Craps (Literally)

Still The Same

Inalalayan kitang tumayo kahit masakit na rin ang balakang ko. Kinuha ko ang baston mo sa gilid at iniabot ito sa'yo. Nakangiti kang humarap sa'kin saka humalik sa noo ko. "Tara na. Teka, dahan-dahan lang." Marahan kong paalala habang nakaalalay sa likod mo.

Hindi ka na ganoon kalakas gaya ng dati, hindi mo na rin ako mabuhat habang tumatakbo gaya ng dati, hindi ka na makalakad ng maayos at kinailangan mo pang gumamit ng baston. But yeah, ikaw at ikaw pa rin ang mamahalin ko. Walang nagbago doon.

They say love fades as you two are aging, but in our case it's different. We faced different obstacles and circumstances that made our love stronger and tougher than before. It's like no one can separate us aside from death.

Hawak kamay tayong naglakad papunta sa tabing-dagat. Iniisip ko noon na baka sa pagtanda natin ay mandiri tayo sa ganitong senaryo, kasi nga naman ay matanda na tayo at masyado na itong 'cheesy.'

Pero walang nagbago e. Ganoon pa rin ang pakiramdam ko, mabilis pa rin ang tibok ng puso ko. I feel contented just by seeing our hands intertwined. Wala na nga akong mahihiling pa.

Umupo tayo sa tabing-dagat. Naramdaman kong umatake na naman ang rayuma ko kaya pinisil pisil mo ito para mabawasan ang sakit. Natawa ako sa alalaang iyon.

Ako kasi ang naghihilot sa'yo pagkagaling mo sa trabaho. Sasampa ako sa likod mo at mamasahihin ka. Tingnan mo nga naman ngayon.. 'yung mga ginagawa ko dati para sa'yo ay sinusuklian mo.

Because that's love honey, hindi pwedeng bigay ka ng bigay o 'di kaya ay tanggap ng tanggap. It's a matter of give and take situation.

We watch the sunset. Napakatahimik at napakapayapa. Ang lamig ng simoy ng hangin, ang kalmadong alon ng dagat, pati ang kalangitang nagkukulay asul na dahil sa pagbaba ng araw.

Naramdaman kong gumapang ang isang kamay mo upang hawakan ang akin. Lihim akong napangiti saka isinandal ang ulo ko sa balikat mo.

"Hon," tawag mo sa'kin.

"Hmm?"

"Mahal na mahal kita at hindi 'yon nagbago."

Napatitig ako sa mukha mo. 'Yung mukha mong kahit kulubot na at may nabago dulot ng katandaan. Wala akong pake doon. I'm still staring at your face, you're still the man that I love with all my life.

I'm caressing your cheek while whispering these words, "I love you more than you do. Ikaw at ikaw pa rin."

unedited.