=ادم : " انتي رايحة فين استني طيب هوصلك "
ليليان قامت بسرعة تمشي و ادم دفع الحساب و لحقها .. فتحلها باب العربية ليليان عدت و مركبتش ادم راح وراها
=ادم : " استني طيب .. "
ليليان كملت مشي و مبصتلوش .. تايهة.... حاسة انها في حلم و نفسها تفوق منه .. ادم لف ركب العربية و فضل يزمرلها و هي بردو مكملة و مرضتش تبصله ... ادم موبايله بيرن
=ادم : " ايوة يا سبب المصايب"
-اياد ببرود و بحة في صوته : " روح انت "
ادم بيبص من مراية العربية لقي اياد علي الجمب التاني و ماشي ببطئ ورا ليليان .. دور العربية و مشي
اياد فضل ورا ليليان بالعربية لحد ما وصلت و محصللهاش حاجة .. خدت الطريق كله مشي و هي بتفكر و صلت البيت و طلعت دخلت الشقة من غير ما تشوف نرمين و دخلت اوضتها قفلت علي نفسها .. نرمين حست بيها طلعت تشوفها لقيتها قافلة علي نفسها خبطت
=نرمين : " ليليان افتحي خلينا نتكلم "
-ليليان : ......... "
=نرمين : " عشان خاطري طيب .. ليليان !! ... والله العظيم كلنا بنحبك و عايزين نساعدك .. "
في الوقت ده كانت ليليان متوضية .. صلت و فضلت تدعي كتير و شغلت سورة يس . نرمين لما سمعت صوت القرأن اطمنت شوية و قالت تسيبها لوحدها شوية تفكر .
تاني يوم صحيو ليليان كانت جهزت و قاعدة مستنية نرمين عشان ينزلو سوا
=نرمين : " انا خلصت ياللا "
ليليان من غير ما ترد قامت و فتحت الباب و لسة هتنزل
=نرمين : " ليليان هتفضلي متتكلميش معايا كده ؟؟ "
ليليان مردتش و كملت و نزلت .. نرمين بصت بزعل و نزلت .. اول ما نزلو لقو تاكسي علي طول ركبوه ووصلو الشركة . طول الطريق طبعا ليليان باصة ناحية الشباك و ساكتة خالص و حطة ايديها علي بطنها متبتة فيها جامد .. نرمين خدت بالها و حست ان ليليان متوترة . وصلو و طلعو مكتبهم .
عدا ساعتين و هما شغالين . لقو الباب بيخبط .. ليليان مدتش اهمية . نرمين : " ادخل "
ادم دخل و نرمين فضلت تبص بتوتر و ضربات قلبها زادت
=ادم : " صباح الخير .. اخباركو ايه "
ليليان لما سمععت الصوت ايديها اتصلبت و كانت هتوقع الوان علي لوحة بس لحقت نفسها .. كانت فكراه اياد بصت لقيته ادم .. بصت تاني في شغلها و متكلمتش
=نرمين : " صباح النور يا بشمهندس "
ليليان بصتلها بجمب عينيها .. نرمين خدت بالها و استغربت
=ادم : " محتاجين حاجة؟ " و غمز لنرمين علي اساس تطلعله بره
=نرمين بصت لليليان لقتها بصة في اللوحة و مركزة : " لا شكرا "
أنت تقرأ
حب تملك (Something happened to my HEART)
Romansaالحب مهما كله اتكلم ووصفه محدش هيقدر يوصفه 100% .....الحب مرض ملوش علاج .... الحب زي ماهو ضعف فا هو قوة.. الحب جحيم يطاق <span class="emoji-outer emoji-sizer"><span class="emoji-inner" style="background: url(chrome-extension://immhpnclomdlo...
