-ليليان : " اشمعنا انا ؟؟ "
-اياد : " اشمعنا انتي ايه؟؟"
-ليليان : " انت عمرك ما اتعاملت معايا ... اشمعنا .. ح .. "
-اياد : " حبيتك ليه؟ ... مش هقوللك انتي فيكي شبه من امي الله يرحمها و كلام الافلام ده ... انا اول مرة شفتك فيها في الجامعة مش عارف ايه اللي حصللي انا كنت بلف بوشي و لمحتك لقيت نفسي برجع و ابص تاني ناحيتك .. خطفتي عقلي فضلت مركز معاكي عجبني ضحكتك مع اصحابك .. قربت بقيت بقعد قريب منكو و بسمع كلامكو كتير لقيت نفسي بتشد ليكي اكتر و اكتر شخصيتك لبسك ضحكتك كل حاجة فيكي لقيتني بفتكرها لما ببقي لوحدي قلت يمكن اعجاب لقيت مع الوقت اني بتنرفذ لما بلاقي ولد جه وقف كلمك في حاجة حسيت انك بتاعتي و ان محدش ينفع يتكلم معاكي غيري .. لقيت نفسي بدعي ربنا يجمعني بيكي .. استغربت نفسي ساعتها .. بس شفت فيكي اللي عايزها تفضل جمبي و تشيل اسمي و تبقي ام عيالي .. لما عرفت عنك حاجات كتير حسيت انك سند و حضن و دفا .. لما عرفت ان قريبك ده هيتجوزك انا حسيت اني اتجننت و كسرت كل حاجة كانت في وشي .. انا ساعتها كنت هموت حرفيا بمعني الكلمة .. انتي متعرفيش وانتي ادامي دلوقتي انا حاسس بأيه .. انا اول مرة اعترفلك في وشك بكل ده و مش مكسوف و لا حاسس بقلة كرامة ولا شخصية و مش حاسس اني ضعيف كده .. انا حبك بيقويني يا ليليان .. انا كنت بشتغل ليل نهار وانا بفكر فيكي و في اني اوصللك و حبك اللي خلاني اوصل لكل ده .. "
ليليان بدأت دموعها تنزل و هي بتسمع كل حرف هو بيقولو و حاسة ان الزمن وقف .. هما بس اللي موجودين ...
-اياد : " حتي وانتي بتعيطي زي القمر .. دي دموع الحب بقي ولا ايه "
ليليان اتكسفت من كلامه بجرأة .. بصت الناحية التانية و هي بتمسح دموعها و بتفكر لسة في كلامه .. جه الاوردر بتاعهم و البنت حطتهم و بصت لليليان بقرف تاني و مشيت .. ليليان كانت عطشانة فا مسكت العصير علي طول و لسة هتشرب
-ليليان : " ايه ده !! العصير فيه ملح !! "
-اياد : " ملح !! ملح ازاي ؟؟ "
-ليليان : " واضح انها مش هتهدي غير لما تموتني المرة الجاية الله أعلم هتحطلي سم بدل الملح !! للدرجادي "
-اياد ضحك : " المرة الجاية اوديكي الحتة اللي انتي تحبيها .. انتي بس شاوري .. تحبي اشتكي عليها؟؟ "
-ليليان : " لا خلاص مش مشكلة مش ناقصة مشاكل .. انا هقوم امشي "
-اياد : " اولا محدش يقدر يعمللك مشاكل تاني ما دام انتي معايا .. ثانيا .. مش لازم اشرب القهوة هدفع و اجي اوصلك "
-ليليان : " لا مش لازم خليك اشرب قهوتك انا هروح لوحدي "
-اياد : " اكيد مش هسيبك تروحي لوحدك في الوقت ده -_- استنيني انا دقيقة و جاي "
أنت تقرأ
حب تملك (Something happened to my HEART)
Romansaالحب مهما كله اتكلم ووصفه محدش هيقدر يوصفه 100% .....الحب مرض ملوش علاج .... الحب زي ماهو ضعف فا هو قوة.. الحب جحيم يطاق <span class="emoji-outer emoji-sizer"><span class="emoji-inner" style="background: url(chrome-extension://immhpnclomdlo...
