ليليان لفت بسرعة قبل ما يشوفها و اول مكان جريت عليه .. مكتب اياد !! ... فتحت الباب بسرعة من غير ما تخبط او مش في وعيها مش حاسة هي بتعمل ايه .. كل اللي هي عرفاه انها خايفة .. مش عايزة تفتكر مش عايزة تواجه مش عايزة حاجة تكسرها تاني .. استكفت خلاص !!
-اياد اتخض من منظرها و قام بسرعة : " ليليان .. في حاجة ؟؟ مااالك؟؟ " و قرب ناحيتها
ليليان ماسكة دموعها بالعافية .. لزقت بضهرها في الباب و مش عارفة تقول ايه .. عايزة تهرب !! ' ليه كل ما اهرب و تحاول تتحل تتعقد تاني يا ربي ' في نفسها
-ليليان بحشرجة في صوتها بسبب كتمان العياط و الخوف : " ااا .. انا جيت اشوف الملفات عشان اكمل ش .. شغل عليها .. "
-اياد حس ان في حاجة : " انتي لسة طالعة حالا !! وانا كنت لسة بظبط فيهم !! " و بدأ يقرب لحد ما بقي في وشها بظبط ... ليليان خافت اكتر و بتبص وراها عشان تبعد لقت نفسها لازقة في الباب ... الدموع فلتت منها
-اياد : " ليليان ماااالك ؟؟ ... قوليلي ايه اللي حصل ؟ "
-ليليان و بتمسح دموعها : " اا .. مفيش حاجة ... لو خلصت الملفات ممكن اخدها؟ "
اياد حاول يفتح الباب و يطلع يشوف في ايه .. ليليان زقت الباب و قفلته بسرعة و شدته من ايده
-ليليان : " ارجووك ... مش ناقصة فضايح في الشركة ... "
-اياد : " ايه اللي بيحصل !! ... هو ... "
-ليليان : " بالله عليك مش عايزة مشاكل كفاية اللي انا فيه "
-اياد بصوت عالي : " ايه اللي جابه هنا ده و عرف مكانك و مكان الشركة ازاي !! "
-ليليان و بتحاول تهدا : " معرفش .. " و بصوت واطي : " اااه .. هكلم نرمين اقوللها لو سأل تقوللو انا مش هنا " و بسرعة رنت علي نرمين ... اياد واقف زي الاسد اللي مستني يهجم علي الفريسة .. هيموت ويطلع يمسكه يفضل يضرب فيه بس فعلا مينفعش يعمل كده و هما في الشركة ... بيحاول يمسك نفسه عشان ميتهورش و يعمل مصيبة يندم عليها بعد كده
-ليليان : " الو .. نرميييين .. انتي فين "
=نرمين : " ليليان !! مال صوتك ؟ انا كنت تحت في الجنينة بجيب شوية حاجات "
-ليليان : " مازن هنا في الشركة !! حاولي ما دام انتي تحت متظهريش ادامه او اعرفي هو بيعمل ايه بس متتكلميش معاه و متخليهوش .. اتصرفي "
=نرمين : " ماااااازن !!!!!!!! ايه اللي جابه هنا ده !!! انا لو شفته هفتحله دماغه "
-ليليان : " انا معرفش هو ايه اللي جابه .. نرمين ابوس ايدك اتصرفي و متبوظيش الدنيا .. احنا في شركة و مش ناقصين مشاكل انا اللي فيا مكفيني "
=نرمين و هي مشفقة علي كل اللي ليليان بتمر بيه : " طب انتي فين دلوقتي ؟ "
-ليليان : " ف ... هبقي اقوللك بعدين .. يلا و ابقي كلميني لما تعرفي انه مشي .. سلام "
=نرمين : " طيب تمام .. سلام "
ليليان حطت الموبايل في جيبها و كانت حاسة ان خلاص مش قادرة تمسك نفسها و هيغمي عليها ..
فجأة !! الباب خبط ... ليليان اتخضت و شهقت من الخضة و فضلت تعيط ... اياد جري علي الباب و قفله بالمفتاح .. الباب فضل يخبط
اياد رن علي السكرتيرة
=السكرتيرة : " ايوة يا فندم .. "
-اياد : " مين اللي بيخبط علي الباب ؟ "
=السكرتيرة : " ايوة يا فندم كنت هقول لحضرتك في واحد عايز يقابل حضرتك "
-اياد : " انا في اجتماع و مش فاضي طول اليوم .. خدي منه الرقم و هنبقي نتصل بيه "
=السركتيرة : " حاضر يا فندم تحت أمرك "
قفل معاها و راح وقف ادام الشباك الطويل .. بيبص علي مخرج الشركة .. ليليان واقفة مرعوبة و مبتنطقش
ادم فضل واقف ييجي ربع ساعة ... لقي مازن خارج من الشركة و ركب تاكسي و مشي .. لف وشه لقي ليليان قاعدة علي الكنبة و مفحومة عياط و جسمها كله بينتفض .... راحلها و قعد ادامها علي ركبته
-اياد : " اهدي .. خلاص مشي .. انا اسف "
-ليليان شالت ايديها من علي وشها و خبطته علي صدره : " كل ده بسببك .. انت السبب في اللي حصللي ده كله .. انا عملتلك ايه عشان تعمل فيا كده " و فضلت تضرب فيه .. اياد مسك ايديها بقوة و فضل متبت فيها
-اياد : " وانا مستعد اصلح كل اللي حصل .. و مستعد انفذلك كل اللي تطلبيه .. انا عمري ما اقدر أأذيكي .. اللي حصل غصب عني و عمري ما كنت افكر اعمل فيكي كده .. انا بحبك يا ليليان و مش هسيب اي حد يقرب منك او يأذيكي .. و هتحمل مسؤولية الطفل كلها حتي لو طلع مش ابني .. اطلبي مني اي حاجة وانا هنفذهالك .. انا عمري ما هسيب الزفت ده يأذيكي او يقرب منك او يفكر يعمللك حاجة .. ليليان..... تتجوزيني؟ "
.............................................
صغير بس شابترين ف نفس اليوم اهوو و ورا بعض كمان اي خدعة :D :D 😍🌺🎉💃
و عيزاكو تشهدو علي NermeeNxx كانت وعداني اني لو نزلت شابترين في يوم واحد هتجيبلي هدية 😄😄😄😄😄
أنت تقرأ
حب تملك (Something happened to my HEART)
Romanceالحب مهما كله اتكلم ووصفه محدش هيقدر يوصفه 100% .....الحب مرض ملوش علاج .... الحب زي ماهو ضعف فا هو قوة.. الحب جحيم يطاق <span class="emoji-outer emoji-sizer"><span class="emoji-inner" style="background: url(chrome-extension://immhpnclomdlo...
