بدأو الحفل و الشركة اللي متوقع معاها العقد بدأت بكلمتها و شكرو جامد في شركة ادم و اياد و جه اياد طلع فوق جمبهم و سلم علي مديرين الشركة و بدأ يقول كلمته ...
نرمين تنحت و بصت لليليان لقيتها مش مصدقة اللي هي شيفاه و بدأت ايديها ترتعش و تنتفض و شفايفها .. و الدموع نازلة تجري علي وشها .. حطت ايديها علي بطنها جامد و قامت تجري من القاعة و كأن وحش بيطاردها نرمين قامت تجري وراها و حست هي كمان انها اتضحك عليها .. ما دام اياد صاحب الشركة و شريك ادم يبقي ادم اكيد عارف كل حاجة و كان بيساعدهم كل ده عشان...
لحقت ليليان و اخدتها في حضنها و متبتة فيها و بدأت هي كمان تعيط من المنظر و من كل اللي حصل .. مرة واحدة مش سامعة اي صوت لليليان و حست انها هتقع سندتها و لقتها فاقدة الوعي ..
=نرمين صرخت جامد : " ليليااان فوقي بالله عليكي ليليان .. "
قعدت علي الارض و سندت راس ليليان علي رجلها و فضلت تصرخ و تعيط .. طلعت البرفان بتاعها من الشنطة و قعدت تشممه لليليان .. مفيش استجابة
ادم طلع يجري وراهم و لما سمع صوت صراخ راح مكانهم و اياد جه وراه وهو هيموت من الخوف .... اياد جري عليهم و حاول ياخد ليليان من نرمين . صرخت فيه بصوت عالي
=نرمين : " ابعد عنها كل ده بسببك ... انت عايز تموتها خالص انت بتعمل كده ليه ابعد عنها "
-اياد مش مستحمل اي كلام منظر ليليان كفيل انه يخليه علي اخره : " خلينا ناخدها الاول المستشفي بسرعة " و حاول تاني يشيل ليليان و ادم ساعده و خلي نرمين تسيبها .. اياد شالها بسرعة و جري علي عربيته دخل ليليان علي الكنبة و ركب بسرعة و ساق العربية علي أقصي سرعة .... ادم قال لنرمين تركب معاه العربية و هيلحقهم بسرعة .. نرمين في الاول مكانتش عايزة حتي ترد عليه و قالت هتوقف اي تاكسي بس مكانتش هتعرف العنوان . بصت له بقرف و ركبت مكانش ادامها اي فرصة تانية غيره .. ركب و رن علي اياد يعرف منه أنهي مستشفي .... كان عايز يشرح لنرمين بس قال مش وقته و يطمنو علي ليليان الاول بس كان مضايق ان نرمين واخدة فكرة غلط عنه و البصة اللي بصيتهالو
وصلو المستشفي و دخل بسرعة سأل علي الاسم قالولو اوضة *** طلع هو ونرمين و لقو اياد واقف بره مستني
=نرمين : " كل ده بسببك حرام عليك انت بتعمل فيها كده ليه "
-ادم : " اهدي يا نرمين دلوقتي لحد ما نطمن عليها مش وقته الكلام ده و هتفهمو كل حاجة "
=نرمين : " نفهم ايه .. انتو مظبطينها مع بعض بقي ... انتو أشباه رجال انتو معندكوش قلب ولا بتحسو منكو لله " و قعدت علي الارض و فضلت تعيط مرعوبة علي صحبتها او في مقام اختها ... اياد هيتجنن مش قادر ينتظر كان هيدخل عليهم وهما لسة بيكشفو و الدكاترة طلعوه بالعافية ... ادم حاول يتكلم معاه اياد زعق فيه و مكنش طايق يسمع كلمة من حد .. لما لقاهم أخرو كان مرعوب و مشي قعد في حتة لوحده و نزل علي الارض فضل يدعي انها تكون كويسة و ميحصللهاش حاجة .
أنت تقرأ
حب تملك (Something happened to my HEART)
Romansaالحب مهما كله اتكلم ووصفه محدش هيقدر يوصفه 100% .....الحب مرض ملوش علاج .... الحب زي ماهو ضعف فا هو قوة.. الحب جحيم يطاق <span class="emoji-outer emoji-sizer"><span class="emoji-inner" style="background: url(chrome-extension://immhpnclomdlo...