احببت محتالة

😘

انا : باش باش اح قسحتيني ...هو زير عليا : متبدليش الموضوع شكون هداك <br>
انا: وغا طلق و نقولك شكون <br>
ياسين: واش كتلعبي معايا <br>
انا: راك قسحتينييي اييي و غير طلقنييي و غنقوليك كلشي ..ساعة لي طلقني دفعتو لبيسين و مشيت كنجري طلعت لبيت خالتي وسديت الباب واااو بالخلعة وليت هشام الغروج كنقز 4 درجات <br>
خالتي :بشوية عليك ابنتي مالك <br>
انا كنتنفس لصعوبة : راه راه حسلني مع دكتور <br>
خالتي : شاف تحليل <br>
انا : لا راني درتها في صدري هاكيهم <br>
خالتي : معلمة راني كنت حادية معاه هو جا هزني من الكرسي و جابني لبيتي و خلا الكرسي لتحت و هبط يجيبو ليا <br>
انا: صافي انا مشيت فيها غيقتلني شنو غنقوليه <br>
خالتي: خاليها عليا عاونيني نطلع في الكرسي ديالي ...صافي جلستها في الكرسي و تمشيت بها كنشوف ياسين ساخط و جاي لتيجاهي نيشان انا تخبيت مورة خالتي و خالتي كتهدر معاه و هو جاي ليا انا نيشان بديت كنراوغ هو من هنا و انا منهنا ولينا دراري صغار هربت هو شدني هزني ديريكت لابيسين و لاحني تما و تلاح من مورية ميمتي ليومة غادي يغرقني انا بغيت نجري في الما شوفو على كلاخ او بالاحرى الخلعة هادي شدني بقا كيخشيني في الما و يطلع شي 4 المرات و خالتي كتغوت انا مبقيتش قادة كنطلبو و شادة منو شربت الما بزاف و هو كيضحاك عاجبو الحال عاد طلع و طلعني و مشا منتاصر زعمة انا بقيت كنلتاقط انفاسي في الارض و كنكحب جات عندي خالتي و عيطات على دوك جوج حلقومات عاونني تا داوني لبيت نضت بدلت عليا ديك الحالة لبست غير شورط و ديباردو بيض وتغطيت وتكيت شوية ..شي شوية كنحس بشي حد كيبوس فيا <br>
انا: ولدي ياسر جيتي <br>
ياسر: ماما ياكما مريضة <br>
انا : لا اوليدي راني بيخير ..حاولت نوض و لكن راسي تقال عليا بزاف و كنحس براسي مجروحة في حلقي جات خالتي: مالكي ابنتي منضتيش ...انا: لا راه غير عيييت ...حاولت نوض تاني مقضيتش و هي ترجعني لبلاستي و قاست ليا راس : اه اه ابنتي الحرارة طالعة ليك بزاااف انا نعيط لياسين ...انا شديت ليها من يديها و درت ليها لا براسي <br>
خالتي: سكتي ابنتي هو لي مرضك هو لي غيعالجك بز منو ...مشات خالتي كتعبط ليه كنسمعها كتقول ليه : شفتيها دابا هاهي مرضات بسبابك <br>
ياسين: و اش بغيتيني ندير ليها هي لي ستافزاتني <br>
خالتي: كيفما مرضتيها غتعاجها <br>
ياسين : انا نحط يدي في هاديك عمرها لكانت ليها <br>
خالتي : زعمة راك طبيب خاصك تحيد العداوة شخصية و تمارس مهنتك و تعالج مريض <br>
ياسين: ايه اماما عندك الحق و لكن الا هاديك <br>
خالتي: اويلي لبنت على ممات و نت تقول ليا الا هاديك سمع لما زدتيش شفتيها منا مك ما نت ولدي ...شاف تا عيا و قاليها: سبقيني نجيب المطريال و نجي <br>
جات دخلات عندي خالتي فرحانة: هاهو جاي ...بقات شادة ليا من راسي تاجا ياسين عاد مشات خالتي من ليهيه و جرات عندها ياسر هو جا جلس في نموسيتي قاس ليا بيدو راسي حيد ليا ليزار و طلع ليا تريكو و حط يدو على كرشي انا تزعزعت حيت يدو باردة و حسيت بشي حاجة اخرى و حشمت قدام خالتي ..بقى كيقلب بيدو في كرشي شوية جبد سماعة ديال القلب و حطها ليا على صدري و بقى حاطها و يشوف فيا و مرة مرة كيشوف ليا في صدري شوية كينزل لكرشي <br>
خالتي: وليدي ياسين دير سماعة في ودنيك (ههه فرشاتو )هو حشم و حيد سماعة و جبد ليا هديك لي كتقيس ضغط لقا عندي ضغط هابط (هو سبابو) <br>
ياسين: عندها حمة خفيفة غدي تعطيها واحد البرا و غدة غتكون مزيانة <br>
ياسر دار عند خالتي: كيفاش حمة <br>
خالتي : السخانة زعمة<br>
ياسر: نقوليك واحد الحاجة هدا ما طبيب ما والو دار بزاف ديال الحوايج باش يعرفها سخانة انا غير قست ليها راسها عرفتها ...خالتي شداتها الضحكة انا خرجت عيني في ياسر اما ياسين مهدرش ناض و جاب لبرة و ضربها ليا و مشا فحالو ..صافي جات حداية خالتي بقينا كنضحكو على الهدرة لي قال ياسر صافي نعسنا صباح صباح الحمدالله النشاط صحة فيقت ولدي لبستو تانا لبست سايا قصيرة تجين و قاميجة شفافة كتبين اش لابسة لتحت و خشيتها في سايا و تانا درت ليك المكياج شحال محطيتو في وجهي و لكن جابتو ضرورة و خرجت لقيت خالتي جالسة سلمت عليها باست ياسر فطرنا عاد هبط سيد لبس قميجة كحلة كم طيه و مزيرة و حال صديفات باش يبين صدرو و سروال كحل وهابط كيسد في المgانة ديالو هز راسو : صباح لخير الول...بقا سيد مصدوم فيا عينيه حوالو و انا ما جايبة لدنيا خبار باركا ندهن لياسر شكلاط في الخبز....خالتي: صباح لخير اولدي....شفتو كيشوف فيا و هي تغمزني و انا نطلع فيه عيني و هو يهبط راسو: ااااه اش قلتي الوليدة نجيب ليك...خالتي : والو اولدي قالت ليك غير صباح الخير (شدتنا انا وياها الضحكة ) صافي فطرنا خالتي شدات ياسر و داتو لعند اناس بقيت غير انا و ياسين راس في راس ...ياسين:اااا خاصني نعاود ليك الفحص بحال البارح ...و انا نشوف فيه و ابتسمت عرفت داك الفحص غير سبة و انا نتحول لكرسي لي حداه هو تصدم هزيت ليه يديه و حطيتها على قلبي سيد تبنج<br>
انا بصوت متير مرة اخرى: هنتا انا كلي ليك فحصني كيفما بغيتي
انا : هنتا انا كلي ليك فحصني كيفما بغيتي ..وحطيت يدي على عنقو هو جبدني لعندو و جلسني فوق فخضو وانا ضايرة يدي على عنقو هو يد شادني بيد و اليد الاخرى كتلعب ليا في فخضي و يلاه بغينا نتفلوريطاو وانا نبعد عليه و وقفت و شفت فيه و بتاسمت: خالتي جاية ...هو تصدم معرف باش تبلا <br>
خالتي شافتنا و دايرا برسها ماشفت والو و تاهي شادها الضحكة : مالكم <br>
تانا شاداني الضحكة: والو غير سي الطبيب بغا يدير ليا الفحص <br>
ياسين باقي مبنج و كيشوف فيا(حالفا يوليدي تنشحفك ابلاتي) <br>
خالتي: مزيان اوليدي حيدتي الكره من قلبك <br>
ياسين: ااا نعام اش قلتي ما فهمتش المهيم انا غنمشي لعيادة غير مشا و حنا نرشقو انا و خالتي <br>
خالتي: ووراك مصيبة تنتي مساهلاش<br>
انا: هههه ويي ويي راه انا فاش كنت عازبة كنت ديما تنقرى على تقافة الجنسية كنت كنحيد بيها الجفاف العاطيفي و منها نستافد تانا <br>
خالتي: ايواا معندي ميتسالك برافووو <br>
انا: شكرا شكرا ....صافي كملنا انا و خالتي الضحك و تقشاب و ترويض وصلات وقيتة الغدا انا كنستف في طباسل في طبلة في جردة و خالتي جالسا و تتحاول تحرك في رجليها شوية كنشوفو الباب تحل دخل ياسين كيضحك و داخلة من موراه بنت زعرة و لابسة الميني درت شفت في خالتي درت ليها بعيني شكون هادي دارت ليا منعرف جابها <br>
ياسين: ماما نقدم ليك سوسن بنت شريك ديالي في مشفى سرطان لي في رباط سوسن هادي ماما <br>
سوسن : مشرفين اخالتي <br>
خالتي دارت فيها شوفة ناقصة : مم مشرفين ...سوسن دارت لعندي وشافت في ياسين <br>
ياسين: اه هادي الممرضة لي مقابلة ماما <br>
ضارت شوفا ناقصة و تانا ضرتفيها شوفا و تسلمة ناقصين : مشرفين <br>
ياسين: في الحقيقة سوسن جات لكازا و بغات تمشي لوطيل و اقتارحت عليها تبقى معنا في الدار هاد المدة ...دارت شفت في ياسين و خنزرت تاهو شاف فيا و دار ديك الابتسامة ديال الانتصار (ولد الحرام رجعها ليا) ..سوسن دارت عند ياسين : في الحقيقة انا فرحانة بزاف حيت غادي نقدي معاك هاد المدة في دارك ...ياسين: متكونش قد الفرحة ديالي ....طلعت معايا الحرارة كنحس بدمي كيغلي و درت عند خالتي: انا غادي نمشي نقولهم يديرو بحساب الانسة لغدا ...خالتي حسات بيا و قالت ليا سيري ..تميت غادية كنحس براسي باغا نبكي بداو كينزلو دموعي غير بوحدهم و قلبي كيضرني معرفت مالي و انا نحس بشي واحد جرني <br>
ياسين: كتبكي توتو تو (و بدا كيمسح ليا دموعي)فعلا ما تقهر المرءة الا مرءة مثلها مزال غادي نخليك تبكي دم ...ودفعني ومشا انا نزلت و بقيت نبكي شي شوية نضت غسلت وجهي عاودت مكياجي مشيت عند دوك المشات لي في الكوزينة علمتهم يديرو بحسابها و مكرهتش يديرو سم فوقو و قلت ليهم يجيبو العصير دخلت ضاحكة لعندهم جلست حدا خالتي و هما حدا بعضهم كيضحكو بجوج <br>
خالتي: تفوو هاد البنت ما دخلاتش ليا الخاطري بمرة <br>
انا: ويييه دبا اش غنديرو لهاد خيتي لي طلعت لينا من جنب <br>
خالتي : ما نفعله كل مرة نديرو خطط ضدها هانتي شوفي خاليها ليا و نتي تكلفي ليا غير بياسين <br>
انا: كوني هانية <br>
صافي تغدينا هدرنا تفقصنا جمعناها في ديك الطبلة...ياسين : سوسن كنضن بلي راك عيانة تعالي نطلعك لبيت ضيوف ترتاحي ...سوسن : نيت و نكملو هدرتنا تما ...انا كنشوف في خالتي زعمة ديري شي حاجةوهي دير ليا خالتي براسها بلاتي و دارت عند ياسين : ياك قلتي غدي دير الفحص لايمان راها من صباح و هي حاسة براسها ماشي تال لهيه اما سوسن انا لي غادي نديها البيت كيفما هي ضيفتك راها ضيفتي حتى انا و نتا راه الواجب يناديك ....و دارت عندي خلتي و غمزتنيي(اي لوف يوووو خالتيي ) هو مقدر يقول والو و سوسن باينا معجبهاش الحال و لكن مابغاتش تخسر لخالتي ...ياسين : يالاه سيري قدامي نشوف هاد العية ديالك ...بقيت غادية انا القدام و هو موراية كنحس بيه كيرقبني و انا كنهبط ساية حيت قصيرة بزاف دخلنا سديت الباب جلسني فوق نموسية و جلس مقابل ليا و بقى كيقيس ليا الضغط ...ياسين: حيديي لقميجة <br>
انا: كيفااشش ....ياسين: كفما سمعتي باش نقدر نقيس ليك دقات القلب ديالك <br>
انا: يمكنليك تقيسهم فوق القميجة <br>
ياسين: نتي ممرضة نتي؟ سماعة مصايبنها باش تحط على الحم ماشي الحويج ....صراحة عندو الحق صافي حيدت القميجة و بقيت غير بحمالة صدر كحلين و مع انا بيضا جيت سيكسي وتكيت فوق نموسية و هو حطها على قلبي و بقا تيسمع و انا غمضت عيني بنما سالا شي شوية حيد سماعة ديال القلب و كنحس بيه كيقيس ليا كرشي مبغيتش نحل عيني شوية كنحس بيه كيبوس ليا كرشي و غادي و طالع تا وصل لوجهي ..انا بصوت خافت: اش كدير <br>
ياسين: اشششش ..وغمض ليا عيني بيديه و حط فمو على فمي و يدو مخلات حتى بلاسة مقاستها بقا كينزل لعنقي يبوسني فيه و انا نقلبو ولا هو التحت و انا الفوق و حطيت فمي على فمو و بديت كنحيد ليه غي صدايف ديال القميجة و كندوز يدي علة العضلات ديالو(شحال تسنيت هاد اللحضة ) هو طير ليا حمالة صدر و قلبني تاني ولا هو الفوق و تاهو طير القميجة بقينا بوس فيا نبوس فيك قربنا ندخلو المعقول .......... حتا كنسمع الدقان
كنسمع الدقان ...اويلي شكون غيجي لعندي دبا تفو على زهر بغيت نوض ياسين لقيتو مكاينش في هاد العالم جالس كيبوس ليا في عنقي و انا نوضو غير بزز و ضفعتو وغطيت على صدري بيدي و كنهجو بجوج ...وشوية شي حد بغا يحل الباب و متحلش ليه و بقى كيدق <br>
ياسر: ماما نتي هنا حلي <br>
انا درت عند ياسين : ناري ولدي هنا مخصوش يشوفني في هاد الحالة<br>
ياسين: مزيات نيت يشوف باش يوصلها لباه ..خنزرت فيه و نضت هزيت تريكو من الماريو و لبستو دغيا و و ياسين لبس قاميجتو وكيسد غي صدايف ومشيت حليت الباب على ولدي <br>
ياسر: ماما مالكي محليتيش و مالك مشعكة و اش كيدير هدا في بيتنا <br>
انا: لا والو غير جا يفحصني حيت كنت مريضة <br>
ياسر : واش مريضة بزاف <br>
ياسين : لا متخافش راها صحت راه عطيتها الدوا ..واش غيا و ضحك و مشا ويليي زدق مكيحشمش هههه باز <br>
ياسر: فيا الجوع بزاااف <br>
انا : اه يالاه نمشيو لكوزينة نعطيك غداك و نرجع نبدل عليا هاد الحالة ...تميت غادية و انا نشوف ياسين واقف و قدامو خالتي و سوسن ووقفت حدا ياسين <br>
خالتي: ولدي شنو ديك الحمورية لي في عنقك و في وجهك <br>
ياسين بدا كيقيس و جهو : انا حمورية <br>
خالتي : نزل عندي نشوف ليك <br>
نزل عندها كتقيس ليه في عنقو و كتشم : هدا عكر اولدي ....ويلي ويلي على مرgااا انا حشمت في بلاستي و تاهو تزير <br>
وهي دور عندي: و تي مالك مشعكة و مخربقة حويجك ...سوسن بقات غير مصدومة فينا و فهمات كلشي و خالتي معياتش بالاسئلة<br>
ياسين: انا غادي نطلع ندوش ...ومشا و خلاني حاصلة تما <br>
سوسن : تانا يمكن غنطلع اخالتي نرتاح شوية شكرا حيت وريتيني الدار ...وخنزرت فيا ومشات ...بقينا انا و خالتي كنشوفو في بعضيتنا و حنا نفاجرو بضحك <br>
انا: ههههه شفتي وجهها كيولا <br>
خالتي: واناريي و جميع الالوان دازو في وجهها ...ياسر بقا غير تيشوف فينا مفهم والو مسكين باقي صغيور مشيت نيت عطيتو ياكل مشيت دوشت و بدلت عليا ديك الحالة لبست سروال تجين و تيشورتا و مشيت عند خالتي شادين نميمة و الخطط ضد ديك سوسن ..نزلو تعشينا سوسن ماشي تال لهيه كتاكل فوق نفس و كتشوف فيا و في ياسين و نظرات لي كنتبادلو انا وياه فوق طابلة مشافتش تحت طابلة كنطلع معاه رجلي وهو كيركلني و انا نركلو و قلبناها ركيل ...وخالتي كل ساعة تحط لسوسن الماكلة قدامها: كلي ابنتي كلي راك بنتي ليا ضعيفة شوفي تبركالله ايمان طايتها زوينة من عند الله مكدير لا حمية لا والو وكتاكل لي يغات <br>
ياسين: ااه و على حسابي انا <br>
انا: على حساب خالتي gالا <br>
ياسين: وراه خالتك هي الوليدة على ما اظن <br>
خالتي: بركا نتوما من المدابزة ديال دراري صغار زعمة راه عندنا الضياف <br>
انا: وراه هو لي بدا <br>
خالتي: ايمان صافي انا غنتفاهم معاه <br>
درت عندو و بقيت كنقلي ليه سم ..هو خنزر فيا و ضرب طابلة و ناض (سير مشية بلا رجعة) <br>
سوسن : تانا خاصني نمشي خصني نهدر مع ياسين في شي موضوع ديال الخدمة <br>
شفت في خالتي : بلاتي ابنتييي بقاي جلسي معانا نتي في فاكونس <br>
سوسن : لا رااه ....خالتي: كطرفضي هاد طلب الوحيد ديالي و انا مريضة كيميمتك <br>
سوسن: لا ماشي هكاك صافي صافي انا غنجلس...غمزتني خالتي بقينا مريحين و شادينها بالهدرة تاعيات و طلعنا معاها تال بيتها عاد مشينا انا وخالتي كنتراشقو وكنضحكو و دخلنا نعسنا ...فقت صباح على صوت حبيبي ياسر كيفق فيا باش نسايب ليه طيارتو(معرفتش كيف كيدير حتى كيعرسها) صافي سيبتها ليه بزز بسكوتش و لبستو و تانا لبست كسوة بالبيض و كلون بالبيض و درت كوب شفال ودرت مكياج في الغوز <br>
ياسر: وووواو اماما جيتييي قطيطة <br>
انا: ربيي اخليك اوليدي منعرف منين كتجيب هاد المصطلحات ..خرجت و غادية لجيهت الكوزينة و انا نسمع ضحك في جردة و خرجت كنجري لقيت سوسن لابسة مايو و كتعوم في لبيسين و ياسين داربلك شورط و باركين يتراشو بالما و كيضحكو <br>
سوسن : مكنتيش هاكا غير جيتي لهنا وليتي واحد اخر <br>
ياسين:وايلي كي كنت <br>
سوسن : هههه معقد .....هو يرش عليها الما انا طلعت معايا سخونية و محملتش راسي و شدتني البكية و الغبطة هو دار وشاف فيا و ضحك واحد ضحكة مفهتهاش : هاديك خايتي غتبقاي تفرجي فيني جيبي لينا جوج كيسان ديال العصير ياله صربي ران سوسن مكيعجبهاش تسنا <br>
وهي تشد ليه سوسن في كتافو و شافت فيا و ابتاسمت ....انا كنت غادي نطرطق حسيت براسي مكنسوة كتى بصلة(ديزولي البصلة غلات حمصة متلا) صافي مشيت جبتو ليهم هي خداتو و قالت ليا ديك ميرسي و هو دار براسو غيشدو و كفحو عليا كسوتي كانت بيضا ولات صفرة بلعصير <br>
ياسين : مالكي مكتشوفيش هانتي دبا كفحتي ليا العصير ديالي و دبا سيري جيبي واحد اخر ...انا خنزرت فيه وليت كنتنفخ و كنتفش ..ياسين: مالك كتشوفي فيا يالاه سربي ...وديك سوسن كضحك بتخبية نارييي على احساس الاهانة صافي عاودت ديت ليه العصير و طلعت عند خالتي كنبكي عاودت ليها على ستون لي دار ليا <br>
خالتي : عندي فكرة باش نغيرو مجرا القصة ولكن ديك سوسن خصها تبات متصبح <br>
انا: كيف غنديرو ليها <br>
خالتي: و اجي نبلانيو انا وياك<br>