كبرياء رجل وامرأة

الحلقة التاسعه

مصطفي:امال فين اللي كان هنا

سارة:اسمه ادهم علي فكرة بيغير هدومه جوا

مصطفي:نعم يا اختي

سارة:ايه يكونش مفكر هخليك تبات معايا لوحدنا

مصطفي:يعني هتكوني مطمنه وهو معانا يعني

سارة:اه في مانع

مصطفي:مش عارف جايبه ثقتك فيه ديه منين

خرج ادهم وسمع جملة مصطفي وفضل واقف

سارة:علشان هو شخصيه محترمه جدا ثانيا شغلته انه يحمي الناس ثالثا انا اتعاملت معاه واه بثق فيه واكتر منك كمان لانك بعد اللي عملته مبقاش في ثقه فيك مرضي كدا وزي ما انا هداري وجودك هنا انت مش هتعرف تجيب سيرة لعمي مرضي كدا

ادهم(وهو طالع من الحمام):احنا هنام فين

سارة:اوضة ماما وبابا محدش داخلها ومش هينفع تنامو فيها فمصطفي هينام علي الكنبه اللي هنا علشان يخرج من برا برا وادهم هينام علي الكنبه اللي في اوضتي جوا

مصطفي:نعم يا اختي

سارة:ما هي مش اول مره علي فكرة وبعدين انا لسه قيلالك

مصطفي:ماشي يا بنت عمي الحمام فين

سارة:هناك اهو

دخل مصطفي الحمام يغير

ادهم:علي فكرة انتي لو قاصده تقهريه مش هتعملي كدا

سارة:طيب يلا علشان تنام

دخلوا لاوضة وسارة جابت مخده وبطانيه وادتهم لأدهم ولسه هتدخل تنام

ادهم:انتي هتنامي بهدومك

سارة:اه

ادهم:هو معندكيش هدوم تنامي بيها ولا ايه

سارة:عندي بس مش هينفع يلا نام بقا

ادهم:انتي بتهزري يعنيي انتي عندك هدوم بناتي بتنامي بيها

سارة:ياريت كانت بناتي

ادهم:مش فاهم

سارة:ادهم نام يا بابا

ادهم:لا بجد انا عاوز اعرف

سارة:ادهم حاجات عيال يا ادهم نام بقا

ادهم:طب ما تلبسيها

سارة:مش هينفع قصيرة نام بقا

ادهم:ماشي

مصطفي خرج من الحمام ملقاش حد برا ففهم انهم دخلو الاوضة ففكر في حجه يدخل بيها راح خبط علي الباب ودخل

سارة:ايه في ايه بقا عاوزه انام

مصطفي:انتي نايمه بهدومك

سارة:اه هو في ايه بقا ايه اللي جابك

مصطفي:كنت عاوز اشرب بس ملقتش مايه في التلاجه