Series #1: Sold To My Professor [Completed]

C H A P T E R 25

CHAPTER 25: KIDNAPPED

[Katherine Chelsea Aguilar]

Ilang araw na ang nakalipas, eh gano'n pa rin si Skyler sa'kin. Sabi niya tawagin ko siya sa pangalan niya edi go. Sa utak lang naman, pero gurang ang tawag ko sa kanya kasi mas matanda naman talaga siya sa'kin 5 or 6 years yata.

Tuwing umaga, lagi niya akong inaabangan sa tapat ng apartment namin. Kapag naman papasok ako sa trabaho, lagi niya akong sinasabayan sa paglalakad ko. Parang hinahatid ako. Tapos tuwing natatapos ang shift ko, lagi siya nakaabang sa'kin sa labas. Ewan ko ba sa lalaking 'yon. Lagi siyang sunod ng sunod sa'kin. Hindi niya ba nahahalata na iniiwasan ko siya? Manhid kasi ang lalaking 'yon kaya lapit siya ng lapit. Nakakainis siya. Tuwing tinataboy ko siya, nagmamatigas siya. Ayaw niya akong sundin. Tapos lagi pa siyang may dalang bulaklak tuwing hinihintay niya ako sa trabaho. Hindi ko iyon pinapansin bagkus umaalis agad ako.

Gusto ko na talaga siyang iwasan pero lagi siya lumalapit. Wala akong magawa kung hindi pabayaan na lang siya dahil magtatagpo at magtatagpo rin ang landas namin dahil magkapit-bahay lang kami. Ayoko na mahulog sa kanya. Ayoko na ulit masaktan dahil sa kanya. I don't want to risk my heart again.

"Hey baby, what are you doing under the daylight?"

Dumating na ang asungot sa buhay ko. Nandito ako sa labas ng apartment, kumakain ng paborito kong pagkain, bread pan. Hinihintay ko kasi si Charlotte, kanina pa kasi siyang wala. Wala naman kasi siyang iniwang sulat kung saan siya nagpunta. Nag-aalala na tuloy ako. Nawala tuloy iniisip ko tungkol do'n nang biglang dumating ang gurang kong Professor. Masisira na naman ang araw ko nito.

"Ano ba?!" sigaw ko. Pa'no ba naman kasi, kinuha niya ang kinakain kong bread pan. Hindi niya pinansin ang sigaw ko, kinain na lang niya ang natitira kong bread pan.

"Hmm. Tastes good." aniya habang ngumunguya. "Pero bakit ito kinakain mo? It's not healthy you know. It lacks of vitamins and proteins." anito at tinapon ang balat ng bread pan sa basurahan.

Nakita kong dinilaan niya ang ibabang labi niya. Ewan ko ba pero napatitig ako roon. Ang pula ng labi niya tapos ang nipis. Umangat ang gilid ng labi nito. Takte, ngumingisi 'to sa'kin. Inirapan ko na lang siya.

"Ano na naman ba kailangan mo, Sir?" naiinis kong tanong sa kanya.

Nagkibit-balikat lang siya. "Nothing. Kapag ba pumunta ako dito, may kailangan agad?" tanong nito. Humalukipkip ito at sumandal sa poste malapit sa'kin.

"Oo. Lagi-lagi." sagot ko.

Ngumisi lamang ito sa'kin.

~~~***~~~

[Third Person's POV]

Kanina pa tuwang-tuwa si Skyler na makitang naiinis si Kath sa kanya. Alam niyang konting pang-iinis pa niya rito bubulyawan na siya ng dalaga. Ngumisi siya at napailing. Nacucute-an siya sa itsura ni Kath kapag naiinis ito sa kanya. Pulang-pula ang mukha nito na parang kamatis. Bigla tuloy niyang naalala kanina na nakatitig ito sa labi niya nang dilaan niya ang ibabang labi niya. Tuwang-tuwa na siya. Actually, sinusubukan niya itong akitin. Pero mukha epic failed ito kasi inirapan siya nito.

Laking tuwa niya nang malaman niyang pumunta sa ibang bansa si Zyron. Masosolo na rin niya sa wakas ang dalaga. Wala nang sagabal sa mga plano niya para rito.

Nitong mga nakaraang araw, nahihirapan siyang suyuin ang dalaga. Oo, alam niyang galit ang dalaga sa kanya. Hindi siya manhid para maramdaman iyon. Kasalanan naman niya kung bakit naging gano'n ang dalaga sa kanya. Pero pinagsisihan naman niya ang mga naging kasalanan niya noon sa dalaga. At ngayon, aayusin na niya ang mga pagkakamali niya noon. Hindi na niya hahayaang mangyari ulit ang nakaraan. Magiging maingat na siya sa kanyang kilos. Hindi tulad noon, hindi siya naging maingat sa mga kilos niya, nasaktan tuloy niya ang pinakaimportanteng babae sa buhay niya. He went back to his senses when a finger snapped in front of his face.