-ليليان : " نرمين نرمين اصحي بقي "
=نرمين : " سيبيني انام شوية "
-ليليان : " تنامي ايه تاني الساعة بقت 5 العصر "
=نرمين بنعس : " بتهزري !! انا نمت كل ده "
-ليليان : " شكلك كنتي تعبانة اووي انا عمالة اصحي فيكي من بدري ولا كأنك مقتولة "
=نرمين : " ااااه دماغي وجعاني اووي هتنفجر "
-ليليان : " معلش قومي خدي شاور و تعالي عملالك اكلة بتحبيها "
=نرمين : " ايوة بقي دانتي واضح انك رايقة اووي 😉 كنتي اخدتي اجازة من زمان يا شيخة "
-ليليان : " قومي يا بت انتي مترغيش كتير "
.. نرمين قامت خدت شاور و بردو عمالة تفكر تساعد ليليان ازاي ... خلصت و طلعت فضلت ترخم شوية عليها و قعدو كلو مع بعض و نرمين كانت بتحاول تضحك ليليان عشان تفك الجو شوية و تحاول تتكلم معاها
=نرمين : " تيجي ننزل نتمشي بعد شوية علي البحر "
-ليليان : " هممم مش عارفة .. "
=نرمين : " ياللا نستغل الاجازة دي "
-ليليان : " اجازة ايه !! "
=نرمين : " ما ... هما ادونا اجازة عشان ترتاحي شوية عشان الحمل "
-ليليان : " نرمين انتي بتهزري !! احنا مش هنكمل في الشركة دي "
=نرمين : " ليليان متنسيش الشرط الجزائي.. احنا عمرنا ما هنقدر ما ندفعه .. وكمان احنا جايين نشتغل بدل ما هنشتغل هنرجع زي خيبتنا لا وكمان علينا ديون و ممكن ندخل السجن و حاجات احنا مش ادها .. "
-ليليان : " هندور علي اي شغل تاني هنا اكيد هنلاقي و نبقي نسدد الشرط علي مراحل "
=نرمين : " و تضمني منين تلاقي شغل واحنا لوحدينا ومش هنعرف حد هنا اكيد .... ليليان بصي "
-ليليان : " مفيهاش بص يا نرمين .. انا مش هقدر اكمل هناك اا "
=نرمين : " ليليان اياد بيحبك بجد " قالتها بسرعة واتفاجأت من نفسها .. ليليان بصتلها و تنحت ايه اللي هي بتقوله ده !! اكيد اتجننت ! فضلو ساكتين شوية الاتنين مستغربين
-ليليان : " انتي قابلتيه اتكلمتي معاه ؟؟!!! "
=نرمين : " ده .. لما كنتي .. لما مازن كلمك كده وانتي طلعتي و كنتي هتعملي حادثة هو اللي أنقذك وودانا المستشفي و كان هيموت عليكي من الرعب .. و فضل يسأل عليكي و علي البيبي .... و جه اتكلم معايا و احنا في المستشفي و شرحلي "
ليليان تنحتلها و حست بضربات قلبها بدأت تزيد ووشها يحمر .. غضب ...
-ليليان : " انتي مجنونة !!! انتي ازاي تقفي تتكلمي معاه و كمان تصدقيه و تسيبيه كمان يقرب مني تاني "
أنت تقرأ
حب تملك (Something happened to my HEART)
Romanceالحب مهما كله اتكلم ووصفه محدش هيقدر يوصفه 100% .....الحب مرض ملوش علاج .... الحب زي ماهو ضعف فا هو قوة.. الحب جحيم يطاق <span class="emoji-outer emoji-sizer"><span class="emoji-inner" style="background: url(chrome-extension://immhpnclomdlo...