كبرياء رجل وامرأة

الحلقة السادسة عشر

سارة:مافيش مش ورانا حاجه غير تدريب محمد وايه وانا تعبانه بصراحه فبكره هاخده اجازه

ادهم:ماشي يا حبي وانا هغطي عليكي متقلقيش بس بقولك قبل ما تنامي كلميني

سارة:قشطه

ادهم:لو مكلمتنيش هجيلك

سارة:عارفه انك مجنون هكلمك والله

نزلت سارة وطلعت الشقه وادهم طلع علي بيتها واول ما دخلت لاقت عمها وابن عمها

سارة:عمي

محمد:توك ما افتكرتي انك ليكي عم

سارة(وحاولت متبينش حاجه):عمي انا اسفه بس الصدمه كانت كبيرة عليا ومعرفتش اعمل حاجه وطنط الله يرحمها طلبت مني امشي ومحضرش الدفنه وطلبت معيطش عليها كان لازم انفذ وصيتها

محمد(خدها في حضنه):خلاص يا بنتي هي راحت عند الاحسن مني ومنك المهم دلوقتي انتي هترجعي معايا البلد

سارة(بعدت عنه):ليه

محمد:هتجوزي ابن عمك ونعيش كلنا هناك

سارة:انا ورايا شغل هنا غير دا ودا انا مبحبش مصطفي ومش هجوز واحد انا ارجل منه

مصطفي:ما تلمي نفسك

محمد:اسكت انت يا مصطفي قوليلي يا سارة مين اللي كان معاكي لما جيتي البلد

سارة:دا حضرة الضابط ادهم بنشتغل سوا وهو كان معايا وقت مكالمة حضرتك وقال ازاي هسوق في وقت متأخر واصر يجي وانا مكنتش مركزة فعلا

محمد:وكان معاكي في وقت متأخر بيعمل ايه

سارة:كنا في فرح طلاب عندنا

محمد:طيب تمام شوفي يا بنتي انا سايبك براحتك ومبضغطش عليكي انا ماشي دلوقتي ومتنسيش اتفاقك معايا انك لو جالك عريس هتجيبه وتجيلي

سارة:طبعا طبعا يا عمي

محمد:يلا عن اذنك يا بنتي

سارة:عمي معلش ممكن نسخة المفتاح اللي معاك

محمد:ليه

سارة:علشان النسخه بتاعتي ضاعت والنسخه اللي دخلت بيها ديه بتاعت مراة البواب علشان بتطلع تنضف الشقه

محمد:طيب اتفضلي

خرج محمد ومصطفي وسارة قفلت وراهم وراحت غيرت هدومها ولسه هتنام لاقت موبيلها بيرن وكان ادهم

سارة:الو

ادهم:انتي لسه منمتيش

سارة:انا كنت هنام اهو كويس انك اتصلت انا رجعت لاقيت عمي ومصطفي في الشقه

ادهم:ايه

سارة:حكتله اللي حصل

ادهم:عاوز يجوزك لمصطفي