴﺴﻰ ﺳﻜﺎﻳﺮﻱ ﻫﺎﺯ ﻗﺮﻋﺔ ﻣﻬﺮﺳﺔ ﻭﻳﻠﻴﻤﺸﻴﺖ ﻓﻴﻬﺎ ﺷﺪ ﻟﻴﺎ ﻳﺪﻱ <br>