كبرياء رجل وامرأة

الحلقة الخامسة عشر

ساندي:خريجة اداب بس ايه اللي خلاكي تسئلي

سارة:اصل باين عليكي متعلمه مش من الشارع يعني ايه اللي حدفك علي الشغلانه ديه

ساندي:بصي انا هحكيلك علشان ارتحتلك انا كنت بحب واحد ايام الكلية وكدا زي اي اتنين عادي وبعدها عمل معايا الصح ورماني وبقا يتهرب مني لحد ما اختفي واهلي كانو عاوزين يجوزوني وطبعا مش هينفع فهربت وواحده خدتني وعرفتني علي الطريق دا بس كدا

سارة:طيب ومدورتيش علي شغلانه محترمه ليه وخصوصا انك متخرجه

ساندي:ملقتش وغير دا ودا الست اللي مشغلاني ماسكه عليا سي ديهات وعاوزة تفضحني

سارة:اها تمام بس انتي عاوزة تتوبي يعني ولا ايه نظامك

ساندي:ياريت بس اللي يساعدني

ادهم:انا هبعتك لواحد صحبي وحبيبي في الاداب احكيله وهو هيقبض علي الست ويجبلك السيديهات وهجبلك شغلانه بس بالحلال هاه

ساندي:انتو بتتكلمو بجد

سارة:اه بس بعد لما تساعديني في المهمه ديه كل دا هيحصل وانا هوفرلك مكان تعيشي فيه لحد ما تظبطي امورك حلو كدا

ساندي:حلو

كملو اكل وبعدها ساندي ادت الحاجه لسارة وسارة طلعت الفستان من الشنط ولما شافته فتحت بوقها وبصت لساندي

سارة:انا قولت حاجه طويله بس مقولتش قميص نوم

ساندي:خلاص نجيب واسع بس هترقصي وتحاولي تلفتي الانتباه

سارة:ارقص هو انا بعرف احرك وسطي لما ارقص خلاص هخش اشوفه واما نشوف

دخلت سارة وقاسته وطبعا الفستان مفتوح من فوق ومن الجمب وكان مبين شكل جسمها ساندي خبطت علي الباب

ساندي:ايه كل دا حضرتك بتلبسي

سارة:انا هفتحلك الباب وتدخليلي فاهمه

ساندي:ماشي

سارة فتحت ودخلت ساندي وقفلت الباب علشان ادهم

ساندي:ما حلو اهو

سارة:اكيد مش هخرج بقميص النوم دا انتي بتهرجي دا مبين شكل جسمي غير اللي فوق دا

ساندي:امال انتي كنتي متوقعه ايه مهو لازم يبقا مجسم

سارة:هو اللبس دا الناس بتخرج بيه

ساندي:اه والله

سارة:بقولك انتي مش قولتي ينفع يكون فوقيه جاكيت

ساندي:اه وجبته بس الجاكيت هيبقا مفتوح

سارة:اخرجي هاتي الجاكيت كدا

خرجت ساندي وجابت الجاكيت وادهم قاعد مستني برا وكان عاوز يدخل بس مينفعش علشان ساندي وساره خدت الجاكيت من ساندي ولبسته وبردك مافيش فايده