احببت محتالة

😆😆

حليت يدي ولقيت خاتم كيلمع وهزيت عيني فيه لقيتو مبتاسم: ايمان تقبلي تكوني مرتي للمرة تانية و كنواعدك غادي ندير ياسر كيولدي ....انا غرغرو عينيا و تلاحيت عليه بتعنقة هو كيضحك: اي اي ضهري <br>
انا: سمحليا ...ياسين : هاد الضهر منعرف تاهو منين خرج ليا مخلانيش نستمتع باللحضة ...بقينا كنضحكو دخل ليا الخاتم في صبعي حقا احساس راءع ناض ياسر فاق و كيمسح في عينيه : ماما فيا نعاس ...دخلت نعستو و رجعت عند ياسين تاهو عاونتو تطلع لبيت باش نديرليه مساج حيدت ليه تريكو الفوقاني و خو كيشم ليا في شعري و بغا يبوسني وانا نتكيه على نموسية:دبا وقت المساج ...شدني من خصري و تكاني عليه: المساج يتسنى ...وانا نبوسو وقلبتو على كرشو و هو كيبغي يدور عندي كنزير عليه في ضهرو كيغوت صافي ساليت و شد ليا من يدي : حبيبتي عافاك اجي <br>
انا حيدت ليه يدي و غطيتو: دبا نتا مريض تاتشافى و نظيرو داكشي لي بغيتي مشيت و خليتو ولا فحال دراري صغار شداتني الضحكة ..خرجت لقيت ديك سوسن قدامي تاني مخلوعة <br>
انا شداني الضحكة : عاودتاني شفتي جنون <br>
سوسن : اااه و هاد المرة مكانش دري صغير كانت مرة كبيرة <br>
انا: مرة كبيرة صافي صافي سيري تنعسي تالمنبعد <br>
سوسن: لا لا غنمشي فحالي <br>
انا: اويلي فهاد اليل <br>
سوسن : اه منقدرش نعس بوحدي تما <br>
انا: نمشي نعس حداك <br>
مشيت على وعدي وسعدي نعست حداها و هي شادة ليا من يدي و كدور في عينيها سلات معايا في هاد اللحضة<br>
سوسن: ايمان <br>
انا : ويي <br>
سوسن: هاد الخاتم عطاه ليك ياسين(لاحظاتو دغية)...بقيت ساكتة وكملت:في الحياة كاينين 3 انواع ديال الرجال النوع الاول كيلعب بالبنات كيفما بغا كيدخل و يخرج من قلبو عادي يقدر يعيش مع البنت قصة حب واعرة و لكن مع المدة دغيا كينسا و كيبغي بنت اخرى ...نوع تاني مكيعيش الحب في حياتو غير كيولف عليك و لكن مكيخونش <br>
انا: ونوع تالت <br>
سوسن: ههه وراك حاضية معايا نوع تالت صعيب دخلي لقلبو و لدخلتي مكتخرجيش و مهما درتي فيه كيبقى يبغيك تال الاخر نفس في حياتو وهادا نوع نادر من هم ياسين فهنيئا لك به و كنتمنى متأديهش حيت هو عمرو يأديك و انا غدا غنمشي فحالي ...انا عنقتها و تسنيتها تنعسات و مشيت عند خالتي لقيتها جالسة كتقرا و انا نوريها الخاتم و هي تغوت بالفرحة و تعنقنا و تباكينا <br>
انا: اه شكون حقا المرة لي خلعتي بيها سوسن ...وهي خالتي تحيد الغطا ووقفت على رجليها انا تصدمت <br>
انا : واش واش نتي كتمشي <br>
خالتي: هنتي كفما كتشوفي ...و انا نعنقها و بقينا هاكاك كنتعانقو و نضحكو فعلا هاد نهار داو زويين بزااف ..مشينا نعسنا فرحانين فقنا صباح فطرنا حنا و سوسن و اول مرة كنضحكو مع بعضنا و ياسين هبط بوحدو بدا كيتحسن ودعنا سوسن و هادي اول مرة قررنا انا و ياسين نوصلو ياسر الحضانة غاديين و كنضحكو و فرحانين و كنزيطو بياسر لي غادي يموت بالفرحة دخلناه و رجعنا مشادين فحال دراري صغار مشينا تندورو دوزناها قهاوي و البحر و كسكروطات ديال زنقة وخا هو كيقول ليا فيه الجراتيم كياكلو صافي عينا رجعنا دزنا على ياسر دوزنان لالعاب زدقنا حنا لي كنلعبو هو شاد كابوس و انا شادة مونيكة درنا تسطية داك النهار رجعنا للدار هو طلع البيت و انا مشيت البيتي اتا جات خالتي <br>
انا : مالكي اخلتي جيتي فهاد اليل <br>
خالتي: جيت نبات مع ياسر <br>
انا: وعلاش <br>
خالتي: حيت نتي خاصكي تمشي تباتي مع راجلك ...انا حشمت وحنيت راسي <br>
خالتي :شوفو وجه الحشمة اويلي تي نوضي راجلك هداك ...صافي مشيت هزيت وحد شوميز دو نوي و لبستو في بيت خالتي هو بالحمر كيبين كلشي و غير خاسرين فيه توب و انا خاسرة فيه فلوسي مشيت قديت شعري و درت المكياج ودخلت لبيتو لقيتو مكينش ولكن صوت دوش خدام ادن هو في دوش دخلت و سديت الباب و بقيت واقفة بدا يتنادم معايا الحال و بغيت نرجع و انا نطلع عيني و انا نلقا ياسين خارج من دوش لاوي فوطة و كيشوف فيا و كيعض في شفايفو انا حشمت : انا غيير ...مخلانيش حتا نكمل جا و طلعني عندو و بدحط فمو على فمي و بقينا هاكاك و انا ندفعو و دورتو و لصقتو مع الحيط و بستو بقينا هاكاك هو يهزني و لاحني على نموسية و كملنا تما تهرسنا ناموسية صحابليكم تسوقنا ليها مكين غير نبوس فيا نبوس فيك و اشياء اخرى بلاما يقطعنا حد صراحة دازت ليلة حمراء مكاينش فحالها فقت صباح انا نعسا على صدرو و هو كيلعب ليا بشعري نضت حشمانة زعمة <br>
ياسين: ويلي ويلي على الحشمانة لي شافك دابا ما يقولش شكون لي كانت تدير شغب البارح <br>
انا غطيت و جهي :و صافي ....بقى كيهر فيا و انا كنضحك ندت دخلت لدوش اتدخل عليا عييت منخرج فيه و تقول سيد ممفاكش بقينا تما دوزناها خرجنا مشاركين في فوطة وحدة هي لي كينة كاين غاجر ليا نجر ليك صافي هو بقا كيلبس و انا مشيت بالفوطة لبيت خالتي و لبست و هبطت لقيت خالتي كتشوف فيا و كتضحك <br>
خالتي: هههه عملتوها <br>
انا: ويلي خالتيي حشومة <br>
ياسر: شنو دارو و شكون <br>
انا: والو والو نتا غير فطر و متصدعش ليا راسك