Craps (Literally)

Gitna

Nasa isang bangka tayo

sinusuong lahat ng alon

niyayakap ng mga balat natin

ang bawat init ng isa't isa

dinadama ng hawak-kamay

ang malamig na simoy sa gabi

ngunit bago pa man natin matanaw ang dulo

nawala ka sa gitna

at wala akong nagawa kundi

suungin ang bawat alon

yakapin ang sarili

damhin ang lamig

ng mag-isa

Babalik ka pa ba?

dahil ayokong maghintay 

sa gitna ng mag-isa.

Hindi ko pa man nararating ang dulo

hindi ko pa man tanaw ang dulo

hindi ko pa man ito nasisilayan--

parang hindi ko na ito kailangan

Nasa gitna pa lamang tayo,

pinaramdam mo na ito.