كبرياء رجل وامرأة

الحلقة الثامنة والعشرون

ياسمين:كنت سرحان في مين يا خلبوص

يوسف:لا مكنتش سرحان

ياسمين:طيب انا هخش انام تصبح علي خير

يوسف:وانتي من اهله

ياسمين دخلت تنام ويوسف قام بعدها بشوية وتاني يوم صحي وحضر الفطار وياسمين صحيت وخرجت وفطرو

يوسف:بقولك انا هلم الحاجه علشان المركب جايه

ياسمين:مش انت قولت يومين

يوسف:هو انا قلت اننا هنرجع

ياسمين:ماشي

يوسف وياسمين لمو الحاجه والمركب وصلت وطلعو عليها والراجل نزل ويوسف راح وساق المركب

ياسمين:يا يوسف حرام عليك انت اللي هتسوق لا ونبي بلاش

يوسف:متخافيش بعرف وبعدين هو هيجي بكره الصبح يرجعنا

ياسمين:ما تقول كدا يا عم انت عاوز يوم في البر ويوم في البحر

يوسف:ايون بالظبط كدا دلوقتي بقا هطلب طلب

ياسمين:اطلب

يوسف:هتنزلي تحت تدخلي الاوضة اللي علي اليمين هتلاقي فستان علي السرير هتلبسيه وتجهزي وتطلعي كمان ساعتين ماشي

ياسمين:وانا هتحبس في الاوضة ساعتين وانا ولا معايا موبيل ولا اي حاجه

يوسف:مين قال كدا انتي اصلا بتاخدي وقت ولو فاض وقت هتلاقي المجلات اللي بتبعيها العدد الجديد منها تحت

ياسمين:ماشي يا معلم

نزلت ياسمين ويوسف وقف المركب وراح ظبط طرابيزة وكراسي وجاب بلالين وشموع ونزل جاب الاكل وحطو وجهز القاعده ونزل لبس بدله وياسمين لما دخلت لاقت فستان شيك وجزمه ولاقت مكياج علي التسريحه وبدأت تجهز ولما خلصت ومرت الساعتين طلعت وانبهرت باللي يوسف عمله ولاقته واقف باصص للبحر

ياسمين:ايه يا عم القاعده الحلوة ديه

يوسف(وهو بيلفلها وانبهر لما شافها):مش احلي منك علي فكرة

ياسمين قلبها دق جامد ووشها احمر

يوسف:ما انتي وشك بيحمر اهو

ياسمين:اول مره تحصل وبينك قولتهالي كتير

يوسف:يمكن علشان المره ديه بقولها بطريقة مختلفه

ياسمين:يمكن

يوسف:تسمحيلي بالرقصه ديه

ياسمين:هاه

يوسف:ايه بقولك تسمحيلي بالرقصه ديه

ياسمين:اه ماشي

بدأو يرقصو ويوسف كان باصص لياسمين وياسمين بتحاول تهرب من عنيه وبعدها قعدو علي الطربيزة وهما بياكلو