The Personal Ass

15th.

"Kung ako lang, ayoko na nyan." Wika ko.

"Haha, hindi naman pwede 'yon, Aein." Tawa ni Ford na napatingin kay Ms Ja na panay naman ang tango bilang pagsang-ayon.

"Eh hindi naman maiwasan! Ms Ja? Kailangan bang ganon? Eh tuwing mallshow nalang ata nila hindi naiiwasang masaktan, mahirapan, maiyak, malunod sila sa dami ng tao!" Medyo napataas na ang boses ko.

It's been a week at tatlong mallshows ata ang naganap. Kahapon lang ang last kaya 'yon ang napag-usapan. Nasa sala kami, kakatapos lang ng rehearsals nila.

"Kumalma ka nga dyan!" Utas nya.

"Hindi naman pwedeng wala silang mallshow baliw ka." Dagdag pa nya.

Bigla naman ay yumakap sa akin ang katabi kong si Joao.

"Awww, how sweet. She's so worried about me." Pikit pa nya.

"Me amp! Me mo'to. Wala po akong sinabing SAYO lang. Wews." Ngisi ko.

Dumilat naman sya at tumingin sa mga mata ko, nakatingin naman ako sa kanya.

Ngumiti sya ng nakakaloko.

"Okay lang 'yan. Malalaki na 'yang mga 'yan, Ta'mo nga oh, anlalaki ng katawan--"

"Ahem! Wala pong--"

Napatingin sakin si Joao na bahagyang nakataas ang kilay.

"--Okay, si Joao medy--" napatigil ulit ako ng marinig at makita ang mga 'ahem!' at tingin nila Ford, Tristan, Russell at ni Neil na tila nag-eexercise pa feeling may hawak na dumbbell ang isang kamay.

"Tss, okaaay. Kasama namin ang dakilang mga machete ng taon." Pokerface ko.

"Hahaha, so ayun nga. Keribellz na nila ang mga fangirls nila. And besides if I know, gustung-gusto nila ang somehow magka-injured dahil may nurse naman sila na nakakapagpagaling agad." Sabay ang tingin nya sa akin ng nakakaloko at sa lima na sinagot naman sya ng mga ngisi.

"Psh, ewan." Pagsuko ko sabay ang paghalukipkip at pabagsak na isinandal ang likod sa sofa.

"Damn cute." The guy beside me murmured.

- -
"Aeeeeein! Come'on! Move fast!" Sigaw ni Russell sa akin nang nasa taas sa dulo na sya ng hagdan.

"O'na, teka lang naman oh." Ayos ko sa mga bitbit kong bote ng cruisers at snacks.

May hindi pa pala ako nakikita sa studio na ito. Ang isang pinto na akala ko ay stockroom lang pero pinto pala paakyat ng rooftop.

Isang partymusic mula sa soundsystem ang bumugad pag-akyat namin na sina Neil, Tristan, Ford at Joao ang nag-aayos. Openspace ito kaya saktong lakas lang ang volume ng tugtog although halos isang kilometro ang layo ng susunod o katabing mga bahay.

Inilapag ko ang mga bitbit ko sa table na kakaset-up palang ni Tristan.

"San si Manager Ja?" Tanong nya.

"Ewan. Wala sa baba e." Sagot ko.

Napakibikit-balikat naman sya.

"May--" pagdadalawang-isip ko sa tanong ko.

"May?" Kunot noo nya.

"May.. ano, may mga bisita ba--ng iba?" Tuluyang tanong ko.

"Di ko alam kay manager." Ngiti nya.

Actually wala namang okasyon. Trip lang nila and since unang beses kong makita ang rooftop na ito. Mukhang magkakatuwaan lang naman kami.

---