كبرياء رجل وامرأة

الحلقة الخامسة والعشرون

ادهم:انا عاوز ابني يعيش معايا

وممدوح:وانا عاوز بنتي تعيش معايا

والدة سارة:في حل حلو

ادهم:قولي يا حماتي

والدة سارة:انتو تبيعو شقتكم وتشترو فيلا كبيرة وتعيشو سوا

يوسف وياسمين :احنا موافقين

ادهم بص لممدوح

ممدوح:يعني دا شرطكم

يوسف وياسمين:اه

ادهم:امرنا لله

سارة:هو ايه اللي امركم لله مش تاخدو رأيي انا ومنار دا ايه دا

ممدوح:هو انتو هتعترضو ليه

منار:اه في حاجات كتير تخلينا نعترض

ادهم:يعني انتو ايه رايكم موافقين ولا لا من غير ما نسمع حاجه

سارة:انا عاوزة يفضل الوضع زي ما هو الصراحه

ممدوح:الولاد لازم يبقو في حضننا

منار:عارفين بس مش لدرجة اننا نعيش في بيت واحد

ادهم:هو انتو ايه اللي يدايق في كدا مش انتو صحاب خلاص بقا

سارة:خلاص خلاص انا موافقه انا مش هوجع دماغي بالمواضيع ديه

منار:وانا كمان بس استحملو بقا

يوسف وياسمين فرحو وقامو يلعبو وادهم خد سارة ورجعو علي البيت وممدوح خد منار

سارة:انت هتبيع بيتكم يا ادهم

ادهم:اه مش هقرب من شقتك انا عارف انك بتحبيها بس ممكن اطلب منك طلب

سارة:اتفضل

ادهم:عاوزك تاخدي يوسف في حضنك يا سارة وتحسسيه بحبك له حتي لو انتي مش بتحبيه بس علي الاقل تحسسيه بدا

سارة:يا ادهم انا مش بكره يوسف بس انا مبعرفش ازاي

ادهم:كفايه انك تاخديه في حضنك بس

سارة:هحاول يا ادهم انا عارفه اني غلطانه بس انا عمري كله عايشه بعيد عن حضن ابويا وامي فمعرفش الحنيه ديه بتيجي ازاي وانت لما ظهرت بحنيتك ظهرت متأخر اوي اوي يا ادهم ظهرت بعد ما كل حاجه فيا اتشوهت

ادهم (وهو بيبوس ايدها):مافيش حاجه اسمها متأخر يا سارة وانتي متشوهتيش ولا حاجه بالعكس كل مره بتتقدمي اكتر

سارة:لو انا بتقدم دا بفضلك انا مش عارفه زنبك ايه بس تصلح غلطت غيرك

ادهم:دا مش زنب دا حب يا سارة

سارة:الغريب ان بعد السنين ديه وانت لسه بتحبني ولسه بتحاول

ادهم:الحب مش بيموت مع السنين الحب بيكبر