=احمد : " انتي كمان جيبالي اللي غلطتي معاه هنا و عايزة تتجوزيه ؟؟!! اصل انا معرفتش اربيكي .. وانت ليك عين تيجيلي بيتي بعد اللي عملتوه و بكل بجاحة بتطلب ايديها !! ما كنتو كملتو مع بعض في الحرام بقي " و قام ضرب ليليان بالقلم جامد و صرخت ....
=احمد : " اطلع بره يا كلب يا حقير انت من هنا و مش عايز اشوف وشك و الا أقسم بربي هبلغ عنك .. وانتي ياللي مشمتيش ريحة التربية احمدي ربنا ان ابن عمك لسة شاريكي و وافق انه يردك علي زمته و يعترف بابن الله أعلم هو ابن حرام و لا ابنه .. "
-ليليان في وسط عياطها : " انا مليش ذنب حرام عليكم اللي بتعملوه فيا ده .. عايز ترجعني للي مرمطني و بهدل كرامتي و شك فيا و انا علي زمته و طلقني من غير ما ... " و مكملتش كان احمد نزل علي وشها بقلم اجمد من الاولاني و هنا صرخت بصوت عالي و انتفضت ...
اياد جمبها في الطيارة لقاها متبتة في ايده و انتفضت في مكانها و شهقت بقوة .. اياد اتخض و مسك ايديها بخوف لقاها بترتعش و بتصب في عرق بيبصلها لقاها بتعيط و لسة ماسكة في ايده و عينيها مليانة خوف
-اياد بصوت واطي و بيحاول يكون هادي لأنه فهم انه اكيد كابوس : " انتي كويسة؟؟ " و بيربت علي ايديها بنعومة
ليليان بصتله و بصت علي ايديهم .. فضلت ساكتة شوية و بعدين حاولت تسحب ايديها بعد ما حست بكهربا سايرة في جسمها .. اياد فضل متبت في ايديها جامد و مرضيش يسيبها
-اياد : " ليليان !! " ليليان بصتله .. فضلت مركزة في عينه شوية و بعدين فضلت تعيط بس بهدوء
-اياد : " مالك طيب؟؟ "
-ليليان : " انا مش عايزة انزل مصر .. مش هنزل لا .. خليهم يوقفو الطيارة "
-اياد ضحك عليها : " يوقفو الطيارة ازاي طيب؟؟ احنا في الهوا ع فكرة مش راكبين عربية .. مش عايزة تنزلي ليه ؟؟!!! "
-ليليان : " ب .. بابا لما يعرف ... محدش هيصدقني .. عمو مش هيصدقني .. و كمان لما يعرفو ان .. ان .. "
-اياد : " يعرفو حادثة مازن؟؟ -_- ده قضاء و قدر مش انتي السبب .. و انتي ملكيش ذنب في اي حاجة ... انا هتكلم مع عمو اهدي انتي دلوقتي عشان انتي قربتي علي ولادة .. "
فضل ماسك ايديها و باصص في عينيها و هو بيحاول يهديها .. اتوترت و بصت في ناحية تانية غير عينيه و حاولت ببطء تسحب ايديها بس هو فضل ماسكها ..
............................................
نرمين كانت في الشركة بتاخد حاجات من مكتبها عشان محتاجاها تاخدها البيت تبع الشغل .. و لسة بتلم الحاجات لقت نفس وراها بتلف لقت ادم واقف و من غير ما يتكلم او يقول اي كلمة .. اتخضت في الاول و بعد كده فضلت ساكتة مستنياه يقول حاجة .. دقيقتين من الصمت ..
=ادم : " انتي حضرتك ناوية تشرفينا و تشتغلي معانا هنا في الشركة ولا احنا مثلا ريحتنا وحشة فا مش طايقة تقعدي هنا ؟؟ "
أنت تقرأ
حب تملك (Something happened to my HEART)
Romanceالحب مهما كله اتكلم ووصفه محدش هيقدر يوصفه 100% .....الحب مرض ملوش علاج .... الحب زي ماهو ضعف فا هو قوة.. الحب جحيم يطاق <span class="emoji-outer emoji-sizer"><span class="emoji-inner" style="background: url(chrome-extension://immhpnclomdlo...
