= : " ليليان !!"
ليليان قامت من حضن مامتها .. بصت ادامها
-ليليان : " بابا !! "
فضلو واقفين يبصو لبعض و ليليان كل ما تقدم خطوة تقف .. في الاخر فتحلها دراعه و هي طلعت تجري عليه و حضنته جامد و هي بتعيط
-ليليان : " وحشتني .. وحشتني اوي يا بابا .. انا اتبهدلت من غيركو "
=احمد : " و انتي .. و .. وحشتينا اووي يا بنتي .. "
فضلو كده دقيقتين و بعد كده قعدو كلهم و ليليان كانت فرحانة ان اخيرا شافت اهلها و نسيت كل حاجة ..
=احمد : " مازن هييجي ياخدك ولا هتبيتي معانا يومين؟؟ ^_^ "
ليليان بصت لكاميليا بارتباك و معرفتش ترد
=كاميليا : " بنتك رجعت من سفر و بقالنا شهور مشوفنهاش .. انا هقوم اعمللكو الاكل اللي بتحبوه .. وحشتني اللمة دي اووي " و قامت و هي بتدمع
-ليليان : " انا هقوم اساعد ماما "
و قامت دخلت لمامتها المطبخ بسرعة .. اول ما دخلت عليها
-ليليان : " بابا بردو لسة بيقول مازن !! ... انا هعمل ايه يا ماما دلوقتي؟؟ "
=كاميليا : " انا مش عارفة يا ليليان و مش فاهمة حاجة .. يعني هو اللي اسمه عياد ده " ليليان ضحكت بصوت عالي علي عياد دي ..
-ليليان : " اياد يا ماما .. مالو بقي؟؟ "
=كاميليا : " يعني انتي موافقة عليه؟؟ و بعدين هو .. ازاي يعمل كده و احنا هنوافق اصلا .. ابوكي لو عرف مش بعيد يرفع عليه قضية "
-ليليان : " انا مكنتش موافقة عليه و عمري ما كنت هوافق عليه .. و عمري ما كنت هصدقه .. و "
=كاميليا : " يعني انتي دلوقتي مصدقاه؟؟ "
-ليليان : " صاحبه وراني التقارير بتاعته .. و وداني كمان لدكتور تاني أتأكد ان التقارير حقيقية مش كذب .. يعني مكنش في وعيه .. و بعدين هو .. بصراحة ارجل من مازن و أثبتلي في اكتر من موقف " ليليان كانت بتقول كلمة و تسكت شوية مش عارفة هي بتقنع مامتها و لا بتحاول تثبت حاجة معينة لنفسها .. بدأت تحبه مثلا !! اكيد لا .. اكيد انا مبحبوش .. انا بس عايزة سند .. حد يكون جمبي .. بتقول كده لنفسها في كل مرة قلبها يدق لاياد ...
=كاميليا : " مش عارفة رد فعل ابوكي هيبقي ايه !! .. هو اياد ده فين ؟؟ انا هقابله انا الاول "
-ليليان : " و لو بابا عرف؟؟ "
=كاميليا : " مش هيعرف .. هاتي نمرته انا هكلمه الاول قبل ما ييجي هنا البيت .. "
ليليان فعلا ادتلها الرقم .. و قبل ما مامتها تتصل عليه كانت ليليان كلمته و عرفته ان مامتها هتكلمه .. وقفو عملو الاكل و قعدو مع بعض يتغدو .. الجو كان في شوية توتر مع شوية ارتباك
أنت تقرأ
حب تملك (Something happened to my HEART)
Romanceالحب مهما كله اتكلم ووصفه محدش هيقدر يوصفه 100% .....الحب مرض ملوش علاج .... الحب زي ماهو ضعف فا هو قوة.. الحب جحيم يطاق <span class="emoji-outer emoji-sizer"><span class="emoji-inner" style="background: url(chrome-extension://immhpnclomdlo...
