كبرياء رجل وامرأة

الحلقة الرابعة

وصلو الفندق وطلعو علي الاوضة ولقو المفاجأة وسارة كانت رجعت النظام الاصلي ولما دخلو ادهم مسك وش سارة

ادهم: انتي اللي عملتي كل دا

سارة:اه يا حبيبي

ادهم راح مقرب منها ولسه هيبوسها راحت حطت ايدها علي بوقه

سارة:مش دلوقتي يا حبي نغير هدومنا الاول

ادهم:تمام

دخلت سارة الحمام وغيرت هدومها ولبست بنطلون وقميص ولمت شعرها ديل حصان وحطت السلاح وندهت علي ادهم فادهم دخلها

سارة:انا جاهزة انت لسه ملبستش

ادهم:ما الحاجه عندك هنا هغير ازاي ومش هينفع تخرجي باللبس دا ولا هينفع ترجعي النظام بتعنا انا هغير هنا وخلاص

سارة:افندم

ادهم:ايه يعني اعمل ايه وبعدين طلعتي ذكيه وهربتي من البوسة

سارة(وادت ضهرها له):طب غير وانجز

ادهم ابتسم علي طريقتها وغير هدومه وحط السلاح

ادهم:خلصت

سارة:بس في حاجه معلش انت هتطلع ازاي من الشباك دا

ادهم:فاتت علينا ازاي ديه

سارة:في حل فك معايا الشباك بسرعه علشان معندناش وقت

ادهم:تمام

سارة قلعت القميص وفكو الشباك وسارة خرجت وادهم اتزنق وهو بيخرج بس فك نفسه ونزلو وهما رايحين لاقو العربية وصلت وبينقلو الكارتين وسارة وادهم راحو ورفعو سلاحهم

ادهم:وقفو كل حاجه بوليس

صاحب الفندق:فيك الخير يا باشا

جه راجلين من وراهم وسارة لفت وادت للي وراها شلوت وادهم لف وضربهم بس كان في مجموعة جت من رواهم ومسكوهم وخدو منهم الاسلحة

صاحب الفندق: دخلوهم التلاجه

الرجالة دخلت ادهم وسارة التلاجه وقفلو الباب والتلاجه كانت ديقه يدوبك مسافة بسيطه بين ادهم وسارة

ادهم:كلها دقايق وتيجي القوات ونطلع من هنا

سارة(وهي بتترعش وسننها بتخبط في بعض):تمام بس هي حبكت اقلع القميص يعني كان زمانه عمل حاجه دلوقتي

ادهم:انتي بتترعشي جامد

سارة:اه بردانه

ادهم ضمها له وحضنها وحاول يدفيها وبعدها بفترة جت القوات وخرجوهم من التلاجه وقبضوا علي الكل وتاني يوم المدير استدعي سارة وادهم

المدير:كنت واثق انكم هتنجحو بس مكنتش متخيل السرعه ديه انتو شكلتو فريق هايل من النهاردة انتو فريق واحد ومافيش حاجه هتغير الكلام دا