حب تملك (Something happened to my HEART)

#Part 16

#مازن

انا عارف اني اناني ... انا كنت عايزها تحبني مهما انا عملت ..تقوم من اول مشكلة بسيطة تسيبني !! كل ده عشانه؟ عمللها ايه انا معملتوش؟ انا كنت عايزها معايا وجمبي .. كانت بتريحني وقت تعبي كل ده كان ايه تمثيل !! طب ليه؟ اكيد لأ .. طب و لمعة عينيها لما كانت بتبصلي دي بردو هتمثلها !! و قلبي اللي خليته مدقش غير ليها بس انا اللي صدقتها انا الغلطان... بس هي دايما في مشاكلي و قرف الشغل كانت واقفة جمبي و دايما كانت بتشيل عني ... طب ليه هتعمل كده!! انا مقستش عليها لدرجة انها تهرب . طب هقول لأهلها ايه ؟ هقول لعمي ايه..... منك لله .......

~.~

اياد لما لقي محدش رد قفل و قفل موبايله خالص وطلع الخط كسره و رماه وكان داخل عند ليليان الاوضة .. وبعدين قال يسيبها تهدي شوية و ميضغطش عليها .. جهز لها صينية اكل و دخل حطها جمبها من غير ما يتكلم بس عينه كانت بتقوللها كل اللي نفسه يقوله و سابها و قفل الباب وراه و طلع .. 

تاني يوم دخل عليها لقي حالتها بتسوء و عينيها زي البركان و الاكل متلمسش من امبارح و دموعها موقفتش من ساعة ما خطفها

=اياد : " انتي مأكلتيش ليه "

بصت له باشمئزاز و حقد و لفت وشها الناحية التانية 

=اياد : " ليليان بصيلي " و قرب ناحيتها هي سمعت صوت خطواته ارتجفت و بعدت 

-ليليان : " اياك تقرب مني انا بكرهك بكرهااااااااااااااااااااك "

=اياد : " انتي ايه مبتحسيش ؟؟ انا اتعميت بحبك مش شايف غيرك و مش عايز غيرك انا بعد موت ابويا و امي مبقاليش حد و لما حبيتك كنت بموت نفسي في الشغل عشان اقدر احقق لك كل اللي انتي عيزاه و اتقدملك كنت بقول انتي هتكوني امي و ابويا و بنتي و مراتي و كل اللي ليا .. انا مش هسيبك تروحي ليه تاني .. انتي بتاعتي انا .. بتاعتي انا و بس " سابها و طلع بسرعة غضبان انه قاللها كده .. مكنش عايز اعترافه ييجي بالطريقة دي ... نزل الجيم ينفث عن غضبه و فضل يضرب في كيس الرمل لحد ما ايده اتعورت و الدم بيجري منها ... طلع اخد شاور و تفكيره مبيفارقهاش .. هو مش عايزها غصب .. عايزها تحبه تهتم بيه تحس بيه .. عايزها ام لأولاده <3 

.....

مازن فضل كام يوم في الغردقة مش عارف هيروح يقول لأهله ايه .. كان بيمنع نفسه انه يرن علي اياد لأنه خايف يعرف الحقيقة وانها فعلا سابته عشانه .. كان في صراع مع قلبه و عقله .. و بعد مرور 5 ايام من ما ليليان اختفت قرر اخيرا يرن و يعرف .. الرقم اتقفل ! 

قرر ينزل و يرجع بيته .. اخد حاجاته كلها و لبسه و لم حاجاتها كلها و قرر يرميها !! 

رجع البيت و طلع من غير ما يعرف حد انه رجع ... فضل يومين قافل علي نفسه شقته و قفل موبايله ...

الايام دي عدت علي اياد و ليليان مفيش جديد هي ما زالت مبتاكلش و مبتبطلش عياط و ضعفت جداا و بان علي وشها و اياد كان كل ما يشوفها كده و انها مصرة انها حتي متديلوش فرصة كان صبره نفذ و كان ماسك نفسه بالعافية كان نفسه يمسك مازن ويولع فيه ادام عينيه زي ما بسببه قلبه بيولع ويحترق عليها ... اياد كان بيحاول بكل الطرق انه يقرب من ليليان وكان بيشتري لها الاكل اللي بتحبه و بيحاول يتكلم معاها و يحكيلها عن امه و ابوه وهي لا حياة لمن تنادي و كأنها مش سمعاه .. و ده كان بيخليه اعصابه تتعب اكتر ..