احببت محتالة

😆😚😚

مشينا سجلنا ياسر في الحضانة ودخلناه فرج فينا عباد الله بالبكا و النحيط مبغاش يتفرق حتى سكتو وواعدتو غادي نرجع ونجيب ليه طيارة جديدة عاد سكت و دخلاتو المربية شادة ليه من يديه وهو غادي وتيشوف فيا بقا فيا تفو كون مشداتني خالتي كون دخلت جبتو ...عاد طلعنا في السيارة و غادين انا و خالتي و كنهضرو و تاهيا بقا فيها ياسر صافي مشينا للواحد جريدة و جلسنا شرينا الزريعة و بركنا نهدرو <br>
خالتي: بنسبة لبارح ولدي كان ...<br>
انا: اه لا ماشي مشكيل لمرة جاية غنحاول نتفاداه <br>
خالتي: لا ابنتي هادا ماشي حل وولدي باينا غيطول هاد المرة واقلة خاصك ...<br>
انا: لا بغيتيني نمشي فحالي ماشي مشكيل غتخليني ندي ياسر و كنواعدك غادي نبقى نخليك تشوفيه .....ضربتني ضربة خفيفة على راسي : خليني بعدا غانكمل ياسين بصح ولدي ولكن مكنبغيش العنف ضد المرءة هداك راجلك و مخصكش تسمحي ليه يضرلك <br>
انا: واش عندي مندير ليه راكي شفتيني معندي صحة قدامو <br>
خالتي: و لكن عندك عقل نتي خليتيه يبغيك في المرة لولة و نصبتي عليه <br>
انا: ههه داكشي علاش كرهني ميمكلياش نعاود نخليه يبغيني <br>
خالتي: غبية انا عارفة ولدي مزيان في نضرك علاش ما عاودش تزوج لحدي الان هو في يحاتو بغا جوج بنات نتي لي نصبتي عليه ووحدة اخرة كانت كتقرا معاه في الباك و مبغاتوش حيت كان غليض <br>
انا: هههه انا هي هديك لي مبغاتوش في الباك <br>
خالتي : وايليي ميمكنش ..بقات مصدومة فيا ...انا: هادي ماشي حاجة كنتباها بيها ولكن انا ضيعت ياسين لي كان كيبغني <br>
خالتي: لا اينيتي نتي تقدري ترجعي راجلك لي كان كيبغيك و ترجعي ليا ولدي كيف كان و لكن خاصك تستعملي عقلك و جسدك <br>
انا: مفهمتكش <br>
خالتي: يعني خصك ترجعي راجلك باي طريقة و انا مسامحاك و قابلاك ككنة ديالي من جديدة ...انا شفت فيها و طاح عليا الضيم و شداتني البكية وعنقتها ..صافي قررنا نمشيو لشوبين بقينا تندورو و ايا كسوة بانت ليها معرية كتشريها ليا دخلنا الواحد البوتيك انا مشيت نشوف شي لبيسات ..شوية و هي تعيط ليا خالتي: اجي ابنتي شوفي هادا لجا قدك ... كيبان شي بنات و جوج دراري كيشوفو فيا و في خالتي و كيضحكو هادو مالهم ..مشيت عند خالتي لقيتها شادا شوميز دو نويي ..انا حشمت : اويلي اخالتي اش غندير انا بهادا <br>
خالتي بالغوات: اويليي غتلبسيه راجلك ...وكلشي كيشوف فيا و كيضحك <br>
انا بالهمس: ايه فهمت ولكن دبا هو ممعترفش بيا<br>
خالتي بالهمس : وناخدوه دابا باش فاش تحتاجيه تلقايه <br>
صافي دارت خالتي فراجة تغدينا على برا و رجعنا و دزنا على ياسر فاش خرجناه شحال فرح مشينا شرينا ليه طيارة كيفما وعدتو و غديناه و رجعنا للدار هو طريق كاملة مسكتش كيعاود لينا على اش دار تما ومع الدراري قالينا الحضانة عجباتو بزاف <br>
مشينا للدار خليت ياسر يلعب و انا و خالتي ديرين راس على راس و كنوجدو في الخطاط لياسين ...خالتي : قبل مايموت راجلي كنت فينما كندخل لبعند ياسين كنلقاه حال وحد الصندوق غير كيشوفني كيسدها <br>
انا: اااه واش صندوقة كحلة و زويونة <br>
خالتي: اياه ابنيتي وارك بقشاشة عرفتي اش فيها <br>
انا: لا تقدر تكون شي فلوس و لا وراق <br>
خالتي : لا لا بنيتي مكنظنش خاسنا نشوفو اش نديرو باش نشوفو اش فيها <br>
انا : عندي فكرة ....بقيت كنتخابر انا وياها ياسين: ماما ...و حنا نقفزو بجوج <br>
خالتي: اه اه اه اولييدي بغيتي شي حاجة <br>
ياسين : مالكي خايفة و نتيي بلما تبقاي تلعبي ليها بعقلها نوض درقي زلافتك مابغيتش نشوفك ...انا ما هدرتش معاه و غمزت خالتي و خنزرت فيه و مشيت لبيتي <br>
بقيت كنقيس في دكشي لبست واحد شورت ديال تجين و تيشرت بالبيض و ضفرت شعري رجعت لشباب المهيم لبسة مزيانة باش نفد الخطة ديالي درت لقيت ولدي ياسر مصدوم فيا <br>
انا: كيف جيت ؟؟<br>
ياسر : جيتي قوقة اماما <br>
انا: هههه شكون علمك هاد قوقة <br>
ياسر: واحد دري كبير قالها لاستادة سولتو قاليا قوقة هي زوينة ...بستو و خرجت شفت في خالتي هدرنا بالاشارة زعمة كلشي جاهز طلعت بشوية دخلت لقيت ياسين كيدوش مشيت كنتسلت طليت من تقيبة ديال ساروت لقيتو كيدير الصابون لوجهو و خرجت و عطيتهم اشارة باش يقطعو الما ..غير تقطع الما هو سخط هيهيه دخليه صابون لعينيه خرج لابس شورط كان غيتساطح معايا كنت غادي نقيسو بيدي مكرهتش واااو على عضلات عندو سو سيكسي هاد زين كامل راجلي و انا مجيبة لدنيا اخبار وانا نزيد نتحرك شوية هو خرج كيغوت على برا على الما و انا مشيت لمجر ملقيتش فيه الصندوق بقيت كنقلب في الماريو شوية هو يرجع ولا فحال لعما خرج في كلشي انا شدتني الضحكة شوية تم جاي لجيهتي معرفت فين نمشي وصل عندي انفاسو حدا انفاسي انا قطعت نفس ديالي و غمضت عيني و حنا نسمعو طلق الما هو يتم غادي جيهة ديال الحمام اووف الحمدالله وانا نشوف صندوق تحت ناموسية و انا نهزو <br>
ياسر: ماما تخسرت ليا طيارة ....وهو يدور ياسين وحاول يحل عينيه دخل ليه صابون لعينيه ...انا هربت دغيا هازا صندوق في يد و ياسر في يد و خليت ياسين كيغوت ابوحدو ميمتي وليدي فرشني هبطت عند خالتي
انا: ناري ناري اخالتي تفرشنا <br>
خالتي: شنو واش شافك هزا صندوق <br>
انا: لالالا ولكن عرفني كنت تما <br>
خالتي: المهيم جبتي صندوق <br>
انا: ااااه <br>
خالتي: ويالاه نطلعو الفوق نشوفو هاد العجب ...صافي طلعنا حلينا صندوق لقينا البوم و سيدي و شي دفتر عطيت لخالتي الالبوم و سيدي معرفت كيف ندير ليه انقول خالتي باش تاخد البيسي من عند ولدها <br>
خالتي : شوفي شوفي ...انا : شنووو <br>
شديت لالبوم كنلقا تصاور ديال العرس ديالنا انا تصدمت صراحة و كنلقا في كل تصويرة تعليق ...بديت كنقلب في تصاور كنقرا تعاليق كل مرة واش كيكتب واااو حبيبي زدق شاعر و بصح كيبغيني و لي زاد اكد ليا هداكشي هو دفتر لي معاه كلو فيه غير ايمان انا حالفة تنرجعو ليا غنكون حمارة لا خليتو يفلت ليا من يدي ضيعتو جوج مرات و لكن المرة تالتا لاااا و غيكون حبيبي و زوجي و بابت ولدي لاخر يوم في عمري ...درت عند خالتي فرحانة و كنعنقها : كيبغيني بصح اخالتي <br>
خالتي: شفتي قلتها ليك نتوما اصلا مكتابين لبعضياتكم من لول غير قلت فهامتك لي فرقتكم <br>
انا:خالتي انا كنواعدك غي نرجع ياسين ليا بايا طريقة و غنخليه يعيش احسن اوقات حياتو معايا <br>
خالتي: و هو اصلا ليك من لول الهبيلة و هاكا نبغيك يالاه فرجينا <br>
انا: هنهه متخافيش غير تفارجي و شدي ليا ياسر بعدا خصنا نفكرو كيف نرجعو داك صندوق ...خالتي: بصح انا غنفكر في خطة ... خرجت انا وخالتي و ياسر لجردة كنضحكو ياسر بغا كاس ديال الما و دوك جوجات واخدين عطلة ليوم حيت الاحد ..مشيت كنعمر ليه كاس ديال الما اتا دخل عليا فحال شي وحش و جا ديريكت طيح ليا الكاس لي فيدي و شد ليا بعنف من وجهي :اش كنتي كديري في البيت دياليي نتي لي قطعتي الما جاوبيييي ...وانا نحيد ليه يديه بجهد: نتا شاد ليا من وجهي و باغني نجاوبك كيدرتي ليها <br>
ياسين شدني مندراعي: جاوبي على قد سؤال ديالي ...وانا نقربليه تال عند فمو و شفت ليه في فمو و طلعت عيني فيه وقالت ليه بطريقة مثيرة: ولا شنو ..هو يطلق مني ورجع بلور و بقى تيشوف فيا مستغرب(نجحت عمليةالاغواء الاولة✌✌) و انا بديت كنقرب ليه بكل ثقة و كنشوف ليه في عينيه فحالا كندير ليه تنويم المغناطيسي و جريتو من الكول ديال القميجة و قست شفايفي مع شفايفو وهو يشدني من راسي وبقى كيمص ليا في فمي و كيدوز يدو في جميع انحاء جسدي (خلاني نمشي لعالم اخر احساس في شكال) شي ربع ساعة عاد عاق و شاف فيا و دفعني على الارض وخنزر فيا و و خرج ...متخيلوش الفرحة ديالي ديك الساعة ياس ياس ياس انا واعرة انا دونجي جات خالتي ولقتني في الارض كنشطح و كنغني <br>
الحاجة:هههههههه وا عتقتي دري بكري بالما <br>
انا: خالتي خالتي متخيليش اش وقع <br>
خالتي: راني شفت ياسين خارج من هنا عرفت اتكون وقعات شي حاجة <br>
انا: راااه.....ياسر: ماما فيا العطش <br>
انا: اه اه اولدي نسيتك عاد عطيتو الما يشرب و رديت العشا و مشيت ندير لخالتي ترويض راني هملتها هاد الايام ..صافي حطيت العشا هو هابط كيف العادا جلس قدامي خنزر فيا و انا دايرة واحد الابتسامة بقينا كناكلو هو يطلع فيا عينيه ولقاني كنشوف فيه عديت شفايفي و غمزتو وهي توحل ليه بقات خلتي كضرب ليه في ضهرو نضت انا بغيت نعطيه الما هو يلوحو ليا من يدي: نتي بدااات متقيسينيش ...وناض لكوزينة تفوو يالاه كنقول زيانت كتخسر شدت ليا خالتي من يدي : صبر ابنتي صبر ...صافي تما طلع هو نعس طلعت خالتي و مشيت نعست مع ولدي <br>
الغد ليه نضت لقيت دوك الحلوفات تما طلعت عند خالتي عاونتها حتى دوشات و لبسات و نزلت انا وياها وديتها لطبلة فين تفطر و مشيت فيقت ياسر و ودوشت ولبستو و خرجت بيه باش يفطر لقيت ياسين جالس تاهو كيفطر شافني وهو يدور وجهو صافي فطرنا ديت ياسر عند اناس و طلبتو يديه لحضانة و رجعت كندير ترويض لخالتي اما ياسين طلع البيتو منعرف اش كيدير فيه مشيت عند دوك خياتي نشوف فين وصلو فشغال جالسين غير على نميمة تهما شوية جات عندي خالتي مخلوعة <br>
انا: مال لونك مخطوف <br>
خالتي: مممشينااا فيهاااا <br>
انا: شنوووو درنااا واش على صندووق <br>
خالتي: وا القضية خطاااار من صندوووق و الطبيب لي كلفتو يدير تحاليل ديال ADN راه هو في الباب و ياسييين الفووق <br>
انا: اويلييي اميمتييي سمعي اخالتييي انا غادي نخرج عندو نجيب تحاليل و نتي حضي ليا ياسين اوكيي ...مشيت تخشيت في عباية و شالي غير لحتو عليا و خرجت لعندو <br>
انا: سلام خويا <br>
هو :سلام <br>
انا: راه سيفطاتني خالتي ناخد من عندك دوك تحاليل ...عطاهم ليا شكرتو خشيتهم في صدري سيد تصدم فيا ...ودعتو و دورة لي غندور غنلقا ياسين من موراية متكي على جناب الباب و كيشوف فيا <br>
انا بديت كنتمتم و كنسرط ريق : لا راه غير ..هو يجمعها عايا بسماكة و شدني من شالي وجمع معاه كمشة ديال شعر وجرني لداخل ووصلني تال حدا لبيسين قلت صافي ليوم غنموت غرقا <br>
ياسين بعصبية: شكون هداك لي كنتي معاه <br>
انا: والله مكنعرفو غير مسخر لخالتي (غينك اخالتي تفكيني )<br>
ياسين : ولاياش سخراتك خالتك بسلامة <br>
انا: باش باش اح قسحتيني ...<br>
<br>