Sa halip na palaguin
ang halamang munti
pinutol, sinira-
at tinanggal mula sa lupa
dahil sa paniniwala
ng may-tanim
na walang patutunguhan
ang paghihintay
nang matagal na panahon
'pagkat laging nakatingala
natatakam sa
matamis na bunga
ng puno ng iba
hindi man lang nag-atubiling
tumingin sa baba
at inalala na ang lahat
ng matayog na puno
ay nagsimula sa lupa.
BINABASA MO ANG
Mga Awit ng Isang Payak na Puso
PoetryAng aking koleksyon ng mga Tagalog na tula. Mambabasang estrangherong nadapdap dito Silipin mo ang aking puso Hayaan mong ihayag ko sa iyo ang mga hinaing 'di masabi Ng isang pusong dumudugo man ngunit lumalaban pa rin Saluhin mo ang bawat letra na...
