كبرياء رجل وامرأة

الحلقة الثانية

ادهم طلع علي الفندق وطلب يقابل المدير

ادهم:انا كاتب كتابي وفرحي كمان اسبوع ونويت اقضي شهر العسل هنا ناوي احجز اسبوع هنا بس كنت محتاج انقي الغرفه بنفسي وياريت كل حاجه تبقي تحت اشراف حضرتك

مدير الفندق:تمام يا فندم احنا هنحتاج ورقة الجواز والبطايق

ادهم:مع الاسف ناسي البطايق الورق كله هجيبه معايا

مدير الفندق :ولا يهمك اتفضل معايا

ادهم راح معاه وشاف كذا اوضة واختار الاوضة المناسبة وصورها بكاميرا كانت متركبه في هدومه وحجزها وشكر المدير ومشي وطلع علي مكتبه وامر بتنفيذ اوضة زي اللي في الصور بالظبط وسارة كانت ادت اوامر بعمل بطايق وورقة جواز وبعد يومين كانت كل حاجه جهزت سارة راحت لأدهم

ادهم:فستان الفرح اللي هنروح بيه جوا والبدلة بتاعتي جوا ادخلي البسي

سارة:تمام

دخلت سارة وحاولت تلبس الفستان ولبسته بعد عناء وخرجت لأدهم وادهم كان وسيم جدا بالبدلة وسارة كانت حلوة بالفستان

ادهم:اول مره اشوفك لابسه فستان

سارة:انا لبسته بصعوبة اصلا بقولك ايه انا مش عارف اربط الطرحه

ادهم:امال بتصلي ازاي

سارة:ايه علاقة دا بدا في الصلاة اسدال والطرحه ملفولة اي حاجه لكن ديه طرحة فرح انا مش بعرف اربط دبابيس ولا بعرف اعمل الحاجات ديه انا

ادهم:اه تمام اديني ثانية

طلع ادهم موبيله

ادهم:الو يا حببتي بقولك محتاجك في خدمه

البنت:قول ما انت مبتتصلش غير لمصلحه

ادهم:ماشي انا عاوز كوافيرة بتعرف تربط طرح وتحط مكياج

البنت:تمام هبعتلك رقم الكوافيرة بتاعتي سلام

ادهم:سلام

قفل ادهم وجتله رسالة بالرقم وطلب الرقم

ادهم:السلام عليكم معايا مدام اسراء

اسراء:ايوة

ادهم:معلش كنت عاوز حضرتك تجيلي لوكيشن تصوير بنصور فيلم والكوافيرة اللي كانت هتعمل المكياج وتلف الطرحه مش موجوده واحنا مستعجلين

اسراء:تمام حضرتك ممكن تبعتلي اللوكيشن

ادهم:تمام

قفل ادهم وبعتلها اللوكيشن

سارة:انت متجوز

ادهم:انتي شايفه ايه

سارة:انت مش لابس دبلة ومسمعتش عنك حاجه زي كدا

ادهم:امال بتسئلي ليه

سارة:علشان البنت اللي كلمتها

ادهم:ديه اختي