حب تملك (Something happened to my HEART)

#Part 1

كانت فتاة تحب الحياة والمرح كثيرا , كان كل من يراها يحبها لأنها كانت بشوشة وجميلة وقلبها نقي اطلق عليها اصدقائها واقربائها لقب "لمضة" من كثرة لماضتها ومرحها . كانت في اخر سنة لها في الجامعة وكانت تحب ابن عمها مازن منذ الاعدادية , ولكن لم يكن يعرف لأنها خجولة ولا تريد ان تخبره وتحرج نفسها . ولكن عمها كان يلاحظ حبها ونظراتها وهو ايضا كان يحبها وكان يري انها مناسبة جدا لابنه مازن وهو يعرف اخلاقها جيدا وهي فتاة طيبة والكل يشهد بذلك وهي ابنة اخوه فكان يفكر في ان يجعلها زوجه ابنه ولكنه كان ينتظر الوقت المناسب ليفاتح ابيها في الموضوع.

~.~

في الجامعة تجلس هي وصديقاتها في الكافيتريا بانتظار ميعاد المحاضرة الاخيرة

-ليليان : "انا مش مصدقة دي اخر سنة لينا واخيرا هنتخرج يااااااه بجد "

=نرمين صاحبتها : "يا بنتي انتي فرحانة كده ليه انا والله حابة جو الكلية جداا ولاحظي اننا هنخلص والمسؤولية هتزيد علينا و يا سلام بقي ندور علي شغل ونتمرمط ولو ملاقيتيش شغل كويس الناس كلامها مبيخلصش ولازم تتجوزي بيتك اولي بيكي وانتي عرفاني مبحبش حاجة تقيدني "

-لوسيندا : " معاكي حق والله يا نرمين بس بردو الكلية حاجة خنقة اوووي وبردو فيها تقييد انك ملتزمة تسلمي شيتات وتحضري سكاشن وغياب بقي بصو احنا نبدأ من دلوقتي نفكر مع بعض نعمل شغل سوا واهو هنبقي كلنا مع بعض ونشتغل في تخصصنا :D "

-ليليان : " هههههههههه وهنعمل شغل ايه بقي مع بعض يا ست الذكية وبعدين انا مش بقول عايزة اخلص كلية عشان اتقيد بجواز انا اصلا مش بحب افكر فيه لإنه مسؤولية كبيرة جداا وحاجة تخوف افرض اتجوزتي واحد مش بتحبيه او مش هو اللي نفسك يبقي شريك حياتك " وغرقت في تفكيرها في مازن ابن عمها واصحابها لاحظو انها سرحانة عشان هما عارفين انها بتحب ابن عمها من وهي في اعدادي هما بردو كانو معاها في المدرسة ومن حظهم دخلو مع بعض نفس الكلية .

#لوسيندا : "ليليان انتي لسة بتحبي مازن؟ "

-ليليان مش واخدة بالها ان لوسيندا بتكلمها لأنها سرحانة فا مردتش عليها فا نرمين شاورت لليليان بايديها وليليان بصت لقيتهم بصينلها بصة غريبة فا نرمين كررت لليليان سؤال لوسيندا ليليان سكتت شوية وبعدين قالت

: " لسة بحبه؟؟ مش عارفة ازاي فضلت احبه كل الحب ده واحنا اصلا مفيش بيننا حاجة ومش بنتكلم كتير يعني هو اه ابن عمي بس بشوفه قليل جداا بس بحس كل ماشوفه اني قلبي هيتخلع من مكانه بحس اني اول مرة اشوفه لأنه كان مسافر مع عيلته بره واول ما شفته كنت في اولي اعدادي اهو انا بقي كل ماشوفه بحس اني لسة ف اولي اعدادي ودي اول مرة اشوفه فيها بحس اني نفسي اجري عليه واقوللو بحبه بس بخاف وبتكسف بحس ان لساني وقف ومش بعرف اتكلم وهو ادامي وجسمي كله بيرتعش انا مش عارفة اشمعنا هو بس عمري ما فكرت في حد غيره عمري ما اتمنيت ان ربنا يجمعني بحد غيره انا لو في يوم حلمت بيه بصحي بحس نفسي هموت من الفرحة مع اني عارفة انه حلم مش حقيقة انا خايفة خايفة بجد اعرف انه بيحب حد انا ممكن يحصللي حاجة لو عرفت وخايفة ميكونش ليا انا بحبه بحبه اوووي " .....

*اصحابها بصولها وكانو زعلانين جدااا عشان شايفين صحبتهم كانت هتبدأ تعيط وبعدين نرمين قالتلها حاجة خليتها تهداا شوية و ......