فرقنا الحب

الجزء الثالث

علي ...

كانت تلعب كالعادة مع الاطفال وصوتها عالي صرخت بوجههم قائلا...
:-كاااافي ..مو دشوفوني اقرة
:-اي ع اساس انتة بكلوريا
:-لا مو بكلوريا بس هندسة
:-اي مو حتصير طبيب .. اصلا كلك مهندس والهندسة مالها تعين
:-خوش طلعي طب واحجي
:-يعني تعيرني ترى معدلي نفس معدلك
:-مزعجة اطلع احسن
:-اي اطلع بدل مامكابلنة وكاعد
:-ترى كاعد بيتي ....
بعد بيوم واحد فقط رأيت قائمة الكليات التي تريد التقديم اليها وكانت كلها هندسة ....

بعد اسبوعين

كنت اجلس في الصالة مع امي وابي حوالي الساعة الثالثة ظهرا واذا بصوت الببغاء((اقصد زينب)) يقتحم القاعة قبل حتى ان تدخل
:-خالة ...خالو ..خالة..خالو ...عفية حبابين القبولات طلعت واني خايفة واريد بسرعة اشوف اسمي بس بنفس الوقت ماريد اشوفة خاف يطلع مو بغداد او يطلع مو هندسة شلون بية دبروني((كالتها بسرعة البرق ومانطت مجال حتى انو يردون عليها))
:-مو ع اساس ماكو تعيين للهندسة
:-لا اكو ميهمك انتة
:-المهم خالة كعدي ليوسف خلي يطلع قبولي
:-وليش يوسف ميرادلها شي اني اطلعها
:-لا اني اتفائل بيوسف ((لا واللة واني شنو غراب ))
كنت ادعو داخلي ان يكون قبولها اي شئ الا هندسة ولكن تجري الريح بما لا تشتهي السفن...وعندها دوى صراخها ورقصها في البيت كلها ليس فقط في البيت الازعاج بل سيتحول للجامعة ....

سجاد..
لا يجب ان ابقى هكذا يجب ان افعل شئ علي ان اتقرب منها انتهت المحاضرة ومشيت خلفها
:-دكتورة
:-نعم
:-ممكن سؤال
:-اكيد تفضل
:-ع مود الشرح لي بالمحاضرة اكو اشياء مفهمتها
:-اوك ع المحاضرة الجاية اشرحلك
((هفففف هاي شنو يعني ماعرف اسأل بالمحاضرة)) سأحاول اكثر ..

علي...
كان يوم جمعة لذلك بقيت نائم واذا بي اسمع صوت من الخارج ضحكات وصراخ فتحت الشباك وجدت شراشف واغطية بين الاشجار وهناك اكل واطفال كثيرون لحضة لدينا اثنين من اين اتوا هؤلاء اففف انهم اولاد اختي نور ليس هم فقط بل اولاد زهور ايضا((كملت))
:-هاي شنو شدسوون
اجابني الجميع :-تخييم مسوين مخيم
:-شنو منو سوة هذا المخيم
:-عمة زينب
قلت من بين اسناني :- اكيد هي منو غيرها...وينها هي
:-اني هنا شنو رأيك بالمخيم
:-شنو؟! انتي مخبلة اني اريد انام يامخيم
:-متشبع نوم انتة
:-لج يمتة نايم اشو دوام وتعبان واليوم جمعة
:-تعال تعال ادخل بالخيمة وشوف شكد حلوة
:-ماريد
:-ولي احسن بعد ..انتة بومة ومال لعب
:-لا ياخبلة لج مو بومة يسمونة جبير لذلك ميلعب
:-علاوي
:-اسمي علي
:-علاوي
:-كتلج اسمي علي ماحب اسم علاوي
:-ولي اصلا جاي اصيح لعلوشي ابن اختي
:-سخيفة
دخلت لاسلم على اخواتي ومازلت اشتعل غضبا لقد حرمتني من النوم ...

#زينب
اتت اليوم زهور اخت يوسف هي متزوجة ولديها اربع اطفال كنت مشتاقة لها كثيرا تحدثنا كثيرا قلت لها
:-نور ليش ماجت
:-ماعرف
:-هسة اتصل بيها لازم تجي محتاجة كعدة بنات شنو هاي بس اني وخالة واخ تج الغثة يوسف كئيب وعلاوي عصبي هناك اني بالبيت عندي ثلاث نسوان اخوة وبناتهم من غير خواتي الي يومية عدنا.....الو هلاو نور شلونج
:-ههههه لج شنو هاي مخلية التلفون بأذنها وتسولف ويانا هههه شكد تسولف
اكملت:-اليوم زهور عدنة قصدي عند اهلج بلا اعذار تعالي ولج مشتاقلتج انتي والجهال
نور لديها ثلاث اطفال بعد ان اتت وتكلمنا سوية جمعت الاطفال لانهم مزعجين وازعجوا والدتهم وه يردون اعداد الغداء لان ازواجهن سيأتون ولكن كالعادة مفسد المتعة اقتحم لعبتنا عندما بدأت الاستمتاع بها ...على الغداء كان هناك حديث
حيث قالت زوجة خالي :-اني تعبت لازم ازوجة لعلي حتى ارتاح
قالت زهور:-زوجي يوسف اول مرة
اما نور قالت:-يوسف ميقبل وبعدين عيب من زنوبة نكول هيج كدامها
قلت:-لا عادي اصلا اني واهلي دائما نطول لازم يزوج يوسف بس علاوي هماتين لازم يزوج ترى صار شايب
وعندها دخل المزعج:-منو الشايب
:-انتة ((قلت انا بجرأة))
:-شوف منو يحجي لج انتي عجوز وبعدج تلعبين وي الجهال
:-شدخل هاي بهاي المهم خواتك يريدون يزوجوك
:-ماريد
قالت نور:-ليش عيني
:-اريد اني اختار البنية وادري بيكم راح جيبون وحدة من اقاربنة
:-وشبيهم اقاربك عيني((قلت انا))
:-مزعجين
قالت زهور:-احنة بيها بس كول منو البنية اني من عيني اخطبها
نور:-اي عيني كول منو هاي اكيد وحدة بالجامعة وياك
،:-يعني هيج شي...وتركنا وقام وانا كدت اموت من الفضول والغيرة في الوقت نفسة يجب ان اعرف شكلها بعد عدة ساعات من التفكير اخبرت الاطفال جميعهم عندما يخرج من غرفته ان يتجمعوا حوله وينادو:-خالو عمو ...خالو... حتى مل منهم وقال:-شكو شرايدين
:-نريد تلفونك
:-شسوون بي
:-نلعب بي
:-مابية العاب
:-احنة نزل ...اعطاهم الهاتف ليتخلص من ازعاجهم وبسرعة بعد ان دخل لغرفته اخذته منهم وبدأت ابحث فية ولكن لديه رقم سري لكل شئ للصور الرسائل لكن ليس لجهات الاتصال بدإت ابحث في الهاتف وكنت اجلس عل المقعد غي الصالة لا اشعر الا وصوتة يأتي من خلفي وقد انحنى وهو ينظر للهاتف وقال ببرود:-شسوين بتلفوني
:-اححم ها ..اي ..جاي ادور العاب للجهال ..
:-اها ..بجهات الاتصال

:-لا مو اني...ماعرف لفونك لا اي فون واني كلاكسي فتيهت

:-اها وليش منطيتهم تلفونج
:-انطيتهم بس همة هواي وبقوا يتعاركون ...وبعدين انتة معندك العاب ليش ؟!
:-لان اني جبير
:-اني هم جبيرة بس عندي العاب
:-لان اني رجال
:-عادي يوسف ارجل منك وعندة العاب
قال بعصبية :-شنو؟!
:-اقصد اكثر رجولة
:-شنو..لج شايفتني
:-شبيك خوفتني ..كمت ماعرف احجي اقصد اكبر منك
:-اها عود اتعلمي الحجي او ع الاقل حسبي للعشرة قبل لاتحجين حتى تعرفين معنى الكلمات ..ولو متتحملين للعشرة حسبي للخمسة...
:-هاك تلفونك
قال ببرود ولامبالاة مبطنة بسخرية:-يعني ملكيتي العاب مو؟!
:-لا لكيت...سارة ...مها ..هبة..((قلت بصوت واطئ))
اكملت بصوت مرتفع:-علاوي ان شاء اللة اذا داومت وياك عرفني عليها حباب
:-منو
:-البنية الي تريد تخطبها
:-اها وانتي جنتي دورين عليها بتلفوني مو؟!
:-منو؟!
:-حبيبتي
:-ش..شنو؟! ليش انتي عندك حبيبة؟!
:-تقريبا..واقترب مني اخذ الهاتف من يدي قال بهدوء وبرود:-اذا مرة ثانية باوعتي لتلفوني مجرد نظرة مو لمستي اوفتحتي لا بس باوعتي راح تشوفين شي ميعجبج..اوكي...
:-اوكي ع حلاته هو ..اصلا عاوي ومبي العاب
ابتسم وذهب كنت ارتعب خوفا منه....
فاطمة..
تمر الايام وحالنا مازال كما هو لا افهمه ولاهو يتكلم كل يوم اتعلق به اكثر واكرهه اكثر بدأت فعلا بكرهه وهو يبتعد عني اكثر واكثر ...انتهى الدوام في احد الايام كنت اقف لوحدي بعد ان اتصل السائق بي ولكنه تأخر مر من جانبي هو ومجموعة من اصدقائه بقوا قليلا في المكان وعندها اتى علي نحوي قال:-هاي شنو بعدج هنا
:-السايق اتأخر هواي وماعندي رصيد اتصل لة
:-انطيني الرقم اني اتصل راح اوصلج تعالي اتغدي عدنا.....نظرت نحوهم رأيته قد اصبح عصبي جدا وينظر نحوي بشدة...وتكلموا اصدقائه بصوت مسموع كانوا ينتقدوا تكلمي مع علي اراد علي النزول لكني منعته لانهم معي بالقاعة سوف اتعامل انا مع الموقف لاحقا...
احمد...
رإيتها في موقف السيارات((الكراج)) للمرة الثانية معه اذن علاقتهم جدية انه خطأي