كبرياء رجل وامرأة

الحلقة السابعة والعشرون

ادهم:امال انا اعمل ايه امك يا بني كانو تلاته بيحبوها وعاوزين يتجوزوها وانا كنت زي الصنم والله ما بان عليا حاجه

يوسف:ما انا عاوزها تفهم بردك اني بحبها وعلي الاقل نعمل خطوبة لحد ما اشتغل

ادهم:بص انا هتفق مع ابوها وامها وهما اصلا موافقين بس هي لازم تحبك الاول يا يوسف

يوسف:يادي النيله ديه مهمه صعبه

ادهم:وايه اللي صعبها يا معلم

يوسف:انا قدامها من زمان يعني لو كان في امل كان حصل

ادهم:انا مش فاهم مالك متأكد انها مش بتحبك كدا ليه هي قالتلك انها بتحب حد تاني

يوسف:لا بس حمسها علي احمد وحاجات تانيه كدا

ادهم:دا مش معناه انها بتحبه يلا هسيبك تتصرف ولو عوزت حاجه يا معلم قولي وانا هساعدك ولو علي الفلوس انا مستعد

يوسف:انا مش عاوز اعمل حاجه لياسمين من فلوس حضرتك عاوزها تبقي مني ليها انا عاوز اشتغل وانا بدرس

ادهم:كله الا كدا مينفعش تنشغل عن دراستك

يوسف:بالعكس في شغل اون لاين بيتعمل وانا في البيت وممكن يبقا في مجال دراستي والله لو هيأثر انا مش هعمل كدا انا عاوز اخلص علشان اتجوزها فاكيد مش عاوز اتأخر في دراستي

ادهم:خلاص موافق وهقنع امك انت عارف اني مبسوط اوي بالكلام دا حسيت انك بقيت راجل وكبرت يلا تصبح علي خير

يوسف:وانت من اهله يا بابا

خرج ادهم وحكي لسارة ومنار وممدوح

ممدوح:عارف يا ادهم انا موافق علي يوسف ليه علشان راجل بس وغير دا ودا انه هيعيشو وسطنا

ادهم:فعلا علشان كدا انا بشجعه

سارة:واحنا من ناحيتنا هنحاول نحرك الموضوع

منار:تمام

يوسف نام وصحي بدري قبل الكل ونزل المطبخ وعمل فطار وطلع بيه لأوضة ياسمين خبط ودخل وقفل الباب وراح قعد علي السرير وكانت ياسمين نايمه وهو فضل باصص عليها وهي نايمه راح مقرب منها وهمس في ودنها "بحبك" وراح بدأ يصحيها

ياسمين:ايه دا يوسف اول مره تيجي تصحيني يعني

يوسف:لا وكمان عاملك فطار

ياسمين:أشمعنا بقا في ايه

يوسف:هتعرفي بس يلا كلي الاول

ياسمين(وهي بتتعدل):ماشي ايه دااا انت عامل الاكل اللي بحبه

يوسف:طبعا يلا كلي بقا

ياسمين:وانت مش هتاكل معايا ولا ايه

يوسف:ياسمين كلي بقا يلا

ياسمين اكلت ولما خلصت

يوسف:أنا هنزل الصنية تحت وانتي تلبسي وتجيلي في العربية قشطه