كبرياء رجل وامرأة

الحلقة الاولي

هنبدأ ببطلة قصتنا سارة هي بنت شابة وجميلة جسمها رياضي شعرها اسود طويل عيونها بني تعمل في الشرطة والدها ووالدتها اتوفو في حادثة وهي عايشه لوحدها في شقه تملكها معندهاش صديقة مقربة منها وهي تميل للوحدة وديما مركزة في شغلها وتمرينتها وديما تحاول تتقدم علشان تثبت ان الست تقدر تقوم بأي وظيفه غير انها مكروها من زمايلها لان كلهم رجاله وهي بتقوم بمهمات هما بيفشلو فيها وتعتبر هي الست الوحيدة اللي بتعمل في المجال دا  نبدأ

سارة كانت في مكتبها بتقرأ في ملفات يدخل عليها ضابط ويبلغها ان المدير عاوزها سارة تقوم وتخبط علي باب المكتب وتدخل

سارة:حضرتك طلبتني يا فندم

المدير :اتفضلي اقعدي 

المدير:انا مش عارف اجيبلك الموضوع ازاي

سارة:خير يا فندم

المدير:انا عارف انك بتحبي تقومي بمهماتك بنفسك ومبتحبيش تدخل اي عنصر رجالي بصي انتي متفوقه في شغلك ومافيش مهمة بتقف قصادك وانا عارف دا وواثق من امكانياتك بس مع الأسف الادارة رافضة وجودك هنا كونك انك ست

سارة:حضرتك عاوزني اسيب شغلي

المدير:لا طبعا انا مقدرش استغني عنك وفي مهمات محدش غيرك بيقدر يعملها

سارة:امال حضرتك تقصد ايه

المدير:انا حاولت اتكلم مع الادارة وقلت اني محتاجك هما وافقوا بس بشرط انهم هيبعتو ضابط تشتغلي معاه وهو اللي يحكم عليكي اذا كنت تكملي او لا

سارة:افندم حضرتك عاوز حد يقيم شغلي ومستوايا لا طبعا ديه اهانه انا بحب شغلي اه بس مقبلش اتهان فيه

المدير:علي فكرة المشكله مش في كدا خالص المشكله في الضابط اللي هيقيمك

سارة:انا موافقتش علي فكرة بس مين دا يعني

المدير:ادهم

سارة:نعم دا مبيطقش الستات حضرتك دا من اول يوم هيكتب اني منفعش لا طبعا دا كدا هما بيقولولي امشي بالزوق لا طبعا

المدير:شوفي يا سارة انتي زي بنتي انا واثق انك تقدري تثبتي انك تستحقي انك تكوني هنا لازم توافقي وبعدين هو ميقدرش يعمل كدا انتي ناسيه اني مديره هنا ولا ايه

سارة:بس يا فندم

المدير:ديه اوامر يا حضرة الضابط ولازم تنفذيها انا هستدعي الضابط ادهم حالا وهبلغه قدامك

المدير استدعي ادهم وادهم خبط ودخل ادهم بواسمته الملفته لنظر اي شحص وجسده الرياضي عينيه البنيتين متفوق في عمله جدا لكن لا يؤمن ان المرأة تستطيع العمل في اي مجال ولا يحب النساء في العموم 

ادهم:حضرتك طلبتني

المدير:ايوة اتفضل اقعد

ادهم(جلس):خير يا فندم