احببت محتالة

😈

وجدنا انا وخالتي خطة جهنمية <br>
انا مشيت لبيتي لبست كسوة طويلة و شال و خرجت لقيتهم لابسين حويجهم و كيفطرو و جلسنا نفطرو كاملين <br>
خالتي: سوسن بنتي غادين نديو ولدي ياسر الحضانة تمشي معانا و منها نيت ندوروك لمدينة <br>
ياسين: اه مزيان باش متبقايش بوحدك حيت انا عندي شغل نديرو <br>
سوسن : صافي اوكي لي بغيتي <br>
انا : شوفي شوفي اخالتي كيف كيدير ليها <br>
خالتي: غير صبري غير خالي عليا سوسن و داك ياسين لي هو ولدي بدا يفقسني تاهو خصنا نأدبوه شوية <br>
......صافي فطرنا ياسين خرج و شدينا طريق للحضانة على رجلينا و جارين خالتي و كنهضرو و مرة مرة كندخلو ليها شي لعيبة على علاقتي انا و ياسين و هي تتقرص وصلنا للحضانة دخلت ياسر درنا ليه باي باي خالتي:ياسر مشاءالله كيكبر ولا كيشبه بزاف لياسين <br>
انا درت بعيني لخالتي و شفت في سوسن <br>
سوسن مصدومة: علاش غيكون ولدها كيشبه لياسين متقلوش ليا بلي ياسر ولد ...<br>
خالتي: ايه ابنيتي و لكن غادي تواعديني متقوليهاش ليه حيت هو كتجيه نوبة عصبية لا شي حاجة عصباتو و كتجيه رغبة في القتل <br>
سوسن: لا ياسين ماشي هاكا <br>
انا: انا نقول ليك فاش كنرفض ليه شي حاجة كيهز عليا موس كون ما خالتي كون راه هو في الحبس و انا في المقبارة ...وهي تشد من فمها و مشات كتجري لدار وانا نتراشقو انا وخالتي :ليومة غتغبر <br>
انا: ههن ويييه و لكن لا قالتها لياسين<br>
خالتي: نو نو انا عارفة داك نوع ديال لبنات كيخاف و كيهرب <br>
صافي حتافلنا انا و خالتي ..و رجعنا للدار كنلقاوها جالسة كضحك مع ياسين ..انا درت عند خالتي مفهمت والو وتاهيا كدالك جات عند خالتي: خالتي انا قررت نوقف مع ياسين تايحيد منو دوك العقدة و انا مغنقوليه والو<br>
خالتي: اه و الله يرضي عليك ابنتي <br>
وطلعت عينيها فيا و ابتاسمت و جات لعندي و هدرت ليا في ودني: كيحساب ليك تيقت ديك تمتيلية انا عارفة مزيان المؤامرة لي جاية ديريها لياسين و مغديش نخليك انا كنبغي ياسين و تاهو كيبغيني ....و شافت فيا و ضحكت و مشات انا بقيت مصدومة غادي نطرطق كنحس بالارض كدور بيا و دموعي نازلين <br>
خالتي: مالكي ابنتي اش قالت ليك ديك الكلبة ...انا تخنقت مقديتش نجاوب دخلت لبيت و عطيتها لبكاوات جات خالتي حاولت تسكتني ووالو و هي تبدا تبكي معايا و معنقاني انا صافييي عييت هو مكيتيقنيش مهما درت عاد جاب برهوشة معاه و قالك كتبغيه كنفكر نهز ولدي و نمشي فحالي والله وخا معندي فين نمشي صافي شوية سكت من لبكا ..لا لا لا ايمان مخصكش تخليه ليها انا غنوريها ايمان شكون بغات غير تحداني مشات فيها لا هي لا هو ...صافي دازت داك النهار ما شفوش فيه وجهي ..الغد ليه فاقو لقاوني في جردة لابسة شورط قصير في الكراي و تيشورت في البيض و حداية ياسر و طلقت شعري و ضربها ليك مكياج و جلسا و كنضهن الكريم في رجلي طلعت عيني لقيتو كيحاول يدور وجهو و كل ولا عرقان و حداه ديك المصيبة كتخنزر فيا جا جلس حدايا و بداو يفطرو و انا مزالا كندهن في رجلي و هو مطلع عينو مع يدي (زعمة دراري خطار هما براسهم معرفينش اش باغين ) شي شوية كنشوفي كيقرب يدو ليا(سيد ولفها) و انا نضرب ليه يديه و نضت حدا خالتي ..خالتي شدتها ضحكة حيت عارفة الفيلم كيدير اما سوسن منين باقا حية راه لاباس صافي فطرنا خرجت عند اناس نعطيه ولدي يديه و بقيت شادة معاه الهدرة ...هو يبان ليا المسيو جاي و انا نقرب لاناس و بقيت كنلعب في شعري هو شافني و جا كيجري لعندي وشدني من دراعي : اناس سير تشوف خدمتك (ودخلني لدار)اش وقفة ديري معا البوديكار ديالي ....انا حيدت ليه يديه : ولكان ديالك معندنش الحق نهدرو معاه <br>
ياسين: بلما تهبلي عليا راك خليتيني شاعل عليك <br>
انا: مفهمتش نت مالك انا مجرد ممرضة هنا و يمكن ليا ندير لي بغيت و نهضر مع لي بغيت و مشيت هو تبعني و زدحني مع الحيط : فاش نكون كندوي معاك وقفي ولا <br>
انا قربت ليه و درت يدي في عنقو و بقيت كنلعب ليه بودنو(هاد الحركة كتسطي دراري قيدو البنات😉😉) و قست فمي مع فموو : ولا شنو ؟...سيد مقدرش يجاوب ولات انفاسو لي كتهدر و كيشول ليا في فمي و يالاه غمض عينو و و بغا يبوس و انا نخشي ليه حلوة في فمو كنت مخبياها لياسر ساعة كتابت لباه هو معرف باش تبلا <br>
انا: تو تو تو مسكين بغيت نقول ليك شي حاجة انا ممرضة هنا ماشي عاهرة كتشبع فيها نزواتك ومشيت هو بقى غير مصدوم فيا معرف باش تبلا (طحنتو في هادي) <br>
مشيت دخلت الكوزينة كنطيب (البغلات شادين عطلة تقولي كيقراو ماشي خدمات ) طاحت صلصة طاطم(حك عيشة)في الارض و جبت تيد و رغويتو و كبيتو في الارض ياسين جاي لعندي زربان الكوزينة و كيغوت: ايماان ..مضربها غير بزلقة جا على ضهرو نيشان الله بغا ينوض حس براسو تكوانسا و كيغوت انا نضت كنجري و نغوت مجيت تانا غير فوقة كملت عليه <br>
انا: سمحلي سمحلي ..بغيت نوض نعتقو شدني من خصري (هدا غير مكوانسي) <br>
هي دخل خالتي و سوسن يمعو لغوات مالقاو غير داك المنضر ..و انا نوض م عيطنا الاناس عاونو تا طلع الفوق لبيتو جبنا دوكتور فحصو(هه دكتور يفحص دكتور العجب )