احببت محتالة

7

ﺍﻣﻴﻨﺔ : ﻣﻌﺮﻭﻓﺔ ﻋﻠﻰ ﺍﻟﻤﺮﺓ ﺍﻟﺤﺎﻣﻠﺔ ﻛﺘﻨﻌﺲ ﺑﺰﺍﻑ <br>
ﺍﻧﺎ : ﻧﻮﺽ ﺳﻴﺮﻱ ﻓﺤﺎﻟﻚ ﺍﻧﺎ ﻣﺤﺎﻣﻠﺔ ﻣﺎﻭﺍﻟﻮ <br>
ﺻﺎﻓﻲ ﻧﻀﺖ ﻟﺒﺴﺖ ﺣﻮﺍﻳﺠﻲ ﻃﻠﺒﺖ ﻣﻦ ﺍﻟﺤﺎﺟﺔ ﺗﻌﻄﻴﻨﻲ ﺣﺠﺎﺏ ﻭﻧﻘﺎﺏ ﺑﺎﺵ ﻣﻴﻌﺮﻓﻮﻧﻴﺶ ﺗﻤﺎ ﻓﻲ ﺍﻟﻤﺪﻳﻨﺔ .. ﺩﺍﻛﺸﻲ ﻧﻴﺖ ﻟﻲ ﺩﺍﺭﺕ ﻣﺸﻴﺖ ﻣﻊ ﻋﻴﺴﻰ ﻃﻠﻌﻨﺎ ﻓﻲ ﺍﻟﻜﺎﺭ ﺷﻮﻳﺔ ﻛﻨﺸﻢ ﺭﺣﺔ ﺍﻟﺤﻮﺕ ﻛﻴﺘﻘﻼ ﻭ ﺷﻴﺒﺖ ﻟﻴﻚ ﻋﻴﺴﻰ <br>
ﺍﻧﺎ : ﺷﻲ ﻭﺍﺣﺪ ﻛﻴﻘﻠﻲ ﻟﺤﻮﺕ <br>
ﻋﻴﺴﻰ : ﺍﻭﻳﻠﻲ ﻏﻴﻘﻠﻴﻮ ﺍﻟﺤﻮﺕ ﻓﻲ ﺍﻟﻜﺎﺭ <br>
ﺍﻧﺎ : ﻭ ﻫﺎﻧﺘﺎ ﺷﻢ <br>
ﻋﻴﺴﻰ : ﻣﻜﻨﺸﻢ ﻭﺍﻟﻮ <br>
ﺍﻧﺎ : ﻻ ﻻ ﺭﻳﺤﺔ ﺍﻟﺤﻮﺕ ﺍﻧﺎ ﻣﺖﺀﻛﺪﺓ <br>
ﻭﺍﺣﺪ ﺍﻟﻤﺮﺓ : ﻭﺍﺵ ﻛﺘﻮﺣﻤﻲ ﺍﺑﻨﺘﻲ <br>
ﺍﻧﺎ : ﻻ ﺍﺧﺎﻟﺘﻲ ﻭ ﻟﻜﻦ ﻛﻨﺸﻢ ﺭﻳﺤﺔ ﺍﻟﺤﻮﺕ <br>
ﻫﻲ : ﻫﻬﻬﻪ ﺭﺍﻙ ﺍﺑﻨﻴﺘﻲ ﺣﺎﻣﻠﺔ ﺳﻴﺮﻱ ﺩﻳﺮﻱ ﺍﻟﻔﺤﺺ <br>
ﻋﻴﺴﻰ : ﻭﺍﺵ ﻧﺘﻲ ﺩﺭﺗﻲ ﻣﻊ ﺳﻴﻤﻮ ﺷﻲ ﻋﻼﻗﺔ <br>
ﺍﻧﺎ : ﻻ ﺍﻧﺎ ﻣﺎﺷﻲ ﺗﺎﻝ ﺩﻳﻚ ﺍﻟﺪﺭﺟﺔ ﻛﻨﺒﻐﻴﻪ ﻟﻲ ﺗﺨﻠﻴﻨﻲ ﻧﺴﻠﻢ ﻟﻴﻪ ﺭﺍﺳﻲ <br>
ﻋﻴﺴﻰ : ﺍﺍﺍﻩ ﻭ ﻛﻠﺸﻲ ﺷﺎﻙ ﻓﻴﻚ ﺣﺎﻣﻠﺔ ﻭ ﻧﺘﻲ ﺑﺎﻗﺎ ﺑﻨﺖ <br>
ﺍﻧﺎ : ﻻ ﻋﻴﺴﻰ ﺭﺍﻧﻲ ﻋﺸﺖ ﻣﻊ ﺭﺍﺟﻠﻲ ﺷﻬﺮ ﺗﻘﺮﻳﺒﺎ <br>
ﻋﻴﺴﻰ ﻣﺼﺪﻭﻡ : ﺑﻐﻴﺘﻲ ﺗﻨﺼﺒﻲ ﻋﻠﻴﻪ ﻭ ﻋﻄﻴﺘﻴﻪ ﺭﺍﺳﻚ ‏( ﺍﻧﺎ ﺣﺸﻤﺖ ﻧﻘﻮﻝ ﻟﻴﻪ ﺍﺵ ﻭﻗﻊ )<br>
ﺍﻧﺎ : ﻋﻴﺴﻰ ﺷﻐﺘﻚ ﺩﺧﻠﺘﻲ ﻣﻌﺎﻳﺎ ﻓﻲ ﺍﻟﺘﻔﺎﺻﻴﻞ <br>
ﻋﻴﺴﻰ ﻋﺎﻕ ﺑﺮﺍﺳﻮ : ﺍﻩ ﺍﻩ ﺳﻤﺤﻴﻠﻴﺎ <br>
ﺻﺎﻓﻲ ﻣﺸﻴﻨﺎ ﺑﺎﻟﻜﺎﺭ ﻭﺻﻠﻨﺎ ﺍﻟﻤﺪﻳﻨﺔ ﻏﻴﺮ ﺣﻄﻴﺖ ﻓﻴﻬﺎ ﺭﺟﻠﻲ ﺗﻔﻜﺮﺕ ﻛﻠﺸﻲ ﻟﻲ ﺩﺍﺯ ﻋﻠﻴﺎ ﺣﺼﻴﺖ ﺑﺮﺍﺳﻲ ﻣﺨﻨﻮﻗﺔ ﻣﻬﻴﻢ ﺍﻟﺪﺍﻧﻲ ﻟﻮﺍﺣﺪ ﺍﻟﻘﻬﻮﺓ ﺷﺮﺍ ﻟﻴﺎ ﻓﻴﻬﺎ ﺍﻟﺤﻮﺕ ﻃﺤﺖ ﻓﻴﻪ ﻋﻤﻴﺔ ﺣﺘﻰ ﺷﺒﻌﺖ ﻭﺧﺎ ﻋﺪﺑﻨﻲ ﺩﺍﻙ ﻧﻘﺎﺏ ﻭ ﺍﻧﺎ ﻧﺘﻔﻜﺮﺕ ﺑﻠﻲ ﺍﻧﺎ ﻣﻜﻨﺤﻤﻠﺶ ﺍﻟﺤﻮﺕ ﻓﺎﺵ ﻛﺎﻧﺖ ﻣﺎﻣﺎ ﻛﺘﻄﻴﺒﻮ ﻛﺎﻧﺖ ﻛﻄﻴﺐ ﻟﻴﺎ ﻣﻜﻠﺘﻲ ﺑﻮﺣﺪﻱ ﺍﻟﻌﺠﺐ ﻃﺎﺡ ﻓﻴﺎ ﺍﻟﻤﻬﻴﻢ ﻣﺸﻴﻨﺎ ﻟﻮﺣﺪ ﺳﺒﻴﻄﺎﺭﻳﺎﻝ ﺍﻟﻔﻠﻮﺱ ﺍﻟﺤﺎﺟﺔ ﻟﻲ ﻋﻄﺎﺗﻨﺎ ﺍﻟﻔﻠﻮﺱ ﻣﺴﻜﻴﻨﺔ ﺩﺧﻠﺖ ﺗﻔﻜﺮﺕ ﻳﻤﺎﺗﻲ ﻓﺎﺵ ﻛﻨﺖ ﻣﻤﺮﻳﻀﺔ ﻛﻮﻥ ﻏﻴﺮ ﻣﺘﻼﻗﻴﺖ ﻻ ﺑﺪﺍﻙ ﺳﻴﻤﻮ ﻻ ﺑﻴﺎﺳﻴﻦ ﻛﻨﺖ ﻏﻨﻜﻮﻥ ﻫﺎﻧﻴﺔ ﺑﻼ ﻋﺮﻳﺲ ﺑﻼ ﻭﺍﻟﻮ ﺑﻘﻴﻨﺎ ﺟﺎﻟﺴﻴﻦ ﻓﻲ ﻗﺎﻋﺔ ﺍﻻﻧﺘﻈﺎﺭ ﻭﺻﻼﺕ ﻧﻮﺑﺘﻲ ﺩﺧﻠﺖ ﻋﻨﺪ ﺍﻟﻄﺒﻴﺒﺔ ﺩﺍﺭﺕ ﺍﻟﻔﺤﺺ ﺑﺎﻻﺷﻌﺔ ...<br>
ﺍﻟﻄﺒﻴﺒﺔ : ﻣﺒﺮﻭﻙ ﺍﻻﻟﺔ ﻧﺘﻲ ﺣﺎﻣﻠﺔ ﻋﻨﺪﻙ ﺍﻟﺸﻬﺮ ﺍﻻﻭﻝ ﻭ ﺍﻟﺤﻤﻞ ﺩﻳﺎﻟﻚ ﻏﺎﺩﻱ ﻣﺰﻳﺎﻥ ﻛﻞ ﻣﺮﺓ ﻓﻲ ﺍﻟﺸﻬﺮ ﻏﺘﺠﻲ ﻧﺮﺍﻗﺒﻮ ﻟﺠﻨﻴﻦ <br>
ﺍﻧﺎ ﺩﺍﺭﺕ ﺑﻴﺎ ﺍﻟﺪﻧﻴﺎ ﺣﺎﻭﻟﺖ ﺍﻟﻨﻮﺽ ﻭ ﻫﻲ ﺗﺸﺪﻧﻲ ﺩﻭﺧﺔ <br>..
↓↓↓↓↓ﺍﻟﻄﺒﻴﺒﺔ : ﻣﺎﺗﺤﻮﻟﻴﺶ ﺗﺠﻬﺪﻱ ﻧﻔﺴﻚ ﺧﺎﺻﻚ ﺗﺮﺗﺎﺣﻲ ﻭ ﺍﻟﻤﺮﺓ ﺟﺎﻳﺔ ﻣﻦ ﺍﻻﻓﻀﻞ ﻳﺠﻲ ﻣﻌﺎﻙ ﺗﺎ ﺭﺍﺟﻠﻚ ... ﺍﻧﺎ ﺷﺪﺍﺗﻨﻲ ﺍﻟﺒﻜﻴﺔ ﻋﻠﻰ ﺯﻫﺮﻱ ﺍﻟﻌﻮﺝ .. ﺻﺎﻓﻲ ﺧﺮﺟﺖ ﻋﻨﺪ ﻋﻴﺴﻰ ﺳﻮﻟﻨﻲ ﺍﻧﺎ ﻣﻜﻨﻘﺪﺭﺵ ﻧﺠﺎﻭﺏ ﺩﺍﻧﻲ ﻣﺴﻜﻴﻦ ﻟﺪﺍﺭﻭ ﺟﺎﺏ ﻟﻴﺎ ﻛﺎﺱ ﺩﻳﺎﻝ ﻟﻴﻤﻮﻥ ﺷﺮﺑﺘﻮ ﺑﻘﻴﺖ ﻛﻨﺒﻜﻲ <br>
ﻋﻴﺲ ﺟﻠﺲ ﻗﺒﺎﻟﺘﻲ : ﺣﺎﻣﻠﺔ ﻳﺎﻛﻲ <br>
ﺍﻧﺎ : ﺍﻩ ﻭ ﺗﺨﻴﻞ ﻗﺎﻟﺘﻠﻴﻚ ﺍﻟﻤﺮﺓ ﺟﺎﻳﺔ ﺟﻴﺒﻲ ﻣﻌﺎﻙ ﺑﺎﻩ ﻫﻪ ﺣﺸﻤﺖ ﻧﻘﻮﻝ ﻟﻴﻬﺎ ﻫﺎﺩﺍ ﻭﻟﺪ ﺍﻟﺤﺮﺍﻡ <br>
ﻋﻴﺴﻰ : ﺳﻤﻌﻲ ﻫﺎﺩﺍ ﻣﺎﺷﻲ ﻭﻟﺪ ﺍﻟﺤﺮﺍﻡ ﺑﺎﻩ ﺭﺍﻩ ﻛﻨﺘﻲ ﻣﺰﻭﺟﺔ ﻭ ﺩﺑﺎ ﺧﺎﺻﻮ ﻳﺘﺤﻤﻞ ﺍﻟﻤﺴﺆﻭﻟﻴﺔ <br>
ﺍﻧﺎ : ﻻ ﻻ ﻣﻨﻘﺪﺭﺵ ﻧﻤﺸﻲ ﻋﻨﺪﻭ ﻭ ﻻﻧﺤﻂ ﻋﻴﻨﻲ ﻓﻲ ﻋﻴﻨﻮ <br>
ﻋﻴﺴﻰ : ﺍﺵ ﺑﺎﻥ ﻟﻴﻚ ﺗﺠﻬﻀﻴﻪ ﻣﻨﻴﻦ ﻧﺘﻲ ﻣﺒﻐﺎﻫﺶ<br>
ﺍﻧﺎ : ﻻﺍﺍ ﻣﻨﻘﺪﺭﺵ ﺣﺮﺍﻡ ﺭﺍﻩ ﻫﺎﺩﻱ ﻧﻔﺲ ﻭ ﺍﻟﻠﻪ ﺣﺮﻡ ﻗﺘﻞ ﺍﻟﻨﻔﺲ <br>
ﻋﻴﺴﻰ : ﻭ ﺷﻮﻓﻲ ﻧﺘﻲ ﺍﺵ ﺩﻳﺮﻱ ..... ﺑﺖ ﺩﺍﻙ ﺍﻟﻨﻬﺎﺭ ﻋﻨﺪ ﻋﻴﺴﻰ ﺍﻟﻐﺪ ﻟﻴﻪ ﺷﺪﻳﻨﺎ ﺍﻟﻄﺮﻳﻖ ﻭ ﺭﺟﻌﻨﺎ ﻟﻌﻨﺪ ﺍﻟﺤﺎﺟﺔ <br>
ﺍﻟﺤﺎﺟﺔ : ﺍﻣﺪﺭﺍ ﺍﺑﻨﻴﺘﻲ <br>
ﺍﻧﺎ ﺣﻨﻴﺖ ﺭﺍﺳﻲ : ﻋﻨﺪﻱ ﺷﻬﺮ <br>
ﺍﻟﺤﺎﺟﺔ ﻓﺮﺣﺎﻧﺔ : ﺍﻳﻮﺍ ﻣﺒﺎﺭﻙ ﻣﺴﻌﻮﺩ ﺍﺑﻨﺘﻲ ﺧﺼﻨﻲ ﻧﺼﻴﺒﻮ ﺍﻟﺤﻠﻮﺓ ﻭ ﻧﻔﺮﻗﻮ ﺻﺪﺍﻗﺔ <br>
ﺍﻧﺎ : ﻛﻔﺎﺵ ﻗﺪﺭﺗﻲ ﺗﻘﻮﻟﻲ ﻫﺎﻛﺎ ﺍﻧﺎ ﺑﺎﻟﻨﺴﺒﺔ ﻟﻴﺎ ﻫﺎﺩ ﺩﺭﻱ ﻋﻘﺎﺏ <br>
ﺍﻟﺤﺎﺟﺔ : ﻣﺘﻘﻮﻟﻴﺶ ﻫﺎﻛﺎ ﻫﺎﺩﺍ ﺭﺍﻩ ﻫﺪﻳﺔ ﻣﻦ ﻋﻨﺪ ﺍﻟﻠﻪ ﻋﻄﺎﻫﺎ ﻟﻴﻚ ﺑﺎﺵ ﻳﻌﻮﺿﻚ ﻭ ﺯﻳﺪﻭﻥ ﻫﺎﺩ ﺩﺭﻳﺮﻱ ﻣﺎﺷﻲ ﻭﻟﺪ ﺍﻟﺤﺮﺍﻡ ﻣﺎ ﺗﺤﺴﺒﻴﻬﺶ ﻋﻠﻰ ﺩﺍﻛﺸﻲ ﻟﻲ ﺩﺍﺭ ﺑﺎﻩ ﺭﺑﻴﻪ ﻭ ﺍﻧﺎ ﻣﻌﺎﻙ ﻻ ﺑﺎﺭﻙ ﻟﻴﺎ ﺍﻟﻠﻪ ﻓﻲ ﻋﻤﺮﻱ .... ﺍﻧﺎ ﻋﻨﻘﺘﻬﺎ ﻭ ﺑﺪﻳﺖ ﻛﻨﺒﻜﻲ ﺑﻘﺎﺕ ﺗﺴﻜﺖ ﻓﻴﺎ ﺍﻟﺼﺮﺍﺣﺔ ﻓﺮﺣﺎﺗﻨﻲ ﺑﺪﻳﻚ ﺍﻟﻬﺪﺭﺓ ﺣﺴﻴﺖ ﺑﻠﻲ ﺍﻧﺎ ﻣﺎﺷﻲ ﺑﻮﺣﺪﻱ ﻭ ﻧﻘﺪﺭ ﻧﺮﺑﻲ ﻫﺎﺩ ﺩﺭﻱ ﻟﻲ ﻫﻮ ﻃﺮﻑ ﻣﻨﻲ .... ﺻﺎﻓﻲ ﺧﺮﺟﺖ ﻛﻨﻘﻠﺐ ﻋﻠﻰ ﺍﻣﻴﻨﺔ ﺑﺎﺵ ﺗﺼﺎﻳﺐ ﻟﻴﺎ ﺍﻟﺒﺴﻄﻴﻠﺔ ﺣﻴﺖ ﻫﻲ ﻭﺍﻋﺪﺍﺗﻨﻲ ﻟﻘﻴﺖ ﺩﺭﻳﺔ ﻋﻴﺸﺔ ﺍﻟﺤﺐ ﻭ ﺍﻟﻐﺮﺍﻡ ﻣﻊ ﺳﻴﻚ ﻋﻴﺴﻰ ﻫﻮ ﻛﻴﻬﺪﺭ ﻣﻌﺎﻫﺎ ﻭ ﻣﺒﺘﺎﺳﻢ ﻭ ﻫﻲ ﺣﺸﻤﺎﻧﺔ ﺯﻋﻤﺔ <br>
ﺍﻧﺎ : ﻫﺎﻱ ﻫﺎﻱ ﻋﻠﻰ ﻋﺼﺎﻓﻴﺮ ﺍﻟﺤﺐ .... ﻗﻔﺰﻭ ﺑﺠﻮﺝ ﻭ ﺑﻐﺎﺕ ﺍﻣﻴﻨﺔ ﺗﻤﺸﻲ ﻭ ﺍﻧﺎ ﻧﺠﺮﻫﺎ <br>
ﺍﻟﺤﺎﺟﺔ ﺗﺎﻫﻴﺎ ﺷﺎﻓﺖ ﺍﻟﻘﻀﻴﺔ ﻭ ﻣﺒﺘﺎﺳﻤﺔ : ﻋﻴﺴﻰ ﺍﺵ ﻫﺎﺩ ﺍﻟﻔﻌﺎﻳﻞ ﺍﻣﻴﻨﺔ ﺭﺍﻩ ﻓﺤﺎﻝ ﺑﻨﺘﻲ ﻣﻨﻴﻦ ﻣﺎﺗﺖ ﻣﻬﺎ ﻭ ﺍﻧﺎ ﻣﺮﺑﻴﺎﻫﺎ <br>
ﻋﻴﺴﻰ ﻣﺰﻥ g: ﺗﺎﻧﺎ ﻣﺎﺑﻐﻴﺶ ﻧﻠﻒ ﻭ ﻧﺪﻭﺭ ﺭﺍﻧﻲ ﻣﻦ ﺷﺤﺎﻝ ﻫﺪﻱ ﻭ ﺍﻧﺎ ﺣﺎﻁ ﻋﻠﻴﻬﺎ ﺍﻟﻌﻴﻦ ﻭ ﻣﺰﻋﻤﺘﺶ ﺣﺘﻰ ﺯﻋﻤﺎﺗﻨﻲ ﺧﺘﻲ ﺍﻳﻤﺎﻥ ﺩﻳﻚ ﺍﻟﻤﺮﺓ ... ﺍﻣﻴﻨﺔ ﺣﺸﻤﺎﺕ ﻭ ﻣﺸﺎﺕ ﺩﺧﻼﺕ <br>
ﺍﻟﺤﺎﺟﺔ : ﺍﻳﻮﺍ ﻫﺎﻛﺎ ﻧﺒﻐﻴﻚ ﺍﻳﻮﺍ ﺳﻴﺪﻱ ﻋﺮﺳﻜﻢ ﻋﻠﻰ ﺣﺴﺎﺑﻲ ﺑﺠﻮﺟﻜﻢ ﻭﻟﻴﺪﺍﺗﻲ ... ﻭﻫﻮ ﻳﺒﻮﺱ ﻋﻴﺴﻰ ﻳﺪ ﺍﻟﺤﺎﺟﺔ ... ﻭﺍﻧﺎ ﻧﺰﻏﺮﺕ <br>
ﻋﻴﺴﻰ : ﻣﺎﻟﻜﻲ ﻏﻮﺗﻲ <brانا : ﺍﺷﻤﻦ ﺍﺷﻤﻦ ﺭﺍﻧﻲ ﺯﻏﺮﺕ
ﻋﻴﺴﻰ : ﻫﺎﺩﻱ ﺩﺑﺎ ﻋﻨﺪﻙ ﺗﺰﻏﺮﻳﺘﺔ ﺗﻘﺒﺘﻲ ﻟﻴﺎ ﻭﺩﻧﻲ
ﺍﻟﺤﺎﺟﺔ : ﺧﻠﻴﻬﺎ ﻋﻠﻴﻚ ... ﺻﺎﻓﻲ ﻫﻲ ﻫﺎﺩﻳﻚ ﺍﻧﺸﻐﻠﻨﺎ ﻓﻲ ﺍﻟﻌﺮﺱ ﻭ ﺗﻮﺟﺎﺩ ﺩﻳﺎﻟﻮ ﺑﻘﻴﻨﺎ ﻭﺍﻗﻔﻴﻦ ﻋﻠﻴﻪ ﺣﺘﻰ ﺗﺰﻭﺟﺎﺕ ﺍﻣﻴﻨﺔ ﻭ ﻓﺮﻗﻨﺎﻫﺎ ﺑﺎﻟﺒﻜﺔ ﻭ ﺧﺎﺻﺔ ﺍﻟﺤﺎﺟﺔ ﻟﻲ ﺑﻘﺎﺕ ﺗﺒﻜﻲ ﻋﻠﻴﻬﺎ ﺑﺰﺍﻑ ﺗﺎﻧﺎ ﺗﻔﻜﺮﺕ ﻋﺮﺳﻲ ﻭ ﻏﺮﻏﺮﻭ ﻋﻴﻨﻴﺎ ﻭﻭﺩﻋﻨﺎﻫﻢ ...ﺩﻭﺯﺕ ﺷﻬﺮﻱ ﻟﻮﻝ ﺷﻬﺮﻱ ﺍﻟﺘﺎﻧﻲ ﻭ ﺍﻟﺘﺎﻟﺖ ﻏﻴﺮ ﻣﺎﻛﻠﺔ ﻟﻲ ﺷﻔﺘﻬﺎ ﻧﺒﻐﻴﻬﺎ ﺣﺘﻰ ﺍﻟﺤﺎﺟﺔ ﻣﻤﻘﺼﺮﺍﺵ ﻣﻦ ﺟﻴﻬﺘﻲ ﻭ ﻛﻨﺪﻳﺮ ﺗﺮﻭﻳﺾ ﻟﺴﻲ ﻋﺒﺎﺱ ﻟﻲ ﺑﺪﺍ ﻛﻴﻮﻗﻒ ﻋﻠﻰ ﺭﺟﻠﻴﻪ ﻭ ﻗﺮﺭ ﻳﺴﺎﻓﺮ ﻟﺒﺮﺍ ﻋﻨﺪ ﻭﻻﺩﻭ ﺑﻘﻴﺖ ﻏﻴﺮ ﻣﻊ ﺍﻟﺤﺎﺟﺔ ﻟﻲ ﻭﻻﺗﺎﻳﺮﺍ ﻓﻴﺎ ﺍﻟﺘﻴﻘﺔ ﺑﺰﺍﻑ ﻭ ﺗﺎﻧﺎ ﻛﻨﺖ ﻋﻨﺪ ﺩﻳﻚ ﺗﻴﻘﺔ ﻣﺮﺓ ﻣﺮﺓ ﻛﻴﺠﻴﻮ ﻋﻨﺪﻧﺎ ﻋﻴﺴﻰ ﻭ ﻣﺮﺗﻮ ﻛﻴﺰﻭﺭﻭﻧﺎ .. ﺷﻮﻳﺔ ﺑﺪﺍﺕ ﻛﺘﻨﻔﺦ ﻛﺮﺷﻲ ﻭﻟﻴﺖ ﻏﺎﺩﻳﺔ ﻭ ﻛﻨﺘﺰﺍﺩ ﻓﻲ ﺍﻟﻮﺯﻥ ﻭﻟﻴﺖ ﻛﻲ ﺍﻝ g ﺭﻋﺔ ﻭ ﺩﺍﻙ ﺍﻟﺤﺎﺝ ﻣﻦ ﻧﻬﺎﺭ ﺳﻤﻌﻨﻲ ﺣﺎﻣﻠﺔ ﻣﺒﻘﺎﺵ ﻳﺪﻭﺭ ﺑﻴﺎ ﺍﻟﺤﻤﺪﺍﻟﻠﻪ ... ﺩﺍﺯ ﺍﻟﻮﻗﺖ ﺩﻏﻴﺎ ﻭﺻﻞ ﺷﻬﺮﻱ ﻭﺍﺣﺪ ﺍﻟﻨﻬﺎﺭ ﻛﻨﺖ ﻭﺍﻗﻔﺔ ﻛﻨﻌﻄﻲ ﺍﻻﻭﺍﻣﺮ ﺍﻟﺨﺪﺍﻣﺔ ﻟﻲ ﻛﻴﺤﺼﺪﻭ ﺍﺗﺎ ﺷﺪﻧﻲ ﻭﺟﻊ ﻏﺮﻳﺐ ﻛﻨﺤﺲ ﺑﺤﺎﻝ ﺷﻲ ﺣﺪ ﻛﻴﺨﺸﻲ ﻓﻴﺎ ﺟﻨﺎﻭﺍ ﻓﻲ ﻛﺮﺷﻲ ﻭ ﻛﻨﺤﺲ ﺑﻠﻲ ﻏﻨﻄﺮﻃﻖ ﺑﺪﻳﺖ ﻛﻨﻐﻮﺕ ﻛﻠﺸﻲ ﺗﺠﻤﻊ ﻋﻠﻴﺎ ﺟﺎﺕ ﺍﻟﺤﺎﺟﺔ ﻛﺘﺠﺮﻱ ﻣﺸﺎﻭ ﺩﺍﻭﻧﻲ ﻓﻲ ﻛﺮﻭﻳﻠﺔ ﻟﺪﻭﺍﺭ ﻻﺧﻮﺭ ﻭ ﺍﻧﺎ ﻏﺎﺩﻱ ﻧﻄﺮﻃﻖ ﻛﻨﻤﻮﺕ ﺍﻋﺒﺎﺩ ﺍﻟﻠﻪ ﻭ ﻣﻜﺎﻳﻨﺶ ﺍﻟﻄﺒﻴﺐ ﺭﺟﻌﻮﻧﻲ ﻟﺪﺍﺭ ﺑﻨﻔﺲ ﺍﻟﻜﺮﻭﻳﻠﺔ ﻋﻴﻄﻮ ﻟﻮﻣﺒﻴﻠﻮﻧﺲ ﻣﻦ ﺍﻟﻤﺪﻳﻨﺔ ﺗﺠﻲ ﺩﻳﻨﻲ ﻋﺎﻭﻟﻨﺎ ﻋﻠﻴﻬﺎ ﺑﻜﺮﻱ ﺍﻧﻨﺎ ﻓﻲ ﺍﻟﻤﻐﺮﺏ ﻳﺎﺳﺎﺩﺓ ﺍﻧﺎ ﺻﺎﻓﻲ ﻛﻨﺤﺲ ﺑﺸﻲ ﺣﺎﺟﺔ ﻛﺘﺨﺮﺝ ﺟﺎﺕ ﺷﻲ ﻗﺎﺑﻠﺔ ﺗﻤﺎ ﻣﺮﺓ ﻛﺒﻴﺮﺓ ﻋﻤﻴﺎ ﺳﺎﻛﻨﺔ ﺗﻢ ﺑﻐﺎﺕ ﺗﻮﻟﺪﻧﻲ ﻣﺎﺑﻐﺎﺗﺶ ﺍﻟﺤﺎﺟﺔ ﺧﺎﻓﺖ ﻋﻠﻴﺎ ﺍﻧﺎ ﻛﻨﻘﻮﻟﻴﻬﺎ ﻏﻴﺮ ﺧﻠﻴﻬﺎ ﺗﻔﻜﻨﻲ ﺍﻟﺤﺎﺟﺔ ﺷﺎﻓﺖ ﺗﺎﻋﻴﺎﺕ ﻭ ﺧﻼﺗﻬﺎ ﻣﺎﻭﻟﺪﺕ ﺣﺘﻰ ﻏﻔﺮ ﻟﻴﺎ ﺍﻟﻠﻪ ﺍﻟﺪﻧﻮﺏ ﺍﻭﻝ ﻣﺮﺓ ﻛﻨﺸﻮﻑ ﺍﻟﻤﻮﺕ ﻣﺎﺑﻴﻦ ﻋﻴﻨﻲ ﺍﻟﺴﺎﻋﺔ ﻟﻲ ﺳﻤﻌﺖ ﺻﻮﺕ ﺍﻟﺒﻜﺎ ﺩﻳﺎﻝ ﺩﺭﻱ ﺻﻐﻴﺮ ﻣﻌﻘﻠﺘﺶ ﻋﻠﻰ ﺭﺍﺳﻲ ﻏﻴﺒﺖ ﻣﺎﻋﺮﻓﺘﺶ ﺣﺘﻰ ﻭﺍﺵ ﺩﺭﻱ ﻭﻻ ﺑﻨﺖ ﻭﻻ ﺣﺘﻰ ﻭﺍﺵ ﻭﻟﺪﺕ g ﺍﻉ ... ﻛﻨﺤﻞ ﻋﻴﻨﻲ ﺑﺸﻮﻳﺔ ﻛﻨﻠﻘﺎ ﺭﺍﺳﻲ ﻓﻲ ﺳﺒﻴﻄﺎﺭ ﻭ ﻣﻌﻠﻘﻴﻦ ﻟﻴﺎ ﺳﻴﺮﻭﻡ ﺑﺪﻳﺖ ﻛﻨﻮﻋﺎ ﺷﻮﻳﺔ ﻛﻨﻠﻘﺎ ﺣﺪﺍﻳﺔ ﺍﻟﺤﺎﺟﺔ ﻫﺎﺯﺓ ﺗﺮﺑﻴﺔ ﻣﺒﻴﻦ ﻳﺪﻳﻬﺎ ﻭ ﻛﻀﺤﻚ ... ﺟﻠﺴﺎﺗﻨﻲ ﺍﻟﻤﻤﺮﺿﺔ ﻭ ﺣﻄﺎﺗﻬﺎ ﻟﻴﺎ ﻓﻲ ﻳﺪﻱ ﺍﻧﺎ ﻛﻨﺸﻮﻓﻬﺎ ﻟﺤﻴﻤﺔ ﺻﻐﻴﻮﺭﺓ ﻣﺎﺑﻴﻴﻴﻦ ﻳﺪﻱ ﻋﻴﻨﻲ ﺍﻭ ﻛﻴﻀﻤﻌﻮ <br>
ﺍﻟﺤﺎﺟﺔ : ﺷﻮﻓﻴﻪ ﻫﺎﺩﺍ ﻫﻮ ﻭﻟﺪﻙ <br>
ﺍﻧﺎ ﺑﺘﺎﺳﻤﺖ : ﻭﺍﺵ ﻭﻟﺪ <br>
ﺍﻟﺤﺎﺟﺔ : ﺍﻳﻪ ﻭﻟﻴﺪ .... ﺑﻘﻴﺖ ﺗﻨﺸﻮﻑ ﻓﻴﻪ ﻭﻫﻮ ﻧﺎﻋﺲ ﻭ ﻣﻐﻤﺾ ﻋﻮﻳﻨﺎﺗﻮ ﻭ ﻳﺪﻭ ﺻﻐﻴﻮﺭﻳﻦ ﺻﺮﺍﺣﺔ ﺗﺎﺗﺮﺕ ﺑﺰﺍﻑ ﺷﺤﺎﻝ ﺯﻭﻳﻨﺔ ﺗﺸﻮﻓﻲ ﻭﻻﺩﻙ ﺍﺣﺴﺎﺱ ﺍﻻﻣﻮﻣﺔ ﻓﺸﻲ ﺷﻜﻞ ﺷﻮﻳﺔ ﺑﺪﺍ ﻳﺒﻜﻲ ﻣﺎﻋﺮﻓﺖ ﻣﺎﻧﺪﻳﺮ ﻭﺭﺍﺗﻨﻲ ﺍﻟﻤﻤﺮﺿﺔ ﻛﻴﻒ ﻧﺮﺿﻌﻮ .... ﺩﻭﺯﺕ ﺩﺍﻙ ﺍﻟﻨﻬﺎﺭ ﺗﻤﺔ ﻭ ﺍﻟﺤﺎﺟﺔ ﺑﻘﺎﺕ ﻣﻌﺎﻳﺔ ﻣﺴﻜﻴﻨﺔ ﻭ ﺟﺎ ﻋﻨﺪﻱ ﻋﺒﺎﺱ ﻭ ﺍﻣﻴﻨﺔ ﺑﺎﺭﻛﻮ ﻟﻴﺎ ﻭ ﺭﺍﻩ ﺗﻬﻤﺎ ﻏﺎﻳﺘﺰﺍﺩ ﻋﻨﺪﻫﻢ ﻛﺘﻜﻮﺕ ﻓﺮﺣﺖ ﻟﻴﻬﻢ ﺑﺰﺍﻑ ﺻﺎﻓﻲ ﺍﻟﻐﺪ ﻟﻴﻪ ﻏﺎﺩﻱ ﻧﺨﺮﺝ ﻣﻦ ﺳﺒﻴﻄﺎﺭ ﺟﺎﺑﻮ ﻟﻴﺎ ﺍﻟﺤﻮﺍﻳﺞ ﺟﻠﻴﻠﺒﺔ ﻭ ﻓﻮﻻﺭﺓ ﺷﺮﺍﺕ ﻟﻴﺎ ﺍﻟﺤﺎﺟﺔ ﺩﻭﺍ ﻭ ﺭﺟﻌﻨﺎ ﻟﺪﻭﺍﺭ ﺭﺟﻌﺎﺕ ﻣﻌﺎﻧﺎ ﺍﻣﺎ ﻋﻴﺴﻰ ﺧﺎﺳﻮ ﻳﺤﻀﻲ ﺍﻟﺤﺎﻧﻮﺕ ﻭﻻﺕ ﻋﻨﺪﻭ ﻣﺴﺆﻭﻟﻴﺔ ... ﺭﺟﻌﻨﺎ ﺩﺍﺭﺕ ﻟﻴﺎ ﺍﻟﺤﺎﺟﺔ ﺳﺒﻮﻉ ﻛﺒﻴﺮ ﻭ ﺍﻧﺎ ﻋﻄﻴﺘﻬﺎ ﺗﺴﻤﻲ ﻟﻴﺎ ﻭﻟﺪﻱ ﺳﻤﺎﺗﻮ ﻳﺎﺳﺮ ﻣﺸﻴﻨﺎ ﻛﺘﺒﻨﺎﻩ ﻓﻲ ﺍﻟﺤﺎﻟﺔ ﺍﻟﻤﺪﻧﻴﺔ ﺑﺴﻤﻴﺘﻲ ﺍﻧﺎ ﻭﺧﺎ ﺑﻐﺎﺕ ﺍﻟﺤﺎﺟﺔ ﺗﻌﻄﻴﻪ ﻛﻨﻴﺔ ﻋﺎﺋﻠﺘﻬﺎ ﻣﺎﺧﻠﻴﺘﻬﺎﺵ <br>
ﺩﺍﺯﺕ ﺍﻳﺎﻡ ﻭ ﺷﻬﻮﺭ ﻭ ﺣﺒﻴﺒﻲ ﻳﺎﺳﺮ ﻛﻴﻜﺒﺮ ﻭﻻ ﻫﻮ ﻋﻴﻨﻴﺎ ﺍﻧﺎ ﻭ ﺍﻟﺤﺎﺟﺔ ﺑﺪﺍ ﻛﻴﺤﺒﺔ ﺷﻮﻳﺔ ﻛﻴﺘﻤﺸﻰ ﺷﻴﺸﻮﻳﺔ ﺑﺪﺍ ﻛﻴﻬﺪﺭ ﺍﻭﻝ ﻛﻠﻤﺔ ﻗﺎﻟﻬﺎ ﻫﻲ ﻋﻴﺲ ﺯﻋﻤﺔ ﻋﻴﺴﻰ ﻫﻬﻬﻪ..ﻭ ﻛﺒﺮ ﻭﻻ ﻛﻴﻌﻴﻂ ﻟﻠﺤﺎﺟﺔ ﻃﺎﻃﺎ ﻫﻪ ﻛﻴﺘﺴﻄﺎ ﻋﻠﻴﻬﺎ ﻭﻻﺕ ﺩﺑﺎ ﻓﻲ ﻋﻤﺮﻭ ﻋﻤﻴﻦ ﻭﻻ ﻧﻬﻮ ﺷﻌﺮﻭ ﻛﺤﻞ ﻭ ﻋﻴﻨﻴﻪ ﻛﺤﻠﻴﻦ ﻭ ﻋﻨﺪﻭ ﻏﻤﺎﺯﺓ ﺧﻼﺻﺔ ﺍﻟﻘﻮﻝ ﻭﻻ ﻓﻄﻮﻛﻮﺑﻲ ﺑﺎﺑﺎﻩ ﻳﺎﺳﻴﻦ ﻣﺎ ﺧﺪﺍ ﺣﺘﻰ ﺣﺎﺟﺔ ﻣﻦ ﻋﻨﺪﻱ ﺍﻧﺎ ﻣﻦ ﻏﻴﺮ ﺗﺸﻴﻄﻴﻦ ﻭ ﺍﻟﻘﺒﺎﺣﺔ <br>
ﺍﻧﺎ : ﻳﺎﺳﺴﺮﺭ ﻣﺘﻠﻌﺒﺶ ﻓﻲ ﺍﻟﻐﻴﺲ ﺍﺗﻮﺳﺦ ﺣﺎﻟﺘﻚ .... ﻳﺼﺤﺎﺏ ﻟﻜﻢ ﺳﻤﻊ ﻟﻴﺎ <br>
ﺍﻧﺎ : ﻳﺎﺳﺮ ﺭﺍﻩ ﻛﻨﺪﻭﻱ ﻣﻌﺎﻙ .... ﻣﺸﻴﺖ ﺣﻴﺪﺗﻮ ﻣﻦ ﺍﻟﻐﻴﺲ ﻟﻘﻴﺘﻮ ﻃﻼ ﺣﻮﻳﺠﻮ ﻛﺎﻣﻠﻴﻦ ﻋﺎﺩ ﻋﻠﻰ ﺳﻌﺪﻱ ﻭﻭﻋﺪﻱ ﺩﻭﺷﺖ ﻟﻴﻪ ﻭ ﺑﺪﻟﺖ ﻟﻴﻪ ﺑﺰﺯ ﺣﻴﺖ ﻣﻜﻴﺒﻐﻴﺶ ﻳﺪﻭﺵ <br>
ﻳﺎﺳﺮ : ﻓﻴﺎ ﺟﻮﻭﻭﻉ <br>
ﺍﻧﺎ : ﻋﺎﺩ ﻛﻠﻴﺘﻲ ﻏﻴﺮ ﺩﺑﺎ ﻧﺘﺎ ﻓﻴﻨﻤﺎ ﻧﺒﺎﻥ ﻟﻴﻚ ﻳﺒﺎﻥ ﻟﻴﻚ ﺟﻮﻉ ﻳﺎﻟﻪ ﺍﻧﺎ ﻏﺎﺩﻱ ﻧﻤﺸﻲ ﻧﺠﻴﺐ ﻟﻴﻚ ﺍﻟﺨﺒﺰ<br>
ﻳﺎﺳﺮ : ﻻ ﻻ ﻣﺎﻓﻴﺎﺵ ﺍﻟﺠﻮﻉ ﺩﻳﺎﻝ ﺍﻟﺨﺒﺰ ﺑﻐﻴﺖ ﻃﻮﻓﻴﻄﺔ <br>
ﺍﻧﺎ : ﺩﺑﺎ ﻃﻮﻓﻴﻄﺔ ﻫﻲ ﻟﻲ ﻏﺎﺩﻱ ﺗﺸﺒﻌﻚ <br>
ﻳﺎﺳﺮ : ﻋﻔﺎﻙ ﻋﻔﺎﻙ ﻋﻔﺎﻙ <br>
ﺍﻟﺤﺎﺟﺔ : ﻫﺎﻙ ﻫﺎﻧﺎ ﺟﺒﺖ ﻟﻴﻚ ﺑﺎﻛﻴﺔ ﺩﻳﺎﻝ ﺍﻟﺤﻠﻮﺓ ﺍﺭﺍ ﻣﺎ ﺗﺎﻛﻞ ... ﻧﺎﺽ ﻋﻨﻘﻬﺎ ﻭ ﺑﺎﺳﻬﺎ ﻭﺧﺮﺝ <br>
ﺍﻧﺎ : ﻭﻻ ﺍﻣﻴﻲ ﺍﻟﺤﺎﺟﺔ ﻏﻴﺘﻌﻠﻢ ﻟﻔﺸﻮﺵ ﻣﺎﺷﻲ ﻟﻲ ﺑﻐﺎﻫﺎ ﻧﻌﻄﻴﻮﻫﺎ ﻟﻴﻪ <br>
ﺍﻟﺤﺎﺟﺔ : ﺳﻤﻌﻲ ﻫﺪﺍﻙ ﺣﻔﻴﺪﻱ ﻭ ﻟﻲ ﺑﻐﺎﻫﺎ ﻧﺤﺪﺭﻫﺎ ﻟﻴﻪ ﻭﺧﺎ ﺗﻜﻮﻥ ﻓﻲ ﺍﻟﺴﻤﺎ <br>
ﺍﻧﺎ : ﺍﻟﻠﻪ ﻳﻄﻮﻝ ﻟﻨﺎ ﻓﻲ ﻋﻤﺮﻙ ﺍﻟﻠﺤﺎﺟﺔ ﺷﻲ ﺷﻮﻳﺔ ﻛﻨﺴﻤﻌﻮ ﺍﻟﺒﻜﺎ ﻫﺎﺩﺍ ﻳﺎﺳﺮ ﻣﺸﻴﺖ ﻛﻨﺠﺮﻱ <br>
ﺍﻧﺎ : ﻣﺎﻟﻚ ﻭﺍﺵ ﻃﺤﺘﻲ <br>
ﻳﺎﺳﺮ : ﻫﻲﺀ ﻫﻲﺀ ﻣﺎﺑﻐﺎﺵ ﺗﺤﻞ ﻟﻴﺎ <br>
ﺍﻧﺎ : ﻧﻮﺿﺘﻴﻬﺎ ﻣﻨﻲ ﺧﻠﻌﺔ ... ﺻﺎﻓﻲ ﺣﻠﻴﺘﻬﺎ ﻟﻴﻪ ﻭ ﻣﺸﻴﺖ ﻟﻜﻮﺯﻳﻨﺔ ﻧﻄﻴﺐ ‏( ﻧﺴﻴﺖ ﻣﺎ ﻗﻠﺖ ﻟﻴﻜﻢ ﻭﻟﻴﺖ ﺣﺎﺩ g ﺓ ﻓﻲ ﺍﻟﻄﻴﺎﺏ ‏) ﺣﻄﻴﺖ ﺍﻟﻌﺸﺎ ﻛﻠﻴﻨﺎ ﻳﺎﺳﺮ ﻣﺎﺑﻐﺎﺵ ﻳﺎﻛﻞ ﻗﺎﻟﻚ ﻣﻜﻴﺎﻛﻠﺶ ﺣﻴﺖ ﻓﻴﻬﺎ ﺟﻠﺒﺎﻧﺔ ﻭﻫﻮ ﻣﻜﻴﻜﻠﺶ ﺟﻠﺒﺎﻧﺔ ﺣﻴﺖ ﻛﺘﻔﻜﺮﻭ ﻓﻲ ﻓﻀﻼﺕ ﺍﻟﺤﻮﻟﻲ ﻣﺎ ﻋﻠﻴﻨﺎ ﻧﻀﺖ ﺩﺭﺕ ﻟﻴﻪ ﻋﺸﺎﻩ ﺑﻮﺣﺪﻭ ﻃﺎﺡ ﻓﻴﻪ ﻋﻤﻰ .... ﺻﺎﻓﻲ ﻧﻌﺴﻨﺎ ﻓﻘﺖ ﺍﻟﺼﺒﺎﺡ ﻛﻨﻮﺟﺪ ﺍﻟﻔﻄﻮﺭ ﺧﻠﻴﺖ ﻳﺎﺳﺮ ﻧﺎﻋﺲ ﻓﻲ ﺍﻟﺒﻴﺖ .. ﺷﻮﻳﺔ ﻛﻨﺸﻮﻑ ﺍﻟﺤﺎﺟﺔ ﺟﺎﻳﺎ ﻛﺘﺠﺮﻱ ﻟﻌﻨﺪﻱ ﻓﺮﺣﺎﻧﺔ <br>
ﺍﻧﺎ : ﻣﺎﻟﻜﻲ ﺷﻔﺘﻚ ﻓﺮﺣﺎﻧﺔ <br>
ﺍﻟﺤﺎﺟﺔ : ﻏﺪﺍ ﻏﺘﺠﻲ ﻋﻨﺪﻱ ﺑﻨﻴﺘﻲ ﻣﻦ ﺑﺮﺍ <br>
ﺍﻧﺎ : ﻣﺰﻳﺎﻧﻦ ﺭﺑﻲ ﻳﺠﻴﺒﻬﺎ ﻋﻠﻰ ﺧﻴﺮ <br>
ﺍﻟﺤﺎﺟﺔ : ﺗﻮﺣﺸﺘﻬﺎ ﺑﺰﺍﻑ ﻳﺎﺭﺑﻲ ﻏﻴﺮ ﺍﻣﺘﺎ ﻳﺠﻲ ﻏﺪﺍ <br>
ﺍﻧﺎ : ﺧﺼﻨﺎ ﻧﻮﻃﺪﻭ ﻟﻴﻬﺎ ﺍﻟﻴﻮﻡ ﻏﻴﻌﻤﺮ ﻭﺍﺣﺪ ﺍﻟﺴﻮﻕ ﻏﻨﻤﺸﻲ ﻟﻴﻪ ﻧﺘﻘﺪﺍ <br>
ﺍﻟﺤﺎﺟﺔ : ﺍﻩ ﺑﻨﻴﺘﻲ ﺻﺎﻓﻲ ﻭﺭﺍﻩ ﻳﺎﺳﺮ ﻏﻨﺤﻀﻴﻪ ﻣﺘﺨﺎﻓﻴﺶ ﻋﻠﻴﻪ ﻭ ﻟﻜﻦ ﻣﺘﻌﻄﻠﻴﺶ <br>
ﺍﻧﺎ ﺻﺎﻓﻲ ﻓﻄﺮﺕ ﺍﻧﺎ ﻭ ﻧﻮﺿﺖ ﻳﺎﺳﺮ ﻓﻄﺮﺗﻮ ﺧﻠﻴﺘﻮ ﻛﻴﻠﻌﺐ ﻭ ﺧﺮﺟﺖ ﻟﺴﻮﻕ ﺭﻛﺒﺖ ﻓﻲ ﻛﺮﻭﻳﻠﺔ ﻭﺻﻠﺖ ﻛﻨﺘﻘﺪﺍ ﻫﺎﺩﻱ ﺑﻄﺎﻃﺎ ﻫﺎﺩﻱ ﻣﺎﻃﻴﺸﺔ ﻗﺮﺭﺕ ﻧﺪﻳﺮ ﻗﺎﻃﻮ ﺧﺪﻳﺖ ﺍﻟﻤﻘﺎﺩﻳﺮ ﺷﺮﻳﺖ ﺷﻲ ﻟﻌﺎﺏ ﻭ ﺍﻟﺤﻠﻮﺓ ﻟﺤﺒﻴﺒﻲ ﺻﻐﻴﻮﺭ ﻳﺎﺳﺮ ﺻﺎﻓﻲ ﺭﻛﺒﺖ ﺗﺎﻧﻲ ﻏﺪﻳﻚ ﺍﻟﻜﺮﻭﻳﻠﺔ ﻭ ﺭﺟﻌﺖ ﻣﺴﺨﺴﺨﺔ ﻟﺪﺍﺭ ﺗﻠﻘﺎ ﻟﻴﺎ ﻳﺎﺳﺮ ﻋﻨﺪ ﺍﻟﺒﺎﺏ ﻛﻴﺴﻮﻟﻨﻲ ﺍﺵ ﺟﺒﺖ ﻟﻴﻪ ﻋﻄﻴﺘﻮ ﺩﻛﺸﻲ ﻣﺸﺎ ﻓﺮﺣﺎﻥ ﺑﻴﻪ ﻳﺨﺒﻴﻪ ﺳﻠﻤﺖ ﻋﻠﻰ ﺍﻟﺤﺎﺟﺔ : ﻣﻠﻜﻲ ﺗﻌﻄﻠﺘﻲ <br>
ﺍﻧﺎ : ﻻ ﻭﺍﻟﻮ ﻏﻴﺮ ﻣﻊ ﺍﻟﻜﺮﺍﺭﺱ...
ﺍﻧﺎ : ﻏﻴﺮ ﻣﻊ ﺍﻟﻜﺮﺍﺭﺱ ﻋﺎﻣﺮﻳﻦ <br>
ﺍﻟﺤﺎﺟﺔ : ﺳﺤﺎﺑﻠﻲ ﺩﺍﺑﺰﺗﻲ ﻓﺤﺎﻝ ﺍﻟﻤﺮﺓ ﻟﻲ ﻓﺎﺗﺖ ﻋﺎﻗﻠﺔ ﻓﺎﺵ ﻧﺘﻔﻮﻙ ﻓﻜﻚ ﻏﻴﺮ ﺍﻟﺤﺎﺝ <br>
ﺍﻧﺎ : ﺍﻩ ﺩﻳﻚ ﺍﻟﻤﺮﺓ ﺗﺤﻤﺎﻭ ﻋﻠﻴﺎ ﻭ ﻧﺘﻔﻮﻧﻲ ﺑﺎﻗﻲ ﺍﻻﻥ ﺭﺍﺳﻲ ﻛﻴﻀﺮﻧﻲ <br>
ﺻﺎﻓﻲ ﺑﻘﻴﻨﺎ ﺍﻧﺎ ﻭﻳﺎﻫﺎ ﺟﺎﺑﺪﻳﻦ ﺍﻻﺯﻟﻴﺎﺕ ﺍﻟﻘﺪﺍﻡ ﻭ ﺍﻧﺎ ﻛﻨﻘﻲ ﺟﻠﺒﺎﻧﺔ ﻭ ﻫﻲ ﺍﻟﺰﺭﻉ ﺑﻘﻴﻨﺎ ﻫﻜﺎﻙ ﻃﻴﺒﺖ ﺍﻟﻌﺸﺎ ﻭ ﺗﻌﺸﻴﻨﺎ ﻭ ﻧﻌﺴﻨﺎ ﺍﻟﻐﺪ ﻟﻴﻪ ﻓﻘﻨﺎ ﺑﻜﺮﻱ ﻛﻨﻮﺟﺪﻭ ﺍﺷﻤﻨﻚ ﻳﺎ ﺩﺟﺎﺝ ﺍﺵ ﻣﻨﻚ ﻳﺎ ﻟﺤﻢ ﺻﺎﻳﺒﻨﺎ ﺷﻼﺿﺎﺕ ﻭ ﺍﻟﻌﻮﺍﺻﺮ ﺻﺎﻓﻲ ﻧﻬﺎﺭ ﻛﺎﻣﻞ ﻭﺣﻨﺎ ﻣﺸﻐﻮﻟﻴﻦ ﺣﺘﻰ ﺟﺎ ﺍﻟﻌﺼﺮ ﻭ ﻛﻨﺴﻤﻌﻮ ﺍﻟﺪﻗﺎﻥ ﺍﻟﺤﺎﺟﺔ ﻣﺸﺎﺕ ﺗﺠﺮﻱ ﻭﺩﺧﻠﺖ ﻭﺍﺣﺪ ﺍﻟﺒﻨﺖ ﺯﻭﻳﻨﺔ ﺑﺰﺍﺍﻑ ﺗﻼﺣﺎﺕ ﻋﻠﻴﻬﺎ ﺍﻟﺤﺎﺟﺔ ﻭ ﺑﻘﺎﺕ ﻛﺘﺒﻜﻲ ﻭ ﻛﺘﺒﻮﻱ ﻓﻴﻬﺎ ﺩﺧﻠﻮ ﻭﺑﻘﺎﻭ ﻛﻴﻬﻀﺮﻭ ﻭ ﻛﻞ ﺷﻮﻳﺔ ﻛﻴﺘﻌﺎﻧﻘﻮ ﻭ ﻛﻴﺘﺒﺎﻭﺳﻮ ‏( ﻫﻬﻪ ﻣﺎﺷﻲ ﺑﺪﺍﻙ ﺍﻟﻤﻌﻨﺔ ﺩﻳﺎﻝ ﺗﺒﺎﻭﻳﺲ ‏) ﺍﻧﺎ ﺣﻄﻴﺖ ﺍﺗﺎﻱ ﻭ ﺍﻟﺤﻠﻮﺓ <br>
ﺩﻳﻚ ﺍﻟﺒﻨﺖ : ﻧﺘﻲ ﻫﻲ ﺍﻳﻤﺎﻥ <br>
ﺍﻧﺎ : ﺍﻩ ﺍﻩ ﻛﻴﻔﺎﺵ ﺣﺘﻰ ﻋﺮﻓﺘﻴﻨﻲ <br>
ﻫﻲ : ﻫﻬﻪ ﺑﺎﺑﺎ ﻣﻨﻴﻦ ﻣﺸﺎ ﻫﻮ ﻳﻬﺪﺭ ﻏﻴﺮ ﻋﻠﻴﻚ ﻧﺘﻲ ﻟﻲ ﻋﺎﻭﻧﺘﻴﻪ ﺣﺘﻰ ﻭﻗﻒ ﻗﺎﻝ ﻛﻨﺘﻲ ﺣﺎﻣﻠﺔ ﺍﻣﺪﺭﺍ ﺍﺵ ﻭﻟﺪﺗﻲ <br>
ﺍﻧﺎ : ﻫﻬﻬﻮﻟﺪﺕ ﺩﺭﻱ ﺳﻤﺎﺗﻮ ﺍﻟﺤﺎﺟﺔ ﻳﺎﺳﺮ <br>
ﺍﻟﺤﺎﺟﺔ : ﺍﻳﺎﻩ ﺍﺑﻨﻴﺘﻲ ﺍﺑﺘﺴﺎﻡ ﻭ ﻫﺎﺩ ﻳﺎﺳﺮ ﺗﺰﺍﺩ ﻓﻲ ﺣﺰﺗﻲ ﻭ ﺭﺑﻴﺘﻮ ﻋﻠﻰ ﻳﺪﻱ ... ﻭﻫﻲ ﺗﺨﺮﺝ ﺍﺑﺘﺴﺎﻡ ﻛﺎﺩﻭ ﻛﺒﻴﺮ ﻋﻄﺎﺗﻮ ﻗﺎﻟﺖ ﻟﻴﺎ ﺑﻠﻲ ﻫﺎﺩﺍ ﻣﻦ ﻋﻨﺪ ﺳﻲ ﻋﺒﺎﺱ <br>
ﺍﻧﺎ : ﺍﻟﻠﻪ ﻳﻜﺘﺮ ﺧﻴﺮﻛﻢ ﻣﻌﺮﻓﺘﺶ ﻛﻴﻒ ﻧﺮﺩ ﻟﻴﻜﻢ ﻫﺎﺩ ﺍﻟﺨﻴﺮ <br>
ﺍﺑﺘﺴﺎﻡ : ﻫﻬﻪ ﻫﻲ ﻧﻴﺖ ﻻ ﻋﺎﻭﻧﺘﻴﻨﻲ ﻧﻘﻨﻊ ﻣﺎﻣﺎ ﺗﺮﺟﻊ ﻣﻌﺎﻳﺎ ﺍﻟﺒﺮﺓ ... ﺍﻧﺎ ﺗﺼﺪﻣﺖ ﺗﻘﻠﻘﻠﺖ ﻣﻌﺮﻓﺘﺶ ﺑﺎﺵ ﻧﺠﺎﻭﺏ ﻭﻟﻔﺖ ﺍﻟﺤﺎﺟﺔ ﺑﺰﺍﻑ ﻣﻨﻘﺪﺭﺵ ﻋﻠﻰ ﻓﺮﺍﻗﻬﺎ ﻭﻟﻜﻦ ﺗﺎﻫﻴﺎ ﻣﺤﺘﺎﺟﻴﻨﻬﺎ ﻭﻻﺩﻫﺎ ﺗﻤﺸﻲ ﺗﻌﻴﺶ ﻣﻌﺎﻫﻢ ﺍﺗﺒﻘﻰ ﻣﻘﺒﻼﻧﻲ ﺍﻧﺎ ﻏﻨﺤﺎﻭﻝ ﻧﺤﻴﺪ ﻫﺎﺩ ﺍﻻﻧﺎﻧﻴﺔ ﻟﻲ ﻓﻴﺎ <br>
ﺍﻟﺤﺎﺟﺔ : ﺍﻧﺎ ﺻﺎﻓﻲ ﻫﺪﺭﺕ ﺍ ﺍﺑﺘﺴﺎﻡ ﻣﻐﺎﺩﻳﺶ ﻧﺮﺟﻊ ﻫﻨﺎ ﺗﺮﺑﻴﺖ ﻭ ﻛﺒﺮﺕ ﻭ ﻛﺒﺮﺗﻜﻢ ﻭ ﺩﺑﺎ ﻛﺘﻘﻮﻟﻲ ﻟﻴﺎ ﻧﻤﺸﻲ ﻟﻬﻴﻪ <br>
ﺍﻧﺎ : ﻻ ﺍﻟﺤﺎﺟﺔ ﺍﺑﺘﺴﺎﻡ ﻋﻨﺪﻫﺎ ﺍﻟﺤﻖ ﻭ ﺧﻲ ﺑﻐﺎﻙ ﺗﻜﻮﻧﻲ ﻣﻌﺎﻫﺎ ﻭ ﺗﻜﺒﺮﻱ ﻣﻌﻬﺎ ﻭﻟﻴﺪﺍﺗﻬﺎ <br>
ﺍﻟﺤﺎﺟﺔ : ﻭﻟﻜﻦ ...<br>
ﺍﺑﺘﺴﺎﻡ : ﺷﻐﺘﻲ ﻫﺎﻫﻲ ﻫﺪﺭﺕ ﺍﻧﺎ ﺑﻐﻴﺖ ﻓﺎﺵ ﻧﻮﻟﺪ ﺗﻜﻮﻧﻲ ﻣﻌﺎﻳﺎ ﺣﺘﺎﺵ ﺍﻧﺎ ﺣﺎﻣﻠﺔ ﺩﺑﺎ ﻭﺧﺎﺹ ﻟﻲ ﻗﺎﺑﻠﻨﻲ <br>
ﺍﻟﺤﺎﺟﺔ : ﻭﺍﻳﻠﻲ ﺍﺑﻨﺘﻲ ﻧﺘﻲ ﺣﺎﻣﻠﺔ .... ﻭ ﻋﻨﻘﺘﻬﺎ ﻭ ﺑﻘﺎﻭ ﻛﻴﻬﻀﺮﻭ ﻭ ﻓﺮﺣﺎﻧﻴﻦ ﺍﻣﺎ ﺍﻧﺎ ﻣﺸﻴﺖ ﺧﺮﺟﺖ ﺧﻠﻴﺘﻬﻢ ﺩﺧﻠﺖ ﺍﻟﻜﻮﺯﻳﻨﺔ ﻛﻨﻄﻴﺐ ﻭ ﻋﻴﻨﻲ ﻓﻴﻬﻢ ﺍﻟﺪﻣﻮﻉ ﺍﻣﻴﻤﺘﻲ ﻓﺎﺵ ﻏﺘﻤﺸﻲ ﺍﻟﺤﺎﺟﺔ ﻓﻴﻦ ﻏﺎﺩﻱ ﻧﻤﺸﻲ ﻭ ﺷﻜﻮﻥ ﻏﻴﻘﺒﻞ ﺑﻴﺎ ﺍﻧﺎ ﻭﻟﺪﻱ ﺍﺍﻩ ﻧﻤﺸﻲ ﻋﻨﺪ ﻋﻴﺴﻰ ﻻ ﻻ ﻫﻤﺎ ﻳﺎﺭﺑﻲ ﻳﺘﻜﻔﺎﻭ ﻣﻊ ﺭﺍﺳﻬﻢ ﻋﺎﺩ ﻧﺰﻳﺪ ﻋﻠﻴﻬﻢ ﺣﺘﻰ ﺍﻧﺎ ﻻ ﻻ .. ﺷﻨﻮ ﻧﺮﺟﻊ ﻋﻨﺪ ﻋﺎﺋﻠﺘﻲ ﻭﻟﻜﻦ ﻣﺎﻋﺮﻓﺎﺵ ﻓﻴﻦ ﺳﺎﻛﻨﻴﻦ ﺩﺑﺎ ﺣﺘﻰ ﻟﻮ ﻋﺮﻓﺖ ﻣﺎﻏﺪﻳﺶ ﻳﻘﺒﻠﻮ ﺑﻴﺎ ﺣﻴﺖ ﺍﻧﺎ ﺷﻮﻫﺖ ﺑﻴﻬﻢ .... ﺷﻮﻳﺔ ﻭ ﻫﻲ ﺍﻟﺪﺧﻞ ﺍﻟﺤﺎﺟﺔ ﻭ ﺍﻧﺎ ﻧﻤﺴﺢ ﺩﻣﻮﻋﻲ ﺑﺰﺭﺑﺔ <br>
ﺍﻟﺤﺎﺟﺔ : ﺑﻨﻴﺘﻲ ﺭﺍﻧﻲ ﻗﺮﺭﺕ ﻧﻤﺸﻲ ﻣﻊ ﺑﻨﺘﻲ ﺍﺑﺘﺴﺎﻡ ﺳﻴﻤﺎﻧﺔ ﺟﺎﻳﺔ <br>ﺍﻧﺎ ﺑﺎﺑﺘﺴﺎﻣﺔ مصطنعة : ﻣﺰﻳﺎﻥ ﺍﻟﺤﺎﺟﺔ ﺍﺣﺴﻦ ﻣﺎﺩﺭﺗﻲ ﺩﺑﺎ ﺑﻨﺘﻚ ﻣﺤﺘﺎﺟﺔ ﻟﻴﻚ ﺑﺰﺍﻑ <br>
ﺍﻟﺤﺎﺟﺔ : ﺍﻧﺎ ﺑﻐﻴﺖ ﻧﺪﻳﻚ ﻣﻌﺎﻳﺎ ﻟﺘﻤﺎ ﻣﻨﻘﺪﺭﺵ ﻧﺨﻠﻴﻚ ﺑﻮﺣﺪﻙ ﻫﻨﺎ <br>
ﺍﻧﺎ : ﻻ ﻻ ﺍﻟﺤﺎﺟﺔ ﺑﻼ ﻣﺘﺸﻄﻨﻲ ﻋﻠﻴﺎ ﺍﻧﺎ ﺍﻧﺤﺎﻭﻝ ﻧﻌﻴﺶ ﺍﻧﺎ ﻭﻭﻟﺪﻱ ﺑﻮﺣﺪﻧﺎ ﺑﻤﺎ ﻗﺴﻤﻨﺎ ﻟﻴﻨﺎ ﺭﺑﻲ ﻧﺘﻲ ﺩﺭﺗﻲ ﺧﻴﺮﺍﻙ ﻟﻲ ﻣﻌﺮﻓﺘﺶ ﻛﻴﻒ ﻏﺎﺩﻱ ﻧﺮﺩﻭ ﻟﻴﻚ <br>
ﺍﻟﺤﺎﺟﺔ : ﻻ ﺍﺑﻨﻴﺘﻲ ﻣﻨﺨﻠﻴﻜﺶ ﺑﻮﺣﺪﻙ ﻫﻨﺎﻳﺎ ...<br>
ﺍﻧﺎ : ﺷﻜﺮﺍ ﺑﺰﺍﻑ ﻭ ﻟﻜﻦ ﻛﻨﻈﻦ ﺑﻠﻲ ﺍﻧﺎ ﺳﺎﺭ ﻟﻮﻗﺖ ﻟﻲ ﺧﺎﺳﻨﻲ ﻧﺘﺤﻤﻞ ﻓﻴﻪ ﻣﺴﺆﻭﻟﻴﺘﻲ ﻭ ﻣﺴﺆﻭﻟﻴﺔ ﻭﻟﺪﻱ ﻋﺎﻓﺎﻙ ﻓﻬﻤﻴﻨﻲ ﻭ ﺍﻧﺎ ﻣﻨﻘﺪﺭﺵ ﻧﺴﺎﻓﺮ ﻟﺸﻲ ﺑﻼﺩ ﺍﺧﺮﻯ ﺑﻐﻴﺖ ﻧﺮﺑﻲ ﻭﻟﺪﻱ ﻭﺳﺖ ﺍﻟﻤﺠﺘﻤﻊ ﺩﻳﺎﻟﻮ ﺍﻣﺎ ﺍﻟﻤﺠﺘﻤﻌﺎﺕ ﺩﻳﺎﻝ ﺍﻟﻨﺎﺱ ﻣﻐﻴﻔﻴﺪﻭﻫﺶ ﺑﻠﻌﻜﺲ ﻏﺎﺩﻱ ﻳﺨﺮﺑﻘﻮﻩ ﻭ ﻳﺒﻌﺪﻭﻩ ﻋﻠﻰ ﺩﻳﻨﻮ <br>
ﺍﻟﺤﺎﺟﺔ ﺷﺎﻓﺖ ﻓﻴﺎ ﻭ ﻏﺮﻏﺮﻭ ﻋﻴﻨﻴﻬﺎ : ﻭﺍﻟﻲ ﺑﻐﻴﺘﻲ ﺍﺑﻨﻴﺘﻲ ... ﻭﻣﺸﺎﺕ ﺍﻧﺎ ﻛﻤﻠﺖ ﺩﻭﺯﺕ ﺩﺍﻙ ﺍﻟﻨﻬﺎﺭ ﺑﻴﻨﻤﺎ ﻋﻄﻰ ﺍﻟﻠﻪ ﺻﻠﻴﺖ ﺻﻼﺓ ﺍﻻﺳﺘﺨﺎﺭﺓ ﻭ ﺩﻋﻴﺖ ﻟﺮﺑﻲ ﻧﻜﻮﻥ ﺍﻧﺎ ﻋﻠﻰ ﻃﺮﻳﻖ ﺍﻟﺼﺢ ... ﺟﺎ ﺻﺒﺎﺡ ﺻﻴﺒﺖ ﺍﻟﻔﻄﻮﺭ ﻟﻠﺤﺎﺟﺔ ﻭ ﺍﺑﺘﺴﺎﻡ ﻓﻄﺮﻧﺎ ﻣﺸﺎﺕ ﺍﻟﺤﺎﺟﺔ ﺟﻤﻌﺖ ﺩﻭﻙ ﻟﻲ ﺧﺪﺍﻣﻴﻦ ﻋﻨﺪﻫﺎ ﻋﻄﺎﺗﻬﻢ ﺍﻟﻔﻠﻮﺱ ﻭ ﺗﻮﺍﺩﻋﺖ ﻣﻌﺎﻫﻢ ﺑﺎﻟﺒﻜﺎ ﻭ ﺣﺘﻰ ﻭﺍﺣﺪ ﻣﺎ ﺳﺎﺧﻰ ﺑﻴﻬﺎ ﻭ ﻫﻲ ﻛﺘﺮ ﺍﻣﺎ ﺍﺑﺘﺴﺎﻡ ﻗﺎﻟﻮ ﻟﻴﺎ ﻫﺒﻄﺖ ﻟﻜﺎﺯﺍ .. ﺻﺎﻓﻲ ﺩﺍﺯ ﺩﺍﻙ ﺍﻟﻨﻬﺎﺭ ﻛﻴﻤﺎ ﻫﺎﻛﺎﻙ ﺍﻟﻐﺪ ﻟﻴﻪ ﺗﺎﻧﻲ ﺣﻄﻴﺖ ﻟﻴﻬﻢ ﺍﻟﻐﺪﺓ ﻛﺎﻧﺖ ﻳﺎﻻﻩ ﺍﺑﺘﺴﺎﻡ ﺟﺎﺕ ﺗﻐﺪﺍﻭ <br>
ﺍﻟﺤﺎﺟﺔ ﻓﺮﺣﺎﻧﺔ : ﺑﻨﻴﺘﻲ ﻋﻨﺪﻱ ﻟﻴﻚ ﺍﻗﺘﺮﺍﺡ ﺑﺎﺵ ﻧﺘﻬﻨﺎ ﻣﻦ ﺟﻴﻬﺘﻚ ﻭ ﺗﺪﻳﺮﻱ ﺣﺘﻰ ﺧﻴﺮ ﻓﻲ ﻭﺍﺣﺪ ﺍﻟﻤﺮﺓ <br>
ﺍﻧﺎ : ﺍﻟﺤﺎﺟﺔ ﺍﻟﻠﻪ ﻳﻬﺪﻳﻚ ﺭﺍﻧﻲ ﻗﻠﺖ ﻟﻴﻚ ...<br>
ﺍﺑﺘﺴﺎﻡ ‏( ﻗﺎﻃﻌﺘﻨﻲ ‏) : ﻭ ﺳﻤﻌﻲ ﺑﻌﺪﺍ ﺍﺵ ﻏﺘﻘﻮﻝ ﻟﻴﻚ ﻭ ﻣﻦ ﺑﻌﺪ ﻗﺮﺭﻱ <br>
ﺍﻟﺤﺎﺟﺔ : ﺗﻌﻘﻠﻲ ﻋﻠﻰ ﺩﻳﻚ ﺍﻟﻤﺮﺓ ﻟﻲ ﻣﺸﻴﺖ ﻋﻨﺪﻫﺎ ﺍﻟﻌﺎﻡ ﺍﻟﻔﺎﻳﺖ ﻓﻲ ﻛﺎﺯﺍ <br>
ﺍﻧﺎ : ﺍﻳﻨﺎ ﻣﺮﺓ <br>
ﺍﻟﺤﺎﺟﺔ : ﺩﻳﻚ ﻟﻲ ﻣﺎﺕ ﺭﺟﻠﻬﺎ ﻭ ﺗﺸﻼﺕ ﻭ ﻣﺒﻘﺎﺗﺶ ﺗﻬﺪﺭ ﺭﺍﻩ ﻣﺸﻴﺖ ﺳﻴﻤﺎﻧﺔ ﻭ ﺍﻧﺎ ﺑﺎﺭﻛﺎ ﻋﻨﺪﻫﻢ <br>
ﺍﻧﺎ : ﺍﻩ ﺍﻩ ﻋﻘﻠﺖ ﻓﺎﺵ ﺧﻠﻴﺘﻴﻨﻲ ﺣﺎﺩﻳﺔ ﻫﻨﺎﻳﺔ ﻭ ﺩﺧﻠﻮ ﻋﻠﻴﺎ ﺍﻟﺸﻔﺎﺭﺓ <br>
ﺍﻟﺤﺎﺟﺔ : ﺍﻳﻴﻴﻪ ﺍﻭﺍﺍ ﻫﺎﺩﻳﻚ ﺍﺑﻨﻴﺘﻲ ﻣﻜﺘﻴﻖ ﻓﺤﺘﻰ ﻣﻤﺮﺿﺔ ﻣﻦ ﻧﻬﺎﺭ ﻭﻗﻊ ﻟﻴﻬﺎ ﻭﺍﺣﺪ ﺍﻟﻤﺸﻜﻴﻞ ﻣﻊ ﻭﺍﺣﺪ ﺑﻨﺖ ﺍﻟﺤﺮﺍﻡ ﺍﻟﻠﻪ ﻳﺘﺒﻌﻬﺎ ﺍﻟﺒﻼ ﻋﻨﺪﻫﺎ ﻏﻴﺮ ﻭﺍﺣﺪ ﺍﻟﺨﺪﺍﻣﺔ ﺍﻧﺎ ﺩﻳﺘﻬﺎ ﻟﻴﻬﺎ <br>
ﺍﺑﺘﺴﺎﻡ : ﺣﻴﺖ ﻫﻲ ﻛﺘﻴﻖ ﻓﻲ ﻣﺎﻣﺎ ﺑﺰﺍﻑ ﻭ ﻛﺘﻌﺘﺒﺮﺧﺎ ﻓﺤﺎﻝ ﺧﺘﻬﺎ ﻭ ﺗﻘﻠﻘﺎﺕ ﺑﺰﺍﻑ ﻣﻨﻴﻦ ﺯﻭﺟﺎﺕ ﻭﻟﺪﻫﺎ ﻭ ﻣﺤﺪﺭﻧﺎﺵ ﺣﻴﺖ ﻛﺎﻥ ﺑﺎﺑﺎ ﻣﺮﻳﺾ ﻭ ﺍﻧﺎ ﻟﺒﺎﺭﺡ ﻣﺸﻴﺖ ﻋﻨﺪﻫﺎ ﻭ ﺩﻭﻳﺖ ﻟﻴﻬﺎ ﻋﻠﻴﻚ ﺑﻠﻲ ﻧﺘﻲ ﻣﻤﺮﺿﺔ ﻭ ﻋﺎﻭﻧﺘﻲ ﺑﺎﺑﺎ ﺣﺘﻰ ﻭﻗﻒ ﻭ ﺑﻠﻲ ﻧﺘﻲ ﻫﺮﺏ ﻋﻠﻴﻚ ﺭﺍﺟﻠﻚ ﻭ ﻋﻨﺪﻙ ﻭﻟﻴﺪ ﻭ ﻫﻲ ﻭﻓﻘﺎﺕ ﺗﻌﻴﺸﻲ ﻣﻌﺎﻫﺎ ﻭ ﺗﻌﺎﻭﻧﻴﻬﺎ ﺣﺘﻰ ﺗﻨﻮﺽ ﻭ ﻣﻐﺎﻳﺨﺼﻚ ﺣﺘﻰ ﺧﻴﺮ ﻣﻌﺎﻫﺎ <br>
ﺍﻟﺤﺎﺟﺔ : ﺭﺍﻩ ﻫﻲ ﻓﺤﺎﻟﻲ ﺍﻧﺎ ﺗﺎﻫﻲ ﻛﺪﻳﺮ ﺍﻋﻤﺎﻝ ﻟﺨﻴﺮ <br>
ﺍﻧﺎ ﺷﺪﺍﺗﻨﻲ ﺍﻟﺒﻜﻴﺔ ﻭ ﻧﻀﺖ ﻋﻨﻘﺖ ﺍﻟﺤﺎﺟﺔ ﻭ ﺍﺑﺘﺴﺎﻡ ﻓﻌﻼ ﺭﺑﻲ ﺭﺍﺿﻲ ﻋﻠﻴﺎ ﻟﻲ ﻻﻗﺎﻧﻲ ﺑﻨﺎﺱ ﻃﻴﺒﻴﻦ ﻛﻴﻔﻜﺮﻭ ﻓﻴﺎ ﻭ ﻓﻲ ﻭﻟﺪﻱ ﺻﺎﻓﻲ ﺳﺎﻟﻴﻨﺎ ﺩﻳﻚ ﺩﺭﺍﻣﺎ ﺍﻟﻌﺎﻃﻔﻴﺔ ... ﻋﻴﻄﺎﺕ ﻟﻴﺎ ﺍﺑﺘﺴﺎﻡ ﻋﻄﺎﺗﻨﻲ ﻧﻘﻴﺲ ﺷﻲ ﻟﺒﻴﺴﺎﺕ ﻣﺤﺘﺎﺭﻣﻴﻦ ﻭ ﺷﻲ ﺷﻼﻥ ﺻﺮﺍﺣﺔ ﻋﺠﺒﻮﻧﻲ ﻭ ﻋﻄﺎﺗﻬﻢ ﻟﻴﺎ <br>..ﻭ ﺟﺎﺑﺖ ﺷﻜﻼﻁ ﻟﻮﻟﺪﻱ ﻭ ﻃﻴﺎﺭﺓ ﺻﻐﻴﻮﺭﺓ ﺻﺮﺍﺣﺔ ﻓﺮﺣﺎﺗﻨﻲ ﻭ ﻓﺮﺣﺎﺕ ﻭﻟﺪﻱ ... ﺻﺎﻓﻲ ﺍﻟﻐﺪ ﻟﻴﻪ ﻗﺮﺭﻧﺎ ﻧﻤﺸﻴﻮ ﻧﺘﺴﻴﻔﻄﻮ ﻣﻊ ﻋﻴﺴﻰ ﻓﻲ ﺍﻟﻤﺪﻳﻨﺔ ﻭ ﻣﻦ ﺗﻤﺎ ﻳﺪﻭﺯﻭﻧﻲ ﻋﻨﺪ ﺩﻳﻚ ﺍﻟﻤﺮﺓ ﺩﺍﻛﺸﻲ ﻟﻲ ﺩﺭﻧﺎ ﻟﺒﺴﺖ ﻭﺍﺣﺪ ﺍﻟﻜﺴﻮﺓ ﻃﻮﻳﻠﺔ ﻓﻲ ﺍﻟﻐﻮﺯ ﻭ ﺩﺭﺕ ﻓﻮﻗﻬﺎ ﻓﻴﺴﺖ ﻭ ﺷﺎﻝ ﺑﺎﻟﺒﻴﺾ ‏( ﻛﻠﺸﻲ ﻋﻄﺎﺗﻮ ﻟﻴﺎﺓﺧﺘﻲ ﺑﺘﺴﺎﻡ ‏) ﺩﺍﺗﻨﺎ ﺍﺑﺘﺴﺎﻡ ﻓﻲ ﻃﻤﻮﺑﻴﻠﺘﻬﺎ ﺍﻟﻄﺮﻳﻖ ﻛﺎﻣﻠﺔ ﻭ ﺣﻨﺎ ﻛﻨﻀﺤﻜﻮ ﻗﺎﻟﺖ ﻟﻴﻚ ﺍﺑﺘﺴﺎﻡ ﺗﺸﻬﺎﺕ ﺷﻮﻳﺮﻣﺎ ﻭ ﺣﻨﺎ ﻣﻨﻴﻦ ﻏﻨﺠﻴﺒﻮﻫﺎ ﻟﻴﻬﺎ ﻓﻜﺮﺍﺗﻨﻲ ﻏﻴﺮ ﻓﺎﺵ ﻛﻨﺖ ﺣﺎﻣﻠﺔ ﺑﻴﺎﺳﺮ ﻭ ﺷﻨﻘﺖ ﻋﻠﻰ ﻋﻴﺴﻰ ﻓﻲ ﺍﻟﻜﺎﺭ ﻗﺎﻟﺖ ﻟﻴﻪ ﻭﺍﻟﻮ ﻳﺠﻴﺐ ﻟﻴﺎ ﺍﻟﺤﻮﺕ ... ﺍﻟﻤﻬﻴﻢ ﺩﺍﺭﻧﺎ ﺷﻲ ﺳﺎﻋﺔ ﻓﻲ ﺍﻟﻄﺮﻳﻖ ﻭﺻﻠﻨﺎ ﻟﻌﻨﺪ ﻋﻴﺴﻰ ﺗﻌﺎﻧﻘﻨﺎ ﺗﺴﺎﻟﻤﻨﺎ ﺳﻠﻤﺖ ﻋﻠﻰ ﺻﻐﻴﻮﺭﺓ ﺣﻘﺎ ﻭﻟﺪﻭ ﺑﻨﻴﺘﺔ ﺳﻤﺎﻭﻫﺎ ﻣﺮﻳﻢ .. ﺩﺧﻠﻮﻧﺎ ﺿﻴﻔﻮﻧﺎ ﻣﺸﻴﺖ ﺍﻧﺎ ﻭ ﺍﻣﻴﻨﺔ ﻧﻮﺟﺪﻭ ﺍﻟﻐﺪﺍ ﻓﻲ ﺍﻟﻜﻮﺯﻳﻨﺔ ﻣﺸﺎﺕ ﻣﻌﻨﺎ ﺍﺑﺘﺴﺎﻡ ﻟﻲ ﻛﺘﺴﻮﻟﻨﺎ ﻋﻠﻰ ﺍﻟﻮ ﺍﻟﻮﻻﺩﺓ ﻫﻬﻪ ﺑﻘﻴﻨﺎ ﺗﻨﺨﻠﻌﻮ ﻓﻴﻬﺎ ﺻﺎﻓﻲ ﺿﺤﻜﻨﺎ ﺗﻐﺪﻳﻨﺎ ﻗﻠﻨﺎ ﻟﻌﻴﺴﻰ ﺍﻟﻘﺮﺍﺭ ﺩﻳﺎﻟﻨﺎ ﻛﻠﺸﻲ ﻭﻻ ﻛﻴﺒﻜﻲ ﻭ ﻛﻴﻨﻮﺡ ﺣﻴﺖ ﻭﺻﻞ ﻭﻗﺖ ﺍﻟﻔﺮﺍﻕ ﻣﻐﻨﺒﻘﺎﻭﺵ ﻧﺸﻮﻓﻮ ﺑﻌﻀﻨﺎ ﻋﻄﺎﻧﻲ ﻋﻴﺴﻰ ﻧﻤﺮﺓ ﺗﻴﻠﻴﻔﻮﻥ ﻭ ﻗﺎﻟﻲ ﻻ ﺻﺎﺩﻓﺖ ﺍﻳﺎ ﻣﺸﻜﻴﻞ ﻧﻌﺎﻳﻄﻠﻮ ﺍﻧﺎ ﻋﻨﻘﺘﻮ ﻭ ﺑﻘﻴﺖ ﻛﻨﺒﻜﻲ ﺣﻴﺖ ﺭﺑﻲ ﺳﻴﻔﻄﻮ ﻟﻴﺎ ﻛﺘﺮ ﻣﻦ ﺍﺥ ﻓﻲ ﻭﺍﺣﺪ ﺍﻟﻮﻗﺖ ﻟﻲ ﻣﺎ ﻭﻗﻒ ﻣﻌﺎﻳﺎ ﻓﻴﻪ ﺗﺎﺣﺪ ﻭ ﻫﻮ ﺯﺩﻕ ﺭﺍﺟﻞ ﻋﻨﻘﺖ ﺧﺘﻲ ﺍﻣﻴﻨﺔ ﻟﻲ ﻣﺴﻜﺘﺘﺶ ﻣﻦ ﺍﻟﺒﻜﺎ ﺗﺎﻧﻲ ﻋﻨﻘﻮ ﺍﻟﺤﺎﺟﺔ ﺩﺭﻧﺎ ﺟﻨﺎﺯﺓ ﺗﻤﺎ ﻛﻠﺸﻲ ﺑﻜﺎ ﻓﻴﻬﺎ ﺻﺎﻓﻲ ﺗﻮﺍﺩﻋﻨﺎ ﻭ ﺷﺪﻳﻨﺎ ﺍﻟﻄﺮﻳﻖ ﺍﻟﻜﺎﺯﺍ ﻭ ﺍﻧﺎ ﻛﻨﺒﻜﻲ <br>
ﻳﺎﺳﺮ : ﻣﺎﻣﺎ ﺩﺑﺎ ﻣﻐﻨﺒﻘﻮﺵ ﻧﺸﻮﻓﻮ ﻋﻴﺴﻰ <br>
ﺍﻧﺎ : ﻻ ﻭﻟﻴﺪﻱ ﻏﺪﻱ ﻧﺸﻮﻓﻮﻩ ﻭ ﻟﻜﻦ ﻣﺎﺷﻲ ﺩﺑﺎ<br>
ﻳﺎﺳﺮ : ﻭﻧﺘﻲ ﻋﻼﺵ ﻛﺘﺒﻜﻲ ﺿﺮﺑﻚ ﺷﻲ ﺣﺪ <br>
ﺍﻧﺎ : ﻻ ﻭﻟﺪﻱ ﻏﻴﺮ ﻋﻴﻨﻲ ﺿﺎﺭﻳﻨﻲ <br>
ﻳﺎﺳﺮ : ﺷﻔﺘﻲ ﻗﻠﺘﻠﻚ ﻣﺘﻘﻄﻌﻴﺶ ﺍﻟﺒﺼﻠﺔ ﻛﺘﺪﺭ ﻓﻲ ﺍﻟﻌﻴﻨﻴﻦ ﻭ ﻣﺘﻴﻘﺘﻴﻨﻴﺶ .... ﻭ ﺍﻧﺎ ﻧﻀﺤﻚ ﻭ ﺍﻟﺤﺎﺟﺔ ﺗﺎﻫﻴﺎ ﺩﺍﺭﺕ ﻛﻀﺤﻚ ﻫﻪ ﻗﻠﺒﻨﺎﻫﺎ ﺿﺤﻚ ﺻﺎﻓﻲ ﺩﺍﺯﺕ ﺷﻲ ﺭﺑﻊ ﺳﺎﻋﺔ ﻟﻘﻴﺖ ﻭﻟﻴﺪﻱ ﻧﻌﺲ ﺣﻄﻴﺖ ﻋﻠﻴﻪ ﺭﺍﺳﻲ ﻭ ﻧﻌﺴﺖ ﺷﻮﻳﺔ ﻛﻨﺤﺲ ﺑﺸﻲ ﺣﺪ ﻛﻴﻔﻴﻘﻨﻲ <br>
ﺍﻧﺎ ﻧﻀﺖ ﻣﺨﻠﻮﻋﺔ : ﺷﻜﻮﻭﻭﻥ <br>
ﻳﺎﺳﺮ : ﻏﻴﺮ ﺍﻧﺎ ﺧﻠﻌﺘﻴﻨﻲ <br>
ﺍﺑﺘﺴﺎﻡ ﻛﻀﺤﻚ : ﻧﻮﺿﻲ ﺍﻧﻌﺎﺳﺔ ﺭﺍﻩ ﻭﺻﻠﻨﺎ <br>
ﺍﻧﺎ ﻛﻨﺸﻮﻑ ﺑﻠﻲ ﻃﺎﺡ ﺍﻟﻀﻼﻡ <br>
ﺍﻧﺎ : ﻏﻨﻤﺸﻴﻮ ﻋﻨﺪﻫﺎ ﻓﻲ ﻫﺎﺩ ﺍﻟﻴﻞ <br>
ﺍﻟﺤﺎﺟﺔ : ﻻ ﺍﺑﻨﻴﺘﻲ ﻏﻨﺒﺘﻮ ﺩﺑﺎ ﻓﻲ ﻟﻮﻃﻴﻞ ﻭ ﻏﺪﺍ ﻳﺼﺒﺢ ﺍﻟﺼﺒﺎﺡ ﻭ ﻧﻤﺸﻴﻮ ﻋﻨﺪﻫﺎ ... ﺻﺎﻓﻲ ﺩﺍﻛﺸﻲ ﻟﻲ ﺩﺭﻧﺎ ﺷﺪﻳﺖ ﺷﻮﻣﺒﺮ ﺍﻧﺎ ﻭ ﻳﺎﺳﺮ ﻭ ﺍﻟﺤﺎﺟﺔ ﻭ ﺍﺑﺘﺴﺎﻡ ﻓﻲ ﺷﻮﻣﺒﺮ ﺑﻮﺣﺪﻫﻢ ﺷﻮﻳﺔ ﻛﺘﺠﻲ ﻟﻌﻨﺪﻱ ﺍﻟﺤﺎﺟﺔ ﻛﺘﻨﻌﺲ ﺣﺪﺍﻧﺎ <br>
ﺍﻟﺤﺎﺟﺔ : ﻏﺘﻮﺣﺸﻚ ﺍﺑﻨﻴﺘﻲ ﺑﺰﺍﻑ ﻭ ﻏﻨﺘﻮﺍﺣﺶ ﻳﺎﺳﺮ ﻭﻟﻴﺪﻱ ... ﻭ ﺣﻨﺎ ﻧﺤﻤﻴﻮﻫﺎ ﺑﻜﺎﻭﺍﺕ ﺻﺎﻓﻲ ﻗﺮﺭﻧﺎ ﻧﻌﺴﻮ ﻓﻲ ﺷﻮﻣﺒﺮ ﻭﺣﺪﺓ ﻛﺎﺧﺮ ﻟﻴﻠﺔ ﻏﻨﻘﻀﻴﻬﺎ ﻣﻌﻬﺎ ﺷﺤﺎﻝ ﺑﻜﻴﻨﺎ ﻭ ﻓﺮﺣﻨﺎ ﻭﻭﺻﺎﺕ ﻓﻴﺎ ﻭ ﻋﻄﺎﺗﻨﻲ ﺍﻟﻔﻠﻮﺱ ﺣﺘﻰ ﺩﺍﻧﺎ ﺍﻟﻨﻌﺎﺱ ﻭ ﻧﻌﺴﻨﺎ ....❤❤❤