احببت محتالة

😍😍😍

انا دخلت ولدي البيت و تحلفت عليه ميخرجش و بقيت كنسمع و كنبكي بصمت وهو لي كيجي في فمو كيقولو معلى بالووش و خالتي معرفاتش كيف تسكتو وهو زايد فاش سلا مشا خدا تفاحة و طلع ياكل فيها و انا بقيت تما شدا من فمي و كنبكي باش منطلعش الصوت شافتني الحاجة عنقاتني و بقيت تنبكييي طلعت انا و خالتي الفوق في بيتها <br>
خالتي: هانتي شفتي ولدي دابا مبقى كيهتم المشاعر حد من قبل كان مسالم و لكن بسباك تبدل <br>
انا كنبكي ونزلت عند رجليها: والله اخالتي حتى راني نادمة على كل حاجة درتها فيكم و راني دفعت تمن ديال هادشي بزاف و حق الله <br>
خالتي: دبا مسحي عليا دوك دميعات و راه خصنا نبعدو ياسر على هاد المشاكيل ديال الدار هاد الفترة <br>
انا: علاش منقلوش لياسين بلي هادا ولدو <br>
خالتي : اولا مغيتيقكش و غيجري عليك و مغنقدر ندير ليك والو وحتى لو تيقك و جبنا نتاءج الاختبار و تبين بلي ولدو غادي يهزك نيشان المحكمة و غادي يطلقك و غاخد ليك دري و غادي يجري عليك و انا معندي مغندير ليك <br>
انا: هي في جميع الاحوال غادي يجري عليا <br>
خالتي : لا سمعتي الكلامو و حيدتي داك تشيطين من راسك و الغهامة زايدا غتعيشي معايا فوق فجيج<br>
انا: سمعا و طاعني وخا تعطيني سم غادي نشربو بلاما نسولك علاش <br>
خالتي: دابا مزيان اولا غادي نديو ياسر لشي حضانة باش ميتاترش حيت دبا ياسين مبقا كيهمو حد و لكن عندي ليك المقابل <br>
انا: شناهو ندير ليك ايا حاجة بغيتي غير ميتقاش ولدي <br>
خالتي : بغيتي نحميك نتي وولدك غادي ترجعي ليا ولدي كيكان غي لول نتي لي مرضتين نتي لي غادي داويه <br>
انا: و لكن انا اش غادي ندير ليه شفتي كيف كيعملني <br>
خالتي : و هنا خاصكي دبري راسك في جميع الاحوال راه باقي راجلك...صافي غطيتها و خرجت و خليتها تنعس ..اويلي كيف غادي ندير ليه قالت ليك نرجعو ليها كيفما كان وواحد الحاجة نتابهت ليها قالت ليا راجلك ادن هو مطلقنيش طلاق غيبي و كون كان كيهدر سيمو بصح و هربنا انا وياه مكنتش نقدر نتزوج لمرة تانية اويلي كنت عندي لعنة من عند الله و لكن علاش ياسين مطلقنيش طلاق غيبي مم يمكن باش ينتاقم مني و ميخلينيش نتزوج بسيمو وانا نفهم دبا عند بالو ياسر ولد سيمو و حيت حنا منقدروش نتزوجو حملت منو في الحرام ولدي ولا لقيط اواااا باز وجهو قاسح هدا كلو زعما انتقام مني ومزال زيد فيه تاناا مغنسكتش ليه بيا ولا بيه بقيت ناعسة و كنفكر تاداني نعاس ..فاق ياسر بكري و خرج اما انا في سابع نومة ..مشا لقا ياسين كيقرا في الجريدة و شاد كاس قهوة و مشا قالك غيجلس قدامو ياسين حاديه غير ينص عين تاهو شد كاس ديال لحليب ووحل وحد دفيتير صغيور فاش كتحليه كيبقى يطلع موسيقى كانت شراتو ليه الحجة(كيبقة يغني واحيدا الميلودي وا حيدة و تيك تيك و ضرب شي حكيك) مهيم جلس وبدا كيقلدو في جميع الحركات دياولو انا نضت لبست حوايجي شروال تجين و كسوة طويلة و يلاه غندير شال و انا نتفكر بلي الراجل راجلي و حلالي و غنبقى خانقة راسي مكنتش تنديرو حتى فاش كيكون عيسى لي مكيجيني والو عاد هادا راجلي وانا نحيد عليا داك الغطا كامل لبست كسيوة في الزرق حد الركبة و طلقت شعري اصلا ما فيا لي جمعو لي مشطو خليه هكاك في رجلي كنلبس لي كان وخا يكونو مفاردين ماشي مشكيل خرجت لقيت ياسر كيقلد ياسين و ياسين عايق بيه و كل مرة كيدير بوزيسيون و ياسر كيدير فحالو ..انا صراحة عجبني الحال و لكن على ديك كلمة اللقيط مغنخلهاشي فيه <br>
انا: ياسر اجي لهنا ...ياسر جا يجري لعندي و هو دار و شاف فيا من راسي تال رجلي و انا درت فيها تكبرة هز حاجبو و انا درت و قلت لولدي يمشي يفيق جداه <br>
ياسين بعصبية : هديك اه ....انا متسوقتش ليه و كملت طريقي اصلا مافيا لي يتناقش معاه و في الاخر غنكل العصا ...شيشوية كيلوي ليا دراع لور :فاش نعيط ليك جاوبيني و جرني لوحد القنيتة انا كنغوت و كنقولو طلقني حيت قسحني بزاف في دراعي ..وصلنا وهو يخبطني بجهد على الحيط و دار يدو و قابل وجهو مع وجهي <br>
ياسين: دبا شنو حصلتي كنتي دايرا ماما محامي عليك ..هو يgفض كميمو : ليوما غادي نخرج فيك لقديم و جديد ( ناري ميي السعدية مشييت فيها) و انا نحاول نهرب هو يشدني من دراعي و زير عليا و قربني لعندو : فين كنتي ناوية تهربي ليوما ماغديش يفكك مني حد ...انا بقيت كندور عيني شفت راسي قريبة منو بزاف و انا نبوسو بوسة خفيفة في فمو هو يطلق مني ورجع بلور بسرعة ...وانا نهرب ليه و هو تابعني شفت خالتي و مشيت عندها كنجري و غوت خالتيي هو غير شاف مو ووقف و بقا كيشوف فيا و كيخنزر محملش راسو و انا مشيت جلست حدا خالتي و دايرة ديك الابتسامة ديال الانتصار وهو غادي يطرطق غادي جاي حتى انا مفرقتش خالتي داك النهار تمن طواليط دخلت معها ليه و هو شاف تاعيا و خرج معيانا ولا نيهيهيه <br>
جاب لينا اناس ليست ديال جميع الحضنات لي في كازا و ماقلت ليست حتى ليست نيييت بقينا كنقلبو انا وخالتي على شي وحدة قريبة صراحة مسخايتش بولدي و في نفس الوقت مبغيتوش يتعقد ولا يكره باه و لكن دكشي لي كيديرو يستاهل الكره
عماد : ايواا صاحبي اش لقيتي في ديك الدار عندك ههه شفتك معصب ياسين: غير ديك لويلة عماد: شكون ديك الممرضة لقيتيعا بصح جايبة عائلتها ياسين: و الموضوووع خطاار من داكشي عماد: شنو لقيتهم سارقنك و لا مجريين على خالتي عيشة ياسين : الممرضة هي ايمان عماد: واش ايمان ديال ... ياسين: ايااه و جايبة معها حتى ولدها عماد: و هادي والله ما كتحشم كنضن بلي هادي باغا تنصب عليك مرة اخرة(داير فيها فاهم😒😒 ) ياسين : تانا دكشي لي بان ليا من تصرفات ديالها( هادا فاهم كتر زعمة ) ولكن غير بلاتي مدام انها جات بيين يدي مرة اخرى عنخليها تمنا الموت الف مرة عماد: وييي هادي فرصتك باش تنتاقم منها ياسين : اجي ليومة تغدا معايا انا نصوني لوليدة دير بحسابك الغدا عماد: اااه واخا نيت نشوف ديك ايمان كيف ولات هههه.. خالتي: راه غيجي ليوما صاحب ياسين قولي ليهم يديرو بحسابو لغدا انا : وخا ..مشيت عند دوك الكلبات علمتهم و مشيت دخلت لبست كسوة طويلة و درت بوليرو و شديد دورتو على راسي غطيت بيه شعري و خرجت جلست كنهدر انا وخالتي في موضوع الحضانة غدا غادي نسجلوه في واحد الوحدة بعيدة شوية ...دازت شي سويعة هكاك وهو يبان لينا ياسين دخل هو و داك صاحبو جا سلم على خالتي باس ليها يديها و انا سلمت عليه باليد و ياسين مصدوم منعرف مالو عماد كيهمس لياسين: واش هادي هي ايمان شفتها دارت الحجاب ياسين: غير سكت انا اول مرة كنشوف هاد فيلم ديال الحجاب صافي مشينا جلسنا غير في جردة حيت الصهد و انا ستادنت باش نشوف ياسر و نحرك دوك الخنزات يجيبو العصير لسيد ...هو يتبعني داك المسخوط خالتي بغات تبعنا ساعة شدها عماد بالهدرة ...هو يشدني في واحد القنيتة قريبة لكوزينة ياسين: شنو قضية هاد الحجاب ديرة فيها زعمة محتارمة قدام سيد و نتي من صباح و نتي دوري عريانة ....وانا نبدا نلعب ليه بصدايف لي محلولين حدا صدرو و قرلتو ليا : لا يجوز نبين جسدي لشي واحد الا راجلي لي هو نتا ...هو يهز يدو و ضرب ليا يدي و كركبني كنت غادي نطيح شديت راسي و درت عندو ...هو طلع فيا و هبط و خنزر و مشا ...مشية بلا رجعة(قلتها غير بشوية باش ميرجعش ليا😊😊)و بقيت كنحك في يدي قسحني الصراحة لدرجة ان صباعو بقاو مطبعون في يدي صافي بردت جنون في دوك جوجات لقيتهم مموجدينش العصير مشيت جبت ياسر و رجعت لعندهم لجردة عماد كيهمس لياسين و ضاحك : هدا هو ولدها ؟؟ واو كيشبهليك بزاف تقول غير نت في الحجم المصغر .....عماد شاف ياسين مكيجوبوش و هو يدور عندو لقاه مخنزر فيه عماد هو يجمع الضحكة ....جاو دوك المونكات حطو العصير و مشاو انا: تفضل اسيدي خد العصير ياسين : راه قدامو لبغا ياخدو غادي يخدو ...خنزرت فيه و خنزر فيا ولات خالتي و عماد كيحاولو يبردو و يقلبو الموضوع ياسر : ماما بغيت الحلوة ديال شكلاط انا: سير عند نرجس الكوزينة و قولها ليها غتعطيك ...مشا كيجري ياسين: كتهدري فحالة الدار دارك و هاد الحلوة لي غادي يمشي يخدها شريها ليه باه انا بابتسامة : مكدبتيش فهادي ....وهي ضربني خالتي لرجلي هو بقا مخنزر فيا و عماد لي تقرص فحالة عاق بشي حاجة سيرتو فاش شاف ردة فعل خالتي و مع هو فيه الفهامة بزاف من بعد و نقولكم اش اولها ...مهيم تغدينا تودعنا مع سيد و خرج هو و ياسين عماد: ناريييي اصحبي اكتشفت شي حاجة خطيرة ياسين: شنو واش بخصوص ديك الشفارة عماد: و اناري طلعت خطيرة ديك سيدة ياسين: شنو مالك كتهدر هكا طلقنا الفراجة عماد: غدا ديري ليك عملية نصب وحدة اخرة دابا هي وهمت خالتي بلي ياسر ولدك و غتوهمك تنتا و ياسر في الاصل ماشي ولدها غير جايباه من الخيرية باش تنصب بيه و في الاخر طلق منك و تاخد نفقة الدري و تهرب تاتي مع هداك خينة(شتو الفهامة الخاوية )...و المشكيل الكبير ياسين جا ساخط عليا ...كنت انا ياله طلعت خالتي ترتاح و ياسر نعس ليا و دخلتو البيت و تميت خارجة و انا نلقاه قدامي و هو يجبدني واحد جبدة و خبطني مع الحيط و شدني من شعري و عينو حمرين:باغا تنصبي عليا عاود تاني انا خايفة و دموعي هابطين: لا لا والله ..هو يقجني: سكتيي اليومة قنقتلك و غادي نتهنا منك ...انا كنحاول نحيد ليه و و كنحس براسي تخنقت ...وكلشي جا كيجري كيحاول يبعدو مني ووالو بزز عاد حيد ..انا ديك ساعة طحت الارض و غيبت مقديتش نستحمل كنسمع غير خالتي كتقول : قتلتيها ومشيت ...بديت كنحاول نحل عيني بشوية مع شعة ديال شمس ضارب ليا في عيني و حاولت النوض ...خالتي حداية: لباس ابنتي دابا ...انا: اه دبا الحمدالله نضت دوشت كنشوف غي عنقي اتار ديال القجة نزلت الارض و بقيت كنبكي و طلقت عليا الما بقيت جالسة شي ساعة تمة حتى سمعت خالتي كدق و انا دغيا غسلت ولويت عليا فوطا و خرجت طمانتها عليا و قالت ليا غتسبقني لجردة هي و ياسر ...صافي لبست الخرجة لي غادي نخرج تلاقات عيني بعينيه و خنزر فيا و انا بديت نرجع بلور هو ضحك ضحكة استهزاء و مشا خرج ..انا مشيت فطرت انا وخالتي و ياسر و قررنا نديوه الحضانة......