كبرياء رجل وامرأة

الحلقة الثانية والثلاثون

يوسف:مالك انتي كويسه

ياسمين:لا بس دخت شوية متقلقش انا كويسه

يوسف ركبها العربية

يوسف:احنا هنطلع علي المستشفي

ياسمين:لا انا كويسه بس تلاقي مع التعب واللف بس دخت وانا مش واكله حاجه

يوسف:مفطرتيش ليه يا ياسمين بس ولا انتي غاوية توجعي قلبي عليكي

ياسمين:والله مقصدش

يوسف ركن ونزل جابلها ساندوتشات

يوسف:تاكليهم كلهم

ياسمين:حاضر بس تاكل معايا انت كمان ماكلتش

يوسف:كلي يا ياسمين بقا

ياسمين:طب كل معايا

يوسف:طيب

اكلو وبعدها طلعو علي الشقة بتاعتهم

ياسمين:يلا نرصص الحاجه

يوسف:لا انتي هتقعدي وانا هرصص انتي تعبانه

ياسمين:والله مش تعبانه يلا بقا انت اللي غاوي تتعبني علي فكرة

يوسف:انا لا ونبي

ياسمين:اه يلا نرصص

قعدو يرصصوا وبعدها نزلو راحو البيت ياسمين كانت ساكته طوول الوقت ومش عارفه هتعمل ايه ركنو ولسه يوسف هينزل

ياسمين:يوسف انا قررت قرار

يوسف:خير انا بخاف من قراراتك

ياسمين:انا هواجه الموقف دلوقتي هقولهم اني مش عاوزة اقعد هنا

يوسف:براحتك انا كدا كدا مليش دعوه بالحوار

ياسمين:بس متسبهومش عليا هاه

يوسف:عيب عليكي يا بت انتي معاكي راجل

ياسمين:ماشي

نزلو ودخلو وكانو قاعدين في الصالون

منار:هاه خلصتو الحاجه

ياسمين:اه ورصصناها وكله تمام بس هو في حاجه

سارة:خير اقعدو

ياسمين:لا هو يوسف ملهوش دعوة بس انا خايفه من رد فعلكو فجايبه يوسف معايا كدفاع

ممدوح:انتي مش محتاجه دفاع وانتي بتتكلمي معانا بس علي العموم خشي في الموضوع علي طول

ياسمين:خبط لزق كدا انا مش عاوزة اعيش هنا بعد ما اتجوز

منار:ليه يا ياسمين

ياسمين:يا مامي يا حببتي ان اعاوزة يبقا ليا بيتي انا اللي اكون مختاره فيه كل حاجه علي زوقي ودا مش معناه اني مش عاوزة اعيش معاكو بالعكس انا هاجي ونبات هنا كمان وانتو تيجو وهكذا