احببت محتالة

تتمة

Salam lbnat desoooleee bzaaaf bzaaaf bzaaaaf hittt t3atalt ealikum wlh tahmaana mnkum manwitsh ytra hdsh mss wlh takant tlfat liya lqissa o ylh lyuma lqitha mhm db anhat likum tatima kamlaaaaa o mrc hit tsanituu o kaneawd ngul dsl 😍😳😍😍😳😳😳

جلسنا في جردة انا و خالتي بقينا ساكتين شوية و هي تهدر <br>
خالتي: عندك يحاسب ليك سامحتك على ديك الفعلة و راني باقا متقتش فيك و مخلياك عندي غير على قبل ياسر لي باقي لحدي الان ممتأكداش بلي واش ولد ولدي ولا ولد هداك لي هربتي معاه <br>
انا حنيت عيني حيت عندها الحق تقول عليا هاكا <br>
الحاجة: و فينهو دبا ياكما هرب عليك وكيفاش تلاقيتي بختي فاطمة(الحاجة)<br>
انا تنهدت و خديت نفس عميق و قلت ليها كلشي بتفصيل الممل ...هي دارت فيا شي شوفات : راني غادي نسيفط لواحد الدكتور باش نديرو تحاليل الادينا باش نتأكد واش ولد ولدي ولا لا و نتي غتبقاي هنا نتي و دري غير خاص ياسين مايشوفكش ماعرفتش ردة الفعل ديالو ..صافي جاب لينا اناس الماكلة كيعجبني هاد سيد عندو غير نيشان ..تغدينا و بديت ترويض لخالتي كنخدم ليها رجليها باش تجيها ساهلة المهيم بقينا ايام و حنا كنحاول ووالو مقدرتش توقف عيطات لواحد الطبيب خدام في العيادة ديالهم و عطاتو يدير تحليل الادنا ووصات اناس يدبر ليها في جوج خدمات و شيفور داكشي نيت لي دار جاو جوج بنات بقين صغار يكونو في العشرينات ممزوجينش و شيفور رجل كبير شوية هو نيت لي كان كيسوق بعمي عتمان عاد رتحيت شوية ولاو البنات كيقبلو كلشي و شيفور كيتسخر وخا راجل كبير مسكين انا وليت مقبلاها غير هي و ياسر و مرة مرة كنحضي مع دوك الخدامات لا تكون يديهم خفيفة ولا الغاشي في الدار ما بقيناش بوحدنا و خالتي غادية و كتحسن وحد النهار نضت دوشت صليت لبست ساية فايتة ركبا شوية و بودي و طلقت شعري عادي كاينين غير حنا البنات في الدار خليت ياسر ناعس دخلت لعند خالتي عيشة لقيتها باقا ناعسة نزلت عندوك جوجات لقيتهم شادين لهدرة غوت عليهم باش يسيبو الفطور(دايرا فيها انا مولات الدار زعمة) شوية كنسمع شي حد حل الباب خرجت لجردة نشوف شكون وصدمة كتالي <br>
واقفة كنشوف فيه و كيشوف فيا و قلبي كيضرب بزربة رجلي فشلو عليا (هو العالم الله بيه لي لقاني في دارو) بديت تنرجع الور و درت بغيت نهرب و انا نحس بشي ضربة جاتني لوجهي دوختني حتى طحت في الارض معرفتش كيفاش ولا امتا وصل لعندي شديت من حنكي و كنشوف فيه و عيني مغرغرين هو واقف عليا و كيخنزر و عينو حمرين شدني من شعري : نتي اش كديري هنا ..... و لا كيجرني لبرا و انا غير كنطلب فيه و كنغوت و كنبكي و كنحاول نحيد ليه يدو و في نفس الوقت نهبط السايا و كلشي كيتفرج فيا حل الباب و يلاه غادي يلوحني على برا و حنا نسمعو شي صوت جا من لهيه <br>
خالتي: ياسين وقف ...دار عند مو و بقا مصدوم فيها و هي جاية بكرسي متحرك و حيدت ليه يدو من شعري بزز <br>
خالتي: ها سخط ها رضا الا خرجتيها من هنا هو شاف فيا شوفات كيقتلو ويلاه هز يدو باش يعاود ليا ضربا انا درت يدي على وجهي وهي تهدر خالتي: ياسين باركا صافي دخول درتي شوهة ...صافي هو مشا مغدد و انا تلاحيت على حزت خالتي و بقيت كنبكي و هي تهمس ليا: صافي نوضي لبيتك و متخليش ياسين يشوف ياسر تايخرج الاختبار ...انا مسحت دموعي و مشيت كنجري كملت بكايا في البيت ياسر حبيبي جا جلس حدايا و عطاني شكلاط : ماما هكي شكلاط و متبقايش تبكي لي بغيتيها نشريها ليك ...وبقا مسكين كيمسح ليا في دميعاتي <br>
ياسين كيغوت : هادييييي شكوون جابها لهنا خالتي: غير سمع اولدي <br>
هو كيخبط في طوابل و كيهرس لي قدامو و كيحاول يتاجه لغرفة لي فيها انا و كتحبسو خالتي: تخرج دباااا فحالها <br>
خالتي : راه هي لي مقابلاني اوليدي <br>
ياسين : غادي نجيب ليك حسن منها و لكن باش نتيق و نعاود ندخل ساقطة لداري هادي لعمرها تكون ليها دارت تا عيات مع هداك الحمار و راجعا لعندي و لكن ليوما غادي نقتلها <br>
خالتي : ولدي اي اي قلبي غيسكت <br>
ياسين: ماما ماما واش لباس بلاتي نشوف ليك قلبك <br>
خالتي: لا اوليدي انا اصلا مبقيتش كنتحمل الغوات و صداع عفاك اولدي دير بوجهي و خليها في الاخر كتبقى بنت صاحبتي اولا عفاك اوليدي راه هي لي مقابلاني عفاك اوليدي انا ميمتك دير غير بوجهي ...ياسين خنزر تاعيا و طلع لبيتو ..اما انا مبقيتش خرجت حتى حسيت بيهم تغداو و جات عندي خالتي ودخلت شافت ليا في حنكي و بضبط حدا فمي واحد لبلاسة زرقة بسباب الضربة قاستها ليا و انا نتقصح <br>
خالتي : راني قلت ليك مخصكش تباني ليه تاهو معلمنيش وليني مشكيل هدا دبا مخصوش يشوف ياسر و لا منعرف اش غيدير <br>
انا: بانليا واقلة نمشي فحالي حسن مبغيتش ياسر يتعقد لا ضربني مرة اخرة <br>
خالتي: لا لا معندك فين تمشي انا مغديش نخليه يقسك و كلها ايام و يرجع لخدمتو دبا يالاه تغداو باينة غيكون جاكوم جوع نقز ياسر هو لول ...خرجنا مسلتين باش ميسمعش الحس دخلنا الكوزينة حطو لينا الغدا كنتغدا انا ولدي و خالتي مشات تلاهي ولدها باش ميهبطش عندنا هما يجيو عندي دوك جوج حلقومات(خدمات)<br>
نسرين كتعوج :شوفي شوفي يا ختي ضربك ضربا واعرة خلات لاطراس (كيتشفاو فيا )<br>
منال: ويي واش كنت كطربطك بيه شي علاقة شفتو محاملكش كون ما لالة عيشة كون راكي كفتة <br>
انا حطيت المعلقة من يدي: دخلو لسوق جواكم <br>