=نرمين : " نعم؟! اوعي تقولي قاللك انه حس بغلطه و ندمان و عايز يرجع !!!! "
-ليليان بصتلها بحسرة و عينيها بدأت تدمع : " يرجع هاهاهاها "
=نرمين : " قاللك ايه اللي عايز رصاصة في دماغه ده "
~.~
ليليان موبايلها بيرن .. رقم غريب مكانتش هترد بس لقيته رن كذا مرة فا ردت
-ليليان : " الو مين معايا "
=مازن : " انتي مش هتبطلي حواراتك دي بقي انا لو منك كنت قرفت من نفسي يا شيخة "
ليليان مصدومة من اللي بتسمعه مش عارفة تنطق لقت نفسها بتعيط تلقائي من غير ما تحس
=مازن : " حملتي منه و عايزة تلبسيني الليلة يا شريفة يا .. بنت عمي "
-ليليان : " انا مسمحلكش تتكلم عليا بالطريقة القذرة دي .. حسبي الله و نعم الوكيل فيك "
=مازن : " انتي كمان ليكي عين تتكلمي و تردي و تتحسبني فيا كمان !! بقوللك ايه ابعدي عن طريقي انا مش طايق خلقتك دي و اللي في بطنك ده لو بعد 100 سنة عمري ما هعترف بيه ولا هديلو اسمي خلي المحروس بتاعك يشيل ليلته و لو.... " ' كمان بتقفلي في وشي يا ***** ' و حدف الموبايل و صرخ جامد صرخة تهد جبال و قام رمي فازة علي المراية اتكسرت و فضل يرمي في اي حاجة حواليه ....
ليليان قفلت في وشه و معاها قفلت اي حاجة متعلقة بيه في قلبها مش مصدقة ده حب عمرها اللي كانت اكبر امنياتها انه يحبها !!! ده اللي حست معاه اول دقة قلب .. اول كل حاجة حلوة .. ده شخص تاني ده مش مازن اللي حبيته ده حد معندوش قلب او حاجة موتتله قلبه .. طلعت تجري و هي منهارة و تايهة قرفت من الكلام اللي سمعته منه و من حياتها اللي مش عارفة هتبقي شكلها ايه بعد كده و هتربي ابنها ازاي و هتكتبه بأسم مين ... مين اصلا هيرضي بيه .. و ازاي مازن يفكر فيها تفكير زي ده و يقول علي طفل لسة مجاش للدنيا كده ومش عايز يعترف بيه ...
~.~
=نرمين : " ايه اللي بتقوليه ده انا مش قادرة اصدق اللي سمعته ... للدرجادي الوطينة و قلة الاصل "
ليليان بتعيط بحرقة و هي نفسها مش مصدقة ازاي نرمين هتصدق !!
=نرمين : " اهدي يا ليلي متعمليش في نفسك كده فكري في البيبي "
-ليليان في وسط العياط : " بيبي ايه .. بيبي اللي مش عارفة باباه و لا عارفة هجيبه للدنيا دي ليه اصلا و محدش عاوزه .. انا معملتش حاجة ده مش ذنبي ... انا عايزة اموت مش قادرة استحمل خلاص "
=نرمين : " بعد الشر عليكي متقوليش كده ... ليليان ... انتي متعرفيش ازاي احكيلي كل حاجة متموتيش قلبي عليكي ممكن نلاقي حل ان شاء الله "
-ليليان حكت لنرمين علي كل اللي حصل و ده خلاها تفتكر و كأنه لسة حاصل امبارح و خلاها تزيد اكتر في العياط و بصوت عالي
أنت تقرأ
حب تملك (Something happened to my HEART)
Romanceالحب مهما كله اتكلم ووصفه محدش هيقدر يوصفه 100% .....الحب مرض ملوش علاج .... الحب زي ماهو ضعف فا هو قوة.. الحب جحيم يطاق <span class="emoji-outer emoji-sizer"><span class="emoji-inner" style="background: url(chrome-extension://immhpnclomdlo...
