[DEEWAAR- The wall of Love] ✔ J.Series

-15-

' Baba se dushmani?? Huh? Kesi dushmani '

Azaan apko yaad hay uss din Sajid ke hath mai koi remote tha? Aur wo ap se keh rha tha ke mjhe bomb defuse krna ata hay? Aur ye isika remote hay? Tum pareshan na ho Azaan main tumhare baba ko kuch nahi hone duga? Apni jaan pr khel kr unki jaan bachauga?

' Haan mjhe yad hay,aur baba ki kefiat kese bhula skti hu... '

Sajid ek gher mulki agent hay,is watan ka ghaddar hay.Wo apke baba ko bomb se urrana chahta tha aur phir wo chahta tha ke agar marne se pehle unho ne khufya passage nahi btaya tw wo apka istemal krke unhe blackmail krege.

' Ufff Ye tum kya bakwas kr rhe ho,hatto yahan se mjhe sajid se milna hay. Pls jao,tum kuch bhi kehdo mai tumhari baaton mai nahi augi. Mjhe sajid se mohabbat hay aur... '

Kya iske baad bhi apko mohabbat rahegi usse jab ap ye jan jayengi ke usne hi apke bhai ko shaheed kya tha,berehmi se gala kat dala tha? Wo uss waqt naqab mai tha tw chehra chupa hua tha... Azaan main jhoot nahi bol rha apko yaqeen nahi ata tw sbse pehle ja kr Sajid ka wo mark check kro aur phir agar meri baton ka sachai ka ilm hojaye tw mjhe batana.

************************************

Aik narm sa hath mere bazoo ko chune laga tw mjhe pata chala ke main zinda hu.

Wo lams ka ehsas meri zindagi ka sbse khubsurat lamha tha kiuke mjhe ye pata chala ke main zinda hu aur maut se larr kr wapas agaya hu.

Maine barri mushkil se ankhein kholna chahi lekin ye mumkin na hua,dard ki ek tez lehar mere sar mai se ghumti ankhon pe ayi aur mai ankhen kholne mai nakam raha.

Koi mere bazoo ko choo kar dekh rha tha,shayd koi hospital staff hoga.Ya phir koi aur.

' Sajid ap ne kiun kya aesa,maine tw ap par bohat bharosa kya tha,apko sbse zyada qareeb mana tha 2 saal se mjhe dhokha hi dya,kiun Sajid,kiun? '

Ye Azaan ki awaz thi aur wo ruhansi ho gyi thi.Wo kya keh rhi thi mai smjh rha tha,lekin kuch kehne ke liye halat ijazat nahi de rhi thi.Main mjboor tha.

' Main mjboor thi uss waqt,mjhe wahi sach laga tha jo sach dikhaya ja rha tha.Mjhe nahi pata tha ke uss wehshat ke naqab ke piche Sajid ap honge '

Jo bhi Azaan keh rhi thi mai sun rha tha,mjhe pata tha aur darr tha isi bat ka ke kisi roz ye agar Azaan ko pata chal gya tw meri mehnat khak main mil jaygi.Ye nahi hay ke main Azaan se mohabat nahi krta,mjhe usse bepanah mohabbat hay lekin mjhe apne kaam se bhi mohabbat hay.Aur mera kaam tha is mulk ko brbaad krna jiski matti mai mere abba dafan thay aur wo bewajah maar diye gye thay aur wo bhi Azaan ke baba ke hatho.

' Sajid maine apko tab se hi apni zindagi sonp di thi,mjhe laga tha Allah ne apko mere nigheban ke roop main utara hay,isilye apko mjhse milwaya... Aur jab hum apa ki nand ki shadi pe milay aur Hamida aunty ne mjhe pasnd kya tabhi maim smjh gyi thi ke ye Allah Tala ka ishara hay ke ab humain milna hay... '

Wo bolte bolte ruk gyi,mjhe uski takleef ka andaza tha.Main apne farz aur qarz ke beech main phansa hua ek mohabbat krne wala mehboob tha.Ye jante huay bhi ke iske baba mere baba ke qatil hain,phir bhi na jane kese mjhe isse mohabbat ho gyi.

' Mjhe ye nahi pata ke mere baba aur apke abba ka kya connection tha lekin... Kiun kya ap ne aesa,iss qadr dhoka? Hmesha mohabat krne walon ki taqdeer dhoke ki siyahi se kiun rangi hui hoti hay? ... ... '

Aur wo rone lag gyi,phoot phoot kar rone lag gyi.Wo be dihani mai rote huay apna sar mere hatho pe rkh rhi thi aur mera dil chah rha tha ke uthu aur usse apne shano se lgau aur smnbhalu,kahu ke ye gham mohabat ke hisse mai zroor ata hay... Aur main tumhe dhoka nahi de rha aur na hi kbhi duga,Khuda ki qasam! Main tumse mohabbat krta hu.

' Main ne kitne armaano se apne dil ko behlaya hua tha,ke meri shadi hogi tw apne sare chote chote khwab apke sang poora karugi magar jb khwabo ke kanch toot kr dil mai chubhte hain tw uska khoon behta hua rooh mai utar bhigo deta hay aur geelepan ke bojh tale rooh dab jati hay,saans lena nagawar hojata hay... Magar ap kahan smjho ge,ye tw acha hi hua ke main ap se... '

Wo kuch kehte huay ruk gyi,Khuda jane kya mehsus kr rhi thi wo.

Magar mjhe ye sab sahi krna tha ab mjhe uthna hoga,ankhein kholne ki koshish ek bar phir se bharpur taqat ke sath krna chahi... Nadarat... Main haar gya.

************************************

Ammi jaan!!

Kya hua betaa aj jaldi agayeen tum,baji ne koi extra sabaq nahi dya kya?

Nahi ammi jaan,main ne apko btaya tha na ke main apni dost ke yahan kja rhi hu.Bus wahi se arahi hu.

Mjhe ap se ek baat krni hay...

Abhi tum araam karo thak kr chehra dekho kesa zard par gya hay,shadi mai srf kuch hi mahine rehte hain.Beta khyal rkha kro apna,aur ab tw tm shadi ke laiq bhi hogyi ho... Kaash tumhare bhai jan hote,wo yaqeenan tmhari shadi pr boht khush hota aur Chief sahab se special ek do din ki extra chuttiyan le kr ek do hafte ke liye aata...

Acha ammi ye btayain khane mai kya paka hay,mjhe boht bhook lgrhi hay?

( Main janti thi ke agar maine bhayya ki mohabbat main bezabt ansoo ko jari hone dya tw wo beqabu hojayegi aur ye main nahi chahti thi )

************************************

Kya main apki beti se nikah kr skta hu?

Main Huzbaan ko mere ghar mai,ammi se baat krte huay dekh kr ek dum chonk gyi.Sajid se narazgi ke baad maine na unse baat ki thi aur na Huzbaan se mili thi.

Aur Huzbaan ke bare mai ammi ko kuch maloom bhi nahi tha.

Danish bhai sath mai khrre thay aur unke chehre pe ajeeb tarah ka sukun tha,mjhe smajh nahi araha tha ke akhir majra kya hay!