الحب مهما كله اتكلم ووصفه محدش هيقدر يوصفه 100% .....الحب مرض ملوش علاج .... الحب زي ماهو ضعف فا هو قوة.. الحب جحيم يطاق <span class="emoji-outer emoji-sizer"><span class="emoji-inner" style="background: url(chrome-extension://immhpnclomdlo...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اياد واقف متوتر و متلهف ان ليليان تقوم بالسلامة .. رايح جاي .. شوية يخبط ايده في الحيط .. كاميليا كل شوية تروح تتطمن علي احمد و تيجي تقف مع اياد مستنية ليليان .. ادم كلم اياد و اياد عرفه ان ليليان بتولد .. نرمين قالت لأدم ينزلو عشان تبقي مع ليليان و هو يقف مع اياد .. فضلو مستنيين كتير .. ادم و نرمين وصلو و فضلو واقفين معاهم .. اياد كان متوتر جداا لأن الدكتور أخر .. و بعد فترة كبيرة الدكتور طلع .. اياد جري عليه
=الدكتور : " مبروك .. جابت توأم .. هي دلوقتي كويسة و التوأم كويس الحمد لله .. بس ادناها حقنة و هي نايمة دلوقتي "
اياد سمع توأم و اتصدم !! .. مش مصدق .. توأم مرة واحدة .. بعدين فرح جدا و كان هيطير .. ادم حط ايده علي كتفه
=ادم : " مبروك يا وحش "
اياد بصله و الفرحة مش سيعاه .. و بعدين خده في حضنه جامد .. نرمين كانت هتتنطط من الفرحة و جريت علي كاميليا حضنتها و باركتلها .. و دخلو لليليان الاوضة .. اياد راح مكان الاطفال و فضل يبص عليهم ..
......................
احمد طلع من العناية و دخل اوضة عادية .. كاميليا عرفته ان ليليان ولدت و جابت توأم كمان .. حس ان الحمل و الهم اكبر .. بس متكلمش مقاللهاش حاجة و اكتفي بابتسامة صغيرة .. و كاميليا راحت جابت البنوتة و ادتهاله خلته يشيلها
=كاميليا : " حتة منك يا احمد ^_^ "
احمد شالها براحة و مش مصدق نفسه
=احمد : " بسم الله ما شاء الله 😍 بس مشش شبه ليليان خالص .. دي شبه .. " و سكت مكملش كلامه ... كاميليا بصتله و كتمت كلامها هي كمان ... البنت واخدة دم اياد جداا !!!! 😳😳😳😳 احمد مش عايز يصدق احساسه حتي بينه و بين نفسه
كاميليا اخدت البنت و رجعت تاني علي اوضة ليليان .. كانت ليليان صحيت و قاعدة ماسكة ابنها و الباقي قاعد حواليها
-ليليان : " ازاي يعني الدكتور ميقولش انه توأم .. ده مفهمني اني حامل في بنت 😂 "
=نرمين : " اكيد مكنش عايز يخضك 😂 "
=ادم : " انتي عبيطة يا بنتي .. هيضحك عليها عشان مش عايز يخضها يعني و هو اللي كان مخليها تحمل في توأم يعني !! اكيد غلطة مطبعية 😂😂😂"
